S 3DS Topic

[sidusson]

nächst dienstach wüssemers

[Gurgelhals]

De 3DS entpuppt sich meh und meh zu dem, wo damals für Sony d'PS3 gsi isch: Es mangelhafts Produkt, wo ufgrund vo akuter Sälbstüberschätzig doch uf de Märt bracht wird und wo me dänn nachträglich probiert mit unbeholfene bis piinliche Aktione probiert ufzpäppele. Rächt frustrierend isch es

Nintendo-Hardware hätt ja immer scho müehsami Mängel gha, aber das sind dänn doch verglichswiis Chliinigkeite gsi, wo me nachträglich hätt chöne halbwägs elegant korrigiere: Die z'chliine Speichercharte bim Cube, de Chopfhörer-Adapter bim SP, s'chlobige Design vom Original-DS, usw.. Aber das, das isch eifach nume no OLOLOLOLOL und :facepalm:

[sidusson]

wieso du muesches ja nid ha

[zwirrlibatz]

böh ich find de 3DS nöd schlächter als irgenden Vorgänger. Mir fähled nur d'Pflichthabenspieli. Truurig dass das vorallem Remakes sind. Wenn chöme dä Reveleations und de Layton vs Miles? Im 2013?

ums mit de wort vom gurgel z'säge:

Es am Märet verbiigschossnigs Produkt, wo me ufgrund akutem Desinträsse am woawoaowoa 3D nachträglich probiert, mit Schnällschussperipherie ufzpäppele. Dual Analog, da chauft en au en Böhme.

[Gurgelhals]

Es am Märet verbiigschossnigs Produkt, wo me ufgrund akutem Desinträsse am woawoaowoa 3D nachträglich probiert, mit Schnällschussperipherie ufzpäppele. Dual Analog, da chauft en au en Böhme.

En Böhme brucht gar kei Analog-Sticks, will die Sorte Spieler isch mittlerwiile eh ufs iPhone abgwanderet und spielt det druf glorifizierti Flash-Spieli und andere Abfall

S'Problem vom 3DS isch einzig und ellei de Softwaremangel. Nintendo sött emal de Finger us em Arsch näh und de eigeni Output massiv erhöhe. Kei Ahnig, was da s'Problem isch, Tatsach isch eifach, dass sich bi Nintendo de Softwareoutput i de letschte paar Jahr starch verdünnt hätt. Wänn sie meined, e Plattform laht sich ellei mit Remakes vo N64-Tite träge, dänn tüüsched die sich gwaltig. Trifft im Übrige au uf de Wii zue: 2-3 Core-Titel pro Jahr langed eifach nöd, au wänn sie no so grossartig sind (und natürlich umso tümmer, wänn die Core-Titel dänn schrottig sind wie z.B. bim Metroid Other M).

Guet, wänn Nintendo da Dampf macht, dänn brüeled nachher eifach wieder d'3rd-Parties vo wäge "Mümümü, d'Spieler chaufed nume Nintendo-Spieli und euses Züügs bliibt i de Läde ligge." Aber wänn me die mache laht, gäbed sie sich ja au kei Müeh, wie me aktuell gseht

D'Tatsach, dass Nintendo bim 3DS aktuell de Iidruck vo eme ufgschüüchte Huen vermittlet, stimmt mich jedefalls nöd allzu zueversichtlich für de Wii U. D'Idee isch zwar super, aber wänn sie det au eso wurschtled, dänn nützt das au nüt.

[zwirrlibatz]

wahr. alles. aber bim wiiu bin ich zueversichtlich trotz em offesichtliche risiko, dass d'3rd parties nöd meh als de üblich 08/15 hochglanzfark bringed. will säb isch mir egal, wills die suprige 1st partytitel (wenn au vilech mal en neui figur oder serie!?!?) und no paar querschläger vo endless ocean bis zack & wiki gäh wird. oh hoffentli wird d'deadly premonition serie det wiitergfüehrt mit em tablet. und d'phoenix wright serie. als sidekick vo ihm während de verhandlige notize schriebe und ihm zueschiebe und er reagiert dänn druf. rächt rolf wär's.

[sidusson]

das jahr isch ämu no super:

Mario Land im Novämber
Mario Kart im Dezember
Zelda Skyward im Novämber
Kirby im Dezember

nächst jahr: luigi mansion 2, Kid icarus, Paper Mario, usw.

auso ig gseh gnue

[Uriel]

En Böhme brucht gar kei Analog-Sticks, will die Sorte Spieler isch mittlerwiile eh ufs iPhone abgwanderet und spielt det druf glorifizierti Flash-Spieli und andere Abfall

Schad, du bisch mal e User mit Ahnig gsi. Weme mit derart wenig Ahnig sich erdreischtet, immer der gliich Brunz ds schriibe, isch mir schleierhaft. Wenn tatsächlich mal Ziit mit Flash Games und iOS Spiel verbringsch, bisch filicht wieder für es biz elaborierteri Statements ds ha.

D iOS Games hend e derart höchi Qualität (v.a. bi gwüsse Idie Games), dass es ebe genau d simple Argument vo "Mir büütet halt Qualität" (Wes der Iwata probiert het) nüd verhebet. Es stimmt filicht für Nintendo sälber, aber sicher nüd fürd Plattform, und genau das isch der Fähler, denn bim 3DS isch d Plattform als ganzi, wo nüd funktioniert.

Klar, isch ds Gameplay vo vielne iOS Titel sehr sehr simpel, aber es isch ebe dur das eifache nüd so verdammt prätentiös, we die meischte Games uf andere Plattforme. Es "Forget.Me.Not" z.B. isch dur sini Hommage a Pac Man under gliichzitiger Usarbeitig vo eigeständige Merkmal es Paradebispiel dafür, dass
iOS Games scho lang nüm ufpolierti Flash Games sind. Sie sind für das als ganzes viel ds usdifferenziert. Es isch der Ort, wo du als 3 Mann Crew ebe genau chasch öppis Innovatives programmiere.

Nintendo checkt diesbezüglich nüd nur der Markt nüd, sondern erlaubts au am ne ganze Heer vo talentierte junge Entwicklerteams nüd, irgend öppis für ihri Plattform ds entwickle. Ja super, sie gänd derfür 1231 Entwicklerkits a EA, Ubisoft und Activision.

Der 3DS isch nüd emal im Aasatz mit dem Vergliichbar, was Sony mit der PS3 damals het welle, deshalb wirds au nüd soo katastrophali Konsequenze ha für Nintendo, wenns jetzt mitem Priis obe abe chömed. Aber d Dominanz wos gha händ, mit em DS, das wärdeds vermuetli nüm ha. Wenn sie sich gschickt verhaltet, isch das aber so au nüd nötig. Sie werded halt en Handheld haa, fürd Gamer und nüm fürs Grosi, wo "Gehirn Jogging" macht .

Was ich schaad find, isch das Nintendo alli neue Trends missachtet: Online Gaming, Download-Spiel, Indie Entwickler, wo chliini Games herstelled. We schlimm das isch, das chan mer im Moment eigentlich nonig würlich beurteile. Für das sind dermasse vieli Sache im Kern underschiedlich: Nintendos Hauptkonkurrent verchauft jedes Jahr es neus Gräät. So öppis chönt sich Nintendo nie erlaube. Daher chan Nintendo mit der Hardware sicher nüd prahle, sondern mues d Plattform als ganzes attraktiv halte. Mitemene Verwiis uf "Qualität choschtet halt öppis" (btw. imitiereds da Apple) funktionierts sicher nüd.

[Gurgelhals]

Nume easy, das Statement isch in erster Linie es Böhme-Bashing gsi, nöd es Urteil über iPhone-Games. Dass es det durchus aständigi Spieli gitt, das weiss ich scho (er wird die Titel allerdings au uf däre Plattform nöd vo de banale Durchschnittsspieli chöne underscheide ).

Aber no da dezue...

Klar, isch ds Gameplay vo vielne iOS Titel sehr sehr simpel, aber es isch ebe dur das eifache nüd so verdammt prätentiös, we die meischte Games uf andere Plattforme. Es "Forget.Me.Not" z.B. isch dur sini Hommage a Pac Man under gliichzitiger Usarbeitig vo eigeständige Merkmal es Paradebispiel dafür, dass iOS Games scho lang nüm ufpolierti Flash Games sind.

Mit däre Retro-Gaming-Ästhetik chasch mich hingäge jage, findi eine vo de furchtbarschte neuere Trends i de Videospielwält. Das isch eifach s'Äquivalent vom sogenannte "Record Collection Rock", wo sitt guet 20 Jahr die ganzi Popmusig im Würgegriff halted (siehe da: http://phinnweb.blogspot.com/2006/02/re ... o-new.html ): Die Sorte vo Spieli, Film und Musig, wo en Grossteil vom ästhetische Reiz bzw. Gfalle da drin liit, dass me die musig-, film- oder videospielgschichtliche Verwiis korrekt erchännt und zueordnet, wo d'Intertextualität faktisch zum Sälbstzwäck wird. Das isch nöd neu und spannend, das isch postmoderne Leerlauf. Findi grauehaft, egal öb i de Musig, im Kino oder neu halt au i de Videospieli. Han mich i de Popmusig intensiv mit däre Thematik usenand gsetzt, drum fruschtet's mich grad topplet, dass die Mentalität jetzt au no d'Videospielwält infiziert. Das hätt mer scho bi däre Bit-Trip-Serie abglöscht. Hippiekacke. Bäh. Da spiel ich 345807398457 mal lieber es konventionells Genre-Spieli, wo uf derartigi Meta-Gymnastik verzichtet und stattdesse eifach es solids und überzügends Spielerläbnis büütet.

[zwirrlibatz]

(siehe da: http://phinnweb.blogspot.com/2006/02/re ... o-new.html )

sehr guet.

[Uriel]

Nume easy, das Statement isch in erster Linie es Böhme-Bashing gsi, nöd es Urteil über iPhone-Games. Dass es det durchus aständigi Spieli gitt, das weiss ich scho (er wird die Titel allerdings au uf däre Plattform nöd vo de banale Durchschnittsspieli chöne underscheide ).

Aggressivi Attacke füehrt zu sinnvollem Post. Hm, das ich nüd früener uf die Idee cho bin.

Die Sorte vo Spieli, Film und Musig, wo en Grossteil vom ästhetische Reiz bzw. Gfalle da drin liit, dass me die musig-, film- oder videospielgschichtliche Verwiis korrekt erchännt und zueordnet, wo d'Intertextualität faktisch zum Sälbstzwäck wird. Das isch nöd neu und spannend, das isch postmoderne Leerlauf.

Da gib ich dir grundsätzlich scho rächt. Au, dases im ne gwüsse Sinn zum ne Leerlauf chan wärde. Ich chum bi Games allerdings besser damit ds rächt, als in Film, Musik und bildender Kunscht. Filicht hangeds aber au da dermit zäme, dass ich am Medium "Videospiel" sowieso fascht alles verzeihe (resp. ich ihm zimli alle intellektuelle Wert aberchänne).

[PlanetHarrieR]

De 3DS entpuppt sich meh und meh zu dem, wo damals für Sony d'PS3 gsi isch: Es mangelhafts Produkt, wo ufgrund vo akuter Sälbstüberschätzig doch uf de Märt bracht wird und wo me dänn nachträglich probiert mit unbeholfene bis piinliche Aktione probiert ufzpäppele. Rächt frustrierend isch es

Das einzig Sichere in der Industrie ist, dass alle Marktführer völlig überheblich werden und diesen Fehler begehen. Nintendo sogar zwei mal - sie haben absolut nichts aus der Gamecube-Ära gelernt.

Als nächstes ist Apple an der Reihe.

[randy]

isch das nur für monster hunter oder ischs in emne halbe jahr es must für jedes game? (mitem launch vom 3DS.2?

hesch es sicher scho gseh, aber au für die andere http://www.neogaf.com/forum/showthread.php?t=444629" onclick="window.open(this.href);return false;

Games that are compatible will have this support icon:



2011年12月10日
モンスターハンター３（トライ）Ｇ Monster Hunter
カプコン
2012年初頭
BIOHAZARD REVELATIONS
カプコン
今冬
METAL GEAR SOLID SNAKE EATER 3D
KONAMI
今冬
ACECOMBAT 3D CROSS RUMBLE
バンダイナムコゲームス
2012年
真・三國無双 VS Shin Sangoku Musou Versus
コーエーテクモゲームス
未定
KINGDOM HEARTS 3D [Dream Drop Distance]
スクウェア・エニックス



1500 yen, December 10th. 1 AAA battery required.

[ritschi]

grüsigsti lösig ever olol

[sidusson]

http://uk.ds.ign.com/articles/119/1194645p1.html" onclick="window.open(this.href);return false;

[Sephi]

Dodermit wär die erschti Hardware-Revision wou ou scho vorgäh. Gruusig isches zwar, aber so wirdme immerhin (uf choschte vom Ougeliecht zwar) nid derzue zwunge s neue Grät z choufe.

[PlanetHarrieR]

Vielleicht kann man das 32X auch drauf stecken

[mr.raw]

Wieso hann ichs gfühl, dass das Ad-On au für Luigis Mansion2 konzipiert worde isch?

[PlanetHarrieR]

auf der gamescom hat lutschi ohne funktioniert

[sidusson]

auf der gamescom hat lutschi ohne funktioniert

jep u sogar super zum stüre gsi

[mr.raw]

trotzdem wirds no kho...gloubet a mini wort

[O_O]

Wieso hann ichs gfühl, dass das Ad-On au für Luigis Mansion2 konzipiert worde isch?

weiss nid, evtl. will dis gfüehl dich tüscht? luigis mansion unterstützt das ding nidemal.

[zeromeier]

[sidusson]

new color:

[O_O]

ui, hesch eigentlich eine für mi ufd siite ta a de suisse toy oder hesches vergässe?