de HELM!!!!

[Goran]

Waa isch mit psvr?

Spieled lüt no resi 4 oder anderi spiel?

De brüeder häts und mier gfallts. Isch spiel dänn resi 4 wänn vr ufem pc freigschaltet wird

[OlDirty]

I bruch mini Oculus nach wie vor zu 95% nur für Racegames. Minere Meinig no gits halt immer no kei schlaui AAA Title. Isch halt immer no me casual Züg wo mor 5min Spass macht und den hanis gseh.So chli wie Kinect damals für Xbox 360.5min gspielt und den nie me,aber zum Glück gits jo dRenngames wo alles wett mached.Aber kommt Zeit chömed hoffentlich mol rechti Games. Isch nämli eigentli scho e seehr geili Sach.
Robo Recall 30min gspielt und den nümä.Immer sGliech und halt irgendwie langwielig.Das Game woni am meiste bisher gspielt ha isch,ussert mol de Renngames sFuchshüpfgame.Do hani zwar denkt sonen Chinderseich zock i nöd 5min,aber da het würkli Spass gmacht.

[The Sheep]

Luegsch nur im Oculus Shop ?
Uf Steam gits mittlerwile 725 VR Games wo kompatibel sind mit Oculus Rift

Natürlich isch da vil Müll debi, aber bi dere Mängi chasch der au vorstelle dass es mängi cooli Games het!

[OlDirty]

Jo aber es git nix wie z.B es richtigs Tomb Raider, Call of Duty oder was weiss ich.Isch halt alles so Indyzeugs und do stohn i nur bedingt druf.Seinzig isch bisher Elite Dangerous,ebe dRennspiel und Resident Evil 7 was leider nöd für Oculus isch.I lueg nöd nur im Oculus Store aber die Deppe vo Software Schmiede würded sich au nöd mol bewege um zum Bsp es Alien Isolation mit VR Support abüte.Do liet de Support praktisch uf em Tisch,aber nei.Mer bastlet lieber a öpis neuem.I hoff eifach Fall Out Vr oder Doom Vr chunt bald.DA währed den für mi richtigi Games.

[The Sheep]

Ja, die offizielle Releases löhn no bitz uf sich warte, aber VorpX wird langsam zunere ächte Alternative.

De Programmierer het vor es paar Tag gschribe:

There will be a Resident 7 profile with full Geometry 3D in the next vorpX version, it’s definitely worth to wait til then. Looks absolutely gorgeous, at least in the short portion of the game that I saw so far.

I can’t just upload the profile to the cloud unfortunately since some code changes were necessary for it, so it requires the next vorpX version. Won’t take long anymore.

Doom lauft schinbar bereits

Quelle

[PlanetHarrieR]

Quelle

[The Sheep]

De neu VorpX Triber mit Resident Evil 7 Support isch usecho:

+ Headtracking funktioniert
+ Geometrischs 3D funktioniert. Gseht wirklich us wies söll
+ weniger hardware hungrig als i dänkt han. Dennoch en tick zlangsam für min veraltetete Rächner.
+ Het die blöde Schwarzblände nid wosi in der PSVR Version ibaut händ um de Mage zschone. logisch wills ja eigentlich 2D PC Version isch

- no kei positional tracking
- no bitz buggy. Bim Chopf dreie verzieht s'Bild mängisch es bitz. isch bitz als wär mer bsoffe
- Uflösig isch nur 1280x1024 = pixelig mit Kannteflimmere. Gseht dadurch leider nid besser us als ufder PSVR.

Grafik würd sich verbessere lo wenn Performance kei Problem wär. I wart mol bis i min Rächner upgrade und villicht chunnt positional tracking bald. Denn würdis als scho zimlich spielbar aluege.

[The Sheep]

Bald gits en wireless adapter für de Vive
Das wär villicht en Grund eine zchaufe

https://vrodo.de/htc-vive-wireless-kit- ... us-dollar/" onclick="window.open(this.href);return false;

[OlDirty]

Ha letschti e Vive agha und mues säge bi glücklich das i e Oculus Rift ha. Fühlt sich irgendwie schwerer a und au das mit de separate Chopfhörer isch chli müehsam wenn mir sich das vo de Oculus gwöhnt isch. Au vom Flügegitter hets mi extremer dunkt als bi de Oculus. Zudem das fette Kabel hine a de Vive het recht gnervt. Mol luege wie langs no goht bis au es wireless System usechunt für d'Oculus.

I ha chürzlich mol es Horrorgame gseh wo imene Hus spielt mit extrem gueter Grafik. Isch immer no in Entwicklig gsi und i ha leider de Name vergesse. Evt öpert e Ahnig was das chönt si?

Also s'normale Doom mit vorpx chan i mir nöd vorstelle mit Oculus. Das isch so deramasse schnell do würd i noch 30s scho müese chotze denk i. Kei Ahnig wie das de offiziell Hersteller wöt löse. Killing Floor söt jo au mit Oculus Support cho.


Quelle

[The Sheep]

Ich han de Vive in London an der Casino Mäss chönne teschte. Het mer eigentlich guet gfalle vo der Qualitet. Han gfunde er isch ufem gliche Level wie de Rift. Ja, s'Raschter vom Display isches mü stärcher. Has aber nid als störend empfunde.

Also s'normale Doom mit vorpx chan i mir nöd vorstelle mit Oculus. Das isch so deramasse schnell do würd i noch 30s scho müese chotze denk i. Kei Ahnig wie das de offiziell Hersteller wöt löse.

De offiziell Release vo Doom 4 VR söll en Teleporter mit Bullettime Effekt becho, womer während em Positionswächsel no e paar Gegner chann mitnä, wennis richtig verstande han. Chönnt no guet cho wenn sis richtig mache.



A propos Horror:

Affected: The Manor isch jetzt offiziell für Oculus Rift CV1 usecho. Allerdings nüm gratis. ca. 8 Frenk choschts.
Sie händs defür komplett neu gmacht gegenüber dr DK2 Version. Besseri Grafik, düschterer, länger und mit mehrere Wäg. Und es passiert einiges mehr. Natürlich mit Touch Support. Mer het jetzt Taschelampe nüm am Helm, sondern in der rächte Hand.

Leider wirkts uf mi weniger scary als die alti Version, will mer devo usgo chann dass laufend öppis passiert. Au d'Musik isch so ufme konschtante Horror Film Level, wo de Jump Scares de Überraschigseffäkt eher nimmt als sie debi unterstützt. schad.

Aber dennoch e geili Experience wo s'Gäld wärt isch und woni au gärn unterschtütz. I hoff sie bringe irgendwenn no The Cabin use, wo sit 2 Johr akündet isch.

[The Sheep]

Wägem Wireless Adapter. Im Bricht woni glinkt han stoht dass mehreri Firme an Wireless Adapter für die gängige VR Helm baschtle. De vo TPCast wos vorerscht nur für de Vive wird gä, söll allerdings de einzig si wo in Latänz (< 2ms) und Grafikqualitet (kei Kompressionsartefakt) überzügt. TPCast söll au für anderi System cho, aber si händ sich no nid feschtglegt für weli und wenn.

Die System wo Oculus Rift vo afang a unterstütze, sölle bisher qualitativ leider nid überzügend sie.


Han hüt gläse dass die seltsam designti Machinepischtole vo Sony tatsächlich usechunnt, und zwar als Bundle mit em Game Farpoint.


Quelle

[sosh_85]

Wägem Wireless Adapter. Im Bricht woni glinkt han stoht dass mehreri Firme an Wireless Adapter für die gängige VR Helm baschtle. De vo TPCast wos vorerscht nur für de Vive wird gä, söll allerdings de einzig si wo in Latänz (< 2ms) und Grafikqualitet (kei Kompressionsartefakt) überzügt. TPCast söll au für anderi System cho, aber si händ sich no nid feschtglegt für weli und wenn.

Die System wo Oculus Rift vo afang a unterstütze, sölle bisher qualitativ leider nid überzügend sie.


Han hüt gläse dass die seltsam designti Machinepischtole vo Sony tatsächlich usechunnt, und zwar als Bundle mit em Game Farpoint.


Quelle

wenn sött de releas sie ?

[The Sheep]

16. Mai

[sosh_85]

16. Mai

danke intressant das teil

[OlDirty]

@sheep: Hesch du den jetzt Resident Evil 7 würkli scho selber tested mit vorpx? Isch es huere Gebastel oder eifach installiere?

[The Sheep]

ja, ich han de neu Vorpx sälber teschtet:

1. VorpX starte
2. Doppelklick ufs VorpX Symbol unte rächts. s'passende Cloud Profile importiere. Es git mehreri. "Resident Evil 7 VorpX" für Version 17.2.0 ischs offizielle
3. Game starte und Helm ufsetze
4. Im Start Menu vom Game in de Optione d'Uflösig uf 1280x1024 stelle
5. Game beände und Neustart

Das isch öppe das wonich gmacht han. Das mit der Uflösig muess mer natürlich nur eimol ischtelle.

sGebaschtel mit VorpX Ischtellige chunnt in däm Momänt ins Spiel wo es Game möchtsch demit laufe lo wos kei Profil defür git, oder wo der Meinig bisch du chönntsch eventuell mehr usehole mit eigene Settings. Denn generell losst sich jedes DirectX Programm in 3D, und au in VR darstelle, wobi nid jedes geeignet isch defür. hängt devo ab wies programmiert isch.

Edit:
I han gescht mitme andere Profil de Fähler mit em Verzieh bim Chopfdreie fascht vollständig wägbecho. Jetzt fählt für mi nur no Positional Tracking. Wobi wennis mit treadmill chönnt spiele, würdi s'positional tracking witgehend überflüssig. Will denn laufsch ja sowiso immer via Spielstürig ans Züg ane. s'Zückerli wär natürlich no Touch Support. Aber das isch leider nid möglich ohni dasses Capcom sälber implementiert oder dass sie de Source Code freigänd.

[The Sheep]

Paranormal Activity: The Lost Soul isch hüt usecho als örli Äccess.
(für Vive & Oculus Rift. Im Summer sölls au uf der PSVR erschine)



Isch letscht Jahr uf der GDC vorgschtellt worde und isch glaubs zimlich guet acho.
https://uploadvr.com/paranormal-activit ... e-preview/" onclick="window.open(this.href);return false;
Spielzit söll 5-10 Stunde betrage, isch also scho mehr richtig Vollwärt Spiel. Ok, de Pris isch ja au in dere Richtig.
Bin gspanne obs wirklich so scary isch wie gwüssi behaupte. Wirdes bald mol ateschte.

Erschtidruck:

+ Grafik isch schön
+ Atmosphäre isch cool. Bitz wies alte Affected: The Manor
- s'Game startet bi mir erscht nach 3 Minute schwarzem Bildschirm
- Movement isch kacke will an helm bunde, nid an taschelampe zb
- Händ sind schlächt animiert, positioniert, und s'grife nach Gegeständ isch sehr unzueverlässig und buggy
- s'tracking zuckt ume. sehr närvig

Schint zimlich early access zsi....
würd no bitz warte und reviews läse bis es besser wird. Han min chauf rückgängig gmacht.

[OlDirty]

Habe es mir auch kurz gezogen, aber gleich wieder zurück gegeben. Das Game ist einfach noch zu buggy. Zudem habe ich ja noch Affected was ich nicht spielen kann. Ein Freund von mir ist da durchgelaufen als wärs nen Kindergeburtstag, der hat nicht einmal gezuckt

Resident Evil 7 ist auf der PSVR auch nicht mit den Handcontrollern spielbar oder? Kannst du evt dann mitteilen wenn auch das Positioning tracking unterstützt wird von vorpx? Wäre super

[The Sheep]

ja, Resident Evil 7 isch uf der Playstation ebenfalls nur mit Joypad spielbar. Hoffentlich ändert sich das mitem offizielle VR Release für PC nächscht Jahr.

[The Sheep]

Ä witeri Perle woni im Momänt näbe Overkill VR eigentlich am meischte spiel:

Legend of Luca
(HTC Vice und Oculus Rift mit Touch)

Das isch en Dungeon Crawler mit zuefllig generierte Rüüm. Jede Ruum isch glich gross, chann aber durch Süüle oder Muure zuesätzlich unterteilt sie. Jede Ruum het 1-4 Usgäng in en andere Ruum. Eimol en Ruum beträte, muesch en cleare bevor wieder use chasch. Mer chann diverses Züg finde vom zerstöre vo Töpf, Muure, Monschter etc: Magischi Scrolls, Läbenshärzli, Büecher, Bombe, Schlüssel, Münze ... einiges chann sowohl positiv als au negativ si. Es git pro Ebeni au en Boss, wo wemer en schafft im Näberuum en neui Waffe und en Schatzchischte released. es git folgendi rüüm: normal = blau , gälb = Schatz, grüen = Schatz aber bruchsch en schlüssel, rot = boss fight. Wele Typ vo Ruum wenn chunnt, gseht mer uf der Charte womer sich zäme mit de Stats uf der Nordwand chan azeige lo, wasi sehr praktisch find.

Es git insgesamt 5 Ebene womer muess schaffe pro Charakter. Grad am Afang wirkts zimlich schwer - vorusgsetzt mer spielts us der 1st Perspektive mit Locomotion und Teleport. Bi däm Game isch übrigens beides wichtig! - Mer channs au "Roomscale" spiele. Aber entgege de Erwartige dass sich de Spielufbau dim Ruum apasst wird, skaliere sie lediglich de gsamti Ruum uf dis Chaperone. Wenn nid zuefliig en Fabrikhalle zur Verfüegig hesch, bedütet das, du spielsch jede Ruum öppe in de Grösseverhältnis vome Chuchitisch. Gseht luschtig us, aber isch dütlich eifacher als de ander Spiemodus. I würds nid empfähle.

Vom Grafikstil erinneret Legend of Luca an WoW, vom Gameplay es bitz an Zelda. Es git kei Savegames pro Spiel. Wenn tot bisch, fangsch wieder vo vorne a. Lediglich din allgemeine Fortschritt (weli Items bereits gfunde hesch, und weli Chars freigschaltet sind) blibe erhalte!
I han hüt zum erschte mal ein Charakter durch alli 5 Ebene und insgesamt 49 Rüüm gschafft. *proud*
Am Afang hani es paar mal fruschtriert rage-quitet. Grad will de random Faktor vode Rüüm mängisch im tümschte Momänt en Challenge generiert, wode in däm Momänt gar nid chasch bruche. Aber dadurch lernsch taktisch zschaffe. Du lernsch nid nur weli Monschter in welere Reihefolg söttsch kille, sondern au weli Rüüm dir in der aktuelle Situation mehr chönnte bringe als anderi!

d'Gegner sind wirklich vielsitig. Gwüssi grife mit füürbäll uf alli site a, gwüssi balleret mit fliegende Mässer, anderi rolled uf di zue und wieder anderi spawne ganze Armee vo neue Monschter und einiges mehr!

s'Game wird natürlich no witerentwicklet. zB isch im letschte Uddate de komisch Stärnehimmel verschwunde. d'Rüüm sind jetzt dopplet so hoch und alli händ en Decki drüber.

[OlDirty]

Ich habe mich mal an Alien Isolation versucht mit der Oculus und vorpx. Dachte einfach das Video befolgen und gut ist (wäre auch zu schön gewesen wenns so einfach gegangen wäre). Naaaja leider nicht wirklich . Die Kopfbewegungen stimmen hinten und vorne nicht. Hat man sich dann mal kurz mit dem Gamepad bewegt sind die Kopfbewegungen sogar invers. Sehr geil wenn man's schnell kötzlig haben will.

Hat da jemand evt schon Erfahrung mit dem Game und vorpx?


Quelle

[The Sheep]

ich hab nur gelesen dass die vorpx version von dem game zimlich bugy sein soll. deswegen hab ichs nicht näher angeschaut.
Ist wirklich ne Schande dass die das Game nicht offiziell VR tauglich gemacht haben, da es ja mit dem DK2 schon ziemlich gut lief, nativ in 3D und mit positional tracking sogar.

[Skeletor]

@the sheep
das tönt geil

[PlanetHarrieR]

Polybius kommt am 28.4.

https://store.playstation.com/#!/de-at/ ... OFTPRD0001" onclick="window.open(this.href);return false;

[The Sheep]

Herobound: Spirit Champion (Oculus Rift)



Es alts Game woni nie kauft han wills mi nid so richtig überzoge het vom Trailer isch jetzt gratis. Und i muess sage es het mi hüt zobe wirklich guet unterhalte. Es isch es jump & fight RPG im Zelda Style mit nätt gmachte Rätsel (Druckschalter, Chischtli schiebe, uf Schalter schiesse etc). In 3rd Perspektive fürs Joypad.

Grafisch isches nid de Brüller, WoW comic stil. Aber i has locker einehalb Stunde gspielt, bis i s'erscht mol uf d'Uhr gluegt han. Und i has glaubs no lang nid dure. Macht wirklich Spass. Und wennis damals kauft hätt, hättis glaubs au nid bereut.