Welchen Film oder welche Serie hast du gerade gesehen?

[Mastler(P)]

ich has gfühl dä usdruck für sex isch zu neu um ih däre ziit wos spillt brucht zwerde.

[Herr Rossi]

Extraction 6/10
Solide Actionfilm, dämlichi Story, no dämlichers Endi

[Mastler(P)]

luegsch das, besser für dich:



american ninja

[agestuffer]

american ninja

Mitem Dudikoff gäll.. Shit, die hani glaub vor 30-35 Jahr heurä geil gfundä
agestuffer

[Mastler(P)]

ja, mitm dudi. hani au scho öppe zwei jahrzähnt nüm gseh.

[feeshlee]

Warm Bodies - 6/10. Ziemli tummi Zombie-Parodie. d'Corona-Szene isch unter dä aktuelle Umständ no lustig gsi.

[OlDirty]

Guns Akimbo 8/10 (EDIT: Mues wohl upgrade uf 9/10. Goht mir de ganz Tag scho nüme us em Chopf und de Trailer hani inzwüsche sicher au scho 20x gseh. Het mi extrem positiv überrascht. Eifach wieder mol so chli öpis neus)

Was für en abgfahrene shizzle, heilandsack when the shit goes down you better be ready, when the shit goes dooown.


Quelle

[Mastler(P)]

sehr guet. willi no luege. zersch aber no swiss army man.

[agestuffer]

ja, mitm dudi

Weisch was isch au Schlimm... Dem Dödel sind namä weiss sofort, nur vom Bildli här und so....
Französisch us de Oberstufä und KV weissi fascht nix meh. Haha...
agestuffer

[OlDirty]

swiss army man 3/10

Mir definitv z'abgspaced und eifach au z'langwielig. Bi do eher zwenig gsegnet mit künstlerischer Faszination dies wohl brucht zum de Film chöne z'würdige.

[joe_higashi]

1917 8/10 - d one shot dreh isch echt super gmacht, d gschicht isch au nie langwillig..mer wird guet unterhalte..aber het mi z.b nie so packt wie d parasite.

[The Sheep]

swiss army man 3/10

Mir definitv z'abgspaced und eifach au z'langwielig. Bi do eher zwenig gsegnet mit künstlerischer Faszination dies wohl brucht zum de Film chöne z'würdige.

Falls de Film en intellektuelli Botschaft het, bi mir isch sie au nit acho. Ich han nur en Odyssee mitere furzende Leiche gseh und has weder luschtig no unterhaltsam gfunde, sondern eifach nur langwilig.

[Mastler(P)]

hät eifach speziell, abgspaced und einzigartig usgseh. aber ich weiss eich nüht über dä film. mal luege.

[OlDirty]

swiss army man 3/10

Mir definitv z'abgspaced und eifach au z'langwielig. Bi do eher zwenig gsegnet mit künstlerischer Faszination dies wohl brucht zum de Film chöne z'würdige.

Falls de Film en intellektuelli Botschaft het, bi mir isch sie au nit acho. Ich han nur en Odyssee mitere furzende Leiche gseh und has weder luschtig no unterhaltsam gfunde, sondern eifach nur langwilig.

Jo demfall liets nöd nur a mir das ich en kulturelle Banaus bi . Am Fr defür nomol de Guns Aki- Dingsbums luege

[The Sheep]

Extraction (7/10)

Was für en body count! Le rambo isch e schissdräck dergege
Es isch e Comic Verfilmig. Das het mi es bitz nachsichtiger gmacht.

[Avenger]

Death Wish 4 -> 6/10

Selbstjustiz-Filmli ohni grossi Überraschige, aber immerhin sehr gradlinig und es geit ordentlich zur Sach. Ei Punkt gits grad fürs Intro mit de 3 Thugs und em BMW wo natürlich genau denn nid startet.


...und wie immer i sörtige Filme mit wenig Budget gits meh oder weniger uffälligi Filmfehler:





Rampe da... und scho wieder weg.

[OlDirty]

1917 6/10

Irgendwie langwieligi Gfühlsduselei.Wer en Film wie Band of Brothers, Pacific oder so erwartet wird recht entüscht. Zudem isch mir de Hauptdarsteller recht uf de Sack mit sinere dümmliche Schisser Anti-Rambo Istellig.

[turntablism]

Ha de 1917 speziell gfunde. Natürli kein Rämbo.
Es laft grad: Sag niemals Nie im TV

[Vyse]

1917 han ich inhaltlich leider au nöd sehr guet gfunde, aber gopf, visuell isch dä Film es Meisterwerch, die Uufnahme, Kompositione, Liechtstimmige usw. würkli extremscht guet.

[Mastler(P)]

swiss army man 7/10
ich finds no recht einzigartig und teilwiis luschtig. für mich easy underhaltig, obwohl ich di erscht hälfti doch au fasch zlangsam gfunde han.

[Master(G)]

Extraction

gaht also guet ab, 2 std. praktisch nur action und hunderti toti

schlächt ischer aber ned gsi.

7/10 isch fair!

[Mastler(P)]

eraserhead 8/10

[OlDirty]

Coma 7/10

En Russefilm und eigentli gar nöd so schlecht. Recht abgspaceti Storry, aber hanen echt no underhaltsam gfunde.

Extraction 9/10
So stell ich mir en guete Action Film vor. Kein Marvel Chinderkram , kein unnötige Humor defür richtig kernig mit hohem Bodycount. Het de Rambo au so abruhmt?


Quelle

[Avenger]

Police Squad! (in color) -> 8/10

Hahaha, eifach super und herrlich schräg! Schad hets nur 6 Folge geh, die Serie isch würklich ds früeh abgsetzt worde. Aber sinere Zeit wohl eifach ds wiit vorus gsi. Isch au nach fast 40 Johr immer no sehenswert.

[Mastler(P)]

Police Squad! (in color) -> 8/10

d'intros & outros

ich luegs fasch lieber als dfilm. die hani scho zu vill gseh.