Ds James Bond-Topic..

[lakritz]

ja guet gege de chrigel walken und de moore chame ja ganz sicher nüt säge du!

[Acid]

de findsch guet, aber de duran duran schlächt? hmm.. you'd better obey!

Aha... simmer doch no inärä 80er irritation glandet.

[Tatsujin]

de findsch guet, aber de duran duran schlächt? hmm.. you'd better obey!

Aha... simmer doch no inärä 80er irritation glandet.

ich frög dich ja nur werum de sülzig turner guet findsch, aber de duran nöd?
usserdem ohni de barry im hintergund, wär au de duran track nie so guet worde wie er isch.

[zwirrlibatz]

Lose mit Volume uf 11 und Scheuklappe uf 0. Arrangement, Dynamik, Drama, em Jack sin Drumming und de Gitarresound und die ganz overall Produktion => Wältklass Style bis äne use. Aber de Bondkänner zieht Lulu und Sheena Easton vor. :typej:

Du gisch jo eigentlich d Antwort grad sälber:

Mich dunkts no intressant, dass alli Bondssongs öppis gmeinsam Charakteristischs händ. Egal us welem Jahr bzw Föum, öb samft oder schwer. Wie wenn's e Bondakkordfolg oder en -equalizer gäbt. Vilech ischs zwar au nur Iibildig dur s'Wüsse dass es Bondsongs sind. Mag ja sii. Aber grad die Stuck sit de 90er Jahr steched mit ihrem Flär us de übliche Repertoires vo dene Musiker use.

Genau um das gots jo. Es got nid um für sich allei stehendi Lieder (zumindescht nid für mich). Sondern drum was imene Vorspann vo somene Film funktioniert. Das einigi vo denä nid eifach gspilt händ wasi suscht würed spilä, hed en guete Grund: Sie händ nid eifach es Lied gmacht, sondern es Lied extra für de Vorspann vo dem und dem Film. Und drum passed sie sich enere gwüssä Charakteristik a, wills en gwüssi Würkig söll ha für diä ebä seintä besser funktioniert als sanderä. Und genau do passt ebä de neuschti überhuapt nid inä. Öb de als allei stehendä Song guet isch oder nid isch ebä nid d Frog. Und natürlich zieht mer d Lulu oder d Sheena Aston vor (au wenn vilicht nid diä Beschtä.. de Refrain vor Aston passt super..).
S Schadä isch jo das d Keys eigentlich sehr en chräftigi Stimm hed, au wens echli en anderä Stil wär wiesi suscht amigs singt, diä hetti wahrschindlich das scho chönä machä.

Wemer scho debie sind: Ebä miner Meinig no gar nid gönd de neuscht und The Living Daylights. Au sehr sehr schwierig bzw. eigentlich au nid machbar Die Another Day vo dä Madonna (det spilts eifach nid so en Rollä, will de Rescht vom Film no fascht schlächter als sLied isch), und au fascht nid machbar de A View to a Kill vo Duran Duran (au wenni do diä Zeilä wo A View to a Kill drin vorchund super find).

Bi alnä anderä chamer drüber redä öbs besser oder schlächter oder u huere extrem Super sind, aber klaped eigentlich alli.

Hm, kapier nöd was meinsch mit Antwort sälber gäh. Dass d'Lüüt zumindescht versuechet en "Bondsong" z'mache inere bestimmte Tradition isch ja klar. Was die Tradition aber genau isch, isch d'Frag. Was Barry und Bacharach gmacht händ, isch wiit wäg und damals ganz übliche Loungejazz gsi. Aso i de Basis nüt würkli Bondspeziells (aber Lüüt hüt meined das wohl wo de Stil usschliesslich dänn ghöred wenns mal en alte Bond lueged) und dänn halt Pop i de 80er und Rock sit de 90er. Drüber ersch gitts de charakteristisch Guss. Oder ebe doch nöd? Nöd doch nur Iibildig will me weiss es isch en Bondtitelsong?

Wrum me Lulu oder Sheena Aston natürlich vorzieht, isch mir nöd klar. Usser bi Lüüt wo sich prinzipiell uf eis bestimmts Muschter verschtiifet. Was unnachvollziehbar isch will au die Songs nur/wäg/i ihrer Ziit entstande sind. Vorher anderschts gäh, nachher anderschts gäh. Goldfinger, For Your Eyes Only und Die Another Day sind Wälte usenander. Und händ doch die Charakteristike. Oder ebe nöd. S.oben. Imo gitts da kei Muschter oder Regle wemme sich alli Songs über 40 Jahr vor Auge hebt, s'gitt aber doch es Flair wo me überall entdecke chan. Und das kompositorische Mysterium find ich intressant.

btw 5 bescht Songs according zu Zwirrlibatz:
Goldfinger
You Only Live Twice
Another Way To Die
Live and Let Die
Goldeneye

drzue na letschti gluegt:
Moonraker: ganz gfällig, nüt grosses, nüt blöds, wie alli Moores bis det
A View to A Killl: langwiilig sobald de Walken nöd im Bild isch, de Film liiret nur die übliche Bondeigni Klischee abe*
For Your Eyes Only: klar de bescht mit em Moore und überhaupt top 5, will er genau säb* nöd macht sondern für Bondmasstäb e guet gschtrickti Gschicht um intressanti Charaktere verzellt

[Acid]

de findsch guet, aber de duran duran schlächt? hmm.. you'd better obey!

Aha... simmer doch no inärä 80er irritation glandet.

ich frög dich ja nur werum de sülzig turner guet findsch, aber de duran nöd?
usserdem ohni de barry im hintergund, wär au de duran track nie so guet worde wie er isch.

Guet, so gstellt nid diä dümmscht Frog... wahrschindlich will mi de vo de Turner ebä isulzt.

Nei ich mues ehrlich sägä, ein Grund isch sicher dasi mit so Musig wiä de Duran Duran Song isch prinzipiell praktisch gar nüt chan afangä. Isch für mis empfindä eifach numä Leer und Flach. De einzig Ort wonimer diä Musig chan vorstellä isch imene 80er Italo Trash Film. Aber au det machzimer nid zviel Freud.
Und wills für mich so leer und Flach isch, heds ebä au nid diä Melancholie und Emotion wo ich imene Bond Song gern hetti...
Und d Turner hed halt miner Meinig no en passendi Stimm und chund natürlich im Verglich zu Duran Duran i dä Art vom Gsang wieder viel meh a früeneri Songs herä. z.B. au wenn natürlich scho nid grad glich guet, viel meh in Richtig Shirley Bassey. Goldfinger Diä anderä beidä sind aber au super... aber de Moonraker z.B. isch au en heftigi Portion sülze... macht mir i dem Fall aber nüt... ich mein irgendwiä hend doch diä meischtä Bond Songs echli öpis Sulzigs... vilichts isches genau das womer bi denä Vier womer nid gfallet fehlt.

Bim GoldenEye findi aber au de Hindergrund nid schlecht, und s tä.tä.tä.tä . . tuuuuduuuu.


--------

Hm, kapier nöd was meinsch mit Antwort sälber gäh. Dass d'Lüüt zumindescht versuechet en "Bondsong" z'mache inere bestimmte Tradition isch ja klar.

Miner Meinig noh hends das bim letschtä ebä nüm gmacht...

Was die Tradition aber genau isch, isch d'Frag. Was Barry und Bacharach gmacht händ, isch wiit wäg und damals ganz übliche Loungejazz gsi. Aso i de Basis nüt würkli Bondspeziells (aber Lüüt hüt meined das wohl wo de Stil usschliesslich dänn ghöred wenns mal en alte Bond lueged) und dänn halt Pop i de 80er und Rock sit de 90er. Drüber ersch gitts de charakteristisch Guss. Oder ebe doch nöd? Nöd doch nur Iibildig will me weiss es isch en Bondtitelsong?

Natürlich isch das nid äpis Bondspzifisches gsie... und isches au hüt nid unbedingt. En komplettä Vorspann vorem Film isch damals au nüt Bondspezifischs gsie (gits jo hüt nur no sältä). Dennoch ischs Konzept vo derä Art Musig im Zämähang miteme langä grafisch toll gmachtä Vorspann en super Lösig und diä bescht Methodä uf en Bondfilm (übrigens miner Meinig no chöntmer das au suscht no meh machä... au wenns hüt vilnä echli komisch inächund wenns zerscht 5 Min. quasi Nämä müend aluege (es laufed jo au fäng diä meischtä usä sobald diä erschtä Zeilä vom Abspann chömed)). itsschtimmä. Vo mir hetets au viel meh a dä altä Songs dörfä drah blibä, hetti gar nüt dägägä gha. Und das hed nüt mit Bondnostalgie ztuä, erschtens magi diä Musig, und zweitens findi ganz speziell guet im Zämähang mit Film.

Und ebä, für mcih gits diä Charakteristikä. Wenn wilsch passende Sound ha zunere Szenä inere verrauchtä Bar mit melanchoie i dä Luft, stellsch au en Pianospiler dri, oder e bitz Blues, sicher aber losch kei Discosong laufä und schicksch d Lüt uf de Tanzbodä...will denn isch diä ganz Stimmig zur Sau und d Emotionä sind noimed ganz andersch.

Wrum me Lulu oder Sheena Aston natürlich vorzieht, isch mir nöd klar. Usser bi Lüüt wo sich prinzipiell uf eis bestimmts Muschter verschtiifet. Was unnachvollziehbar isch will au die Songs nur/wäg/i ihrer Ziit entstande sind. Vorher anderschts gäh, nachher anderschts gäh. Goldfinger, For Your Eyes Only und Die Another Day sind Wälte usenander. Und händ doch die Charakteristike. Oder ebe nöd. S.oben. Imo gitts da kei Muschter oder Regle wemme sich alli Songs über 40 Jahr vor Auge hebt, s'gitt aber doch es Flair wo me überall entdecke chan. Und das kompositorische Mysterium find ich intressant.

Also ich weiss jetzt nid gnau wo du was unterscheidisch, einersits gits Charakteristiä wo glich sind, aber kei Muschter... usw.
Ich chander au nid gnau sägä was es isch... uf jedä Fall nid meh wiä bis jetzt (Melancholie, de Tatsujin hedmer no dezuä verholfä dases evtl. au echli Sulz isch... und ebä gwüssi anderi charakterischi Muschter)

Natürlich sind d Unterschied riesig, umso faszinierender, dassi Gfühlsmässig ebä doch nid so gross sind. Und das ziet sich für mich vom "From Russia with Love" eigentlich bis zum Casino Royale durä... sicher aber bis zum The World is Not Enough... ebä mit denä Usnahmä wiä A View to Kill, The Living Daylights, Die Another Day...

btw 5 bescht Songs according zu Zwirrlibatz:
Goldfinger
You Only Live Twice
Another Way To Die
Live and Let Die
Goldeneye

[/quote]

Komischerwis simmer do, bis natürlich uf de Another Way To Die, nid emol so uneinig. Find diä sicherlich au vo de Beschtä. Live and Let Die isch zwar zerscht au chli weg, findet aber sehr schnäll zrug, und isch en Super Song. Goldfinger und You Only Live Twice sind sicherlich bi dä oberschtä debie, do dra bestoht glaub gar kei Zwifel.

[zwirrlibatz]

Hm, kapier nöd was meinsch mit Antwort sälber gäh. Dass d'Lüüt zumindescht versuechet en "Bondsong" z'mache inere bestimmte Tradition isch ja klar.

Miner Meinig noh hends das bim letschtä ebä nüm gmacht...

S'Problem isch ebe die "Tradition". Vom Vibe her passt de Song absolut. Wie sich d'Ziite und drum d'Film händ sich au d'Songs g'änderet. De Another Way to Die chan nöd unpassend sii, will er nöd das Loungejazz Flair vo früehner hett. Bzw en You Only Live Twice wär bimne Quantum völlig drnäbed. Und de AWTDie ghört zum Style vom Film. Daher s'Mysterium: wie schriebt me hüt en Bondsong?

Natürlich isch das nid äpis Bondspzifisches gsie... und isches au hüt nid unbedingt. En komplettä Vorspann vorem Film isch damals au nüt Bondspezifischs gsie (gits jo hüt nur no sältä). Dennoch ischs Konzept vo derä Art Musig im Zämähang miteme langä grafisch toll gmachtä Vorspann en super Lösig und diä bescht Methodä uf en Bondfilm (übrigens miner Meinig no chöntmer das au suscht no meh machä... au wenns hüt vilnä echli komisch inächund wenns zerscht 5 Min. quasi Nämä müend aluege (es laufed jo au fäng diä meischtä usä sobald diä erschtä Zeilä vom Abspann chömed)). itsschtimmä. Vo mir hetets au viel meh a dä altä Songs dörfä drah blibä, hetti gar nüt dägägä gha. Und das hed nüt mit Bondnostalgie ztuä, erschtens magi diä Musig, und zweitens findi ganz speziell guet im Zämähang mit Film.

Klar, die Vorspann sind fründ. Die vo de 60er verhebed immerno, die us de 70er sind so chli naja, sehr oft sehr gliich gsi und hützutags nüme würkli spannend zum Luege. Näb Frauesilhouette i Martinigläser hetts doch nüme viel?

Und ebä, für mcih gits diä Charakteristikä. Wenn wilsch passende Sound ha zunere Szenä inere verrauchtä Bar mit melanchoie i dä Luft, stellsch au en Pianospiler dri, oder e bitz Blues, sicher aber losch kei Discosong laufä und schicksch d Lüt uf de Tanzbodä...will denn isch diä ganz Stimmig zur Sau und d Emotionä sind noimed ganz andersch.

Drum isch da grad d'Actionmusig i de spät70er Bonds extrem lolig. Die Discofönkbeats bi de Verfolgigs- und Prügelszene. Hüt isch das schier Benny Hill, was det als absolut hip inszeniert worde isch.

Wrum me Lulu oder Sheena Aston natürlich vorzieht, isch mir nöd klar. Usser bi Lüüt wo sich prinzipiell uf eis bestimmts Muschter verschtiifet. Was unnachvollziehbar isch will au die Songs nur/wäg/i ihrer Ziit entstande sind. Vorher anderschts gäh, nachher anderschts gäh. Goldfinger, For Your Eyes Only und Die Another Day sind Wälte usenander. Und händ doch die Charakteristike. Oder ebe nöd. S.oben. Imo gitts da kei Muschter oder Regle wemme sich alli Songs über 40 Jahr vor Auge hebt, s'gitt aber doch es Flair wo me überall entdecke chan. Und das kompositorische Mysterium find ich intressant.

Also ich weiss jetzt nid gnau wo du was unterscheidisch, einersits gits Charakteristiä wo glich sind, aber kei Muschter... usw.
Ich chander au nid gnau sägä was es isch... uf jedä Fall nid meh wiä bis jetzt (Melancholie, de Tatsujin hedmer no dezuä verholfä dases evtl. au echli Sulz isch... und ebä gwüssi anderi charakterischi Muschter)

Ich mein mit Muster und Charakteristike: Die Stils ändere sich mit de Ziit. Vo Easy Listening Bacharach, Duran Duran, Madonna zu Chris Cornell. Und trotzdäm bliibed offebar Charakteristike, wonach me die Stuck als Bondsongs erkännt. Das isch für mich s'kompositorische Mysterium wo ich kei genaui Antwort druf han und drum das isch wo mich intressiert. Die gegäbni Süffigkeit und de Schmalz vom Loungejazz wird vo de Komponischte sägemer sit FYEO bis hüt i komplett anderi Musigstils transportiert, wodure sich die Songs vo de suschtige Pop- und Rocklieder unterscheidet. Oder meint me/ich das nume wägem Wüsse dass es en Bondsong isch? Zum erschtemal ghörsch en eh immer grad zum neuschte Trailer und dänn bisch scho konditioniert druf.

[randy]

krass isch das topic langwiilig worde

[zwirrlibatz]

krass isch das topic langwiilig worde

[Acid]

... Wie sich d'Ziite und drum d'Film händ sich au d'Songs g'änderet. De Another Way to Die chan nöd unpassend sii, will er nöd das Loungejazz Flair vo früehner hett. Bzw en You Only Live Twice wär bimne Quantum völlig drnäbed. ... . Daher s'Mysterium: wie schriebt me hüt en Bondsong?

Sicherlich alles richtig.

Ich mein mit Muster und Charakteristike: Die Stils ändere sich mit de Ziit. Vo Easy Listening Bacharach, Duran Duran, Madonna zu Chris Cornell. Und trotzdäm bliibed offebar Charakteristike, wonach me die Stuck als Bondsongs erkännt. Das isch für mich s'kompositorische Mysterium wo ich kei genaui Antwort druf han und drum das isch wo mich intressiert. Die gegäbni Süffigkeit und de Schmalz vom Loungejazz wird vo de Komponischte sägemer sit FYEO bis hüt i komplett anderi Musigstils transportiert, wodure sich die Songs vo de suschtige Pop- und Rocklieder unterscheidet. Oder meint me/ich das nume wägem Wüsse dass es en Bondsong isch? Zum erschtemal ghörsch en eh immer grad zum neuschte Trailer und dänn bisch scho konditioniert druf.

Ich glaub mir sind einigermassä glicher Meinig. De unterschied schint also vor allem eifach do drin zligä, dass du de neuscht und schinbar au de Madonna gältä losch, und ich find dass diä dänäbed sind. Do mir aber suscht glicher Meinig zsie schined, hani kei Ahnig werum das so isch.
Bi mir isches eifach so dassis bi denä Songs nid gspür.
Vilicht chasch du sägä wo du z.b. bim neuschtä oder bi Madonna diä vo dir erwähnti Süffigkeit und de Schmalz gfindsch. Ich gfind de nid.

[Sephi]

Sich händs das bewusst gmacht, und es ischnä nid eifach so passiert. Es isch en bewussti Art und Wis wiämer hützutags am Zuäschauer Action vorgaukelt, ohni dasmer würklich Action zeigä mues. Wiemer probiert spannig zerzügä, ohni dasmer öpis defür mues tuä, willmer meint solang de Bildschirm flackered beschäftigt das d Lüt (was bi vilnä wo mit Videoclips gross wordä sind vilicht au stimmt, mich langwilts aber grauähaft... und isch schlussendlich au en Verarschig für Kameramänner, de Zuäschauer cha jo sini Bilder gar nüm aluege). D Close Ups sind dezuä do dasmer nüt erkännt, und diä schnällä schnitt dasses trotzdem nach Action usgseht. Was das uf em Bild schussendlich denn no zgseh isch spilt praktisch kei Rollä meh.

Naja, i bi wie gseit ou nid Fan vo sonere höche Schnittfrequänz - aber ganz abtue als z eifach und s Bild abwärtend würdi die Technik jetz nid. Es steckt scho vil Müeh dehinger, i chamer sogar vorstöue dass si richtig Fröid hei gha bim zämeschnipsle. Däm tuet d Tatsach dasses am Schluss nid so guet funktioniert ke Abbruch - i angerne Situatione cha sone Art z Filme durchuus passe, grad willsi ja denn im Kontrast zu ruhige Passage steit.

Also mol abgseh devo das i nid glaub dass de Film irgendemene Medium öpis Vorus hed (das sind eifach alles alles verschiedeni Gschichtä mit irnä verschiedänä Bsunderheitä... en Fotografie isch öpis ganz anders wiä en Film wo uf Pausä druckt wordä isch (au wenns Film git wo d Fotografie so wichtig isch, dasses sogar würd funktioniärä), und es Theater isch nid eifach wiä uf em Set vomene Film z stoh... und d Literatur isch au nid eifach es Drehbuech) De Verglich findi zimlich unpassend muesi sägä.

Das mitem "Vorus" ha hesch falsch interpretiert, bzw. i has eventuell bitz irreleitend formuliert. Schnitt isch s einzige Elemänt wo ebe NUR im Filmmedium (und verwandte jüngere Kunschtforme) e Rolle spilt. Cinematography het e Verwandtschaft mit Fotografie (i ha nid gseit dass das s gliiche isch), mise-en-scene isch mitem Theater verwandt, Sound und Writing hei ou klar ihri Ursprüng. Nomol: I säge nid dass Fotografie a der Kamerarbeit imene Film entspricht etc. Und i säge ou nid dass gwüssi Medie amene angere Medium in irgend ere Art überläge si - gwüssi Sache chöi vomene Film eifacher oder effiziänter zum Usdruck brocht wärde als vomene Buech und vice-versa. Aber der Schnitt isch es Elemänt wo grundsätzlech nur im Film e Rolle spilt (Usnahme chame immer finde) und gmässe a dere Tatsach doch generell rächt unterschätzt (Idee dass me guets Editing nid sött bemerke etc.).

Devo abgseh hani aber nid gseit dass de Schnitt nit wichtig isch, oder en untergordneti Rollä Spilä sötti... Au en unterstützendi Rollä isch wichtig. Im Actionfilm hed de Schnitt vor allem d Ufgab d Action in Szenä setzä, natürlich mit allnä Mitel, das chan z.B. au en es bitz schnällärä Schnitt sie etc (hani jo alles scho vorher gschribä). Aber er hed nid d Ufgab d Action z produziärä... will wenn ufem Bild kei Action passiert, chasch no so schnell schnidä und no so verruckt zitärä, meh Action gits drum glich nid. Und diä Uffassig wo schinbar en hufä händ, dass en schnellä Schnitt langt, und denn Close Ups alles sind womer mues zeigä (was wahrschindlich au mit em CGI Izug erhaltä hed, wills halt eifacher isch im Close Up zmanipuliärä als inere Totalä) eifach für en totalä Irrtum, und eigentlich für en Frächheit am Zuäschauer gägänüber (willmerem im Endeffekt nüt bütet als en wackligii Kamera und en Schnällä Schnitt... erkännä tuetmer ufem Bild jo nüt meh).

Genau do bini äbe nid iiverstande. So wies do stoht nimmsch du ah dasses e Action unabhängig vo dene, wie dus seisch, "unterstützende" Elemänt git. So wie du Schnitt definiersch hätt jedes angere Elemänt vom Film ou e "unterstützendi" Rolle. Kamera, Sound, Editing etc. sölled also alli das wo du hie "Action" nennsch ungerstütze. Du seisch der Schnitt söll d Action nid produziere. Ganz logischerwiis müesstisch also s gliiche über d cinematography, sound, mise-en-scène säge. Will wie du seisch:

wenn ufem Bild kei Action passiert, chasch no so schnell schnidä und no so verruckt zitärä [und Filme und orcheschtriere] meh Action gits drum glich nid.

Und genau da bini nid iverstande - Editing, cinematography etc. chöi äbe d Action grad "produziere" (as opposed to ungerstütze) und i vilne grandiose Filme machesi das. DARUM hani der Leone und de Kurosawa anezoge - wenn dir s Finale vo "the good, the bad and the ugly" nomou aluegsch merksch ebe, dass genau nüt passiert ir Szene - der Schnitt kreiert zäme mit de Close-ups ufd Auge und em Crescendo i der Musig d Action! Oder wosch säge dass d Spannig vorem Showdown ke Action sondern nur Vorspiel isch? Wohl chuum. Aber zum mini Ussage nomou bitz z relativiere: Jo, oft bruchet Filmmacher ihri Wärchzüg in "ungerstützender" Form - und oft klappt das jo ou ganz guet. Aber richtig grandios isches doch wenn die Element vor Filmmacherei im Zämespiel der Film "mache".

Also nomol - ich gibe dir rächt, dass d Schnittfrequänz vor allem i de Afangsszene vom Quantum übertribe isch, aber:

dass de Schnitt d Action höchschtens söt unterstützä und nid kreirä

Nö, gsehni ganz anders!

[Tatsujin]

krass isch das topic langwiilig worde

'schleider scho so.

vorallem lueged und losed doch lieber es baar alti, als über de noi bruch ds philosophiere. findi irgendwie voll schad um d ziit.

und de bescht OST het eh OHMSS. period.

[randy]

han hüt de A View to Kill gluegt. de film isch es goht so, aber d'stacey

[Tatsujin]

findsch na guet de stacey?

[randy]

super isch sie, schöni auge
und s'letschte mol d'original miss moneypenny
de walken isch chli blass überecho und d'mayday...

[Acid]

Ok... do irs interessanter findet Frauäbildli z Poschtä (au wenn das logischerwis in es James Bond Topic genau so ghört, und super isch), als emol öpis uszdiskutiärä, haltimi möglichscht churz... (isch glaub sowieso besser, zum nid so ums Züg umäredä, und alles es paar mol durächäuä)

i angerne Situatione cha sone Art z Filme durchuus passe, grad willsi ja denn im Kontrast zu ruhige Passage steit.

Hanni no keinä gseh bis jetzt. Ziterndi Hand Kamera, und Scenä womer nid viel gsehd isch imene Film wiä z.B. Man bites Dog super. Det folgts allerdings anerä ganz anderä Logik, isch super gmacht, und stoht trotz allem nid im Mittelpunkt.

Aber der Schnitt isch es Elemänt wo grundsätzlech nur im Film e Rolle spilt ...

So einiges im Theater chund am Schnitt imene Film sehr nöch. Ebäfalls gits im Comic öpis verglichbars. Und au i de Literatur gits Schnitt... au wenn natürlich kei graphischi.

Genau do bini äbe nid iiverstande. So wies do stoht nimmsch du ah dasses e Action unabhängig vo dene, wie dus seisch, "unterstützende" Elemänt git. So wie du Schnitt definiersch hätt jedes angere Elemänt vom Film ou e "unterstützendi" Rolle.

Nei, ich säg nid unabhängig... Au en Unterstützendi Funktion chan sehr wichtig oder sogar essenziell sie. Bim zweitä hesch rächt... für mich sind z.B. au SFX nur unterstützend öpis Wert (det gangi allerdings no vil witer und säg am beschtä sind diä, womer nid merkt... das sägi bim anderä Züg nid). Das findi suscht langwilig... en guete Schnitt chan öpis spannender machä als es wär... aber ebä, das isch für mich kei guete Schnitt.

wenn dir s Finale vo "the good, the bad and the ugly" nomou aluegsch merksch ebe, dass genau nüt passiert ir Szene - der Schnitt kreiert zäme mit de Close-ups ufd Auge und em Crescendo i der Musig d Action! Oder wosch säge dass d Spannig vorem Showdown ke Action sondern nur Vorspiel isch? Wohl chuum.

Doch das isch für mich kei Action. Es isch Spannig. De Schnitt und d Musig steigeret d Spannig... aber ohni diä abildet Situation wär gar kei Spannig vorhandä wo dur de Schnitt und d Musig gsteigeret werdä chönti.

[Sephi]

PS: Ich würd säge de Another Way to Die het wäsentlech meh vom Bond-Vibe als de Die Another Day!

http://www.youtube.com/watch?v=hM5UJvnbbuY

vs.

http://www.youtube.com/watch?v=Ii1tc493bZM

Es sind d Bläser, die abghackte Rhythme, die soothing-ruhige Teil mit Stricher u.a. I bi ja ke Musiker, aber das chasch definitiv a konkrete Elemänt feschtmache - ou wenns Wüsse dasses sech umnes Bond Theme handlet sicher mit inespilt. Chame ja no de Verglich mitem "You know my name" mache.

[Tatsujin]

und s'letschte mol d'original miss moneypenny

ja isch truurig

de walken isch chli blass überecho und d'mayday...

lol..wie meinsch? gseh eigentlich bi beidne kei blassheit. weder bir appearance no bi dr huutfarb

[zwirrlibatz]

Ich glaub mir sind einigermassä glicher Meinig. De unterschied schint also vor allem eifach do drin zligä, dass du de neuscht und schinbar au de Madonna gältä losch, und ich find dass diä dänäbed sind. Do mir aber suscht glicher Meinig zsie schined, hani kei Ahnig werum das so isch.
Bi mir isches eifach so dassis bi denä Songs nid gspür.

Vilicht chasch du sägä wo du z.b. bim neuschtä oder bi Madonna diä vo dir erwähnti Süffigkeit und de Schmalz gfindsch. Ich gfind de nid.

Bim Neuschte isch sie für mich völlig klar. Ich reduzier sie nöd uf de Loungejazz mit Martini i de Hand und offner Gravatte Musig. Das Stuck hett e fönni Attitude am Piano, Dynamik und Läbensluscht. De Madonna ihre sticht scho use. Sehr guet müglich, dass grad de nur mit em Wüsse drüber als Bondsong ghört cha werde. Unsüffig isch er gliich nöd, isch ja Madonna und die hett das - oder ehner de Sleaze im Pop - ja en Art eh scho pachted. Ich säg ja nöd dies und das sind d'Parameter, sondern frög mich ebe wo und wie sie sind. Und öb.

[Tatsujin]

ich fass es nöd.

[O_O]

"Another Way To Die" isch ganz grosses chino und das nid "nur" als bond song.

[Acid]

ich fass es nöd.

@zwirrlibatz: Ebä... mir gspüred das eifach andersch... und drum chumi au nüm witer. Wiemer diä Parameter chan benännä weisi wiä scho gseit jo au nid.

[zwirrlibatz]

ich glaub de Tatsuijin chan das. wämer en frööge?

[O_O]

de dalton spilt übrigens gad ir tv serie chuck en spion (bösewicht) und das üsserscht guet.

[Reinforced]

de dalton spilt übrigens gad ir tv serie chuck en spion (bösewicht) und das üsserscht guet.

de dalton als bond isch chum nännenswert.

[Tatsujin]

de dalton spilt übrigens gad ir tv serie chuck en spion (bösewicht) und das üsserscht guet.

de dalton als bond isch chum nännenswert.

er isch immerhin de 4t bescht bond gsi. als reine schauspieler betrachtet, eigentlich sogar de bescht vo allne bis jetzt.