Neue TV chaufe 29039029029

[BrainBug]

i han mir etz de B6 in 65 bstellt! de Pries isch zu verlockend gsi..
eifach so wills mer langwielig gsi isch
de Panasonic phalti oder giben, weissi noned!

[TypeJ]

Es isch sogar de 65E6V worde will de Shop en Bock gschosse hed! Geil

[TypeJ]

Wieviu hesch zahlt & wo? Finde die 3'200 immer no chly viu...

Edit: DIBS falls ne verchoufsch!

2999.- wärer gsi
Etz isches de E6 worde..3650.-

[TypeJ]

sodeli, 2 Öbed hani etz diverses teschted und teils direkt nebed em Pana laufe loh zum würklich chöne vergliche!

Fazit: de OLED isch würklich, würklich sehr geil, do isch LG zume faire Pries es absoluts Highlight glunge!

Teschtufbau:
- Quelle: Samsung K8500 UHD BD Player
- Denon X3300W Reciever
Film: Interstellar BD, The Revenant UHD BD

Panasonic 65DXW904, UHD Premium Zertifizierig, Full Array Backlight mit 512 Zonen, aktuell für under 3k CHF zha, vor eme Jahr über 5k
Tops:
- superbe Verarbeitig
- extremi Lüchtpower mit bis zu 1400Nits
- sehr guete Kontrast mit 512 Dimming Zone
- superbi Farbwiedergob
- Firefox OS, sehr schnell, als Panasonic Jünger au eifach zum Bediene, jedoch sehr altbacke im Design
- extrem guete Sound und völlig usreichend weme keis Heimkino will

Flops:
- 6 Lüfter wome durchus ghört weme lieslig TV luegt, im Kino oder Gamebetrieb jedoch vernachlässigbar

LG 65E6V, UHD Premium Zertifizierig, aktuell um 4k CHF
- superbe Verarbeitig, gsehd extrem schick us mit em Glaspanel
- extreme Kontrascht durch OLED Technik
- gueti Farbwiedergob
- Web OS3.0 isch superb, extrem schnell und sehr intuitiv!
- guete Sound durch d'Harmann Soundbar weme keis Homekino will

Flops:
- ABL Effekt, weme s'Istelle NID im Griff het, denn wird de ABL Effekt für gwüssi Lüüt sehr störend sich uswirke!
Ihr lueged es Skirenne, Kamera isch uf s'Starthüsli grichtet und schwenkt denn mit em Fahrer voll uf Pischte, de wiess Ateil stiegt starch ah und somit tritt de ABL Effekt uf, de TV regled instant d'Helligkeit extrem zrugg, de Schnee wird dunkler und grauer..IGITT
das kriegt me mit korrekte Istellige in Griff, dodezue mues me sich aber id Materie ilese oder besser gad Kalibriere

Idrück:
- De Panasonic macht en super Job bim Kontrascht dank FALD Technik mit 512 Dimming Zone aber es isch und bliebt en LCD mit Backlight. Sind wenigi, chlini helli Objekt uf schwarzem Undergrund (s'Ladezeiche bi Uncharted oder NiOh oder en Abspann bime Film mit wiesser Schrift oder en Sternehimmel bi Interstellar), denn gids ums helle Objekt ume en liechte Liechthof wie weme id Sunne luegt und rund herum en helle Ring sieht.
Das fallt nur sehr sporadisch uf, do meischtens ned 99% vom Schirm dunkel sind!
De LG macht das natürlich besser, jede Stern lüchtet eso wie sich de Regisseur das vorstellt! Rundherum lüchtet NIX!
- D'Helligkeit, vorallem im HDR Betrieb (Gaming und UHD BD) isch d'Stärchi vom Panasonic, do blosst er de LG richtig wegg! für mich es Problem, do ich 1 Jahr mit em Pana gluegt han und mich etz anes "dunklers" Bild zerscht mues gwöhne! de LG isch ned dunkel, er isch sicher dopplet so hell wie en Plasma aber er het KEIN Stich gege de Pana!
- Bewegtbilddarstellig chan de Pana nur durchschnittlich! im TV Betrieb (vode Horizonbox) ischer teils mit em schlechte Signal überforderet und generiert Mosaik und Stotterer, aber nur vereinzelt! je besser Quelle isch, desto weniger Problem! Wer de Opera Soap Effekt grusig findt, den chratzt das Null, d'24P Wiedergab macht er PERFEKT!
de LG macht das sensationell! Het ned denkt das ich das mal sege aber LG macht das sit 2016 besser als Sony.
es gid 3 Grundistellige oder me chan Schärfig und de Blureffekt unabhängig istelle! oder ebe true 24p Mode! Extrem guet! Bide Vorgänger isch das na en riese Schwachpunkt gsi!!

Fazit:
ich phalte de OLED, de Pana isch bereits weg und en guete Kolleg het etz riese Freud und das zurecht! im Budget bis 2900.- chan ich de eu meh als as Herz lege, fantastisches Grät zume sehr guete Pries!!!
de OLED isch namal 1 Stufe besser im Bereich schwarz und Motion Control, het i Sache Helligkeit jedoch klar s'Nachsehe!
igstellt hanen etz sehr guet, kalibriere wird ich ihn au na mit em Spyder!

wer Hilf oder Tipps brucht zude Istellige chan gern froge

[Master(G)]

chum zu mir und tue mine OLED istelle/kalibriere!

das mit de helligkeitsaberegulierig merk ich alligs, bim helle ladebildschirme wie bim zelda z.b.... wär mir lieber, wenn er ned automatisch aberegle würd. chamer das uustelle?

[TypeJ]

me chas ISTELLE, ned usstelle
lieht a dine Istellige!

Kalibriere chömmer gern mal, dured aber paar Stund, de muesch Pizza und Bier springe loh, de chumi mal!

aber do mal Istellige wos guet in Griff bechunsch!

TV Mode:
Modus: isf Experte dunkel
OLED Licht: 60
Helligkeit: 50
V Schärfe: 10
Farbton: 0
Super Res: aus
Farbumfang: normal
Temp: warm 2
MPEG Rauschunterdrückung: aus
Format: 16:9 mit Just Scan aktiv
Dynamischer Kontrast: aus
Kontrast: 98
H Schärfe: 10
Farbtiefe: 44
Gamma: 2.2
Kantenschärfer: aus
Schwarzwert: niedrig
Rauschunterdrückung: aus
True Motion: nach dim gusto

das isch zum BD luege sehr guet!

Gamemode:
alli Helferlis aus!
OLED Licht: 90
Kontrascht: 51 (nid über 55 wegem ABL Effekt)
Helligkeit: je nach Gusto, nid über 60
Farbton: warm 1 (isch chüeler als warm 2) oder halt kalt
Gamma: je nach Gusto
Schwarzwert: niedrig
TrueMotion: aus

probiersch mal!
de ABL Effekt GANZ weg wirsch im Gamemode ned anebringe, will so wiesi Ladebildschirm isch eifach ned eso es OLED Ding!
Im HDR Mode isches namal extremer!

de ABL Effekt tuesch beiflusse durch Kombo Istellige vo OLED Licht, Kontrascht und Helligkeit

das brucht viel pröble! Seriestreuig isch au es Thema

[Master(G)]

danke, ich probier die istellige mal...

pizza und bier würdi übrigens au suscht mal springe la, wenn wieder mal willsch verbi cho.. eifach so... zum spass!

[mr.raw]

jetz no bitte die optimale iistellig für mi Panasonic... und i bringe e kischte bier mit ad GN
er hett drum langsam aber sicher en grüenstich

[TypeJ]

do ich kein Plasma me han chani dir leider ned helfe sorry...
wenn der d'Farbe devo laufed chäntischen kalibriere aber obs no anebringsch isch die ander Frog!

[Astroboy]

Was isch eigch los mit dr Verfüegbarkeit vom LG65B6V. Überall 2-4 Wuche, sit längerem. Hei sie ne eifach nid im Lager oder verchouft er sech so guet? Wenn letzteres dr Fall wär, de sött eigch ömu dr Priis wenigstens chly gheie. Für mi ligt er ersch drin, wener uf 2'500 abe isch...

[nnap]

M-elektronik hätt doch grad dä E für 2400.--

[Astroboy]

In 65er-Version? Online chani ds Produkt leider nid ufrüefe..

[nnap]

Nei, 55er.

[BrainBug]

LG B6 einstellunge vom creepy dave:


Quelle

[Astroboy]

Füre LG 65B6:
https://www.interdiscount.ch/idshop/pro ... detail.jsf" onclick="window.open(this.href);return false;

No paar Minute für 2700.-, guter Preis. HDMI 2.1 wird i de nächste 12-24 Mönet eh no kes Thema. S'chunnt ize de d'Siebner-Reihe, me chönnt also druf spekuliere, dass dr B6 no witer gheit im Priis. So oder so, für mi derzyt leider eh no kes Thema finanziell.

[BrainBug]

wenn mer en scorpio kaufen wollt oder pc spiele am TV, würd ich schon noch auf HDMI 2.1 warte (freesync ma friend)

[grappagott]

Demfall isch de LG OLED55B6V momentan DAS Grät?

würd ich meine, ja!

im melectronics jetzt für ned mal 2.200.-
das isch nomal en hunderter weniger als ich vor 1 wuche zahlt han!

Jetzt no 1699.- im melectronics, aktion bis 8.5.!

[Jones]

Wenn scho 65 Zoll... lol

[Master(G)]

je nachdem wo du sitzisch.
im wohnzimmer chas eigentlich nie gross gnueg si.
im gamezimmer mit 1.5m abstand isch 55 scho ade gränze.

Jetzt no 1699.- im melectronics, aktion bis 8.5.!

krass! super priis!
chönti ja fascht no en zweite chaufe für näbedra

[grappagott]

es het solangs het...

[mr.raw]

krass wie die Priise falle!!!
argh...! auch haben will!

[Master(G)]

https://www.brack.ch/samsung-tv-ue70ku6070uxzg-424211" onclick="window.open(this.href);return false;

Samsung TV UE70KU6070UXZG

70 Zoll (!) für läppischi 1.299.-

[Jones]

krass... aber gloub dä tv möchti nid...

[TypeJ]

keine möcht de, ussert me isch blind oder het kei asprüch

[Jones]

Ja guet... Blind nid grad. 90% vo de tv chäufer hei nid so asprüch u für die isch das e super deal. D'hersteller mache mit dene 90% bitz meh geld als mit de paar freaks... lol