Legend of Zelda: Breath of the Wild

[Herr Rossi]

Has wieder agfange und es macht wieder so richtig Spass. Für mich ide Top 3 vo allne Games ever!

[kingcaid]

Fahr ab mit däm langwiligä Shit. Top 3 vo dä schlächtischte Zeldas überhaupt. Dumm ummähamplä, kei Musig, lääri Gegende, vo A nach B und dänn no die billigi Grafik.

Besser veröffetlichäds mal äs richtigs Zelda, staht sone verbuggte Schrott

[Herr Rossi]

Fahr ab mit däm langwiligä Shit. Top 3 vo dä schlächtischte Zeldas überhaupt. Dumm ummähamplä, kei Musig, lääri Gegende, vo A nach B und dänn no die billigi Grafik.

Besser veröffetlichäds mal äs richtigs Zelda, staht sone verbuggte Schrott

Du hesch null Ahnig

[kingcaid]

Bis zum Zora Titan hasmer gäh. Und äs isch kei bitzli besser wordä oder hetti sich entwickläd wie das für äs Zelda üblich wär.
Scho findsch geil die Ragdoll Mechanik und ohni Sound?

Jedes Zelda hani gspielt. Einigi mehrmals und immer uf 100% (oder so guet wie ,bim Minish Cap). Und näbt dem Chleider-Ko-OP-Zelda-Gschwür ufm 3DS, isch das äh Schand fürd Franchise.

[Herr Rossi]

Ich finds fantastisch, alttp, majora, minish, twilight etc. au

all findi geil ussert em skyward. Aber has trotzdem sogar eimal düregschpilt. Keis Urteil oni Erfahrig. Das mit de Isebahn hani nur 2 Schtund gschpilt, weiss nümm werum.

S botw brucht nid permanent Musig, es läbt vo de Atmosphäre wo entschtot wenn de Entdeckerinstinkt i eim verwached. Du bruchsch vermuetlich meh Füerig im Schpil, easy.

Windgrüsch, fiini Klavierkläng, dynamischi Musig bi Kämpf... En hommage a open world. D Titane sind völlig näbesächlich wenn mer kei Bock het. Eifach usse loh, problem solved. Mer cha nach 4 shrines zum Ganon wenn mer Bock hed, oder nach 120.

Ico hed au fascht kei Musig

Edit: Bescht isch stuff kombiniere, uspröble, Umgebig, Gegner, items verchnüpfe, schpilerisch isetze. Herrlich.

[LuiStyle]

^ ^ dito! Genau mini meinig
Mich hät die ganz Atmosphäre innezoge und han 100% gmacht das isch ä riise usnahm gsi über 300h verbrötle aber es hät sich voll glohnt

[Alurios]

Ich persönlich finde, dass Breath of the Wild zu sehr globt wird, da es sich nümm afühlt wie es klassisches Zelda Spiel wo me bis anhin kennt het, ich bruch kei so gigantischi Open World, vo dene hets mittlerwiil meh als gnueg.
dMusig isch genial, wür me ständig ds Open World Theme vo z.B. Ocarina of Time ghöre, würds dr irgendwenn eifachd nur no nerve will me halt duur e sehr grossi Landschaft reist.
Am meiste nervt mich aber, dass me ständig Waffene ersetze muen will sie ja dummerwiis genau denn kaputt gönnd wenn me sie mal uusnahmswiis bruche wett, so nutz ich die guete Waffene praktisch gar nümm, wills mi aschiist wenn sie weg sind.

Es isch grundsätzlich es super Spiel, aber für es Zelda findis minder guet.

[derinderinderinderin]

Am meiste nervt mich aber, dass me ständig Waffene ersetze muen will sie ja dummerwiis genau denn kaputt gönnd wenn me sie mal uusnahmswiis bruche wett, so nutz ich die guete Waffene praktisch gar nümm, wills mi aschiist wenn sie weg sind.

Es isch grundsätzlich es super Spiel, aber für es Zelda findis minder guet.

Danke. Und sogar s‘Master Sword chasch nid die ganzi Zyt bruche

[kingcaid]

Ico hed au fascht kei Musig

Ico, ebeso langwilig. Riesigs Potential verschänkt.

Für was isch Zelda scho wieder berüähmt? Ah ja stimmt, für di brochnä Waffe.

[kingcaid]

über 300h verbrötle

298h ummelaufä und sammlä, 2h devoo gameplay & story

[Herr Rossi]

über 300h verbrötle

298h ummelaufä und sammlä, 2h devoo gameplay & story

300 Schtund Spielspass mit erkunde und entdecke, oder 298 Stund kingaid si und jammere statt eifach nid schpile.

Ernschthaft, wenns nüt für eim isch ischs halt so, ich gang aber sicher nid is Battlefield Topic go trolle nur wil mer das Schpil nid zueseid lol. Wär scho recht armselig...

[kingcaid]

Klar bruchsch soviel Ziit. Ohni Teleport ränsch ebbe halt vo A nach B. Bi därä "massive" Wält isch Ziit dä Ressourcefrässer.

Sitt wänn brüälsch ummä wänn öppert sini Meinig kund tuet. Würd Zelda-Fanboy-Thread stah, dänn wärs kei interessanti Bubble.

Als Zelda-Bueb würd ich au gärn sägä, dasses huere geil find. Nur lueg ich zerscht mal Objektiv druff und da ischs eifach nöd stimmig.
Das Game hätt mit all dä Bugs und technische Fehler weder diä hohä Bewertigä verdient no findi isch abwächsligsriich oder wird am Ruef grächt. Fräch sowas als Zelda zverschachärä.
Wänns dir gfallt, magdr gönnä. Für Nintendo zeigts eifach dä wirtschaftlich eifachschti Wäg, billig Games zproduziere und dänn als hochwärtigs Markeprodukt verheitzä. D Fanbase und guets Marketing macht dä Räscht.

[Herr Rossi]

Videogames und Objektivität passt nid zäme. 2h gameplay Isch eifach es loligi Ussag, d Möglichkeite sind ja schier unendlich, grad was gameplay betrifft. Billig Games produziere? 120 Millione hends id Entwicklig gsteckt...

[kingcaid]

Sind über 25h gsi Rösli und doch gaht das objektiv. Die Möglichkeite sind ebbe nöd unendlich. Sie beschränked sich fascht immer uf search, walk, collect.

120 Millione für äs paar Orchestertunes? 115 mio für Werbig? Grossi Zahle sind immer gueti Verchaufsargument. Du schaffsch bi Nintendo i dä Buechhaltig oder vo wo wetsch diä zahlä gnau wüssä?

[mr.raw]

Open World Zelda
Minish Cap, Between two Worlds, Link to the Past & natürlich Links Awakening

[LuiStyle]

Es isch uf jedefall guet, han aber au nüt wenns wieder es normals 3d Zelda mached oder es remake vo dä erste zwei Zelda in 3d

[siralos]

Es isch uf jedefall guet, han aber au nüt wenns wieder es normals 3d Zelda mached oder es remake vo dä erste zwei Zelda in 3d

Dasse da.

Problem vo de meischte open worlds halt, da cha zelda ou nid besser mache.(gwüssi ideene zwar scho)

[Jones]

Es isch uf jedefall guet, han aber au nüt wenns wieder es normals 3d Zelda mached oder es remake vo dä erste zwei Zelda in 3d

Dasse da.

Problem vo de meischte open worlds halt, da cha zelda ou nid besser mache.(gwüssi ideene zwar scho)

Bisch game Entwickler? Also heb d'schnurre und schrub es schrübli use!

[siralos]

Ig has kontrolliert, also bini o entwickler und derzu befuegt zu urteile.

[Jones]

Ig has kontrolliert, also bini o entwickler und derzu befuegt zu urteile.

Hesch ar konsole umegmecht?

[siralos]

Ig has kontrolliert, also bini o entwickler und derzu befuegt zu urteile.

Hesch ar konsole umegmecht?

Zelda isch das thema, nid hardware, du verwäschlisch wieder a mal öpis.

[Jones]

wenn ke konsole chasch boue, hesch o ke hanig vom game wo drin steckt! fakt!

[siralos]

Ig cha nid konsole boue, zelda botw hani aber dure gspielt, du ou?

[Jones]

Ig cha nid konsole boue, zelda botw hani aber dure gspielt, du ou?

jede het!

[Herr Rossi]

Sind über 25h gsi Rösli und doch gaht das objektiv. Die Möglichkeite sind ebbe nöd unendlich. Sie beschränked sich fascht immer uf search, walk, collect.

120 Millione für äs paar Orchestertunes? 115 mio für Werbig? Grossi Zahle sind immer gueti Verchaufsargument. Du schaffsch bi Nintendo i dä Buechhaltig oder vo wo wetsch diä zahlä gnau wüssä?

Du hesch 2h gameplay gschribe, nid ich. Lulz, bisch au langsam am verblöde mit so Ussage. Husufgabe für dich: usegfinde woher ich weiss wie höch s Budget öpe gsi isch. Bilde statt dumms Züg schnure, viel Spass