The(G)Forum

Oh ja, super, hämer das Chrieg-Argument au no, Bravo! Chrieg chanmer natürli nume vermiide, wennmer e gmeinsami Währig hät, gmeinsami Gsetz, gmeinsami Richter, Norme und kei Grenze, das isch absolut de einzig Wäg.

Wenn jetzt eis Land nachem andere sich z tod spare muen, under anderem well anderi Staate de Bankröttler 'verbüütet' tatsächlich bankrott z'gah (well di eigete Banke / Wirtschaft massiv drunder liide würed), denn isch das natürlich extrem förderlich füres fridlichs Zämeläbe. Mer gseht ja jetzt scho in Athen, wases so für Sache mit sich bringt. Usländer werded grundlos abgeschlage, es hanged Plakat ume gägä t Merkel usw. usf. Di dütsch Bevölkerig findeds au huere glatt, dass ihri Regierig bis dato für anderi Staate Garantie i.d.H.v. 391'000'000'000 Euro usegjassed hät, Dänemark macht t Gränze wider zue, Frankrich und Italie pfiifed teilwiis uf Schenge.. usw.

Es isch es schöns Ziil, en langfrischtige Fride in Europa z'sichere, aber wennmer versuecht eifach s gsamte Europa, ohni Rücksicht uf Verluscht, zunere homogene Masse z'gstalte, chan de Schuss ebe würklich nach hinde use gah. Ich wür momentan no keis Urteil drüber fälle welle, öb t EU de Fride in Europa fördered oder behindered, das gsehmer denn ines paar Jahr. Momentan gits wohl aber so wenig 'Europa, mir sind ei grossi Familie'-Aahänger, wie no selte [e: sitem 2. WK/Mauerfall], Tendenz massiv abnehmend.

G-ay-lien hat geschrieben:Oh ja, super, hämer das Chrieg-Argument au no, Bravo! Chrieg chanmer natürli nume vermiide, wennmer e gmeinsami Währig hät, gmeinsami Gsetz, gmeinsami Richter, Norme und kei Grenze, das isch absolut de einzig Wäg.

Das behauptet niemert. Aber nett, dass du min Bitrag so banalisiersch...

Moll, so banal isches eigentlich. t EU hät ihri Berächtigung, hät sites paar Jahre aber gröber über s Ziil hinusgschosse. Es isch super, wennmer regelmässig anen Tisch hockt, sich gmeinsam ustuscht, sich gmeinsam e Meinig bildet, en Konsens findet und Problem mitenand bespricht, gege usse als gschlossni Gruppe uftritt. T EU isch aber scho sit Jahre über das hinweg, hüt gahts um so vil anderi Sache, wo so vil Millione Lüüt nöd demit iiverstande sind, wo Lüüt drunder liided, massiv. Es gaht da um Fremdbestimmig, um t Vision vones paarne, wo um jede Priis duregsetzt werde muen.

Di hüttigi EU und die EU wo de Fride in Europa sichere sötti, das sind zwei ganz ganz verschideni paar Schueh, die hüttig EU schadet meh als si nützt, insofern hät die hüttig EU eigentlich kei Berechtigung.

e: aber ebe, es lauft eigentlich uf das vom thaeye use:

thaeye hat geschrieben:ich verstahns eifach nöd, das meh nöd eifach chan mitenand zämä ufere wirtschaftliche basis schaffe trotzdem aber autonomi demokratie bibelaht.

De widersprich ich au gar nöd. Mir gaht's nume drum z'säge, dass es nach wie vor kei Alternative zu de EU gitt solang die einzig Alternative en radikale Bruch mit ere Rückkehr zum Nationalstaatemodell isch. Getreu nach em Churchillsche Bonmot i abgwandter Form: D'EU isch die schlächtischti Art und Wiis die paneuropäischi Politik z'regle - mit Usnahm vo allne andere Forme, wo me vorher usprobiert hätt

Me sött d'EU reformiere, nöd abschaffe. Kei unusgriifti, arroganti Prestigeprojekt à la Euro und defür wieder echli meh Augemass. Weniger Monokultur aber defür meh Föderalismus und meh Mitbestimmig. D'EU wieder bewusst als politisches Projekt verstah und nöd eifach als Steigbügelhalter vo ere globalisierte Wirtschaft. Undsowiiter. Das isch de aspruchsvolleri Wäg und dadezue brücht's natürlich z'erscht emal fähigi und willigi Lüüt. Aber es wär de fortschrittlichi und vernünftigi Wäg. Alles andere isch hilfloses Gewurschtel und billigi Polemik. I däre Beziehig nähmed sich d'Europapolitiker mit ihrem Gebaschtel, wo sie zur Ziit verastaltet, und d'Europaskeptiker, wo jetzt eifach pauschal rüefed "Üebig abblase, EU abschaffe, Problem glöst!", nämlich relativ wenig.

rettigsschirm!

eis vo de dümmere wörter i de letschte jahr! :typej:

Mangelnde Föderalismus isch glaubi nid würklich ds Problem. Das isch halt sone schwizer Perspektive. E sone riese Moloch isch doch föderalistisch gar nid führbar. Zudem sötts ja eigentlich vorallem e Wirtschaftsunion si. Lang nid all staatspolitische Entscheid wärde ir EU entschiede.

Die konkrete Problem si doch eigentlich ganz profan (das sisi natürlich eigentlich nid, scho klar): Erschtens ischme recht euphorisch vorgange ir Ufnahm vo neue Länder (obwohls ja itz nid mal die neue Mitgliedstaate si wo vordergründig Problem mache) und zweitens si die veribarte Regle vo fasch allne Mitgliedstaate vor Währigsunion nid ighalte worde. Ok. Ds zweite Problem isch nid zwingend eis vor EU an und für sich verursachts, sondern es Strukturproblem de einzlene Länder. Lueg emal anderi Staate (Hallo z.B.USA) a. Verschuldig und Überschuldig bis zum Kollaps isch kes EU only Problem. Es isch itz eifach e Steilpass für EU gägner wüll halt Staate wo nid mal so schlecht da stöh durch Währigsunion mitinnezoge werde. Aber eigentlich hetts klari Regle und es isch halt eifach bschisse worde und denn ischme ds feig d Konsequänze ds zieh. Und denn entscheidete meh sich für e Hilf und ernet denn glich nur Tüfelsdank. Isch scho chli schad.

D EU hett Europa relativ und durchus nachwislich viel bracht, das tuet meh hie ir Schwiz natürlich gern chli verdränge. Wohl au immer us de EU Bitritts Debatte usse. Und im Moment hett halt ds EU bashing grad wieder chli Wasser uf d Mühline becho.

Isch no e spannedi Situation und findet eigentlich wieder gar nid mal die Medieresonanz wos verdient hätt. Aber das isch es anders Thema.

was gsamteuropäischi regle / verträg bringe, gseht meh zur zyt sehr guet bi schengen bzw. dublin!

Jones hat geschrieben:was gsamteuropäischi regle / verträg bringe, gseht meh zur zyt sehr guet bi schengen bzw. dublin!

wahr. regle/veträg si ja guet, aber dürestze würd eigentlich au derzue ghöre

das isch z'problem vor schwiz! mir halte üs a dä seich, wo mir mit dr EU veribart hei und d'EU (bzw. gwüssi staate ir EU) interessiert's e dräck!
sehr gschied, so verträg z'ha!

emP hat geschrieben: Zudem sötts ja eigentlich vorallem e Wirtschaftsunion si. Lang nid all staatspolitische Entscheid wärde ir EU entschiede.

falsch concret crassi analyse. sit lissabon isch vill meh staatspolitischi macht zur eu gange. die wichtige entscheid werdet in brüssel gfällt. isch scho lang kei wirtschaftsunion meh, den haet meh ja de EWR eifach chöne belah. und du häsch ja au mitüberchoh wie gwüssi länder "übergange" worde sind bimene Nei zu de verfassig.

uuserdem sind die böse südliche länder nöd nur weg ihre fuulheit jetzt i dere situation. dur d ifüehrig vom euro isch d abwertig weggfalle wo dene länder halt trotzdem immer wieder chli ghulfe haet. jetzt sinds natürlich i de falle. natürlich sind sie niemals so "leistigsfähig" im wirtschaftliche sinn wie d nord und westeuropäische länder, bringet aber anderi faktore mit wo grad so wichtig sind. drum isch ja en gmeinsami währig au sehr dumm. ebe die flexibel und global wirtschaft (finanz und dl sektor) haet am meiste profitiert vom euro, de rest eher nöd. red doch mal mit italiener oder franzose. mit normale lüüt nöd mit unternehmer oder politiker. meinsch en italiener haets geil gfunde wo plötzlich sini lebenschöste um 50 prozent gstiege sind und s ikomme fast nix. ifüehrig vom euro ischen absolute fail gsi.

dini hilf vo de "bessere" staate (ich nimm mal aa du meinsch vorallem fra und ger), isch au nur im hinblick uf business und eigeintresse. profitiere werdet banker und spekulante. alles wird privatisiert und wer chauft das züügs? das ganze haet kei chance. d lüüt gönd uf strass und machet radau. solidargmeinschaft im arsch une.

klar haet d eu eus vill guets bracht, will mer nöd bitrete sind und quasi so als insle halt immer profitiert. trotzdem isch das momentane gebilde dem tode geweiht und wird undergah oder sich total muesse neu erfinde. evtl. gits den nacheme neubeginn besseri lüüüt mit nöd ganz so grosse visione sondern eifach mal stuck für stuck. social engineering isch nah nie guet choh. de mensch macht halt meistens doch nöd das wo die "gschiide" lüüt halt waend. drum de mensch mitibezieh und stuck für stuck dra schaffe, das es en art europäischi einheit giit aber nationali gebilde wiiterhin exisistieret.

aber sind uf jede fall spannendi ziiite. lol.

Quelle

würkli nöd d.dümst. de winkelried. lol. härt wiesen usbuuhet. sowas muess kaputt si.

den chunt nah en goebbels und seit em einzige oppositionelle nah was er den würdi mache??? zerst mal muess ufgruumt werde. und de schulz bellt au nah chli drii. lol.

muess glaubs au mal en livestream luege, gueti realsatire mit chli tragik.

schnell zum festhalte was da eine meint: d eu isch für pole kei bedrohig fürd souveränität, will pole d unterdrückig vo de udssr erlebt haet, d udssr isch schlimmer gsi alsd eu und drum machet das d pole gern.
ich mein was sind das für lüüt.

töne tuet's guet.

Vor gut zehn Jahren stand auf Zeitschriften, Schokoriegeln & Co oft der gleiche Franken-Betrag wie DM. Jetzt ist das Geld im Vergleich zum Franken fast nur noch die Hälfte wert.

USD/CHF 1.81

thaeye hat geschrieben:

emP hat geschrieben: Zudem sötts ja eigentlich vorallem e Wirtschaftsunion si. Lang nid all staatspolitische Entscheid wärde ir EU entschiede.

falsch concret crassi analyse. sit lissabon isch vill meh staatspolitischi macht zur eu gange. die wichtige entscheid werdet in brüssel gfällt. isch scho lang kei wirtschaftsunion meh, den haet meh ja de EWR eifach chöne belah. und du häsch ja au mitüberchoh wie gwüssi länder "übergange" worde sind bimene Nei zu de verfassig.

uuserdem sind die böse südliche länder nöd nur weg ihre fuulheit jetzt i dere situation. dur d ifüehrig vom euro isch d abwertig weggfalle wo dene länder halt trotzdem immer wieder chli ghulfe haet. jetzt sinds natürlich i de falle. natürlich sind sie niemals so "leistigsfähig" im wirtschaftliche sinn wie d nord und westeuropäische länder, bringet aber anderi faktore mit wo grad so wichtig sind. drum isch ja en gmeinsami währig au sehr dumm. ebe die flexibel und global wirtschaft (finanz und dl sektor) haet am meiste profitiert vom euro, de rest eher nöd. red doch mal mit italiener oder franzose. mit normale lüüt nöd mit unternehmer oder politiker. meinsch en italiener haets geil gfunde wo plötzlich sini lebenschöste um 50 prozent gstiege sind und s ikomme fast nix. ifüehrig vom euro ischen absolute fail gsi.

dini hilf vo de "bessere" staate (ich nimm mal aa du meinsch vorallem fra und ger), isch au nur im hinblick uf business und eigeintresse. profitiere werdet banker und spekulante. alles wird privatisiert und wer chauft das züügs? das ganze haet kei chance. d lüüt gönd uf strass und machet radau. solidargmeinschaft im arsch une.

klar haet d eu eus vill guets bracht, will mer nöd bitrete sind und quasi so als insle halt immer profitiert. trotzdem isch das momentane gebilde dem tode geweiht und wird undergah oder sich total muesse neu erfinde. evtl. gits den nacheme neubeginn besseri lüüüt mit nöd ganz so grosse visione sondern eifach mal stuck für stuck. social engineering isch nah nie guet choh. de mensch macht halt meistens doch nöd das wo die "gschiide" lüüt halt waend. drum de mensch mitibezieh und stuck für stuck dra schaffe, das es en art europäischi einheit giit aber nationali gebilde wiiterhin exisistieret.

aber sind uf jede fall spannendi ziiite. lol.

D Tüürig hett mit de Eiführig vom Euro überall stattgfunde. Nid nume ide südliche Länder. (kennsch no "Teuro"?)

Das mit de staatspolitische Macht müesstisch also erkläre. Isch glaubs sone Grundangscht vo de Schwizer und darum chli falsch verstande worde. Grad vorstöss ds Ganze no militärisch etc. uszwite si ja immer gschiteret. Da hätti als mal chli Konkrets gern.

Und was meinsch mit EWR? De EWR isch glaubs nid sehr alt worde nach em nei vor Schwiz. Ich glaub du meinsch d'EG.

de apple store het d'priise chli aapasst. megen

Gestern kostete der Euro laut Bloomberg mit 1.1374 sogar zum ersten Mal weniger als 1.14 Franken.

^^ ich schlahn glaub langsam aber sicher zue und kauf mir es Auto us Deutschland

sinke äch gli d'prise i de schwiiz für d'autos oder chunnt eifach e neue fark wo de import no komplizierter macht?

^^ D'AMAG tuet prise nöd a passe!! Hingege Aston Martin scho, sie senket prise um 15%! (luut Blick!)

Super gell als ob ich geld het für en Aston :typej:
es AMAG Fahrzüg isch eifach übertüürt, denn schiess ich uf die und kaufs direkt in D

De mach DE import! Wo problem?

ritschi hat geschrieben:sinke äch gli d'prise i de schwiiz für d'autos oder chunnt eifach e neue fark wo de import no komplizierter macht?

Rat mal. Lüt wo ständig nach Marktliberalismus rüefe si recht guet im Hürde baue wenns um ihre eiget Profit geit.

de emil frey sött blüeteu und nöd sini MAs.

wieder super: neu Mac Mini uf apple.com USD 599 (ca. CHF 500), uf apple.ch CHF 649.... immer dia glichi Abzockerei...

blackraini hat geschrieben:wieder super: neu Mac Mini uf apple.com USD 599 (ca. CHF 500), uf apple.ch CHF 649.... immer dia glichi Abzockerei...

sgliche mit em ipad... chaufs doch dört oder uf ebay... chunsch billiger