The(G)Forum

...hauptgrund isch glaub de monster hunter release im februar. mit dere IP händ sie sich ned welle alege glaub

2 neui Trailer und viel Infos zur Erkunding, de Open World, DLC etc:
https://www.thegnet.org/post/assassin-s ... creenshots

freu mi würkli sehr uf das. fuck the haters!

Japan Version isch gschnitte: Mer chan kei Chöpf und Gliedmasse abtränne wie ide internationale Version und Usdruckswiis isch veränderet, wenns um de Yasuke gaht. Er wird ide Japan Version ned als "Samurai" betitled, sondern als "Soldat"

dJapaner sind aber insgesammt ned happy mit dene Schnitt, vorallem was de Gwaltgrad agaht:
https://x.com/UBISOFT_JAPAN/status/1882611785775174070

gester drigluegt bimene streamer, was füres chrüpelkampfsystem und clippings en masse. das wird de tod vo ubisoft.

Ubishit isch scho lang Tod. Es hed nur no keine de Muet gha de Stecker z zieh.

verglich mal das scheisskampfsystem mit wukong oder so, so peinlich.

witcher 3 isch au ned wäg sine (beschissne) kämpf so guet gsi.

öpfel und birre ?

anway... ich freu mich druuf

ich ha no jedes AC cool gfunde. und outlaws lieb ich au. ich cha nur gwünne

Muss nüt vergliche... ha nur müsse die letschte drü vier Titel vo Ubishit aluege...

XDefiance - wird igstampft
Skull and Bones - gitts das no?
Star Wars Outlaws - Würg
The Crew - Dead on arrival
AC Mirage - gähn

Master(G) hat geschrieben: ↑27 Jan 2025 14:29 witcher 3 isch au ned wäg sine (beschissne) kämpf so guet gsi.

öpfel und birre ?

Ja, Ubisoft wird natürli da s Rueder umerisse mit enere schlaue Story, geile Sidequests, neuem inovative Gameplay und enere spannende Openworld.

s'neue The Crew isch aber super. Star Wars Outlaws au.
Bim Mirage chamer striite, ich has rächt OK gfunde.

witcvher 3 isch ungefähr 20 jahr alt...wtf...

mit andere wort; mer spielt sones open world Assassins Creed sicher ned wäg em super-guete Kampfsystem

Kämpfe sött mer eigentlich gar ned, mer isch ja en Ninja

stimmt, de crew hani mit eme andere racer verwächsled wo erst gad abkackt isch lol... troztdem.

outlaws user score uf meta critic 5.3... naja.

Outlaws isch für en ächte Star Wars Fan en Gnuss! Es hett sooo geili Missions, de abgstürzti Chrüzer vode Clone Wars, dRoboter Fabrik, dMission im Palast vom Jabba... Grafik isch mega, Ballere macht Laune und im All umeflüge grad au. Meta Critik Review-Bombing vode idiote wones Problem mit de Kay Vess als Hauptcharakter gha händ

ich ha Outlaws 2x duregspielt. eimal uf de series X und jetzt bini grad churz vor schluss uf de PS5 pro, so geil findis

de 2.5D Prince of Persia isch au super gsi. Immortal Phenix Rising, genial. AC Valhalla, super. Far Cry 6, geil, vor allem im CoOp. Avater Pandora, super!

... ich weiss ned was ihr wänd

was gfloppt händ sin all die GaaS MP Shooter. zu recht. aus Strafe lernt man!

AC Vallhalla - überladene Müll. Hett chönne guet si... Odyssey isch gad so a de Gränze gsi, aber in Vallhalla hends übertriebe.
Far Cry 6 - gähn. und wenn die Truppe aluege wird mir gad übel
Prince of Persia - das isch glaubs würkli guet, aber leider hinder de Erwartige vo Ubishit zrugg blibe.
Avatar Pandora - kei Ahnig, aber glaubs hinder de Erwartige zrugg blibe

Fazit: Ubisoft bring viel shit, und wenn mal was guet wär, hends sälber viel z höchi Erwartige gha, so dases gad als Fählschlag verbueched wird.

Aber sie hend ja no das geile NFT Game wo chasch für 60.000$ en geile Skin chaufe und so. Das wirds useriesse.

ich glaub eifach, dass die mimimis uf social media en grosse ifluss uf die negativi entwicklig gha händ. ja, sie händ paar würkli dummi entscheidige troffe. ja gnau die NFTs rofl, was für en katastrofe. oder äbe dummi service-games entwickle für milliarde vo döllers. aber die social justice warriors. minggia du! useme chline füür mached die immer grad en flächebrand. jede will klicks und möney! internet machts möglich. die tüent sich gägesiitig richtig ufegschaukle. denn chunts review-bombing dezue. sinnlose shit. hett glaub agfange, wo die toxische arbeitsbedinge und "sexual-delikt" ide teams bekannt worde sind. irgendwie händ sich denn all uf ubisoft igschosse.

ich find au ned alles super, klar. ich hätt au lieber mit eme han solo sw outlaws gspielt. aber hey, wenns game spass macht, isch mir das doch egal. aber ich bin vielleicht ned objektiv i dere sach, ich find d'ubisoft open world formle scho sitt jeher motivierend und es macht mir spass, die riesige maps abgrase, erkunde, bitzeli schliiche und meuchle und hübschi grafik aluege. ime japano-setting grad no meh. ich liebe samurai und ninja games, da bini schnell emal zfriede und ich ha die videos wo jetzt usechunt sind vo all dene influencer au glueget. hett mich überzügt ehrlich gseid. jetzt freu mi grad no meh druuf als vorher.

wenns ubisoft nüm gäb, wär ich also scho sehr truurig. ich hoffe, sie chönts rueder umerisse.

Wäg dene Möngels wo das Ufeschaukled: bini voll bi dir. Stimmt.

Aber miner Meinig nach isch Ubisoft au immer schlächter worde. Sobald was bi dene lauft, wirds standartisiert, ufeskaliert und zu tode kopiert. Sie hend sich de Mittelmässigkeit ergäh und das sind jetzt halt d Konsequänze.

Ich luege z.B. mängisch no gärn Skill Up Reviews. Und de laht ja de ganz politischi Bums meistens lings lige und reviewed s Game. Und da zeigt er halt d Schwäche vo z.B. Outlaws uf und das sind Schwächene, wo mich störed, dich nid. Fair.

Buccaneer hat geschrieben: ↑27 Jan 2025 15:02 Aber miner Meinig nach isch Ubisoft au immer schlächter worde. Sobald was bi dene lauft, wirds standartisiert, ufeskaliert und zu tode kopiert. Sie hend sich de Mittelmässigkeit ergäh und das sind jetzt halt d Konsequänze.

stimmt. handkehrum isches hüttzutags eifach nüm so eifach was frisches z'erfinde ohni es grosses risiko izgah... und bi dene budgets isch mer lieber uf de sichere siite und macht was, wo sich bewährt hett und sich au verchauft. da isch logisch, dass die kreativi freiheit uf de strecki bliibt. und denn chömed no so vorschrifte vo obe, wo die kreative lüüt wiiter ischränkt (muesch so und so viel fraue drin ha, soviel schwarzi und asiate und das und das dörfsch nöd bringe oder säge oder mache). blödi ziit für kreativi mänsche mit ere vision. zum glück gitts indies!

Master(G) hat geschrieben: ↑27 Jan 2025 14:38 mit andere wort; mer spielt sones open world Assassins Creed sicher ned wäg em super-guete Kampfsystem

Kämpfe sött mer eigentlich gar ned, mer isch ja en Ninja

stimmt drum häsch au en schwarze ninja mit prügel i de hand wo alles zämähaut

ich han de bereits usetilgt. wenni ned muess, spiel ich gnau 0 minute mit dem. er chan ja nedmal en wand deruf chlättere!

soviel ich ide video gseh han, muess mer nöd mit ihm spiele. mer chan glaub jederziit wächsle unds ganze game mit ihre spiele.
evtl. gitts en intro-mission per charakter... ? kei ahnig. interessiert mi null de typ.

Wer seid odyssey sig schlächt, für de sind ac Games evtl eifach nüd. Ich säg au nöd final Fantasy sig boring jrpg shit, nur will mir so Games nüd gend. Also bitte, fertig chindergarte, sind all nüme 16i da oder?

Sw outlaws isch tip top, hed paar Fehler gha, aber insgesamt spass gmacht.

Dass de röné nur from Games will spiele isch au nüd neus, und dass denn d ubi games sicher nöd s richtig sind, liid ja ud de Hand.

Ich freu mich uf de neu AC, worldbuilding chönds bi ubi, me lauft eifach gern dur die wälte.

Last but not least hed skull and bones natürlich härt schiffbruch erläge, abfall Spiel.

odyseey isch irgendwaen eifach scheisse worde will alles eifach s glich gsi isch und vill zvill. outlaws isch garbage, AI veraltet, kampfsystem langwielig, ok SW FEELING wooooow.

ich han fruehner ubisoft nöd schlecht gfunde, befindet aber sich halt würkli imene downfall und nei sind nöd d "hater" dra schuld, wer das nöd will gseh, söll doch na paar aktie uflese loluz de seit alles

ghost of thsusima isch paar jahr alt bald und wird mit dem spiel jetzt na fast de bode putze. du wirsch gseh, das isch de todesstoss für ubi. ja chli schöni japanlandschaft aber das wirds nöd riiise....

Zämefassig: du findsch ubi games doof,anderi nöd. Aktiekurs hed no nie was über produktquali gseid, da spieled no ganz anderi Faktore ine, aber you know it