The(G)Forum

die luegi au grad

thaeye hat geschrieben: ↑19 Okt 2023 17:46 fall of the house of usher

guet gsi , zum teil sogar sehr guet

yup, toll gsi

Machine uf netflix 6/10

Unterhaltsam. Chan mer sich gäh. Mark Hamil.

Kengan Ashura SE 1- sone Prügelanime uf Netflix. Muss mer sich nid gäh... isch Käse

Bonn (netflix)

Mini Series im 50er Jahr Dütschland zeigt de Konflikt zwüschem Verfassigsschutz und de Organisation Gehlen (später BND) wo Ex-Nazis supported.
Politik-Thriller halt. Stimmig und Setting 1A, Story hett aber Schwächene... schlussendlich gahts um de NATO Bitritt vo Dütschland, churz gseid. Spannend isches aber scho gsi und mer chunt en guete Iblick über, was damals nachem 2. Wältchrieg in Dütschland abgange isch mit de Russe und de Alliierte... hani scho no interessant gfunde.

6/10

Onimusha (netflix series)

ich liebe de CGI grafikstil. und es hett saugeili kampfsequenze, super animiert... und en guete humor!
doch. moll. de hett mer gfalle!

gibe 8/10

All Light We Cannot See (Netflix Mini Series)

2. wältchrieg, en stadt ade küste in frankriich wird vo de alliierte bombardiert. es blinds meitli verschickt anere versteckte funkstation gheimi botschafte uf london. en dütsche soldat ghörts und verliebt sich i ihri stimm, gaht ufd suechi nach ihre..... es wär en super gschicht, aber ja. leider voll verkackt. wie chamer sowas so derart versaue? und mer gseht, es isch de regiesseur wo dumm isch. schauspieler wäred top! de casted er dütschi schauspieler als wehrmachts- und nazi-soldate und laht sie denn englisch spräche... :typej: und franzose au... de dr. house und de hulk als franzose und all redet englisch... wtf !?

wunderschöni cinematografie aber, echt gueti bilder und special fx... that's it leider. all nazis sind total überzeichnet, als wärs es wolfenstein game. da chunt überhaupt kei drückendi stimmig uf, mer lacht höchschtens duurend ab dene karikature vo nazis. und es sind nur 4 folge. viel zwenig! d'story chunt chum is rolle, de simmer au scho im finale. fail. sie versuechets so härt episch zmache und gheiet härt ufd schnurre. mer chan gar kei bindig zu de charaktere ufbaue. es isch eim völlig egal wer stirbt und wer läbt... voll am ziel verbi. schad.

4/10

Master(G) hat geschrieben: ↑06 Nov 2023 14:03 Onimusha (netflix series)

ich liebe de CGI grafikstil. und es hett saugeili kampfsequenze, super animiert... und en guete humor!
doch. moll. de hett mer gfalle!

gibe 8/10

han die erschti 4 episode gseh und es isch ächt mega.

negativ isch aber dasses so chli wie das vorbild 7 samurai style isch.

sie solle mal vom 3 a remaster/remake mache.

a 7 samurai hani im fall au müesse dänke. eifach, dass es ned 7 sind

edit: ja guet, mit de beide vögel vielleicht

No Hard Feelings (Netflix)

Jennifer Lawrence kämpft mit Wrestling Moves komplett nackt und ohni Body Double am Strand gäg Bullies! #germansuplex

Meh müesch nöd wüsse!

10/10






nei, seriously. respect für das. und an regiesseur. und netflix. so movies darf mer hütt eigentlich gar nüm mache. zwenig woke und zviel "sex".
de film selber isch en ned ganz jugendfreii komödie, wo ned mal schlächt isch!
real gseh es 7/10

Da bin ich voll und ganz uf dinere Site. Super Film gseh, het mi positiv überrascht, und bländend unterhalte

drag me to hell wiedermal

immer na super

the killer/netflix

7/10

suicide squad

de isch eifach so guet

de neu vo 2021? ja, dä isch mega

The Marvels : 7/10

Brie Larson
Flerken

Blue Eye Samurai (Netflix Anime Series)

Einfach. Nur. Fantastisch!

10/10




Quelle

Blue Eye Samurai. Danke für de Tipp. Hani gester uf d Liste gsetzt. F

Falling down

30 jährig dä Film... Immer no super! 8/10

onimusha: 8/10
pluto: 10/10
blu eye samurai: 10/10 (wänn chunt die nächsch staffle)

bodies mussi no die letscht folg gseh. isch aber super.
1899 luegi vilich no drii.
am friitig chunt scott pilgrim. mal luege, obs guet wird.

Bodies hani ebe fertiggluegt. Bis uf dr (sehr kitschigi) Schluss, hanis zimlich de gütt gfunde. (8.5/10)

The Creator (8/10)

...witzig, de hani geschter abig au gluegt!

The Creator

eigentlich wie en live-action anime isch er mir ine cho.
sehr coole style und gueti special effects.
storytechnisch aber nüt speziells und vorhersehbar.

gibe au 8/10

Robocop (de erscht), wiedermal.
10/10

Krass wiä guät dä immer na isch.