Kunstfleisch

[Sylvara]

http://www.spiegel.de/wissenschaft/mens ... 59,00.html

In labor züchtets Fleisch - me liest inzwüsche immer wieder dervo. wenns denn mal eso wiit isch, isch die gross fraag, ob sich dr Konsument laht lah überzüge. me mues glaub nid drüber diskutiere, um wievieles besser das nid nur für tier und die ganz umwelt vo dem planet wär, aber o für d'abaufraag i dr landwirtschaft zum bispil, u.a. wege wassermangel oder dass getreide für tier aabaut wird, obwohls die fläche für d'lüüt bruucht.

viel negatives weiss mer nonid, aber ebe: vorurteil (wie immer bi neuem).
mal agnooh züchtets fleisch wär gsundheitlich unbedenklich (uf gliicher stuufe), gschmacklich super und gliich tüür oder gar billiger: würdsch umstiige

ono e guete artikel: http://www.freitag.de/wissen/1032-satt-mit-kunstfleisch

wenn me bedenkt, dass indie oder china nonid annährend eso konsumieret, wie dr weste, wird eim schwindlig wenn mer ad zuekunft (und d'tier) denkt. es isch ja jetz scho übel....und da ganz ufhöre mit dem seich ja nie e option wird sii, denn vilicht e umstellig uf kunstfleisch? stimmt mich in dr theorie uf jede fall schomal hoffnigsvoll.

[derinderinderinderin]

Wie ufmerksami Forumsleser wüsse, verdrücke ig kei Fleisch, aber Kunschtfleisch würd ig mir gäh.

Und was no für den Gewinn isch:

Die Fleischstücke seien außerdem frei von Fett, Knochen, Knorpeln und Sehnen

[Sylvara]

es tönt so unglaublich viel besser, dass sich wie üblich jensti parteie in dr wirtschaft dergäge werdet sträube und soviel negativ-propaganda erzüge, wie irgend möglich. schliesslich verdiensch eifach weniger, wenns allne besser geit. und produkt mit weniger / ohni fett oder zucker ghö schomal garnid.

[putzfrau]

mal agnooh züchtets fleisch wär gsundheitlich unbedenklich (uf gliicher stuufe), gschmacklich super und gliich tüür oder gar billiger: würdsch umstiige

ich wür. mir gaats nid drum, dassi es tier iss...

uf jede fall wirdi probiere wännis mal noime gsee. ich ha no immer alles probiert...

[kraut]

we du chemisch (?) ke ungerschid chasch feschtstelle, wieso nid? findi super. würd sehr vili problem löse.

ds tagimagi het mal es interview mitem ray kurzweil gmacht woner o no öpis derzue gmeint het: lueg mal da

[Skeletor]

huere guät. dä nahrigsreplikator hämmer bald, aber d'enterprise isch nonig so wiit

[evo]

huere guät. dä nahrigsreplikator hämmer bald, aber d'enterprise isch nonig so wiit

und nintendo stellt ar nekschte E3 s holodeck vor!

[Skeletor]

s'ipad gsehtsch scho futuristischer us als all diä tablets wos bis jetzt in star trek zeiget händ.

teilwiis simmer dä ziit vorus!

aber es setzt sich alles stück für stück zämä.

[evo]

minority report


edit. lol hämmer jo au scho mit kinect

[Skeletor]

djapaner sind ja efangs au immer nöcher am Data!

[evo]

wenns no chli witerstrahlt sins au bald relativ nöch am ferengi

[Skeletor]

[zwirrlibatz]

ich würd vielech mal en biss probiere us reiner neugier wie bi so vielem.

Wie das Magazin "Geo-Wissen Ernährung" berichtet, konnte der Forscher nicht nur Muskelzellen von Schweinen, Rindern und Hühnern vervielfältigen, sondern auch von Kängurus, Walen oder Langusten. Bisher sei die Technik allerdings noch nicht ganz ausgereift - die Zellen verdoppeln sich nur alle zwei bis drei Tage.

isch ja krass.... aber öb de gschmack denn au würkli vergliichbar isch zum herkömmliche ? jedefalls gahts ine gueti richtig, kei frag. no besser wär wenn d'lüüt merke würde dass me eh gar kei fleisch bruucht. und so näbebii au wiedermal z'erwähne: fleisch ässe ohni's sälber töte = dumm.

[Vyse]

wörd!

Aber wette, es wird dGourmet-Fraktion proteschtiere, will dKonsischtänz oder dä Gschmack im Vergliich zum Orginal es paar mü abwiiche wird.
Die gliiche Idiote, wo Pelz no immer geil findet.

[Tatsujin]

L’aile ou la cuisse

[Schummelschumi]

gäbed dänn diä fleischproduziäralage au milch und legged eier?

[kraut]

gäbed dänn diä fleischproduziäralage au milch und legged eier?

[Schummelschumi]

[Acid]

Also ich glaub nid würklich dra.

Und finds eigentlich ziemlich pervers...

[zwirrlibatz]

Also ich glaub nid würklich dra.

Und finds eigentlich ziemlich pervers...

[Acid]

d Industrialisierig hed no niä zum wohlergehä vo de Natur bitreit... und Industrialisierig im grossä Stil hed si scho immer kabutt gmacht.
Fleisch us em Tank, isch au kei Zauberei... vo wo chömed z.B. all diä Rohstoff wos für d Herstellig brucht?

Ich glaub also nid drah dass das e Lösig chan sie, und sälbscht wens gschmacklich und vor Konsistenz an richtigs Fleisch herächämt, glaubi das s natürlichschtä Nahrigsmittel s beschti isch, und s unnatürlichschtä s schlächtischtä...

I minä Augä isch diä einzig sinnvoll Lösig dassmer eifach nid zvil Fleisch isst. Alles andere isch doch irgendwiä Humbug.

[Sylvara]

I minä Augä isch diä einzig sinnvoll Lösig dassmer eifach nid zvil Fleisch isst. Alles andere isch doch irgendwiä Humbug.

oder garnid. aber das isch nunmal utopisch, das chasch doch vergesse.
solang fleisch konsumiert wird isch tierhaltig es thema, und es wird immer die parteie ghä, wo meh zu billigere priis mache.
früener hei lüüt 80% vom budget fürs esse ussghä, hüt ischs irgendwo unter 20% odersowas, lächerlich.
aber die ganz entwicklig umkehre, und das uf dr ganze welt?

das mit de 'näbewürkige' und näbe-effekt vo synthetischem fleisch müesst mer natürlich aaluege, das weiss mer nonid.
aber grundsätzlich dergäge sii - mir esse scho jetz viel künstlichs. künstlich mues nid unbedingt schädlich sii.
es chunnt halt drufaa.

tatsach isch, dass wegcho vo (masse-)tierhaltig unendlich viel guets bewürkt, für alli. es isch schön und guet wenn schwiizer dervo rede, wie si ihres fleisch einisch ir wuche vom bio-puur hole: nur dass o bio-puure nid d'nachfraag vo dr ganze welt chöi abdecke und nie werde abdecke chönne (o nid nur einisch pro wuche).

[O_O]

tatsach isch, dass wegcho vo (masse-)tierhaltig unendlich viel guets bewürkt, für alli.

dä puur?

[Schummelschumi]

team acid (scho wider)


de acid gsehts genau wiä ich, super!

[Sylvara]

tatsach isch, dass wegcho vo (masse-)tierhaltig unendlich viel guets bewürkt, für alli.

dä puur?

es bruucht nach wie vor landwirtschaft. und no meh in zuekunft. und so einiges, wo zb. nid aabaut wird, will eifach kei platz meh da isch weg de ganze viecher.

und chasch ja mal 'eating animals läse'; da chunnt dr eint oder ander puur im detail zu wort und was er so vo masse-tierhaltig haltet.
es git puure und puure. und es richtet sich halt eifach vieli nach dr nachfraag. wenn sich da öppis änderet, heissts nid automatisch dass dr puur kei job meh het. puure hei (zmindest bi üüs) sehr viel meh funktione, als nur fleisch produktion.