Kaufberatung Android Handy

[damian]

Will mer bim iPhone d'Sprachstüürig nöd chan abschalte (ussert mit Jailbreak wo aber uf moim System nümm funktioniert) bruch ich es Android Handy, sust wird mis Handy wiiterhin mehrmals pro wuche irgendwelche Lüüt aalüte wos meint dä Name devo ghört zha. Drum mini Frag:

Gits öppis z'beachte bi Android Handys? ISch alles dä gliich scheiss oder gits unterschied i dä software druf?
Ich möcht möglichst wenig apps benutze und möglichst eifach dä apps chöne verbüüte sich bi mir bemerkbar zmache.
Ussertdem wärs guet wänns möglichst lang unterstützt wird vom Hersteller (das isch ja amel recht unterschiedlich?)
Und en guete Akku und Dual Sim wär au guet.

Wämmer no AMOLD display will gits no genau 2 uswahle: samsung und wiko (no nioe ghört). Gits irgenden grund wieso mer samsung mit gfühlte 99% marktateil söll dä noname firma vorzieh?

Bitte gebt euren Senf. Danke!

[Xinobrax2]

Android isch nid gleich Android. Jede Hersteller bastled sich selber was zeme. Das chönd entweder nur einzelni Apps oder aber au grad en eigni Bedienoberflächi wie z.B. im Fall vo Samsung si. Es schlanks Android hesch z.B. bi de Nexus Grät. Das sind die wo Google sich ussuecht um di neuschte Android Versione z Teste. D Hersteller vo dene Nexus Grät wechsled regelmässig. S aktuelle Nexus wird glaubs vo Motorola produziert...

Alternativ chasch aber au eifach selber es ROM druff flashe. Z.B. es Cyanogenmod. Das isch ebefalls es baisc Android mit es paar Extras und ohni unnötige Schnickschnack.

Bi de Grät selber gits denn au no einigi Unterschied i de Hardware. Was zu dir passt muesch halt selber usefinde. Google het für das ersch grad vor wenige Täg e noiji Website gstartet: https://www.android.com/phones/whichphone/" onclick="window.open(this.href);return false;

[turntablism]

ich han mer für 79.90 je, es switelrock s4500d und es microschrott lumia im interdiscount gholt. beidi mit dual sim. warum x-hundert usgeh für es ifon oder samsung ?
finds ned schlecht di beide

[Acid]

Nimm nid es Huawei.

[damian]

Google het für das ersch grad vor wenige Täg e noiji Website gstartet: https://www.android.com/phones/whichphone/" onclick="window.open(this.href);return false;

Mini bedürfnis sind kei unnötigi scheisse, dual sim und es oled display. Chani alles nöd iistelle det. Scheissiite...

Samsung hät immer extrem verschisseni oberflächene. Fallt demfall au weg. Hm, was bliibt da no?

[Xinobrax2]

Chasch au ufeme Samsung Grät es Cyanogenmod installiere...spillt letztendlich kei Rolle...
Btw, wennt die "unnötigi scheisse" wie z.B. Games, Föteli & Web eh nid bruchsch. denn bruchsch doch au keis OLED Display. Verbirgt sich dehinter irgend e Logik oder isch das en rein psychologische Aspruch?

[Herr Rossi]

Chauf es Moto G und schiss uf Amoled

[damian]

moto g tönt guet, ich glaub ich chauf das.

selber system druf z'installiere isch mer z'ufwändig, kei ziit für so scheiss...

[damian]

s'moto g schiint d'luutsprecher sogar vorne zha, öppis wo apple bis hüt nonig gschafft hät...

[Jones]

leider hesch ka agab gmacht, wie gross dass es darf si. das würd d'uswahl ischränke.
samsung würdi o nid näh. isch pris/leistig öpä so beschisse wie apple...
bliebe einigi zur uswahl mit dine andere kriterie wo richtig günstig bechunnsch und trotzdem super grät si. aber äbe... je nach grössi...

[Jones]

Nimm nid es Huawei.

verzeu doch ke seich

[Marco_in_motion]

ich ha letscht jahr vo iphone4 uf samsung gwächslet, es galaxy s5.
Fazit isch s'Samsung spinnt nöd im züüg ume, isch gfühlt tuusig mal schnäller und isch wasserdicht (ischmer schomal z'guet cho, bsoffe in see gumpet)
de Akku isch nacheme Jahr nur no halb so zwäg wiä am Ahfang, dä chamer aber für 19.90.- ersetze. und ja es hätt jeenes stuff druff woni überhaupt nöd bruuche.
Fingerprint scan wo nöd bim erste mal funzt isch für mich useless.
de Screen gseht halt supi uus und d'Fötteli wo mer macht ebe au. Wänn mir das abliiht wirdi wieder es samsung näh wänn bis dänn nüt Bahnbrächend anders usechunnt.
Hett damals aber fast es google nexus gnoh.

[Acid]

Nimm nid es Huawei.

verzeu doch ke seich

machi au nid!

[Acid]

Nimm nid es Huawei.

verzeu doch ke seich

machi au nid!

[Jones]

doch äbe scho...

[Acid]

Bisch eifach wieder chli am umätrollä oder was lauft eigentlich?

[XYBOT]

Samsung sind di einzige wo d main controlls extern hend, was en riise vorteil isch, susch verlürsch scho mal 10% vom schirm

[Herr Rossi]

Was ja e riise Verluscht isch bi de lächerlich grosse Screens hützutags...
Ironie off

[Jones]

Vor allem isches e Witz. Dr screen wird ja bi glich grossem grät o chliner wenn buttons unterhalb em screen si... lol

[damian]

Ich han etz äs Moto G kauft. Ganz guets priis/leistigs verhältnis. Aber:

Es laht sich im Android nöd iistelle, dass di eint Sim-Charte anderi Nicht-Stören Iistellige hät als di ander. Es isch also nöd möglich uf dä einte Charte i dä nacht aarüef zuezla und uf dä andere nöd. Ich chan mer ächt kei grundlegenderi Funktion für 2 SIM charte vorstelle als die. Wieso fehlt das? Sind alli handyhersteller geistig behinderet oder was? :typej:

[Xinobrax2]

Ich han gmeint bi dene DualSIM Grät chengi sowiso immer nur eini vo beidne aktiv si, nid? De spills doch au kei Rolle wele Modi grad drin isch...oder verstani was falsch?

[Herr Rossi]

Chasch nid eifach da inn eini deaktiviere?



Gid sicher es Schnellwahlicon defür für de Startbildschirm

[damian]

ja, ich glaub so muesis mache. merci.