Blade Runner Nachfolger / Prequel

[Marco_in_motion]

Genau das mittem "clean" uusgseh schiesst mi ebe au huere ah. Wiä bi Geist i de Schale - Chubby edition.

[zwirrlibatz]

de ridley scott isch doch scho lang kein garantie füren guete film meh,

mir gfallt ja nöd jede gliich guet, aber es grundniveau hett er jetz no immer gha. ok de GI jane hani nöd gseh....

[Moff]

martian, exodus, robin hood isch doch alles gugus, aber ehrlich gseit isch sis ganze werch sit dem jahrtugis nüm brontal guet, eigentlich scho sit de 90er

kingdom of heaven hetmer zwar no gfalle

[zwirrlibatz]

stimmt, exodus isch gugus. martian & robin hood findi aber super. aber schlächt ab 90er jahr, nö, widersprich ich total! a good year isch au ganz gross, die einzig romcom für manne. dänn au body of lies und american gängschter.

white squall, matchstick men und dr counselor hani nöd gseh.

[resuscitation]

Also dä Soundtrack im Trailer gfallt mr scho super guet! Würkt so herrlich be- und erdrückend.. aber öb dä Film die ganz Atmosphäre vom Balde Runner chan ufnäh, wird sicher schwierig. BR isch für mich no hüt dä Sci-Fi überhaupt. Au wänn ich ihn hüt no luege, so chünt dä Film vo dä Technik, Stimmig und Atmosphäre geschter is Kino cho sii. Nur scho die Szene mit dä flammende Kamin.. oder das Liecht i dä Pyramide vo dere Firma, wo d'Replikante baut.. die Jalousie, wo abechunt und dä Ruum verdunkled. Dä dauerndi Räge, d'Neonwerbige.. Für mich dä perfekti Sci-Fi.

[siralos]

stimmt, exodus isch gugus. martian & robin hood findi aber super. aber schlächt ab 90er jahr, nö, widersprich ich total! a good year isch au ganz gross, die einzig romcom für manne. dänn au body of lies und american gängschter.

hoeh der ist doch supr?!

mal nicht so typisch aus der sicht eines glaeubigen, sondern alles recht plausibel erklaert wie, wo und warum dieses und jenes passiert.

[zwirrlibatz]

ja es isch türli kän heilandwörschippfilm, aber gugus im sinn vo für mich "unnötig gsi", da hett mir im gägesatz zu sine anderne s'luege nüt bracht.

[Xinobrax2]

Quelle

Quelle

[zwirrlibatz]

Quelle

und als Bonus Bananarama

[zwirrlibatz]

2019 -> 2049: http://www.gamesradar.com/want-to-know- ... hort-film/" onclick="window.open(this.href);return false;

:deus ex:

[Moff]

git inzwüsche 3 short films

und de film isch offebar phänomenal, kein grossi überraschig, es ischen villeneuve

[abyss]

Quelle

Freu mi also zimli. Wider mou en Grund fürs Kino.

[zwirrlibatz]

ich han mir voll infoblockade uferleit sit de akündigung. nur de allererscht trailer eimal gluegt. und d'graham norton show will ich (dänn au richtig) vermuetet han dass sie wie det üblich eh nur s'chalb mache und chuum über de füum rede. i däm churzfilm da obedrah hani nume husch durezappt und eifach poschtet für die gwundrigintressierte. ich weiss nüt drüber usser dass es super erschti reviews gäh hett. was türli total sinn macht will ich de erscht damals au völlig unverhofft und nichtsahnend gseh han.

villeneuve scheff. sowieso.

[grappagott]

hüt abig lueg i ne ohne 3D quark!

[m.o.terra kaesi]

Er esch super.
100x spannender, dichter u esthetischer als de star wars quqrk.
Au de Ford häd do weder mol en richtigi schauspellerischi rolle u eschfned nor als "franchise pusher" debi.
IMBD geht zor ziit 8,5 pönkt ond das trifft i mine auge zue.
Paar chlini Makel wo aber de Film ned beihträchtiged als ganzes.
Respect Villeneuve! Er häd Wort ghalte.

[BrainBug]

schön dreckig isser

[Reinforced]

bimer am überlege öb ig en es 2. mal söll ga luege... wenn chamer de Soundtrack chouffe?

[zwirrlibatz]

bi de eröffnigsiistellig hani dänkt, woah, wird de bescht film jemals, aber bin e bitzeli enttüscht. muess en aber no zweidrümal gugge. stellewiis zu luut (musig super, soundtrack mueni ha, aber im film isch er amigs zu penetrant und bitz unpassend iigsetzt), zu bemüeht, zvill prügelaction und d'wält isch zfescht im hintergrund gägüber em erschte film, det hett sie viel meh atmosphäre usgstrahlt. jedi iistellig i säbem isch es gemälde gsi. de jared leto hani fantastisch gfunde.

aber ebe, ha no oft mini meinig gänderet nach emne zweite gugg.

[Moff]

mich heter sowohl als Villeneuve fan wie au als Blade Runner fan ebefalls enttüscht.
vor allem de sehr offesichtlich "twist" het mir ned passt und s'endi, was zuemene grosse teil am Ford siniere performance gläge isch.

de Leto hetmer au sehr gfalle, au wenn sin charakter niemals an Tyrell anechunnt und eifach en comic villain isch.

trotzdem sicher na en guete und au sehr hübsche film

[m.o.terra kaesi]

mich heter sowohl als Villeneuve fan wie au als Blade Runner fan ebefalls enttüscht.
vor allem de sehr offesichtlich "twist" het mir ned passt und s'endi, was zuemene grosse teil am Ford siniere performance gläge isch.

de Leto hetmer au sehr gfalle, au wenn sin charakter niemals an Tyrell anechunnt und eifach en comic villain isch.

trotzdem sicher na en guete und au sehr hübsche film

gsehn ech andersch:
- Dä "Twist" mittem K esch amel bis churz vor Schluss andersch als mer meint.
- Dä Ford häd öppe 50x meh Mimik müsse zeige als bi allne Star Wars & Indi-Sequels zäme
- Dä Tyrell häd wahrs. no weniger Bildschirmziit gha als dä Leto ond die kitischigi Schachspielszene vom Bett use esch rächt gsuecht gsi.

[Moff]

em Tyrell hetmer sini Motivatione abkauft, er isch viell meh en graue Charakter gsi. De Leto isch eifach en comicbook villain wo enere frau de buch ufschnidt. wie gset, mir het sini performance und au de charakter gfalle, aber de Tyrell isch eifach interessanter, da weniger 2dimensional.

Und de Ford isch für mich eifach ned de Deckard gsi i dem Film, er isch eifach mal wieder en alte grumpy Harrison Ford gsi. Ich finds i dem film fallts bsunders uf, will Blade Runner isch eini vo sine spezielelre performances gsi. De Ford isch sicher kein herusragende Darsteller, na nie gsi, er het eifach de charmanti held gspielt. In Blade Runner ischer aber en ziemliche Wichser gsi und das hani bemerkenswert gfunde. Im Blade Runner 2049 hani nüt vo dem gseh.

Und zum twist, de isch für micih eifach scho us 2 szene vorher total klar gsi:
1. Ide Szene mit de Gedächtnisfrau hetti de K eigentlich sölle dra denke, dass sini erinnerig, wo ja "echt" isch, au chönnti en echti aber trotzdem implanzierti erinnerig si. schliesslich heters grad 1 minute vorher nach genau dem gfragt. dass das ned zur sprach cho isch het für mich klar gmacht, dasses ebe ned sini erinnerig isch, sonder en echti vo öpper anderem.
2. i sim gspröch mitem Deckard isch würklich schmerzhaft offesichtlich druf gachtet wurde immer nur vo "child" und "kid" zrede, obwohl de K i dem moment ja ganz klar gmeint her er seig de sohn. det isch mer endgültig klar wurde, dass es sicher n tochter isch und sicher ned de K.
de twist und s'ganze endi isch dur das für mich recht flach gfalle.

[zwirrlibatz]

wahr.

bim tyrell isch halt vo de inszenierig her scho jenschtes backstory ume gsi, ohni dass me die äxtra hett müesse usfüehre. sin riisekomplex zmitz ir stadt und em lift mit de security und sine börsegschäftli im opulänte bett, das hett eim grad alles gseit und ihm e jahrzehntelangi gschicht verpasst.

ich wett de film nöd schlächtrede, s'gitt eifach so paar hmhmhmhmmmm sache. sie händ drmit ja würkli was uf d'bei gstellt vo handwerklich überragender qualität.

[zwirrlibatz]

äh übrigens... deckard: mensch oder replikant?

will mindeschtens sit em final cut wirds meh als atönt, dass er en huutjob isch. eine vo dene wo's nöd wüsse bzw s'wird ihm klar am schluss. oder s'gseht ömel so us. werum also läbt er im 2049 no? han gmeint dass würdi klärt, oder ich hans verpasst.

[Moff]

ich denke beides isch möglich und es isch au vom Ridley wie au em Villeneuve ganz bewusst so ghalte wurde.

ich persönlich denke er isch en replikant.
wieso er na chan lebe und galteret isch?
gemäss BR2049 isch d'rachael en spezialrepliakant wo het chönne schwanger werde, vom Tyrell so konzipiert. und sie isch spezifisch uf de Deckard agsetzt wurde. Ich denke es isch ned zu wit hergholt, dass au de Deckard i dem Fall en Spezielversion vomene Replikant si chönnti wo au alteret.

[m.o.terra kaesi]

wieso söllid Replikante ned altere?! Hallo?!!

Es sind genmanipulierti Mensche wo zöchteti Eigeschafte ufwised. Niemert häd je gseit sie chönd ned altere (öb jetzt mit "Verfalldatum" oder ned). Sie bestönd jo schliesslech au os Zälle.
I diverse Reviews wird fälschlicherwiis sogar vo Androide gräd.