BBQ - Was machsch du alles?

[mr.raw]

Mol im Summer gmacht:

Römisches Fladebrot mit trocknete Tomate und Rosmarin --> gitt denn Bruscetta.


Bruscetta



Links obe: Teigwaresalat nach minere Art denn Teigwaresalat nach eme Rezäpt uss em Netz (wird unter "der prefekte Teigwarensalat" aaprise - no fein mit Chorizzo, Olive und anderem dinn - sehr mediteran), Maissalat, Herdöpfelsalat, gfüllti Piuz (krüter und Paprika), Gmüessspiess, marinierti Aubergine mit pikanter Tomatesauce, Bruscetta, Knoblibrot, Caprese.


D Aubergine...mit fiinblättrigem Basilikum


Knoblibrot (kenne es paari vo do inne)


Joooo, Hauptsach mampfe! Fascht alli Marinadene sinn sälber gmacht!


s Dessert darf natürlich nid fähle: Vanillecreme säuber gmacht...schön mit Kirsch parfumiert



u du?

[NERV]

Han no nie BBQ gmacht, han nöd mal en Grill.

[Shadow]

raw, super machsch das.... isch haue würscht und fleisch druf, fertig.... in bin untalentiert.

defür hani jetzt hunger ggrrrrrrr

[TypeJ]

es isch winter verdammt
gaht bi mir au i die richtig raw, bin amel recht experimentierfreudig!
grille=gott

aja, wichtig: en guete wii mues au dezue greicht werde

[Chäller]

holyshit...du raw: wo wohnsch du? Ich chum glaub mal verbii go ässe

[Acid]

hoppla schorsch... ganz en fiesä und zuglich super post, de erscht.

[mr.raw]

chäller?...a dr nöggschte GN wirdi sicher wieder gas gäh... ^^

[Jones]

schatte gib mir mi grill zrügg!
ha wieder e balkon sitem umzug und natürlech muess itz ume e grill ane wiu ig o im winter gärn fleisch isse!

[putzfrau]

mini grillsaison hört am 31.12. uf und fangt am 1.1. wieder aa. soöpis wie winter oder schlächts wätter kännt min grill ufem balkon nid.

[mr.raw]

bi mir genau gliich!
Winter?? paah!

[TypeJ]

im winter chunt min grill vode SIGG und het e steiplatte obedruff

[Sephi]

Holy... bi dem Topic bechumeni Luscht uf Gamenights! Mache nöchschtens mal es Topic uuf...

[mr.raw]

müesstisch hütt Obig zu mir kho...mini verlobti hett Geburri und ich darf für 4pers koche:
Rindsfilet mit Pfeffersauce und Morchlesauce
Härdöpfugratin
Teigware
Früschi Erbsli und Riebli und für mi no Käfe

Dessert:
Tiramisu und Kilchberger Schoggikueche mit Kerzli.

denn kömme no 12 fründe....gitt Blätterteiggebäck und Schinkegipfeli (alles säuber gmacht) als Apero mit ere feine bowle

[blackraini]

I stell glaubs ade GN z' Langethal 2 Grill füre raw uf

[mr.raw]

wär eigentlich kei schlächti Idee...
weiss drum nid, was ich söll mitbringe.
Tendier momentan uff min Racletteofe mit Steiplatte für Tischgrill. Mach i no es paar Söseli drzue.
Tischgrill

[Acid]

Ah ja, fascht vergässä... das passt eigentlich au i das Topic:


Quelle

Butter :typej:

[emP]

mini grillsaison hört am 31.12. uf und fangt am 1.1. wieder aa. soöpis wie winter oder schlächts wätter kännt min grill ufem balkon nid.

grill und balkon isch wie rennauto und 30er Zone

[putzfrau]

lieber das als trabi und rännschtrecki... elektrochocherli und gartesitzplatz, meini

[Chäller]

geile Grill!!