Guete Morge (s Chat-Topic)

[calanda]

Morge. Fuck me scho wieder. Es isch august


Gesendet von iPhone mit Tapatalk

[Mr. Heli]

ich gar im fall gar ned so eifach alti möbel los zwärde dünkts mi.

z züri (v.a. da z oerlikä) scho, tueschs eifach ufd strass mit eme zettel "gratis". wenns denn nid weg gat, machsch en zettel mit "50 stutz" und när ischs am nächste tag sicher weg

[Mr. Heli]

btw wieso zeigts mir kei icons etc meh a unterm avatar?

[Master(G)]

weiss ned, was hesch dette für en user-rang gha?

[Mr. Heli]

weiss ned, was hesch dette für en user-rang gha?

isch glaubs bide andere wo kei spezial icons gha händ au de fall. isch ja au egal, han mich eifach gwunderet gha. is vip forum chumi no.

[Master(G)]

hmmm... interesting. i will investigate. oder vielmeh wirdis mal em rony säge... ma guggn.

[zeromeier]

So Mäntig, all happy? Was hender gmacht am WE, Street parada?

[Jones]

Ig hocke im Schwarzwald ir Wutachschlucht im Resti u gönne mir e Wurstsalat.. Geile Tag füre Töff. Strasse läär, Resti läär..

Weekend hani deheim chillt, trainiert und bsuech gha.. pizzaofe mau wieder heiss gloffe...

[turntablism]

dihei gsi, de hexeschuss mit alkohol betäubt und hüt wider schaffa.

[Vyse]

Säb tönt rächt eländ.

Bitz mit Lüütlis in en Bar eis go trinke am Friitig, mitme Gaylord über Fashion diskutiert dänn wiiterzogge ah irgend e chliini Outdoor Party, zvill gsoffe, Kater glitte dä ganz Samschtig, am Abig mier aber es rots Curry gönnt, wo mega fein gsi isch, irgend en Flim glueged und am Sunntig mier gschwore, nie meh wieder ztrinke. Scho besseri Wocheänd gha aber au scho schlächteri.

[zeromeier]

Wele Film?

[calanda]

fritig: promenande fest gsi in davos, de gseht mer wieder mal alli iheimische
Samstig liecht chopfweh, nachere tablette mit em bike (ohni motor) uf chörbschhörn ufe und hineabe uf frauechirch gfahre, eine vo mine lieblings trails
sunntig: mit em sohn go pilzle , hend cirka 3 kg eierschwämmli gfunde

[Vyse]

Wele Film?

Hijack no fertig glueged, isch knapp ok gsi.

[turntablism]

kennt sich öpper mit em samsung z fold 3 us ?
minere frau gaht langsam d folie vom grosse display flööte.
händ mal im mobilezone gfragt ob mer e folie chan poschte zum ersetze. dört hends denn gseit das gäbis gar nöd ?

chasch die folie überhaupt selber wegnäh und e neui druff mache oder wenn si wegnimmsch isch grad s ganze tel. kaputt ?

garantie isch natürli abgloffe also samsung wird wahschinlich nüt meh uf garantie / kulanz mache.

und..s vordere display isch s glas gsprunge. choste ungefähr sowas z'ersetze ?

gitts in züri umgebig irgens so en inder-lade wo relativ günschtig sowas repariert und di nöd grad über de tisch zieht ? kennsch was wo ich mal chan go nache frage ?

[Jones]

Folie isch nid zum abnäh.. hei paar Tester doch am afang falsch gmacht...

[turntablism]

ha etz mal gluegt und doch.. es schiint dass die folie chasch abnäh.


Quelle

aber ich säg de frau glaub, sie söll en neus handy hole.
original folie chost im link bi dem video um di 50 euro und wenns selber machsch und verkacksch :typej:
gschiider es phone für günstiger poschte als so en chabischääs vo samsung wo eh viiel z tüür isch.

ha no en handy reparaturshop agmailet und mal luege was er antwortet und was das wür choste.

[zeromeier]

dihei gsi, de hexeschuss mit alkohol betäubt und hüt wider schaffa.

Hexeschuss isch s'letscht, hani vor 2 Monet oder so gha, ungeil.

Bi mir chund de Vorhang Typ hüt. Letscht WE no e Mageverstimmig gha, nöd geil, langsam wieder am erhole.

Beat: De Pizza Ofe chani da nöd chaufe

[Jones]

Mir choufe es neus outo hüt...
Also... nid neu aber halt es anders...
Dr alt vor pfründin het e hagel (total) schade...

[zeromeier]

Was für eis?

[Jones]

es het e Kia Ceed GT gäh.
jg 17, ersch 42'000 km, 1.6l turbo, 204ps, 8-fach bereift, technisch und optisch in top zuestand und bekannterwiis si Kia sehr zueverlässig
dank 7 Jahr werksgarantie (öpis wo sich die dütsche nie im läbe würde getroue ) sogar no es knapps jahr garantie falls wider erwarte öpis sött kaputt gah...

[zeromeier]

Priis?

[Jones]

ursprünglech agschriebe 18'800
im internet 17'800
abehandlet uf 16'800

verglichswiis sehr faire pris. all andere hei massiv meh km, si teils dütlech älter und/oder hei ke garantie meh...

[Jones]

und z'beschte: sie het vor 2.5 jahr 15300 für ihre mazda zahlt und bechunnt itz 15000 wägem hagelschade uszahlt!
2.5 jahr gratis gfahre!

[Jones]

morge zäme!
wahrschinlech liest das dr 1. i siebe täg...

[turntablism]

bin schnäller gsi