D'Fraue in Züri.. und s'Milidär

[mr.raw]

Dr emp, NERV, Agestuffer und evo ... i kha nümm!
Geili sieche sinds!
Lang nümmi so glache wie hütt


ich fass zämme:
Agestuffer:

eventuell, miterä geilä Züricherin Bumsä - immer!!

evo:

bi mir het gar niemer umebrüllt bi dr ushebeig. oder filicht hanis eifach nit so mitbeko wili so zuekifft gsi bi.

NERV:

Ich bin 2 Täg dert gsi und scho hei sie mich uf Krankeabteilig müesse tue, wüll ich en Närvezämebruch han gha. Hans nöd ertrage, wüll sie so härt mit mir sind umgange und vor allem so hei umebrüllt - drum han ich au nie chöne ein Sport mache. Hasse es, wenn de Trainer brüllt. Nächer hei sie mich zum Glück heigschickt und ich han chöni witeri 5000h Final Fantasy 11 online zocke und Trickfilmonaniere. Super Zyt gsi!

emP:

Ig hilge dir mal mit dem wo Du würklich wetsch: Machsch en Klon vo dir selber und bümslisch mit ihm de ganz Tag.

[Avenger]

Eine fehlt no:

"Sie, also lut dem Guetachte vo ihrem Psychiater isch es en Gfahr für alli, wenn dir mit meh als 1 Person zäme i eim Rum sitt. Tschö!"

[geosnow]

luschtig

[Sylvara]

i bhaupte jetz eifach mal, ds militär hätt em nerv extrem guet tah

Bisch du demfall im Milidär gsi, dass du das so guet chasch beurteile?
Ich ghöre de Satz immer wider, interessanterwiis aber i 4 vo 5 Fäll vonere Frau.

nö. da chani dir gnueg manne aaghä, wo dir genau ds gliiche würde säge und u.a. o, wieso sie froh sind, ins militär gange d'sii.
nid alles was guet isch, isch immer aagnähm. ich weiss, hützutags isch das es unglaublichs konzept, isch ja o in dr schuel mittlerwiile eso - 'sie, wieso mues ich das lehräääää?'

aber imne gameforum mues mer glaub o nid übers militär rede oder, es sind warschinlich 80% hier nid is RS odersowas.
i kenn sehr wenig manne, wo säget dasses totali zytverschwendig gsi isch. chunnt vilicht o bitz uf dini iistellig drufaa und ob bereit bisch irgendwas druus mitznäh, oder nid. und süsch lehrsch eifach mal d'schnurre hebe, das isch o e sehr wertvolli lektion im lebe. ich säge ja nid du 'muesch' gha - aber einige tuets ebe tatsächlich guet, wenn sie sich druuf iilöhnd.


p.s. ich bin nid fürs militär. chame vo mir uus grad abschaffe und ds geld gschiider bruuche. aber mal bitzli körperlichi grenze kenne lehre und disziplin cha i dem alter e wertvolli erfahrig sii. und derzue selbstbewusstsii ghä.

[Reinforced]

MMMM aka 4 M = Man muss menschen Mögen - hends üs dettä immer gseit i de UO oder OS - weiss nümä wo, egal, en Tubelspruch isches

so tumm isch de Spruch nid... er het öppis. Gillt au für zivili Füerigspositione

[G-ay-lien]

aber imne gameforum mues mer glaub o nid übers militär rede oder, es sind warschinlich 80% hier nid is RS odersowas.
i kenn sehr wenig manne, wo säget dasses totali zytverschwendig gsi isch. chunnt vilicht o bitz uf dini iistellig drufaa und ob bereit bisch irgendwas druus mitznäh, oder nid. und süsch lehrsch eifach mal d'schnurre hebe, das isch o e sehr wertvolli lektion im lebe.

Es sind dütlich meh als 20% id RS vo dem Forum. Es hend au nöd all di glich RS absolviert, aber mini RS isch jetzt eifach mal sowas vo de absoluti Bullshit gsi, alles wo höcher als WM gsi isch, hät ja nur mal so vo Inkompetenz gstrotzt. Isch eifach nur um s Schigganiere gange. Isch eifach schwirig öpisem vil positives abzgwünne, wennmer z.bsp. für gueti Leischtig bestraft wird (z.B. 2x uf de Schuma-Marsch müesse, wellmer s erschte mal "zgschnell" gsi sind) oder wenn Lüüt wo offesichtlich verletzt sind nöd uf s KA dörfed, well irgendwelchi Leftys absichtlich Aaträg verschwinde löhnd, bi 37° go umeseckle in Vollmontur, bis t Helfti dehydriert am bode zemeklappt isch, Hauptfeldweibel wo privati Sache gaht go Durchsueche... aber ja, easy, möcht gar nöd gross drüber rede.. Insofern hets bi mir s Militär scho bracht: Scheisse passiert und gaht au wider verbi. Das isch aber au s einzige woni irgendwie han chöne mitnäh.

Trotzdem: Dä Typ wo sich t Pulsadere ufgschlitzt hät, ja, dem hät s Militär nöd so guet tah, zum Bispil.

[Reinforced]

Problem vode hütige Armee isch das s Kader immer Jünger wird und chum no erfahreni "alti seck" deby sind

en WK isch teils wie ide RS :typej: nur 21 täg denn fertig mit dem seich

[kraut]

nid alles was guet isch, isch immer aagnähm.

lol! verzell mer. was isch alles guet am militär? dass de "lehrsch tschnurre z häbe"? z hirni abschalte u das mache wo me dir seit, ohni drüber nachezdänke? blinder gehorsam?

genau nüt guets isch das! sogar zimlech der gröscht seich wod chasch lehre! aber isch ja glich.

i kenn sehr wenig manne, wo säget dasses totali zytverschwendig gsi isch.

ig kenne sehr viel. und i ha nur sehr wenig "gamerkollege".

aber mal bitzli körperlichi grenze kenne lehre und disziplin cha i dem alter e wertvolli erfahrig sii. und derzue selbstbewusstsii ghä.

cha aber o grad z gägeteil passiere. wed z.b. die ganz zyt agschnautzt wirsch. und das mitem "gränze kenne lehre" chani ächt langsam nüm ghöre.


mir geits genau glich wie am nerv. bi nur 2 täg ar ushebig gsi, zum psychiater gschickt worde, ha so ta als obi e massemörder wär (inkl. starrem blick und co.) und sie hei mi wider heigschickt.
gueti sach. süsch wäri nämlech die ganz zyt ir chischte gsi. git glaubs spannenders.

[Avenger]

alles wo höcher als WM gsi isch, hät ja nur mal so vo Inkompetenz gstrotzt. Isch eifach nur um s Schigganiere gange.

Ersch ab em Wm? Respegt, bi mir si scho 3/4 vo de Kpl die gröste Arschgiigene gsi.

Öppis positivs het d RS übrigens gha: Do merksch was a dim Privatlebe würklich hesch.

[thaeye]

widrmal s militär thema

ich han abgeh, besser isches, die junge idiote als vorgsetze sind als über 30jährige den scho chli muehsam, aber wenn ihne halt chli de tarif duregisch, gahts relativ guet verbiii soen wk, dörfsch eifach nöd uf de schnorre hocke.

[SinGinSmith]

Das isch alles nüt, die beschte Fraue häts in Rapperswil SG.

Wenn ers nöd glaubet: Gönd ga luege

[thaeye]

rapperswil gang go schisse.

[geosnow]

rappi isch nöd schlecht, isch e gueti flanier meile.

[thaeye]

gasch au flaniere? ich tuen gern paniere.

[Vyse]

@Sylvara,

Gah doch sälber, wänns so wertvoll für dCharakterbildig findsch, chasch di ja dänn grad au no i dä Haltig üebe uus em Übel sBeschet zschöpfe, tät vl. no guet... höhö. (als ob sLäbe per se nöd scho genau die Situation büüte wür)

Miini Nerve,

Und die meischte Fraue in Züri würked würkli chli pickt, aber egal, git überall es paar Usnahme und wänn me sich dänn gägesiitig wohlgsonne isch, spillts uuf eimal kei Rolle meh, wo und wänn me sich befindet.

[agestuffer]

Stimmts, das wemmer nackt biinerä Frau im Wohnzimmer/Zimmer staht, das sii denn grad Sex mit eim macht??
agestuffer

[Mastler(P)]

das waer no guet zwuesse

[Tatsujin]

rächt es sehr dumms topic. le lol!

[randy]

Stimmts, das wemmer nackt biinerä Frau im Wohnzimmer/Zimmer staht, das sii denn grad Sex mit eim macht??
agestuffer

"The naked man" ? Funktioniert schiins in 2 vo 3 fäll http://en.wikipedia.org/wiki/The_Naked_ ... _Mother%29

[NERV]

Bin am Samschtig übrigens in Züri gsi - sie hei no geili Crevette Handtäsche dert. Für Manne. Sig schins in. Meh merkts ebe scho, in Züri sind sie scho chli tolleranter mit so Sache und du chasch die au chli crazy alege.





Züri!

[geosnow]

hehe, bim immene "berner" shop in tsüri gxi. Via Duck.

[Marco_in_motion]

Leider git's immerno mega vill Fraue wo findet s'Militär tuet dä Type huere guet, dänn lerneds d'schnurre hebe,
dänn lerneds folge, körperlichi gränze känne lerne etc... völlig super isch : Sälber sinds niä gsi und das sind dänn meistens di gliiche wo umemotzed im Usgang : "mümümü numme grüeni bsoffni Möngels da und eine hättmer sogar voll uf d'Möps glueget! chum mer gönd weg..."

Genau diä sötted mal en 50er Marsch mache, dänn merke das d'Underkunft nöd offe isch und s'ässe nöd da isch.

Im Militär wirsch gweckt, s'ässe wird dir gmacht muesches nur no hole, alles wo kabutt machsch wird dir repariert.

Was vill jungs chönnted bruuche für's Läbe isch : Am Morge bi Ziite Ufstah, Choche und sälber öppis flicke.

Es tuet so guet.

s'Militär :typej:

[Avenger]

s'Militär tuet dä Type huere guet, dänn lerneds d'schnurre hebe,

für de spruch gits grad fuscht

[Sylvara]

Was vill jungs chönnted bruuche für's Läbe isch : Am Morge bi Ziite Ufstah, Choche und sälber öppis flicke.

schoso. für das wo ebe guet drah isch, isch ds militär chli 'tüür' und problematisch sowieso - wiederiiführig vom landdienst? so wie früener für all jugendlichi, nöimeds gha schaffe, ga uufruume, aupair, ufem buurehof ga helfe usw. han ich freiwillig gmacht.

i ha ja mehreri jahr mit jugendliche i genau dem 'vor-RS' alter gschaffet, die letzte 2 jahr vorallem mit jungs; es fehlt extrem a so programm und chance, dass sie mal imne greglete umfeld müesse klarcho (was sehr vieli ebe süsch nid hei) und müehsame herusforderige nid immer eifach usem weg chöi gha. d'frustrations-schwelle vo sehr vielne kids mit dene ich gschaffet ha, isch absolut bedenklich gsi und gliichzyti hends null selbstbewusstsii gha. die zwei sache sind direkt mitenand verhänkt.
usseredem gits grad i dem alter grossi unterschied zwüsche jungs und mädels; d'meitli sind in dr entwicklig bitz amne andere punkt und erreichsch anders. was d'schuele früener gmacht hei isch sehr wertvoll gsi für beidi, chönnt mer ruhig uf 3 monet strecke..

aber ebe, ich ha ja kei ahnig und so, für das mues mer zersch selber ins militär, oder sich wenigstens nach de erste 2 täg UT schriebe lah - instant insight and competence

[Marco_in_motion]

Ich find Militär eifach echt kei Lebensschuel.

Es gitt sone berüehmti Antwort : "Ist so weil ist so" und diä git's wänn's dä ranghöcheri sälber nöd weiss ...wem söll sone antwort was nütze? lol.

Ja, Aupair macht echt meh Sinn.

Avenger :