The(G)Forum

Herr Rossi hat geschrieben:Chummer vor wie ne Alchemischt

Es isch super

Nögscht Wuche seted endlich neuji Arome bi mir acho. Denn wird wider gmischt Xino mit Mundschutz und Sprütze. S gset us wienes Drogelabor...ich freu mich scho uf di nögscht Huusdurchsuechig...

Hüt sind es paar neui Arome acho



So mues das si Brucht öpert Liquid? PN

Gits eigentlich Studiä oder so öpis wos das ganzä Züg mol ordentlich unter d Lupä gno händ? Chanmi mit de Idee dasses super isch sich isolierti Chemikaliä inäzpumpä irgendwiä immernonig so richtig afründä.

S git es paar churzfristigi Studie...di einte beuftreit vo Pharma- und Tabaklobbys und anderi vo E-Zigarette Hersteller. Di jewilige Ergebnis chaschder ja in etwa vorstelle
Langziitstudie gits nonig...

Im Liquid hesch pflanzlichs Glycerin, Propylenglycol, Aroma und optional no Nikotin.

Pflanzlichs Glycerin hesch i jenschte Lebensmittel oder Kosmetikartikel...cremes und so. Propylenglycol isch vor allem bekannt us Dampfmaschine i Clubs. S chunt aber ebefalls i Kosmetik, Zahpasta und suschtige Cremes vor. D Arome sind normali Lebensmittelarome wie si au susch überall drin sind. An sich sind die Stoff also alli "unbedenklich" und mer chunt tagtäglich mitene in Kontakt. Wie das jetzt usgset wemer sich das zügs direkt id Lunge ziet isch wider e ganz anderi Frag, aber vergliche mit dene +/- 4500 Giftstoff inere normale Zigi würdi mal sege s isch s geringere Übel. Mine Lunge gats uf jede Fall besser siti umgstige bin. Wies längerfristig usgset wüssedmer denn ines paar Jahr...

Am beste luegsch mal da, die hend einigi Studie als PDFs: http://ig-ed.org" onclick="window.open(this.href);return false;


Edit: Glycerin und Propylenglycol hesch übrigens au i de Zigis...insofern...machschdr au Gedanke über d Inhaltsstoff vonere Zigi?

i dä zigi häts so vill dräck das dampfe eigentlich gsünder sie muess. vorallem wenn du seisch das sind all normale grundstoff.
dbehauptig das mir aber all eh jede tag mit dene stoff in berüehrig chömed isch scho realistisch, aber au schwammig.

Chasch ja mal naluege....Glycerin isch E422 und Propylenglycol E1520.
Das Zügs isch überall drin, seit aber letztendlich würklich nüt us. Entscheidend isch d Mengi und wie dases konsumiert wird.
Üsi Lunge sind eigentlich für Luft gmacht...ich vermuete allerdings, dass das amne Raucher eh chli am Arsch verbi gat...

Ihr würdet gschiider richtig ufhöre, statt dä Scheiss inez'ziehe

Sicher nid...s macht Spass! Ich han jetzt grad min Wassermelone Menthol Mix fertig gmischt....super lecker

Xinobrax2 hat geschrieben: Edit: Glycerin und Propylenglycol hesch übrigens au i de Zigis...insofern...machschdr au Gedanke über d Inhaltsstoff vonere Zigi?

Logisch machmer Gedankä drüber. Das was ich untere richtigä Zigi verstohn hed genau 1 Zuäsatzstoff: Tabak. Dasses nid bsunders gsund isch, de azzündä und sich de Rauch devo i d Lungä z ziä, do müemer nid drüber redä, das isch klar.

Xinobrax2 hat geschrieben:Chasch ja mal naluege....Glycerin isch E422 und Propylenglycol E1520.
Das Zügs isch überall drin, seit aber letztendlich würklich nüt us. Entscheidend isch d Mengi und wie dases konsumiert wird.
Üsi Lunge sind eigentlich für Luft gmacht...ich vermuete allerdings, dass das amne Raucher eh chli am Arsch verbi gat...

Wiä du seisch, dass das Züg überall drin isch, seit nüt us. Ich bin do halt relativ konservativ igstellt (drum versuechi z.b. au möglichscht all das Züg z vermiedä wo du do ufzellt hesch).

Aber ja... do ich tatsächlich no niä en unglaublich starchä Raucher gsi bin, gang ich denn glaub ebä doch lieber de Wäg eifach wieder weniger z Rauchä (im letschtä halbä Johr hani leider wieder chli meh (echli meh heisst bi mir aber immerno vorallem punktuell, nid de ganz Tag und au nid jedä Tag)... und ich gspür d Uswürkigä halt scho). Und ich han au scho gnueg anderi Gwohnheitsproblematikä wohni mues abarbeitä, do bruchi kei neui zuäsätzlich, und han ebä chli s Gfühl weni mit dem jetzt au no Afangä würd, würdi nochher eifach immer a dem Aparat hangä. Undmer irgendwelchi komischi Chemie is Hirni Ziä.

Für en Glegeheitsraucher machts wohl würklich kein grosse Unterschied...

Wennt aber täglich ca. 10 Zigis rauchsch lohnt sichs scho. Ich han ersch grad letzti widermal e Zigi graucht und s isch na interessant. Einersits isch si recht grusig gsi, andersits aber au sehr nostalgisch. Ich han nach Jahre widermal de Gmasch im Muul gha woni na vo de allererschte Zigi her kenne S isch erstunlich was regelmässigs Rauche mit de Gschmacksnerve astellt. Ich schmöcks jetzt au bi anderne sofort ob si raucher sind oder nid...das ischmer vorher gar nüm ufgfalle. Allgemein schmöckt jetzt alles intensiver. Isch na speziell

Dasmer i manche Situatione plötzlich ununterbroche anere E-Zigi ziet stimmt tatsächlich. Ich merk das vor allem weni vorem Rechner bin. I so Fäll nimi jetzt amigs eifach es Liquid oni Nikotin. Irgendwas fruchtigs mit Menthol isch da n guete Ersatz.

Gsund isches sicher nid, aber ich würd jedi Wett igah, dases weniger schädlich isch als s Rauche. Ich merk das in letzter Ziit immerwider mal...z.B. bim Stege laufe oder bim umerenne. Für Lüt wo vil Rauched ischs uf jede Fall e Überleggig wert. De Wechsel gat problemlos...ich han vom einte Tag uf de ander kei Zigis me aglangt...und au kes Verlange me denach gha.

Finds au e super sach. Ha kei Zigi me aglängt, isch saugrusig mitlerwile. Ich dampfe nur no Anm obig regelmäßig, tags düre nur ab und zue eis bis zwöi mol dra nuggele

Für die wos nid mitübercho hend, d EU hets jetzt gschafft de E-Zigarette Markt über d Tabakrichtlinie z reguliere...
Nid schlecht wemer bedenkt, dass E-Zigarette eigentlich nüt mit Tabak z tue hend. Da sind die mal wider zimlich kreativ gsi.
Die Richtlinie müend vo de EU Staate innerhalb vo de nögschte 2 Jahr umgsetzt werde.

Konkret sind in Zuekunft nur no "Kartusche" miteme Fassigsvermöge vo maximal 2ml erlaubt. Liquids dörfed allgemein nüm me als 20mg/ml Nikotin enhalte. Liquid Fläschli mit me als 10ml werded ebefalls verbote. Mit anderne Wort, di ganz Regulierig richted sich nach dene Mini-E-Zigis womer nid selber chan befülle sondern Nachfüllkartusche mues chaufe. S gat also genau um die Produkt, wo scho sit einiger Ziit nach und nach vo de Tabakkonzern ufkauft werded. Alles andere wird jetzt offebar vom Markt verdrengt. Ich han da allerdings so mini Zwifel ob das denn au praktisch chan umgsetzt werde.

EU


Glichzitig diskutiert de Bund i de Schwiz über d Legalisierig vom Handel mit nikotinhaltige Liquids.

wieso nöd flüssigkeit anstatt liquids?

Het sich über di letschte Jahre hinweg so etabliert. S Grät selber nenntmer ja au E-Zigarette obwohl Verdampfer eigentlich vil passender wär...wayne...

Xinobrax2 hat geschrieben: Glichzitig diskutiert de Bund i de Schwiz über d Legalisierig vom Handel mit nikotinhaltige Liquids.

Hä? Was? Därf mer i de schwiiz nöd handle mit nikotinhaltige flüssigkeite? Wie chunt denn s'nikotin id e-zigi? oder ebä nur wänns i kartusche chömet?

hanf hat geschrieben:

Xinobrax2 hat geschrieben: Glichzitig diskutiert de Bund i de Schwiz über d Legalisierig vom Handel mit nikotinhaltige Liquids.

Hä? Was? Därf mer i de schwiiz nöd handle mit nikotinhaltige flüssigkeite? Wie chunt denn s'nikotin id e-zigi? oder ebä nur wänns i kartusche chömet?

De gewerblich Handel mit nikotinhaltige Liquids isch i de Schwiz verbote.
ABER als Privatperson dörfsch dir pro Monet/Person 150ml nikotinhaltigi Flüssigkeite importiere...

Was irgendwie zimlich bescheuert isch will d Konzentration vom Nikotin bi dere Regulierig gar kei Rolle spillt. Ob du jetzt 150ml mit 6mg/ml Nikotin oder 150ml mit 72mg/ml impotiersch isch egal.
Mit Logik oder Konsumenteschutz het das nid vil z tue...es wird eifach mit allne Mittel versuecht de Markt z unterbinde...

Da sind halt einigi Interesse im Spiel. Zum eine hesch z.B. d Pharmas wo durch d Behandlig vo Chrebserkrankige und au Nikotinpflaster oder Nikotinkaugummis Milliarde verdiened. Denn gits no d Tabakkonzern, wo iri Chunde nid wend verlüre...au de Staat setmer da nid vergesse, wo ja pro Jahr so um di 2,5 Milliarde durch Tabakstüre inimmt. Isch chli tricky di ganz Situation...

ah wie bim gras. öbs jetzt 1% oder 30% thc hät ischne au egal... vermuetli verfüegets eifach nöd über d'möglichkeit d'konzentration schnell und eifach zteste -- entsprechend denn d'gsetz.

aber wasi mi fräge: wie händs das gschafft dass dä gwerblich handel vo nikotinhaltige liquids verbotte sind? also das müends ja neu iigfüehrt ha wo e-zigis ufcho sind, oder isch das gsetz scho älter?

Händ wohl eifach relativ schnell gschalltet... E-zigis gits jo scho länger, so richtig i de breitä Gsellschafft chunds aber ersch jetzt a. Vorher hed das kein interessiert wo sich nid sowieso mit so Themene beschäftigt.

Isch jo wiä bim Betäubigsmittel Gsetz. Chund au immer wieder mol es Pflänzli druf, wo diä meischtä Lüt gar nid wüssed wases überhapt isch. Dementsprechend herrscht denn au relativ wenig Wiederstand.

D Nikotinkonzentration lat sich im Verhältnis zum THC rel. eifach teste. Das wär aber nid mal nötig will ja uf de Liquids und Base immer druff stat wievil das din isch. Liquids hend idR 0mg, 6mg, 9mg, 12mg oder 18mg. Das sind d Standards wo sich mittlerwile etabliert hend und jede Konsument weiss in etwa was ihm am beste passt.

S Verbot i de Schwiz gits glaubs sit 2010...wie das vorher genau gsi isch weissi nid mal...damals het wohl eh niemert drüber nadenkt....wer chauft scho Nikotin eifach so.

Da no es Video vom Phil dezue:

Quelle

Widermal es Video vom Phil zur aktuelle Lag i de Schwiz:


Quelle

Morn gits E-Zigis bi Kassesturz...de Phil isch au debi...nimmt mi wunder wie si drüber werded berichte...

E-Zigaretten im Test: So gefährlich sind sie wirklich

Zigaretten, die nicht stinken und der Gesundheit weniger schaden. Das versprechen Anbieter von E-Zigaretten. «Kassensturz» hat erstmals im Labor E-Zigaretten getestet und auf Giftstoffe im Dampf untersucht. «Kassensturz» sagt, ob E-Zigaretten wirklich weniger gefährlich sind als herkömmliche.

Streit ums Dampfen: Rauchende Köpfe wegen E-Zigaretten

Immer mehr Raucher steigen auf E-Zigaretten um. Doch in der Schweiz dürfen keine nikotinhaltigen Liquids verkauft werden. Dampfer müssen sie übers Internet importieren. Ein neues Gesetz soll das ändern. Kritiker warnen vor Gefahren. «Kassensturz» über den Streit ums Dampfen.

mis fazit nach 10 wuche mit de e-zigi isch extrem positiv

vom erschte tag ah rauchi kei tabak meh, null. zudem zieni durchschnittlich no öpe 2-3 mal am tag a de e-zigi.
d.h. e volli reevo s mini länged mir fascht e ganzi wuche.

die einzig nennenswärt näbewirkig isch, das mi graskonsum gschtige isch. natürlich nur mit vapo

was für en Vapo hesch?


Ich han jetzt sit gli 3 Wuchä widermol gar nüt graucht (also au nid dampft)... au easy.

http://www.iolite.com/our-vaporizers/io ... izers.html" onclick="window.open(this.href);return false;

Herr Rossi hat geschrieben:die einzig nennenswärt näbewirkig isch, das mi graskonsum gschtige isch. natürlich nur mit vapo

häsch dä fertig liquid, oder wie machsch das gnau?