Welchen Film oder welche Serie hast du gerade gesehen?

[Avenger]

aber eigentlich muen mer vom breen nur so zämmefassige luege:

fair, längt natürlich au.

Aber die ganze Herte luege der ganz Film. Am beste i der Gruppe luege mit viel viel viel viel Bier.

[Mastler(P)]

Am beste i der Gruppe luege mit viel viel viel viel Bier.

genau. das wärs optimum. denn machts richtig spass.

[siralos]

Invincible 11/10

Mal was anderes als das übliche superhelden zeug, 2 weitere staffel sind geplant.
Comic gibts schon seit 2003, trickfilm ist mindestens oder stellenweise gar noch besser.

[Herr Rossi]

Three billboards outside Ebbing, Missouri
9/10 langsams aber ereignisrichs Drama

De hani damals verpasst im Kino, itz endlich nachegholt. Super Cast! s McDormand , de Harrelson und de Dinklage!

[Vyse]

Scho drüümal gseh. Dä Film isch und bliibt guet. so unprätentiös, so gueti Charaktere. Jede erfahrt siini Wandel. Dä hässig Bolizischt, wo sich es Herz fasst und sich dänn doch no änderet. Sie, die unfählbar grächt, wo schlussändlich ebbe doch i ihrem Grächtigkeitswahn en Fähler begaht.
Humor, Schauspieler, usw. es unspektuakulärs Meisterwerch, was ebbe guet isch, will dä ganz Hollywood-Spektakel-Fark gaht mier heftigscht uuf dä Nerv.

[Herr Rossi]

"es unspektuakulärs Meisterwerch, was ebbe guet isch, will dä ganz Hollywood-Spektakel-Fark gaht mier heftigscht uuf dä Nerv."

Sehr treffend. Ich finds übrigens super wie du öpis usfüerlich und debii trotzdem churz gfasst chasch beschribe. E sehr agnähmi Eigeschaft.

[Vyse]

Ich gib mier wenigschtens ganz es bitzli Müeh, im Gägesatz zumene andere, bestimmte User da inne.

[The Sheep]

Stowaway (6/10)

Het guet agfange, isch über witi Strecke au einigermasse spannend gseh, bis am Schluss öppert uf der Teppichetage beschlosse het: Mir bruche no en Heldetod, will das alli "Mir fliege in Wältruum" Film händ. Und will mer 2021 händ unds in Hollywood nur no Heldinne git, muesses e Frau si. Dass sie nit no es paar Stund hätte chönne warte bis die Solar Flares verbi gseh wäre, macht null Sinn. Darum eifach nur dumm. Und wär hofft, sie würdet am Schluss ufem Mars acho, muess gar nit erscht afange luege

Rohtenburg / Grimm Love (6/10)

Basiert uf der Armin Meiwes Gschicht, de Kannibal im Tütsche, wo am Kolleg sis Pfiffli kocht het und mit ihm zäme g'ässe het. En grusige Film, obwohl mer eigentlich nüt gseh het. Nit wirklich schlächt, aber trotzdäm verzichtbar

Nomadland (7/10)

Kei schlächte Film über Usstiger in Amerika. Unufgregt und sachlich. Fascht wie en Doku. Aber git einigi Film in dere Art. Dass usgrächnet de Film de Oscarkönig worde isch das Jahr, isch in mine Auge reins Politikum gseh

[Herr Rossi]

Lucky Luke (mit em Terence Hill)
4/10
Sit minere Jugend nie meh gseh und Bock gha uf en no-brainer

Rechte Müll, s beschte am Film isch s Ross.

[zeromeier]

De hani als Chind scho Müll gfunde. Nöd terence hill, nöd lucky luke.

[joe_higashi]

die schlange netflix 1 folg bisher mit d madame glueget..psycht mi ez scho ine...aber gibmer sicher na komplett..kamera isch top, geile 70s vibes.

[Mastler(P)]

mortal kombat 8/10 geil, endlich mached gamer film. hett mich als goof sicher härt gflashed.
natürlich isch er allgemein gseh eher 6/10, aber als game verfilmig sehr guet gmacht.

dä kano hät mer nöd perfekt vom usgseh passt, aber acting & akzänt sind top gsi.

[feeshlee]

zack snyder's justice league. no fönny.

[Master(G)]

Snowfall Season 4

8/10

ich liebe die Serie, isch bi mir ganz wiit obe ide best-of

season 1-3 isch 9/10 gsi!

[Mastler(P)]

Invincible 11/10

Mal was anderes als das übliche superhelden zeug, 2 weitere staffel sind geplant.
Comic gibts schon seit 2003, trickfilm ist mindestens oder stellenweise gar noch besser.

in der tat. bin grad ih dä hälfti. isch vo image comics (walking dead, spawn, kick-ass) drum au eher für eh erwachsenli zielgruppe dänkt, obwohl dä zeichetrick eich wie en hochwertige saturday morning cartoon usgseht. gfallt mer guet und dialög händ mi zum teil zum lache bracht. memes sind au guet.


Quelle

[agestuffer]

Geschter mit de Chind de Pokemon detecive oder wie de heisst gluegt.. Hei ischd as dumm gsii

[Mastler(P)]

[thaeye]

Geschter mit de Chind de Pokemon detecive oder wie de heisst gluegt.. Hei ischd as dumm gsii

[agestuffer]

Han dänkt okay. Nintendo und so Pokemon und hang in Errinnerig gha de siig no guet.. (glaub sogar en Fortsetzig isch planed)
Aber ja, guet für Pokemon Fans und 10 Jährigi..... agestuffer

[turntablism]

Glaub am friitig isch die wildgänse kommen im fernseh gloffe. Leider bini ipennt. Hanen grad etz abeglade und gib mer en bis zum schluss.

[Herr Rossi]

The Discovery
2/10

E gueti Idee + es paar bekannti Schauschpiler (2 devo gsehni huere gern und 2 findi stinklangwilig) + dümmscht writing ever + cheesiest ending ever = The Discovery

Lueged ne nie!

[The Sheep]

Bitz querbeet glueget die letschte Täg:

Iron Eagle (9/10) Immer wieder en super 80er Blast. Und de Soundtrack: https://www.youtube.com/watch?v=4gNdKYbohCE

Riddick (8.5/10) de dritt Teil, vo 2013
Freue mich uf Furya de 4.Teil., obwohl es git no nüt konkrets wener fertig söll sie

The Great Outdoors (7/10)

The Transporter (8/10)

[joe_higashi]

mortal kombat 5/10...de afang het mehr sehr gfalle..d spruech vom kano hani d eint oder ander na witzig gfunde..d goro hends fett gmacht..di erscht haelfti vom film top mk vibes..nachher leider totale kack..

[Mastler(P)]

[turntablism]

Agenten sterben einsam.
Immer wider guet. Eine vo de beste endi 60er film.