The(G)Forum

Master(G) hat geschrieben:ich find guet, dass er mich verstaht. er gitt mir nöd nume es facepalm-smiley oder es dumms gif, sonder erchlärt, wiesos äbe evtl. doch no guet isch.
da chöntsch du dir en schiibe devo abschnitte herr vortex!

rolf, es isch alles scho vor dim möngiposcht i däm topic gstande aber du bisch zfuul gsi zum s'läse. schiibe abschniide LOL. säb gif passt perfekt.

de moff cha äbe au en anderi meinig akzeptiere, abgseh vo dem.
du anschienend nöd. schäbe schad.

ja klar um das isch es gange.

:gif:

bi mim "moff = super" primär äbe scho

Han geschter namal neu agfange, will ich bim erschte Versuech i de erschte paar Levels doch einiges ziemlich verhaue han. Jetzt spiel ich glaubs dänn je 1x guet und 1x weniger nett dure.

Und es zeigt sich ebe scho: Da steckt sehr viel vom Deus Ex und andere Spector-Grosstate drin. Halt underem Strich viel weniger komplex und facetteriich - me mues ja Zuegeständnis a s'verblödete Konsolepublikum mache. Aber im Gägesatz zum industrieüebliche Konsole-Dumbdown à la Bioware, Bethesda, Bungie & Co. (regenerating Health, Cutscene/lineare Levelabschnitt/Cutscene/lineare Levelabschnitt-Gameplay, max. 2 Waffe im Inventar, Analphabete-Dialogsystem, usw.) sind im Epic Mickey die wesentliche Spielelement absolut intakt: S'Spiel stellt eim kontinuierlich vor konkreti Problem, ohni das es eim die mögliche Lösige (immer Mehrzahl!!!) grad au no is Gsicht striicht. Sälbständigs Usprobiere isch stattdesse Pflicht (was i de hüttige Videospielwält ja scho fast es Wunder isch... also dass am Spieler die Fähigkeit überhaupt no zuetraut wird). Zuedem wird gründlichs Erforsche vom Level, wo über s'Löse vom grad aktive Hauptquest usegaht, au zuesätzlich belohnt (im Gremlin-Dorf i de erschte Wält han ich bim zweite Versuech z.B. en Abchürzig gfunde, wo ich bim erschte Mal total verpasst han).

S'Handling chönnt zwar besser si, es spielt sich tatsächlich chli wie es N64-Spieli und isch i gwüssne Bereich - wänn me mit de aktuelle Referenz, am Mario Galaxy 2, vergliicht - eifach nüme ganz uf de Höchi vo de Ziit (me gwöhnt sich aber dra und die manuell Kamera isch eigentlich nume z'langsam, susch wär's tiptop). Aber: D'Tatsach, dass mich das Spieli defür susch nöd wie de hinderletschti Idiot behandlet und mir nöd alles immer grad brav vorbuechstabiert, fallt da zmindescht für mich viel stärcher is Gwicht.

De Warren Spector isch en guete. Er macht no Spieli für die Lüüt, wo s'sälbständige Dänke nonig verlärnt händ

Verzell mal was so verpasst hesch das nomal agfange hesch.

I so spili hani eifach immer die konstanti angst öppis verpasst zha.

O_O hat geschrieben:Verzell mal was so verpasst hesch das nomal agfange hesch.

I so spili hani eifach immer die konstanti angst öppis verpasst zha.

jede. bi mir gohts teilwiis sogar fascht scho chli zwiit wili sone elände perfektionischt bi in söttige games... i speichere all sekunde und versuech alli wäg us und alli näbequests zlöse sodasses fascht schone krampf wird

O_O hat geschrieben:Verzell mal was so verpasst hesch das nomal agfange hesch.

I so spili hani eifach immer die konstanti angst öppis verpasst zha.

Wahrschinlich nöd viel Wichtigs, aber mir gaht's bi dene Spieli halt genau gliich. Ich han eifach de erschti Boss irrtümlicherwiis mit Thinner kabutt gmacht und es paar Levels chli zu schnäll duregspielt (mir isch nöd klar gsi, dass me jewiils a gwüssne Pünkt nüme zrugg chan) und drum de eint oder anderi Pin nöd gholt und eis, zwei Sidequests nüme chöne löse. Wo ich dänn no eis vo de Goofy-Teili verpasst gha han und s'Ersatzteili im Lade 1'000 Tickets gkoschtet hett (wo ich nöd gha han), hätt's mir glanget und ich han neu agfange

Ich han eigentlich mit em obere Posting nume welle säge, dass eim grad namal es paar Liechtli ufgönd, wänn me die erschte Levels es zweits mal spielt, nachdem me tschägget hätt, wie das Spieli ufbaut isch und funktioniert.

Isch im Grund gno genau glich wie damals bi mir bim Deus Ex: Anhand vo de Previews isch es "boah, hype hype, most wanted!" gsi und wo ich dänn mal in ere Beta-Version die erschte zwei Levels gspielt han, hätt's mich au nöd würklich vom Hocker ghaue. Und inzwüsche... naja:

ja de erscht boss hani au mitem thinner besiegt. ha nid checkt gha dases au anders gaht. spils aber glaub zersch mal düre zum luege wases überhaupt für en rugel spilt wenn mer wie was eso gmacht het.

ich glaube nöd, dass es en bsunders grosse rugel spielt usser dem upgrade womer grad nachem boss bechunnt und ev. eim vo 2 abspänn.
und d'pins bringed definitiv nüt, sind reine achievement ersatz, also ultra lame

bisch dure?

lang gahts nümme, aber chan drum na kei definitivi ussage mache

Gurgelhals hat geschrieben: Und inzwüsche... naja:

ich ha geshct zoobe vom inder e schöns OVP DeusEx und Shock 2 beko. hnmhnhnmh


welles solli zersch installiere?

Es füehlt sich tatsächli wie die beschte N64 Plattformers ah. Im Suprige wie au im mängisch bitz Ordinäre. Grad die mit Falle gspickte maschinebetriebne Förderbandwaggelplattformdampfdüsefabriklevels han ich mal öppe chli gseh.

Im Erschtrun mal ich mal immer alles ah. E paar Siiteufgabe han ich au verpasst und ein zwei roti Chischte au. Aber ich ziehn's mal dure. So wie ich's verstah isch d'Idee äbe nöd, dass me i eim Run alli Müglichkeite gseht will usprobiert sondern sich mehoderweniger ein Wäg suecht und dänn halt au Einiges verpasst. Dänn s'nöchscht Mal uf anderi Wäg und dänn vilech nomal... Ich blieb lieber uf einere Linie für de Spieli Guu.

De erscht Kobold han ich grad emal gopferet gha für e Chischte, sehr lol, dänn es anders mal - bim Moody - han ich's verpasst mich uf sini Chöschte z'amüsiere... Jetz chum ich dänn bald i Tomorrow City. Ah ja dütsch isch ok, isch mir vo früehner eh vertraut eso. Ich glaub ich bhalt sogar die Usgab.

Stüürig und Kamera ja, das chönnte beid einiges besser sii. Vorallem ufe/abe nöd umstelle chöne, ts....

http://www.eurogamer.net/articles/2010- ... key-review

härt

nach ca 4h spielziit gib ich dem i vielem rächt. aber ich han noni de punkt erreicht wo's offebar meh abgaht.

zwirrlibatz hat geschrieben:nach ca 4h spielziit gib ich dem i vielem rächt. aber ich han noni de punkt erreicht wo's offebar meh abgaht.

6/10 isch aber (zu) härt...

ich gib ihm i vielem rächt was er schriebt. er begründet sini wertig so au nachvollziehbar, au wemme nöd iiverstande isch.

also entweder het das spiel kei verschiedni ende oder es het mir s'guete endi geh obwohl ich immer bös gsi bin

schlussendlich bini doch nüme so begeisteret, es isch schlussendlich zu wenig muetig und zu wenig komplex. sicher es lohenswerts und interessants spiel wo au würklich guet isch, aber zum meisterwerk fehlt de letscht kick. es isch irgendwo dure chli z'belanglos.

ich han aber au glese, dass disney anschinend irgendwo während de entwicklig angscht vorem eigene muet becho het, eventuell gits i paar jahr mal en ehrliche kommentar vom spector zu dem thema.

spector=molyneux, han mir grad das video uf gamespot agluegt woner s spiel chli vorstellt, lol.

sry aber das spiel ja es haet es paar gueti asätz wird aber dur die schlimm kamera kaputt gmacht (unzähligi mal en wand agstarrt). au gumpe isch obermuehsam, wie de mickey en bese im arsch haet.

nah lustig mit de alternative lösigsweg, aber schiint mir nöd grad riesigi uswürkige zha uusert es paar quests meh oder ebe nöd. visuell isches nah en guete ride.

ich bin bald dure und meh als es 6/10 isch das nöd. haet guet chöne werde, leidr zvill welle und dur die nöd glückti stüürig vill vermasslet. die mischspieli jnr, bitzli rpg, moralischi entscheidige isch nöd so ufgange will jede bereich zwar generell verhebt aber leidr zum spieli doch eher en murks isch.

Ig ha weder mit dr Stürig no mit dr Kamero Problem gah. Weis nid was hie wieder umgemötzlet wird

Ig findes super. Interaktive Disney Trickfilm mit super Atmosphäre, motivierend, kurzwilig und witzig. Scho nume die Szene mit de chline, blaue Häsli isch eifach zviel

Super Spiel!

8/10 Pünkt hets mindeschtens verdient, Disney Fans dörfe ruhig no e Punkt derzuaddiere.

Genre-Fans greifen zu!

PlanetHarrieR hat geschrieben:Genre-Fans greifen zu!

Das ist die geilste Phrase von allen. Zustände bekomme ich da immer.

okami pinsel maler-genere