fair. äbe, wenn thematik scheisse findsch, oder dich charaktere und ihres ussehe störed, dänn isch das fair. das verstahni alles. das machts GAME(play) aber ned schlächter... oder zum durchschnitt. das muesch de scho objektiv aluege findi. und objektiv betrachtet, bütet watch dogs eifach unglaublich viel abwächslig... es isch vollpackt mit näbebeschäftigunge, d'hälfti devo hesch so no nie gseh (stichwort: digitale trips!). autofahre isch extrem super, richtig gueti fahrphysik, fascht wie ime racegame. schüss-mechanik, cover-mechanik.. sehr geil, spielt sich bitz wie es anders ubisoft spiel, namentlich Ghost Recon. AI vode Bulle, AI vode Bevölkerig, was sie alles mached, was alles passiert, wenn nume umelaufsch und beobachtisch. es erschlaht di! du chasch telefongspräch zuelose, ihre handy-, tablet- oder laptop cams häcke und sie beobachte, i ihre wohnige luege. es hett zerstörbari umgebige. en tonne interaktivi element ide stadt. über 100 reali sehenswürdigkeite usem ächte Chicago mit, alli mit umfassende WiKi iträg (lernsch no was!). Wättereffekt, Liechteffekt... beides unglaublich schön. sWasser und Böötlifahre, gseht so guet us wie i keim andere game! Es gitt en Tonne side-missions und tonnewiis collectables. e RPG-ähnliche Skill-Tree (separati Skill-trees bide Trips!). Huufewiis unlockables.... es VOLLpackt wie no selte es game.
du merksch, bi rächt am schwärme. aber ich liebe au open-world games. ich han sie alli gspielt, vo saints-row, über assassins creed, bis zu GTA. und ich chan ohni schlächts gwüsse säge, dass watch dogs en perle isch. als spiel. vom gameplay her.
alles anderi isch halt gschmackssach... de eint hett gärn fette börger (GTA), de ander es steak (Watch Dogs), ich will aber ned entscheide müesse, was jetzt besser isch. und ich mach em ander sin börger au ned abe wäg dem. söll er sin börger gnüsse. ich iss beides u-gärn. am beschte, probiersch beides, oder?
