Assassins Creed Shadows - Japan!!

[thaeye]

yasuke isch gay? aber den gits ja kei nachfolger und assassins creed isch fertig?

[zeromeier]

yasuke isch gay? aber den gits ja kei nachfolger und assassins creed isch fertig?

Päch gha

Gesendet von meinem motorola edge 50 fusion mit Tapatalk

[thaeye]

[thaeye]

okokokokok, im sale den mal. jetzt gnueg videos gseh. ubisoft churz awaltsschare agstellt

voice sooo schlecht. laeck du mir. meh ufgsetzte jap akzent gat nöm (besser uf jap spiele) , dialög im chatgpt stil gschriebe. und wieso werdet gsichtsanimatione immer schlechter? früher alles gscannt worde vo lüüt, hüt machts wahrschinlich AI.

und master: ich hoff me chan de supertolll wiiis effekt abstelle, stylisch hin oder her.

[Master(G)]

nei, de chamer ned abstelle

mer cha romänce, wer mer will. männli oder wiibli. oder gar niemer. wie in alle andere AC spiel au (wos kei sau interessiert hett). wie im BG3 (wo keine was degäge gha hett). es isch en OPTION sex zha. keis muss. und optione sind immer guet!

voice chamer uf japanisch stelle, wenn "engrish" ned guet findsch. es gitt en "immersive" audio mode. ich spieles übrigens so, ha Tsushima au scho uf japanisch gspielt

gsichter ide cut-scenes und im game sind 2 paar schueh. ide cutscenes händs e anderi in-engine, mit charakter modell mit sehr guete gsichtsanimatione und lippebewegige, womer gfühl/emotione richtig guet gseh. IM FALL!

die hate-community im internet seid au immer nur die halb wahrheit. people love to hate. aber was sölls.

ich spiel jetzt wiiter

PS: 10.5 stund und erst 30 minute vom Yasuke gseh. ich frög mich wenn de äntlich chunt!

[abyss]

Uf wellere Konsole spilsch? Ps5 Pro? Gseht dert am feinsten us?

[Master(G)]

jup, PS5 Pro. Quality-Mode. Isch grafisch scho en Systemseller das Spiel.

39 Stund hani scho gspielt und erst 2 Gebiet uf de Charte ufdeckt. Es Monsterspiel!
Cha chum höre, ich liebs des Todes

Wenn Ghost of Tsushima guet gfunde hesch, denn wird dier das also au gfalle.

da paar Shots woni gmacht ha:

[sidusson]

audiovisuel super, spilerisch leider absoluti katastrophe wie üblech bi ass creed... ewig düre wald ritte u nüt gseh wöus ds viu dickicht het... nüts entdecke, immer glichi missione.. copy paste aues.. schad.. dära isch super u zeigt wie gut japan i das thema passt, aber übel aues angere

[Master(G)]

das kampfsystem hett mich afänglich ned überzügt. aber ich has komplett ned checkt. jetzt, woni weiss, wie das funktioniert, findis ziemlich cool. mer darf eifach under kei umständ button-mäshe! combos macht mer mit pausene. das isch befremdlich und mer muss dri cho, aber wenns klick macht, isch es huere guet! vor allem mir em kusari-gama fägts. R2 druckt bhalte, denn loslah und bevor de bölle bim gägner isch R1 drucktbhalte, denn wicklet mer de gägner i und und chanen anezieh oder noimets abe wärfe. nur es biespiel. oder mit em schwert, wenn mer R1, R1, pause und R1 drucktbhalte machsch, gitts komplett neui moves. oder wenn L1 drucksch und denn erscht R1 oder R2. schwer zum erkläre. aber klever und bestraft alli, wo nume chönpfli drucket. mir gfallts.

was mich au überrascht hett:

- de Schnee schmilzt in realtime
- slice physics ähnlich mgs revengeance
- mer geht insekte im gras, hoigümper und chäfer und so shit, crazy.
- de trochni bode suugt wasser uf und es bildet sich pfütze mit raytracing. wenn mer de im schlamm lieht gits spure dri.
- de schönsti näbel ime videospiel ever!
- dass dlüüt anderi chleidr ah händ je nach jahresziit und anderi tier chömed unds verhalte vode tier. im frühelig sind viel am poppe
- neui questlines je nach jahresziit.
- bestimmti event wo nur znacht oder am tag passieret.
- mer chan iszäpfe mit em shuriken abschüsse zum gägner abklänke.
- brutalität hett mi überrascht: chöpf abhacke, ärm abschniide... gaht voll ab.
- physikbasierts bluet im wasser oder im schnee und ade wänd
- haar-physik
- s'wasser geht super us. lustigerwiise ned überall gliich guet (physics fählet in chline teich z.b.)
- mer chan saisons manuell umstelle, aber ned tagesziit (dumm, wenns es stealth-system mit liecht/schatte hett)
- 1 tag duuret 1 stund in real-time.
- solang mer ned fast-travelet, gitts au kein saison-change
- chleider händ sehr wenig clipping fähler, z.b. grad bi sache, wo z.b. übers schwert hinde hanget. clipts schwert ned dur chleider. etc.
- horse-armor animation und riitbewägig im allgemeine isch super gmacht.
- die schönste rösser ime spiel bis jetzt
- de yasuke chan ned guet chlättere und nur sehr langsam balanciere. sin leap-of-faith heiss "leap-of-fail" - kä witz!
- de yasuke isch zum erkunde für nüt (us dene gründ obe). aber wenn ime castle brachial ufruume willsch, ischer perfekt.
- mer chan d'hauptstory nur mit de naoe spiele. de yasuke isch total optional.
- es gitt 4 optionali sex-szene, 2 hetero, 2 gay
- mer chan verbündeti hässig mache und de sinds nüm im team. für immer weg! LOL
- automatisch zum markierte ziel riite chamer nüm
- mer chan waffe mit eme transmog system apasse. schwert: griff, handschutz, klinge und scheide separat! oder köcher, pfiil und boge separat.
- transmog für chleidig (gsicht, körper separat).
- mer chan unterschiedlichi pets dur streichle sammle fürd home-base
- ufeme zuegfrorne see chamer schlächt ränne (lustigi stürchelanimatione)
- mer chan ned jede NPC stealth-kille. wenns di bemerket, gitts teils au lustigi animatione.
- bosse trinket gärn mal en health-drink, wie de spieler au.
- cutscenes sind unterteilt in story-cutscenes und world-cutscenes, wobi story-cutscenes en anderi engine nutzet und viel besser usgsehnd als world-cutscenes.
- lip-syncing isch nume i de open world und world-cutscenes a die aktuell sprach apasst. nöd aber ide story-cutscenes, was komisch isch.
- wenn "wanted" bisch chömed spezielle super-samurais mit demon-maske und jaged dich
- ab eme gwüsse story fortschritt chömed ronin und jaged dich ide open world. die händ immer sehr viel gäld debi.
- de yasuke hett geili cosmetics wo mich an ghost of tsushima erinneret
- die japanisch sprachusgab isch meilewiit besser als dütsch oder englisch! sowiit ich das beurteile chan. emotione und so.


ich finds völli enstpannend und überhaupt ned langwiilig. 39 stund ufem tacho und freu hütt abig ufs wiiterspiele. dänke nonstop a das spiel

[Master(G)]

audiovisuel super, spilerisch leider absoluti katastrophe wie üblech bi ass creed... ewig düre wald ritte u nüt gseh wöus ds viu dickicht het... nüts entdecke, immer glichi missione.. copy paste aues.. schad.. dära isch super u zeigt wie gut japan i das thema passt, aber übel aues angere

was nüt zum entdecke ? es git trails (jump'n run), pfiilboge-challenges, tombs, castles, katas, meditations points, chlini detektiv-ufgabe, legendary-chests, animous-anomalie, sammelkram in tempel, versteckti bandite camps mit loot, mehreri verbrächer ring zum eliminiere, base-building (allei da hani sicher scho 10 stund gteckt lol) ... ganz zu schweigen vode people quests... überall gitts was ztue. "übel" würi das game also absolut ned bezeichne. isch ja eigentlich wie ghost of tsushima. genau gliich ufbaut, eifach meh vo allem. weiss ned was da übel sell si vieles isch ja au absolut optional. mach doch eifach nur story, wenns langwiilig und repetitiv findsch. story isch gnueg lang und guet inszeniert.

durs dickicht riite muesch ja au ned, wo laufsch du denn dure!? benutz doch de pathfinder ziel markiere wo ane willsch, denn links ufem digipad druckt bhalte zum aktiviere. führt dich ohni umwäg zum ziel.

[sidusson]

hei wes dir gfallt, super, ig finges würklech längwilig. ja es het side content.. aber me mues ja nid e tusigi vo m2 grossi wäut mache us när umestreue u copy paste

aber äbe, enjoy, ig finges leider nid dolle

[Master(G)]

ja danke, ich ghei alligs schier übere wenni spiele. bi würkli extrem happy!

schad gfallts dir ned. sowy!

[Master(G)]

finds cool, wie organisch mer uf side-quests stosst.

laufe so stuunend ab der schöne grafik dur es chlises fischer-dörfli und ghöre plötzlich es chliises chind brüehle wo mit ere alte frau argumentiert. ich lose us de distanz zue und merke, dass das chind offesichtlich kidnapped worde isch. woni mi de alte frau nöchere, wird die hässig und griift mich grad ah. ich kill sie und finde en hiwiis uf en verbrächer-ring us fraue, wo chind chlaut. denn gitts im missionsbildschirm en neue itrag mit 5 neue ziel-persone zum eliminiere, en verbrächerbandi vo fraue wo chind kidnapped und wo als "butterfly-gang" bekannt sind. sie markieret hüüser vo potentielle kandidate mit origami-butterflys us speziellem papier, papier wo nur vo eim händler in ganz osaka verchauft wird. spannend!

[Master(G)]

Photomode = Liebe!

[Master(G)]

scho crazy, was indirekti belüchtig bzw. RTGI usmacht. würkli nextgen was da abgaht uf de PS5 Pro. Bis jetzt bini ja vo de Pro nonig so überzügt gsi. AC Shadows ischs erste spiel woni dänke, dassi mini chole doch nöd in sand gsetzt han. Guet, PC-User mit zviel chole möget lache, aber für konsoleros isch das äbe scho sehr geil!

[Mr. Heli]

jez han ich mir hüt d ps5 version no bstellt, obwohl ich eigentlich no am suikoden 1 dra bin. wenns chli wie ghost of tsushima und rise of the ronin isch, was ja de fall schiint z si, denn wirds mir gfalle. obschon ich ebe die immer wiederkehrende missione scho chli schad gfunde han.

[Master(G)]

obschon ich ebe die immer wiederkehrende missione scho chli schad gfunde han.

gitt natürli au da repetition, logisch. aber nüt zwingends. es gitt gnueg haupt- und side-quests wo gueti gschichte verzellet. alles anderi isch nur zum fülle und für komplettiste da (also settig wie mich).

ich gnüsse das spiel richtig, ich will, dass es am liebschte gar nie fertig isch

grad geschter hani paar quests vom Yasuke gmacht und bin agnehm überrascht gsi, wie packend die gsi sind. Ich ha immer gseid, ich spiel "exklusiv" mit de Naoe. Paar quests muesch aber mit ihm spiele und das isch guet so, will mer merkt, was für en coole charakter de eigentlich isch.

Die Quest mit em Akechi vs Nobunaga und die ganzi Honno-ji Story isch mega gsi. Scho cool, wemmer bitz history und die kultur geil find und mit dene lüüt im spiel als ussesiiter ztue bechunt. chunt mer sich vor wie de anjin-san us shogun ich lies au immer all codex-iträg.

da no en screenshot usem Schloss vom Nobunaga:

[Mr. Heli]

obschon ich ebe die immer wiederkehrende missione scho chli schad gfunde han.

gitt natürli au da repetition, logisch. aber nüt zwingends. es gitt gnueg haupt- und side-quests wo gueti gschichte verzellet. alles anderi isch nur zum fülle und für komplettiste da (also settig wie mich).

bin kein completionist, aber han bide ghost uf tsushima and rise of the ronin au all sidequests gmacht gha und alles ufdeckt. v.a. im ghost of tsushima ischs halt scho sehr wiederkehrend gsi mit haiku, fuchs folge und co. es hetti eifach potenzial für meh gha zum entdecke und mache. has schad gfunde, dass dete nid meh abwechslig und möglichkeite gha hesch.

[sidusson]

wasmi ou extrem stört dasme fasch nüt me cha erchlättere, das isch e extreme rückschritt.. überau blibtme hange u cha fasch nüt ufechlättere, ämu ir natur..

u es isch definitiv viiiiu ds gross

[Master(G)]

bin kein completionist, aber han bide ghost uf tsushima and rise of the ronin au all sidequests gmacht gha und alles ufdeckt. v.a. im ghost of tsushima ischs halt scho sehr wiederkehrend gsi mit haiku, fuchs folge und co. es hetti eifach potenzial für meh gha zum entdecke und mache. has schad gfunde, dass dete nid meh abwechslig und möglichkeite gha hesch.

so ähnlich isch es au da. AC shadows hett 10 side activities. tempel (scrolls finde), shrine (bäte), kuji-kiri ninjutsu (QTs), katas (QTs), trails (jump-n-run/chlätter challenge), tier zeichne (aschliche), pfilboge-challenges (schüsse vom ross us), musik (für dini "flöte), Kofun (Höhle/Tombs erkunde für legendäri rüstig und waffe) und castles (quasi outposts wie im far cry, alli leader-samurai finde und kille). sguete isch, dass die all knowledge-points gänd. ich mach sie darum gern. au wenns mit de ziit sehr repetitiv isch.

side-quests gitts en tonne, wo aber erst mal ide wält finde muesch. das isch de clou. heisst dra here laufe meh oder weniger per zuefall. ich ha mittlerwiile soviel freigschalte, ich hätt nie dänkt, dass es so viel sind!

de neuscht woni grad geschter gfunde ha per zuefall isch en iga-vs-koga-ninja quest hani gfunde im wald ide iga region noimets. en holzfäller hett sich als koga-ninja leader entpuppt. geile fight gsi hätt mi grad a world heroes ufem neogeo erinneret. koga ninja und iga ninja. jetzt muessi 6 koga-ninjas finde und eliminiere.

[Master(G)]

wasmi ou extrem stört dasme fasch nüt me cha erchlättere, das isch e extreme rückschritt.. überau blibtme hange u cha fasch nüt ufechlättere, ämu ir natur..

das isch so. mer muess würkli alligs sehr guet luege womer sich festhebe chan. isch au nüm so markiert wie früener mit farb (usser ide trials und ussichtspünkt).

ich finds aber guet, dass mer nüm so chürz und quer dur die open world laufe muess bzw. chan. alles findet sich uf de wäg und pfad im spiel oder nur wenig absiits. und de pathfinder isch goldwärt. nutz ich sehr viel, darum hani au sehr wenig leerlauf. isch halt bitz entschlackt. uf de charte gsehnd wäg au viel länger us, als sie dänn in wirklichkeit sind findi. grossi wält aber kompakt. tue bitte de pathfinder nutze. oder grad de guided-mode (au wenni de nöd so geil find, ich sueche gärn mit mine scouts nach de zielobjekt). aber de guided mode führt eim halt würkli tubelisicher as ziel.


ah lueg, ich ha de Hattori Hanzo troffe!!

[thaeye]

[Master(G)]

https://staticctf.ubisoft.com/8aefmxkxp ... vfinal.pdf

Ubisoft gründet es neus Unternähme für ihri IPs Assassins Creed, Far Cry und Rainbow Six wobi 25% devo Tencent ghöret... Tencent zahlt defür 1.2 milliarde döllers.

Die neue Tochtergesellschaft wird Standorte in Montreal, Quebec, Barcelona, Sofia und weiteren Städten haben. Sie erhält von Ubisoft eine exklusive, weltweite und unbefristete Lizenz für die genannten Marken. Die Leitung übernimmt ein eigenes Management-Team mit Entscheidungsbefugnis in den Bereichen Entwicklung, Marketing und Vertrieb.

Tencent erhält neben der Beteiligung übliche Schutzrechte für Minderheitsaktionäre und Mitspracherechte bei wichtigen Entscheidungen. Ubisoft bleibt Mehrheitsgesellschafter und hält die operative Kontrolle. Die Transaktion soll bis Ende 2025 abgeschlossen sein, vorbehaltlich regulatorischer Genehmigungen.

[Mr. Heli]

so spiel hüt acho und über de mittag installiert, hüt abig chas losgah.

[Buccaneer]

Lol ubisoft