Welchen Film oder welche Serie hast du gerade gesehen?

[abyss]

Ja i bruche ou nid hyperschnell abghandlete Transformer Superhero Scheiss, aber mängisch isch chlei Würze halt ou nid schlecht. Es müüh. Süsch wirds halt faad. Ömu für mi. Aber zum Glück isch d Ana de Armas derbi gsi...

[Vyse]

Finde, es isch au extrem stimmigsabhängig. Mängisch isch me gar nöd so uufnahmefähig für stilli Film.
Jedefalls, ich finde zwüsched The Abyss (lol) und Underwater chonnt dä Underschied guet zur Gältig. The Abyss isch eigentlich rächt langsam, me faht sich als Zueschauer i däre Wält ah orientiere, me chonnt ah. Underwater hingäge wär grundsätzlich mega cool aber als Zueschauer befindet me sich ständig "usserhalb" vom Film wäg em zu höche Tempo.

Wie au immer. Dune Trailer findi jetz bitz mässig aber Film wird glaubs scho ok.

[Mastler(P)]

du seisch vill guets vysi.
ich mag em verhoeven sini film sehr, aber ich wött für dune au eher eini wo sich ziit nimmt dwelt richtig vorzstelle und detailiert uszschmücke und vom tempo her döfsch schön langsam afah und geg dä schluss action lastiger werde.

[abyss]

Das mitem Verhoeven isch ou nid ganz Ernst gsi. Dr Trailer hettmi itz ono nid so gflasht, aber i gloub dr Film wird sicher guet. Scho nume di Würm... Ahh, und Dr Abyss isch scho ganz edli Kost! Chani immer wider gugge. Alien 1 und z 3 si ja ou recht langsami Filme. Trotzdem nid langwilig. D Stimmig mues halt „stimmig“ und griffbar si.

[thaeye]

dorehedoro (anime) wtf

[Mastler(P)]

dorehedoro (anime) wtf

gseht geil us. mmh, gyoza.

[Vyse]

Dune, 1984 5/10
Sorry, aber dä Film isch eifach nöd guet. Han au kein Nostalgiebrülle, da en nie als Goof gseh han. dStory wär guet aber dCharaktere sind all huere flach und total uncharismatisch (bsunders dHarkonnen). Visuell ischr au rächt querbeet. Teilwiis rächt guet aber i dä Details mega schwach, gwüssi Objäkt gwagglet und sind nöd richtig uusgarbeitet, dEffäkt würked hüüfig chli härepatscht. Dä Villeneuve Dune wird bestimmt besser.

[turntablism]

battle star galactica (film)
han en besser in erinnerig gha.

[The Sheep]

The Boys [S02E04]
change back, Doppelganger!!

Die Serie isch so mega. Würd die zweit Staffle grad durebinge wenn i chönnt

[Herr Rossi]

Ha grad die erschte 3 Episode vo High Score gluegt. Gfallt mer unerwarteterwiis no recht guet. De Ufbau von de Episode, de Sound, d Interviews etc.

Bis jetzt 8/10

[Mastler(P)]

gwüssi Objäkt gwagglet und sind nöd richtig uusgarbeitet

zb?

[Vyse]

Die huere Kampfmaschine am Ahfang, wo uus dä Decki fahrt oder i einere Szene macht er irgend en Art vo Buech uuf, es sind eifach Kartonquadrätli uufkläbt uuf irgend eme Stoff, hät huere billig gwürkt. Wie gseit, gwüssi Sache sind grossartig anderi rächt billig.

[Mastler(P)]

geil, muess nomal luege. aber ich finds design geiler als im trailer vom neue. dä alt gseht irgendwie exotischer/spezieller us. dä neu generischer.

[Master(G)]

The Americans (Serie)

...season 1 dure binged am weekend. finds also rächt guet so! 5 seasons to go! haha.. shit...

bis jetzt 7/10

[The Sheep]

Han grad "That 70's show" ("Die wilden Siebziger", für die wos nur uf dütsch kenne) wele witerluege uf Netflix. Isch nüm ume. eifach glöscht. Mitte in Staffle 7 bini gseh. Ärgeret mi gar nit
So chamer sis Programm natürlich au reinwäsche. Nit nur laufend neue "politisch korräkte" Müll produziere, sondern glichzitig Filme und Serie mit "veraltete Gsellschaftsbilder" useschmeisse.

[Mastler(P)]

logo, aber dänn friends lizenz für paar mios erneuere.
naja, wenns dlüht lueged..

[The Sheep]

Uncut Gems (9.2/10)

de Schluss

[Mastler(P)]

hörr uf man, dä schluss hät mich gfiggt. er hät sich voll bewiese und denn das..

[The Sheep]

Das isch ebe das wo ich an de Safdie Brothers no mag. Es goht nit um Moral. Gwüssi Sache passieret eifach andersch als mer erwartet. Wie im Läbe halt

Zb de Stress woner gha het, nachdem er dem schwarze Basketballer und sine Ghetto Kollege de extrem wärtvolli Stei usglehnt het. Sie bringet de Stei wie erwartet natürlich nit zruck, und ab denn gseht alles für ihn so us als hätte sie ihn verarscht. Als Zueschauer stressisch voll mit ihm mit, will ohni de Stei ischer am Arsch. Und die ununterbroche luti Musik als Spiegel vo sim emotionale Zueschtand bhaltet de Stresslevel natürlich konschtant obe. Und später bringets de Stei doch zruck, als wär nüt gseh. Und das sind so Szene wo de Film so natürlich mache, will mer sie ebe in ähnlicher Form au scho sälber erläbt und gfühlt het und sich im Nachhinein gschämt het für sini Vorurteil. Es schöns Lehrstück in Antirassismus, wo mir mol nit uf de Sack goht, wills nit bevormundend wirkt, und wil de Film nit eisitig isch in der Art, wie er mit Erwartige vom Zueschauer umgoht.

Und de Adam Sandler het würki guet gspielt. Han oft gmeint, ich gseh de Al Pacino

Jetzt wartet no "Heaven Knows What" uf mi , dr erscht und vorerscht letschti Safdie Spielfilm. Schad händs nonig mehr gmacht

[mr.raw]

Die neu Dokuserie übers Zocke uf Netflix. Eifach nur geil!

High Score 9/10


Quelle

DFolg um de 16-Bit Krieg hett guet aagfange, isch aber unterem Strich nid soooo tiefgründig gsi. Hett mi enttüscht. Au dfolg ums Beat em up Genre isch ziemmli schwach gsi. Ha no 10 min zum luege und hoffe SCHWER, dass SNK erwähnt wird.

[onion]

isch chli doof gmacht aber het zum glück immer wieder super anekdote. wie de hawkins wo extra mit em madden isch go zug fahre zum madden für e apple entwickle
genie.

wenns um beat em ups gaht lieber de anime HIGH SCORE GIRL uf netflix luege, eifach super.

[feeshlee]

mörder on the orient express: 7/10 nett
social dilemma: 8/10: bewiest mir mal wieder, dass paar wenigi (nöd unbedingt gschiidi) zimli viel tummi bruchet, zum chöle mache. besorgniserregend, dass es so viel tummi hät, dass dä 'impäct' mittlerwile nöd vo dä hand chasch wiise.

[feeshlee]

wenns um beat em ups gaht lieber de anime HIGH SCORE GIRL uf netflix luege, eifach super.

dä isch würkli witzig.

[thaeye]

dragons dogma , 7/10

[Avenger]

mörder on the orient express: 7/10 nett

wele? Der 2017er? Denn passts.