L.A. Noire (360/PS3)

[sidusson]

dr ganz fau nomau mache sucket... eifach dverhör wäre cool nomau chöne ds mache.. würd nid viu am game ändere..

[kabuki]

da hesch rächt, mängisch hesch z.b. 3/5 frage richtig beantwortet, shit ! aber dr ganzi fall wiederhole schiesst äbe o a.
dafür halt jedi näbemission mache wo per funk inechunnt damit ine höchere rang chunsch.

[sidusson]

dnäbemissione fingi soooo längwilig

[kabuki]

es het es paar gueti näbemissione dabi.
bankräuber im tresor-ruum kille, oder diä wo es paar bösi cheibe muesch verfolge bis zur u-bahn abe, super.
finde z'game geng besser. bi ize bir 2. dvd acho

[sidusson]

gueti näbemissione fingi äbe nid.. es geit immer glich ab wie imene GTA.. verfougigsjagd u när aui umniete... immer ds gliche shema.. isch bitz schad..

[DeftOne]

gueti näbemissione fingi äbe nid.. es geit immer glich ab wie imene GTA.. verfougigsjagd u när aui umniete... immer ds gliche shema.. isch bitz schad..

Ich finde es ist auch nicht wirklich motivierend diese zu machen. Vor allem die Autos suchen und einmal einsteigen für irgendeinen Erfolg finde ich ziemlich bescheuert. Da ist GTA schon um einiges motivierender, was solche Aufgaben betrifft.

[Master(G)]

ich finds game an sich scho langwiilig

[zwirrlibatz]

ich finds game an sich scho langwiilig

bisch jetz halt gspoilt vom deadly premonischn.

[Guave]

Ja und es wärde nid Läbewäse im Minutetakt verschosse.

[Mastler(P)]

http://screwattack.com/videos/LA-Noire- ... n-The-Eyes
are you.. lying ?

[Sephi]

Das Spiu isch eifach super!

[kabuki]

Das Spiu isch eifach super!

dr oberhammer !

jetzt grad fertig worde und muess säge mir hets viel besser gfalle als red dead redemption, isch hat gschmacksache, cowboy-john-wayne-western isch weniger mis ding gsi.
aber 40er jahr mit jazz und mafia und korruption das isch es geils setting.
d story wird gäge schluss huere guet und es chunnt es geils final.
dr cole phelps bechunnt o geng meh charakter

[O_O]

klar bildkompositione sind super, gueti kamera und gloubwürdigi schauspieler.
aber hey ! sone religiöse huere brunz hani scho lang nümme gseh, d'story vom game isch mager und d'message isch öppe wiä amene sunntig nachemen chile bsuech. han nachem game so richtig z'bedürfniss gha nach insekte verdrücke, rand-ständigi usbuhle und viel droge z'konsumiere.
dass heisst ig bi ändgültig gottlos, oder ds game isch eifach nume kitschig.

[Mastler(P)]

ich has game ja nur ahgspillt, aber vilicht bisch du au numme en labile trotzchopf?

[kabuki]

ig stuune wie en gwüsse mönsch fröid het posts vomene film-topic da ine ga kopiere.
naja, du schinsch ja en grosse fän vo mir zi, ähm bitrag für min fanclub isch hundert frangg,

[Sephi]

Läck, krass wie s Game storymässig nomou der Hahne ufdräit uf der dritte CD. Vom Spielprinzip här isches ja zitwiis rächt repetitiv, ha jedefalls ab und zue mau e Pouse brucht. Aber wiesi d Spielmechanik mit Inhalt fülle isch ächt der Börnler. S Writing stoht i kem Verglich zu GTA oder Red Dead Redemption, der McNamara cha schribe und zwar richtig. Beschti Videospiel-Gschicht sit langem und d Entwicklig wo der Hauptcharakter düremacht isch ou super.

Gad die wo süsch bi GTA oder Red Dead am umegränne si müesse das hie spile. Dass die wo süsch freud a peng peng hei das hie nid so toll finge sött ja scho gnue Hiwiis druf si dassmes mues aluege. Mach!

Nid dass s Game nid ou sini Fähler hät. Vor auem was d Actionsequänze abelangt hätme viles besser chönne mache, aber ebe, die Teile si entsprächend sekundär.

[h4xX0r]

Beschti Videospiel-Gschicht sit langem

welles isch die bescht?

[Mastler(P)]

welles isch die bescht?

Day Dreamin' Davey!

[sidusson]

bi jetz ou düre u ds ändi isch no krass, dr cole chratzt ja ab

aber aues i auem e guete zock gsi mitere tolle gschicht u üble widerholende sequänze..

[Sephi]

Beschti Videospiel-Gschicht sit langem

welles isch die bescht?

Würd mal spontan bhaupte Shadow of the Colossus!

[Sephi]

bi jetz ou düre u ds ändi isch no krass, dr cole chratzt ja ab

aber aues i auem e guete zock gsi mitere tolle gschicht u üble widerholende sequänze..

Ja wennmes lang am Stück spiut isches haube bitz frustrierend wenn wider ane riesigi crime scene aneloufsch und jede Egge muesch go abklicke. Aber grad uf der dritte CD hetsmi düecht dass wider meh Abwächslig ids Missionsdesign cho isch und d Entdeckige wod machsch der Ufwand total wärt si. Mau nid sone truurige, sensationalistische, schockierende twist wie zum Bispiu bi Heavy Rain sondern e gloubwürdigi Verschwörig wo aui Fäde vom Spiu nomou zäme loht lo loufe. Zimlech nätt. Und der John Noble (LotR, Fringe) isch e super Bonus . Usserdäm fingis rächt muetig und natürlech imene "noire" game passend, der Houptcharakter is Loch lo z keie und ersch gäge Schluss en neue, suberere Houptcharakter izfüehre.

De John Noble, mega!

[sidusson]

är isch würklech mega

[thaeye]

ja abr bitzli enttüschend isches halt doch, es click and point adventure mit chli action iilage wott chasch wegklicke. klar story isch bisher won ich gseh han sicherlich öpis vom bessere uf konsole aber gameplaytechnisch halt eifach chli lahm. bruch immer wieder pause vo dem spiel. chli freier haetets es scho dörfe gstalte.

[Guave]

Ich spiel au nur 1 Fall pro Tag und mach denn wieder e Pause. Es isch geil, aber 5 Stund am Stück kanni das nid zogge.

[randy]

bin jetzt uff de 2. dvd aacho mit öbbe 5 stund spielzit (~23% completed). näbemissione han ich glaubs numme 2 gmacht.

repetitiv - schoso aber ich bin froh isch es nid immer numme umegeballere