The(G)Forum

So, inzwüsche han ich's glaub definitiv durchschaut und die Sach suuber konfiguriert. S'WAN-IPv6 stimmt und s'eigene IPv6-Netz isch jetzt analog zum IPv4-Netz suuber entsprächend de beide LAN-Interfaces (privat & Gast) uf zwei Subnetz ufteilt und jetzt sött eigentlich nüt meh schief gah.

S'müehsamschte a IPv6 isch defintiv, dass me die Adresse nöd chan läse, geschweige denn sich märke:

192.168.0.1 <--- vergliche mit ---> 200185a31000:8a2e7334

Gaht ja mal würklich gar nöd :typej: Chunnt dezue, dass me zu jedem Interface no dörf zwei Adresse uswendig lerne und dänn no die ganz Gschicht mit de abkürzte Notation wo d'Null-Hexzahle wägglah wärded und du bisch nume no am Hieroglyphe läse. D'Verwirrig entstaht mehrheitlich und du verschwändisch die meischti Ziit bim entziffere vo dene Adresse

Aber isch glich. IPv6

Edith: Eifach namal will's eso geil isch:

President Evil hat geschrieben:Mal es würklich geils Produkt:

1000/1000 Megabit pro Sekunde. Gigabit-Speed, symmetrisch.

https://www.fiber7.ch/" onclick="window.open(this.href);return false;

Symetrisch...! Im Prinzip das Nonplusultra, nur leider kann man davon ausgehen dass die "Reichweite und Abdeckung" solcher Projekte gleich Null ist, selbst in der winzigen Schweiz. Es braucht halt erstmal die richtigen Kabeli... das war damals bei den Konsolen so und ist heute beim Internet auch nichts anders, gewisse Dinge ändern sich halt nie. Ich habe bis heute noch keine Glasfaser... und kämpfe seit Jahren für eine Erschliessung in Randzonen die gerade mal 3-4 KM entfernt von Städten sind. Es geht hier effektiv um die letzte Meile die auch in der Schweiz immer noch eine Wüste ist... alles andere ist längst zufriedenstellend abgedeckt. Das Fiber7 Projekt kann man wohl nur in Zürich/Genf brauchbar nutzen... so begrenzt ist etwas "unbegrenztes". Klar, sie machen hier eine riesen Liste von anderen Städten aber Fakt ist... sobald man nicht mehr im Zentrum dieser Orte ist, dann ist man weg vom Kabeli. D.h. Letzte Meile abdecken ist mit Abstand erste Priorität und nicht rumprotzen mit "Backbones". Ich habe schon 1 stündige Anrufe beim Provider gehabt wo sie klar sagten dass sie nichts tun können und es wurde mir klar dass "arme Länder" wie Portugal mehr für die letzte Meile tun als viele Schweizer Orte aber rumprotzen das können sie super.

Titan, bisch das du?

Natürlich isch's en

Aber back on topic:

Was machsch eigentlich mit dere Verbindig? Scho irgendwas in Betrieb gno?

Ussert mich täglich am Speedtest ufgeile? Eigentlich nüt

Nöd unwesentlich isch aber d'Tatsach, dass mini monatliche Fixchöschte für Internet & Festnetztelefon jetzt fast 40 Franke (= meh als en Drittel) niedriger sind. De 8-fachi Downstream und de 100-fachi Upstream isch so gseh eifach no en ziemlich nette Bonus.

Guet, ich betriib a mim NAS mini eigeni Cloud/Datesynchronisierig, statt mich für das müese uf en Drittabüüter z'verlah, aber au das han ich scho vorher mit em 125/10er-Abo vo de Farklecom gmacht und de 10er-Upstream hätt problemlos glanget.

Ok, nidrigeri Chöschte und täglichs Ufgeile tönt schomal fair

Ich würd mir glaubs täglich irgend en neue Server irichte und es Backup vom Internet mache

Mit 500Mbit/sec bi gog.com de Witcher 3 preloade, näbedzue ganz normal wiiterschaffe/-sörfe und nüt devo merke

Also bei 1 Gbit sind sogar die üblichen Ethernetkabeli am Limit und viele HDDs kommen auch schon in Bedrängnis, wobei ich auf der SSD in den Downloadfolder runterladen würde und danach von dort auf die HDD kopieren, bei 500 Mbit schaffen es die meisten HDDs gerade noch. Klar ist krass aber ich denke viele Leute wären schon mit symetrischem 100 Mbit mehr als zufrieden, z.B. Ich.

Super sach, bi eus wird alles mit glasfaser updated - sobalds verfüegbar isch hols mer au (Obwohl ich d Cablecom Produkt gratis han)

Chan öpper vo de glückliche init7 Mensche mal uf http://speedof.me und d Resultat vo dete poste?

Lieferet bi mir zwüschet 200-300Mbps Upstream, 36Mbps Downstream und en Ping vo um die 15ms.

Han aschlüssend grad no en speedest.net-Test über de init7-Server gmacht und det wie immer 920-940Mbps Upstream und Downstream mit eme Ping vo 1ms gha.

Fazit: D'Testserver speedof.me sind Scheisse

Höred mal uf das Topic z pushe. Es macht mich depressiv

Gurgelhals hat geschrieben:
Fazit: D'Testserver speedof.me sind Scheisse

Das hani ebe genau vermuetet. Danke!

De init7-Scheff hätt diesbezüglich mal druf higwiese, dass die meischte Speedtest-Server "nume" mit ere Gbit-Leitig is Netz ibunde sind und entsprächend bereits wenigi glichziitigi Afrage d'Resultat starch verfälsche chönd. Drum händs dänn au en eigene init7 Speedtest-Server igrichtet, wo mit ere 10Gbit-Leitig am Netz hänkt. Aber speedof.me schiint würklich übel z'si, die Wert sind erbärmlich.

PS: Ich finds übrigens super, dass en Inhaber vo ere Internetproviderfirma sich persönlich defür isetzt, dass sini Chundschaft ihres Bedürfnis nach regelmässige und ussagechräftige ePenisvergliich chan befriedige

fiber7 bschteut! S'chunnt ize de grad i üses Quartier. Aaaah, ds wird so guet.

Frag zu init7:
Fürne 2er-WG, mit 2 x Notebook, Handy und Tablet:
Wele (Consumer/Prosumer-grade) Router isch empfehlenswert, we dr d'Mehrheit vor Hardware per Kabel erschlosse isch?
(Also Wlan-Performance eher sekundär isch, v.a. wöu d'Endgrät no d'Standards gar nid hei.)
Konkret heisst das: 2x Desktop PC, 1x HTPC und 1x Server si per Switches amne Gigabit-Netzwerk aagschlosse und sötte vom Router mit müglechst viu Speed bedient werde.

Dr RT-N66U womer momentan hei isch zwar vom Interface her würk super, aber mitm Gigabit-Internet ziemlech überforderet leider, aber uf sone ultrakomplizierte Siech a ala Edgerouter hani ou ke Lust.

Edit: Klarifikation

Mousch mal checke öb de RT-AC66U oder de RT-AC68U (oder susch eis vo de neuere Highend Asus-Grät) en signifikant höchere WAN/LAN-Throughput schaffed als de N66U (wänn's bi de reine LAN-Performance chlämmt, isch es aber afaik im Regelfall nöd de Router bzw. d'Rohleischtig vom Router wo's Problem isch - letschters isch i.d.R. nume bim LAN/WAN-Durchsatz en Engpass).

Kompliziert hin oder her: De Edgerouter lite oder PoE würd's wohl schaffe. Die Dinger entspräched jedefalls exakt dim Aforderigsprofil (kabelbunde, kei Schnickschnack und massivi Routing-Leischtig). De Vorteil isch: Wänn d'Hürde mal gschafft häsch und das Ding isch fertig konfiguriert, chasch praktisch vergässe, dass es überhaupt da isch. Es lauft und lauft und lauft und lauft...

De RT-AC68U isch es zimlich geils Grät...hani da sit ca. 2 Wuche im Isatz (Swisscom, kei Fiber7). DD-WRT lauft ebefalls super det druff.

Asus RT-AC68U

Hmmm Was het de RT-N66U gschafft?

cool, endlich ist in meiner neuen wohnung auch 50 Mbit möglich.

Isch doch en guete Wert. De durchschnittlichi Consumer-Router macht bi ca. 400Mbit/sec schlapp. Und über 940Mbit/sec chunsch eh nöd, will die letschte 60Mbit/sec Overhead sind.

PS:

PlanetHarrieR hat geschrieben:cool, endlich ist in meiner neuen wohnung auch 50 Mbit möglich.

:neuland:

Gurgelhals hat geschrieben:Isch doch en guete Wert. De durchschnittlichi Consumer-Router macht bi ca. 400Mbit/sec schlapp. Und über 940Mbit/sec chunsch eh nöd, will die letschte 60Mbit/sec Overhead sind:

Jup. Dr 66 hett knapp 250 down / 400 up gschafft