The(G)Forum

Verfasst: **24 Feb 2011 19:14**

alles klar.

wenn das, dänn nöd dieses.

genau eso chunnsch du mir ebe ine. schön hemmer öppis gmeinsam

ich mag mir nid lah vorschriibe, wenn, wo oder mit wem ich e film luege. vor allem wenn ich derfür zahle - wieso sött ich denn nid dürfe so aasprüch stelle wenns inzwüsche vielmeh möglichkeite git? ich find d'idee, dass sich dienstleistige nachem chund richtet, ebe nid eso komisch. mer cha nur verchaufe, was irgendöpper möcht ha. und o kunst und entertainment unterstöh genau dem gliiche prinzip.

aber wayne, es macht eh jede waser wott. ich gang jetz min RIFT ditschitl download ga mache.

Verfasst: **24 Feb 2011 19:35**

Sylvara hat geschrieben:
wenn das, dänn nöd dieses.
genau eso chunnsch du mir ebe ine.

ich han usschweifendscht genau s'gägeteil gschriebe.

Verfasst: **24 Feb 2011 19:37**

Sylvara hat geschrieben:ich mag mir nid lah vorschriibe, wenn, wo oder mit wem ich e film luege. vor allem wenn ich derfür zahle - wieso sött ich denn nid dürfe so aasprüch stelle wenns inzwüsche vielmeh möglichkeite git? ich find d'idee, dass sich dienstleistige nachem chund richtet, ebe nid eso komisch. mer cha nur verchaufe, was irgendöpper möcht ha. und o kunst und entertainment unterstöh genau dem gliiche prinzip.

Wünschenswert sind nach wie vor Freaks und Känner i iiflussriiche und entscheidende Positione i de Unterhaltigsindustrie. Sogenannti kompetänti A&R Lüüt bi Labels und Musig- und Filmredaktore a kulturelle Schaltpünkt. Sie suechet und betreueed Künschtler und Kunscht nach dene ihrem Wert und probiered, ihne es Publikum zuegänglich zmache bzw umgekehrt sogar ehner eigentlich. Falls es Publikum fähig isch, z'wüsche Bevormundig und Agebot underscheide z'chöne.

Verfasst: **25 Feb 2011 11:00**

Ich glaub eini vo de Hauptschwierigkeitä derä Frog Forderä/nid forderä isch de breiti Interpretationsspielrum.

Was diä säged, wo säged mer heigi nüt Zforderä, meined wahrschindlich nid, dasmer nid öpis forderä söt, sondern dass Tatsach, dass uf diä Forderigä nid igangä wird, kei Rächtfertigung fürs Chlauä si chan.

Und oft tönts ebä eso, au wenns nid unbedingt so gmeint isch (ich mein, nur scho de Titel vo derä Petition...).

Wobi dsa no wichtig isch:

zwirrlibatz hat geschrieben:... Agebot ...

Verfasst: **25 Feb 2011 12:08**

Piratlä tuen i sowiso. Sie würde mi efach als chund zrügggwinne wenn si das würde mache, oder wenigschtens asatzwiis. Wär äuä nit der einzig und gäg meh gäld hei si sicher nüt.

Verfasst: **25 Feb 2011 12:13**

Sylvara hat geschrieben:ich mag mir nid lah vorschriibe, wenn, wo oder mit wem ich e film luege. vor allem wenn ich derfür zahle

denn machs nid. du hesch aber deswäge kei recht s eifach abezlade z dörfe.

wenn ja so viil lüt kei dvd me wei chaufe oder is chino goh, würde die filmstudios jo alli verecke bzw. si müesste sich denn am neue markt apasse.

so funktioniert doch de markt nid? bi de musik industrie hets doch au me oder weniger klappt. wobi das isch es angers thema.

Verfasst: **25 Feb 2011 12:59**

O_O hat geschrieben:
Sylvara hat geschrieben:ich mag mir nid lah vorschriibe, wenn, wo oder mit wem ich e film luege. vor allem wenn ich derfür zahle
denn machs nid. du hesch aber deswäge kei recht s eifach abezlade z dörfe.

wenn ja so viil lüt kei dvd me wei chaufe oder is chino goh, würde die filmstudios jo alli verecke bzw. si müesste sich denn am neue markt apasse.

so funktioniert doch de markt nid? bi de musik industrie hets doch au me oder weniger klappt. wobi das isch es angers thema.

Was rechtens isch interessiert im Internetz so guet wie niemer.

Mir kenned nur die momentani Situation. Wer weiss wivil Labels / Bands / Studios / Regisseure usw. dasses hüt gäbt, wenn t Industrie früeh gnueg en Weg gfunde hetti zum die Abermillione vo illegale Downloads z'underbinde. Mer werdeds nie wüssä. Vilicht sind total innovativi und begeischterti Lüüt scho a de erschte Platte gschiitered well si nur abeglade worde isch, hend ihri Sach nöd chöne hauptbrueflich mache, hend t Chance vomene grosse Label nöd becho, well die zwenig Cash vörig gha hend. Mer werdeds nie so gnau wüssä.

Mer chönd no so lang drüber rede, wer s Rächt hät öpis z'fordere, wer wie de Priis dörf setze, wi vil besser s Kino isch oder inwiefern t Beratig im Lade wertvoll isch. Momentan werded eifach exterm viel Medie illegal konsumiert. Die vile Argument für t Industrie sind absolut zuetreffend, interessiered aber die Lüüt nöd, wos drum gaht. "DU DÖFSCH IMFALL NÜT FORDERE!!" - niemerd interessierts, denn ladets eifach wiiter illegal abe. So what - denn gahts halt wiiter wi ide letschte zäh Jahr, Tendenz richtig illegalem Download.

Ich finds guet, wenns Lüüt git wo en Konsens sueched, aber wenn die denn vo allne Siite es "du hesch nüt z'fordere bürschtli!" oder "Chaufs oder hau ab!", "Es isch guet wies isch!" "De ustusch im Kino isch mega super!" kassiered, mussmer sich au nöd wundere wenn sich nüt ade momentane Situation ändered, mir isch säb irgendwodure egal. Entweder mer isch a dene Millione vo Lüüt interessiert, wo es interesse ade Medie hend und sich momentan alles illegal bsorget, oder mer erfreut sich a anderne Sache.

Verfasst: **25 Feb 2011 14:07**

Ist schon eine gute Sache das. In unserer Gesellschaft hat sich ja leider tatsächlich die Vernunft verflüchtigt und jeder und jede (ja auch Frauen) haben je länger je mehr (eher mehr) das Gefühl er bzw. sie (es) müsse für Gegenstände oder Sachen (auch nicht materielle) nichts bezahlen. Und das Angebot ist wirklich riesig vor allem auf dem Internet für imaterielle Dienste und Sache, wo man (und Frau) einfach so ganz einfach bei diversen Portalen, also ich habe sie nicht getestet aber ist so, einfach so mit ein paar Klicks mit der Maus (oder dem Trackball) einfach so gratis bekommen kann. Ich finde in unserer Gratis-Gesellschaft wo Frau (und Mann natürlich auch) einfach immerzu das Gefühl hat für nichts (gar nichts) etwas bezahlen zu müssen, wenn es die Sache schliesslich auch gratis gibt, verflüchtigt sich wirklich die Vernunft. Denn bitte denkt vermehrt daran (also alle, auch du), dass jemand, der oder die etwas (es) herstellt, auch Geld dafür kriegen muss, den er (es) macht es (ihn) ja nicht gratis und Arbeit, Boden, Markt und Kapital sind schliesslich auch nicht gratis. Denn wer nichts verdient, der bzw. die (es) hört irgendeinmal auf zu existieren, weil sie sich (er und sie) einfach schlicht und einfach nichts mehr kaufen können, weil sie ja nicht verdienen, weil jeder das Gefühl hat, alles müsse gratis sein, wenn es gratis ist. Aus diesem Grund, finde ich den Vorschlag nicht schlecht auch wenn ich eigentlich finde, dass einfach jeder bezahlen sollte, für das, was er (es) und sie täglich konsumieren. Danke dir für deinen Einsatz!

Hier noch ein wertvoller Artikel zum Thema von meinen schönen Freunden (ja ich Liebe sie und schäme mich) im Mangoforum: http://www.mangaforum.ch/showthread.php?t=14731

Verfasst: **25 Feb 2011 14:18**

Guten Tag NERV. Kennen Sie Heinrich Poff? Der hat auch mal schönes geschrieben, vor vielen Jahren. Bei ihm ging es aber um Weichware von Winzigweich. Und ich bin schon gespannt wie das aussieht wenn sich jeder einen Makerbot leisten kann. Mal schauen was dann reales kopiert wird.

Verfasst: **25 Feb 2011 14:19**

noed mache mich staehle

Verfasst: **25 Feb 2011 14:36**

Avenger hat geschrieben:Guten Tag NERV. Kennen Sie Heinrich Poff? Der hat auch mal schönes geschrieben, vor vielen Jahren. Bei ihm ging es aber um Weichware von Winzigweich. Und ich bin schon gespannt wie das aussieht wenn sich jeder einen Makerbot leisten kann. Mal schauen was dann reales kopiert wird.

Hallo

Danke für deine rasche Eingabe deiner These. Leider kenne ich den Herrn Poff nicht. Ich kenne jedoch die Honig Puffs von der Migros. Die sind sehr fein. Vor allem mit Milch (Bio) und mit Honig. Jedoch habe ich sie bisher immer nur mit Milch und ohne Honig genossen. Aber eigentlich heissen sie ja Honig Puffs und nicht Milch Poffs eh Puffs. Vielleicht sollte ich die Honig Puffs einmal mit Milch probieren, damit ich ihrem Namen gerecht werde. Leider mag ich Honig nicht so gerne und kenne mich viel zu wenig aus mit Honig Poffs eh Honig Puffs mit Honig denn ich esse sie wie geschrieben nur mit Milch. Ich weiss auch nicht, wie es die Schweiz so mit dem Honig hat und der Honig für die Honig Puffs vielleicht sogar importiert wird und das wäre mir dann doch ganz und gar nicht recht. Denn ich will meine Puffs zwar auch gerne einmal mit Honig und nicht nur mit Milch einnehmen, damit ich dem Namen der Honig Poffs eh Puffs auch gerecht werde aber schliesslich auch nur, wenn der Honig nicht aus dem Ausland kommt. Den die Honig Puffs, die ich immer ohne Poffs eh Honig einnehme, werden schliesslich auch in der schönen Schweiz hergestellt. Glaube ich.

Gruss und in voller Leidenschaft

Herr Hans Heinrich Hase

Verfasst: **25 Feb 2011 14:42**

Naja Nerv, weisch, ich finds grundsätzlich guet, dass du für meh Authentizität und Ernschthaftigkeit im (G) iistahsch, aber uf de andere Siite bisch au recht inkonsequent.

Verfasst: **25 Feb 2011 14:43**

G-ay-lien hat geschrieben:Naja Nerv, weisch, ich finds grundsätzlich guet, dass du für meh Authentizität und Ernschthaftigkeit im (G) iistahsch, aber uf de andere Siite bisch au recht inkonsequent.

Wosch mich afigge du geili Sau? Muesch nume säge und ich freu mich mega!

Verfasst: **25 Feb 2011 14:45**

NERV hat geschrieben:
G-ay-lien hat geschrieben:Naja Nerv, weisch, ich finds grundsätzlich guet, dass du für meh Authentizität und Ernschthaftigkeit im (G) iistahsch, aber uf de andere Siite bisch au recht inkonsequent.
Wosch mich afigge du geili Sau? Muesch nume säge und ich freu mich mega!

Gar nöd. Ich finds nur chli komisch.

Verfasst: **25 Feb 2011 14:47**

G-ay-lien hat geschrieben:
NERV hat geschrieben:
G-ay-lien hat geschrieben:Naja Nerv, weisch, ich finds grundsätzlich guet, dass du für meh Authentizität und Ernschthaftigkeit im (G) iistahsch, aber uf de andere Siite bisch au recht inkonsequent.
Wosch mich afigge du geili Sau? Muesch nume säge und ich freu mich mega!
Gar nöd. Ich finds nur chli komisch.

Ich kann nichts dafür. Ich wurde so gemacht. Hier noch mein Lebensmotto:

Ein Kobold hüpft von Ast zu Ast, bis im ein Ast ins Arschloch passt.

In dem Sinne

Einen wohlwolligen hilben Hinech.

Verfasst: **25 Feb 2011 15:20**

Ah sali. It's Fritig.

Verfasst: **25 Feb 2011 15:32**

NERV hat geschrieben: Ein Kobold hüpft von Ast zu Ast, bis im ein Ast ins Arschloch passt.

Verfasst: **27 Feb 2011 01:38**

meo hat geschrieben:Piratlä tuen i sowiso. Sie würde mi efach als chund zrügggwinne wenn si das würde mache, oder wenigschtens asatzwiis. Wär äuä nit der einzig und gäg meh gäld hei si sicher nüt.

Ich glaub s Problem wo gwüssi Lüt i dem Topic hend isch im grundgnoh weniger mit de Vorschläg an sich, wo weder neu no entsprächend interessant oder gschid wäred und ar "INDUSTRIE", wer jetz au immer das isch, wohl bekannt si. S Problem isch ehner dass die "Vorschläg" total arrogant als "Forderig" präsentiert wärde, vo Lüt wo sich denn als Robin Hood vor digitale Mediewält schiinet z füehle. Der Titel "Don't MAKE ME Steal" spricht da Bänd - mir stähled nid willmer eigenützigi Arschlöcher sind sondern willmer mit der Pischtole am Chopf dezue zwunge wärde - ähä!

Und natürlech wäre global glichzitigi Releases wo au digital vergaufft wärde öppis wünschenswärts i gwüsse Beriiche wo das noni Gang und Gäbe isch. Aber ebe, es git e Ungerschied zwüsche arroganter Forderig im Arschlochton und Vorschlag, und au als Vorschlag wär das hie alles andere als bahnbrächend neu.

Verfasst: **27 Feb 2011 14:31**

sephl0r check0r

Verfasst: **27 Feb 2011 14:39**

Sephi hat geschrieben:Und natürlech wäre global glichzitigi Releases wo au digital vergaufft wärde öppis wünschenswärts i gwüsse Beriiche wo das noni Gang und Gäbe isch.

es git aber au sehr gueti gründ warum e firma wo geld wott mache (d'uh) nid all sini produkt zur gliche ziit i de ganze welt veröffentliche cha/wott.

Verfasst: **27 Feb 2011 14:43**

ja eh. bi eim produkt sind amigs nöd weni firme und susch intressänte beteiligt. aber ich will jetz sofort alles immer überall! überleged euch öppis!

Verfasst: **27 Feb 2011 15:41**

d'industrie lebt vodr nachfraag, punkt.

me cha sich flexibel zeige oder nid. grad d'wirtschaft het ja unbedingt globalisierig welle, jetz hends es halt. derfür tüends ihri fabrike billig nach china versetze, aber das isch voll easy will sie dörfet das ja und dr chund darf garnüt fordere, lolz. er machts ebe trotzdem.

und eigentlich ischs recht lächerlich sich über die uufzrege, wo neui aasätz fordere - die sind wenigstens überhaupt draa interessiert, dass nid eifach gstohle wird. e grosse teil wird immer stehle.

Verfasst: **27 Feb 2011 15:45**

zwirrlibatz vor vielen vielen monden hat geschrieben:Ebe das mein ich ja. ICH will ALLES und zwar JETZ sofort i BESCHTER qualität. Wenn de Konsumänt scho aschiinend am längere Hebel isch, dänn söll er Gschiiders fordere als sowas.

(....)

Aber nei, d'"Industrie" isch "hinedrii" und "sälber tschuld". Arschlochhaltig, chotze chönnt ich.

Verfasst: **27 Feb 2011 15:50**

Sephi hat geschrieben:
meo hat geschrieben:Piratlä tuen i sowiso. Sie würde mi efach als chund zrügggwinne wenn si das würde mache, oder wenigschtens asatzwiis. Wär äuä nit der einzig und gäg meh gäld hei si sicher nüt.
Ich glaub s Problem wo gwüssi Lüt i dem Topic hend isch im grundgnoh weniger mit de Vorschläg an sich, wo weder neu no entsprächend interessant oder gschid wäred und ar "INDUSTRIE", wer jetz au immer das isch, wohl bekannt si. S Problem isch ehner dass die "Vorschläg" total arrogant als "Forderig" präsentiert wärde, vo Lüt wo sich denn als Robin Hood vor digitale Mediewält schiinet z füehle. Der Titel "Don't MAKE ME Steal" spricht da Bänd - mir stähled nid willmer eigenützigi Arschlöcher sind sondern willmer mit der Pischtole am Chopf dezue zwunge wärde - ähä!

Und natürlech wäre global glichzitigi Releases wo au digital vergaufft wärde öppis wünschenswärts i gwüsse Beriiche wo das noni Gang und Gäbe isch. Aber ebe, es git e Ungerschied zwüsche arroganter Forderig im Arschlochton und Vorschlag, und au als Vorschlag wär das hie alles andere als bahnbrächend neu.

wow öpper wo sini argumänt verständlech und klar cha darlegge. Du heschs gloub rächt uf de punkt bracht.
Klar isch d'forderigsart chli arroganta aber eventuell gits so meh ufmerksamkeit vo de betroffene. I finde eigendlech d'"forderige" super, d'art isch tatsächlech echli fragwürdig.

Finde dini argumentation also super.
Gloube de zwirrlibatz wär uf meh verständniss gstosse (bi mir uf jedefall) wenn er das vo afang a so chunz und bündig gseit hätt. Oder wenigschtens mal so erklärt statt sich immer sälber quote

Verfasst: **27 Feb 2011 15:53**

gwüssi lüüt lönd sich halt eifach prinzipiell uf kei so vorschläg ii, zimli schaad.
aber thinking out of the box isch halt schwer - und wenns um geld geit sowieso oftmals unerwünscht.

The(G)Forum

Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal

Re: Don't Make Me Steal