The(G)Forum

grad en grund mal wieder die einzig roxyplatte wo ich han fürezgrüble - viva! - und oha! every dream home a heartache!

Die da:


Oder alternativ au grad d'DVD:


ZOMG Es paar alti Chnuuschtis über 50gi spieled 30 Jahr alti Songs, wo immer no wie Musig us de Zuekunft töned (und dezwüsche au es paar Schnulze ), und das mit eme Schwung und eme Enthusiasmus, wo Bands mit em halbe Durchschnittsalter vor Niid erblasse laht


Quelle

Quelle

Han immer gmeint, dass Roxy ehner e Studioband sind... Denkste.

ah hett mich no gwunder gnoh wie die hüt sind. immerno weirdo oder doch ehner gsetzt nach, mit und wäg de 80er jahr hits.

ich glaub kei 70er jahr band isch e "studioband" i däm sinn. die händ das anders "glernt". au d'70er floyd live bootleggs rocked rächt, au wenns mal sägemer im 75 de ganz WYWH und DOTM spieled. immer no gnueg live egge und kante.

muss ich dvd poschten. aber wie isch de ferry elei live? de chunnt ja nöchschtens... oder isch scho gsi.

Guet, die Konzert sind au scho wieder 10 Jahr her und hütt isch de Ferry nöcher bi 70gi als bi 60gi. Anderersiits isch sin Stil ja durchus senioretauglich, das mues also nöd zwingend es Problem si. Tour isch glaubs scho verbi. De Ferry isch glaubs im Summer da irgend a eme Festival ufträtte.

Ferry ellei isch dänn aber glaubs scho e gsetzteri Sach als Roxy. Weniger wäge de Band, det verlaufed d'Gränze ja flüssend (au bi Solotoure isch afaik no oft de Manzanera a de Gitarre und de Thompson a de Drums), aber halt wäge de Songs. Bi de Roxy-Konzert bestönd d'Sets mindestens zur Helfti us de Art Rock-Sache us de 70er, bim Ferry solo dominiert dänn aber doch klar de gschmackvolli Edelkitsch vo de spate Jahr - viellicht no mit zwei, drü früehneri Roxy-Songs als Zückerli. In Every Dreamhome a Heartache gitt's aber sicher nume a eme Roxy-Konzert.

Wobi ich ja ebe überhaupt keis Problem mit de schnulzige Phase vo de Band und vom Ferry han. Avalon isch wahrschinlich die beschti Adult Contemporary Soft-Pop Platte wo gitts. Und sini Soloplatte vo letscht Jahr mit em Song for the Siren-Cover - mega. Natürlich isch es eigentlich grauehafti Musig - Schmusepop für d'Luxus-Cocktail-Lounges, wo guetbetuechti Yuppie-Bankmanager und ihri Trophy Wives drin verchered. Aber irgendwie bringed Roxy und de Ferry das eso "echt" übere, dass es dänn ebe doch wieder guet isch. Absoluti Meischterschaft i eme "niedere" Genre isch immer no 2384792834x besser als Dilettantismus i eme künstlerisch spannendere Genre.

wahr und guet gseit. aber bim siren muenisäge dass em Plant sine für mich millionemal besser chunnt. http://www.youtube.com/watch?v=eLpdz6Vt ... re=related" onclick="window.open(this.href);return false; nöd umbedingt d'stimm aber jedefalls s'arrangement drumume. und demit cha me yuppies us jeder lounge triebe wills sogar zviel bzw de wahri, erdig, knorrig schmalz hett.

Adult Contemporary Soft-Pop

ich han neu bstellt die zwei da...


Mark Lanegan - Blues Funeral


Simple Minds - X5

und du

gröschti konscht! einzigartig, extrem scheff a de instrumänt und i de arrangement und fu de art här ghört me so guet wie nie sowas. psychedelische folk nännet sie's. e band wo eigentli genauso gross wie king crimson hätte chöne werde aber s'hett nöd wele sii. jetz sind sie wieder zäme und unterwäx.

http://www.comusmusic.co.uk/" onclick="window.open(this.href);return false;

psychedelische folk isch ds neue waterboarding

erchlärt eus au de emp endli im 2012.

über es album vonere band usem 1971.



aber fair, en ahnig ha isch halt hinderlich wemme überall will chöne mitrede.

ok. waterboarding isch de successor vor psycho folk. au guet, wieder öppis glehrt.

zwirrlibatz hat geschrieben:

Die Platte chasch irgendwie nöd lose, das isch schlimmer als d'Früehphase vo de Neubauten


@Topic:


Hui, da wäred's wieder. Neu im 4-er Lineup. Und mit em beschte Songtitel ever: "Robocop 4 - Fuck Off Robocop"

Gurgelhals hat geschrieben:

zwirrlibatz hat geschrieben:[img]Throbbing%20Gristle[/img]

Die Platte chasch irgendwie nöd lose, das isch schlimmer als d'Früehphase vo de Neubauten

Quelle


Quelle




psychic tv find ich wiederum würkli gähn, mal abgseh vom lolige


Quelle

Gurgelhals hat geschrieben:

the-plot-against-common-sense

:spit:

Musig für d'Gägewart. En vertonte Börse-, Gsellschafts-, Technologie- und Kultur-Kollaps Wänn mir demnächscht alli im Cyberauto i d'Höll abefahred, wird genau die Platte us em Autoradio töne

Und nöd emal de Dubstep tönt scheisse. Und d'Gästelischte erst: Lee "Scratch" Perry, Primal Scream, Keith Levene, d'Bassischtin von de Slits, de Youth hätt produziert und susch au no viel meh. Die hässige Alt-Punks sind die einzige, wo sich irgendwie no en Reim uf die kabutti Wält chönd mache


Quelle