Welchen Film oder welche Serie hast du gerade gesehen?

[FarCry]

The Wild Robot (2024) - 8/10
Erstaunlich unterhaltsam mit teilweise makaberem Humor. Gefällt mir!

[Vyse]

From [Season 3] (9/10)

Het guet agfange, isch mit der Zit aber flacher worde. Han s'Gfüehl becho, sie verlieret sich in Sidequests. Aber am Schluss hets trotzdäm Sinn ergä. Unds Season Finale isch wtf! Ich liebe Serie wo der Muet het, Gränze z'überschrite.
Season 4 isch bereits bestätigt. (leider erscht im 2026)

Finds ebbe au rächt guet, mag so Mistery-Züügs aber me merkt scho, dass da viel Produzänte vo Lost mitmisched, From tümplet es bitzli zu sehr vor sich hii, isch ja bi Lost nöd anderscht gsi.
Mal en Sidquest isch ok aber gwüssi verlüüred sich eifach im Nüüt. Händs nöd mal wälle so en Monster-Spast iifange? Uus däm isch nüüt worde. Wär eigentli mega gueti Idee gsi bitz wüsseschaftlich ah das ganze härezgah.

[Master(G)]

ich hasse so zeugs, luegsch 9 seasons am schluss weisch gnau gliich viel wie vorher und nüt wird erklärt

MYSTERIYYYYY uuuuuuhhh!

nö du, nach lost kei bock uf sowas.

[The Sheep]

In dere Hisicht machts From besser als Lost. Grad jetzt im Season 3 Finale wird einiges klar, und das mit em Monschter Ifange bzw kille welle @Vyse, het sich damit glaubs au erledigt.

[Vyse]

Ja, From machts bis jetzt def. besser als Lost, isch bitzli prägnanter.

Die Monster sind ja trotzdem physischi Wese, die gsamt Situation hät e Materialität (ussert ich han was Wesentlichs nöd begriffe). Dänn hättets ja au so es Viich chönne iifange und mal luege, was so dEigeschafte sind. Was passiert, wänns em Sunneliecht uussetzisch? Hät bestimmti Schwächene usw.?

[The Sheep]

Heschs Finale scho gluegt?

falls ja:
Sie sind unschtärblich. Wenn eine killsch, wird eine vo de Gschtrandete schwanger und bringt en wieder zur Wält. Da erübrigt sichs doch nach Schwächene zsueche. Die Schwangerschaft voder Fatima mit Bluet und Müll frässe isch ja nur passiert wil sie de Smiley killt händ.

[Vyse]

Ja, ha die dritt Staffle duure.

Das hani scho gschnallt aber finde nöd, dass sich das erübrigt. Wänn en Wäg finde würsch, zum sie iifange und gfange halte und erforsche, wär das doch guet und Schwächene chönntsch ja uusnütze, nöd zum sie kille sondern en bessere Wäg finde, ihne z entcho oder vl. irgendwie zbeiiträchtige. Anyway, mier fählt dä bitz methodisch, wüsseschaftlich Ahsatz vo dä Charaktere, sich es genauers Bild vo dä Situation zmache.
Aber im Gsamte find ich dSerie sehr underhaltsam.

[The Sheep]

Ich bin gspannt, wie oder ob de Boyd und vor allem d'Sara us dere Nummere mit em Elgin wieder usechöme

[The Sheep]

Shadow of the Vampire (8.5/10)

Ändlich wieder gfunde. Han dä vor Jahrzähnte mol im Teleclub gseh, und denn us de Auge verlore, will ich mir damals weder Titel, no Schauspieler han chönne merke. Es goht um e fantasievolli Adaption vode Dreiharbeite vom Nosferatu vo 1922. De Twist: Hauptfarsteller Max Schreck hets nie gä, sondern sini Rolle isch vome ächte Vampir gspielt worde. Schwarzi Kommödie, hervorragend bsetzt mit John Malkovich, Willem Dafoe und Udo Kier.

[thaeye]

from

immer na guet

[turntablism]

Devil (2010) guete Film.
Kenn genau zwei Fahrstuelfilm (de zweit isch Abwärts)
Und beid sind super.

[thaeye]

den lueg fahrstuhl des grauens 1983

[Doraemon]

De Lift mitm Hubstapler Abwärts isch aber o super. E witere Liftfilm wär no der Hellevator us Japan, hani ono guet gfunge.

[zeromeier]

Horizon: An American Saga - Chapter 1
https://www.imdb.com/title/tt17505010/? ... _q_horizon

Gschter uf HBO gluegt, verstah d'Kritik asatzwiis, für mich 9/10, grossartig dreihte Western mit super Stories und mega Charaktere. Freu mi uf Chapter 2 und hoffe 3&4 chund au no, wär schad, wenns das nöd chönted fertig dreihe, nur will hüt jede Marvel-CG Scheisse will.

[The Sheep]

Devil (2010) guete Film.
Kenn genau zwei Fahrstuelfilm (de zweit isch Abwärts)
Und beid sind super.

Abwärts isch super.
Au en guete Fahrstuehl Film: Omen 2 (wenn au bitz churz)

[turntablism]

Danke für di andere Lift Vorschläg.
Fahrstuhl des grauens kenni glaub doch au no. Ha grad de Trailer gluegt.

[Master(G)]

Secret Level - Season 1 (Paramount+ / Amazon)
https://www.thegnet.org/post/secret-lev ... orgestellt

15 Short CGI Movies, jede mit eme eigete Thema useme bekannte Videogame.

underem Strich super gsi! ich liebe so "Sammlige" und CGI stuff sowieso

9/10

[abyss]

Fusselator 2 (aka Gladiator 2) - Was fürn Schmarn

[turntablism]

The Substance.
Ähm, eigentlich nöd schlecht aber am schluss händs de vogel abgschosse mit dem splatter / monster kack

[Master(G)]

wie bim jackson ide beschte ziite


geschter Venom Last Dance glueget. Isch afe au meh Comedy. Absiits vode Special Effect leider ned so min Fall gsi.

4/10

[Vyse]

Heretic 3/10
Ohni es würkli zwüsse, hät me en extrem starche Iidruck, dass sich seelelosi, coorperate Overlords wieder in e grundsätzliche gueti Filmidee iigschmischt händ und en eigentlich interessanti Idee mit Potential völlig zerstört händ. En totale Schrottfilm ischs worde, obwohl all Ahsätz zumene sehr interssante Gedankeexperimänt vorhande gsi wäred.
Faht rächt guet ah, me mekrt i dä erschte halbe Stund sPotential und dänn git er sowas vo ab. Hässig macht mi sowas, HÄSSIG!

[Kretinou]

Heretic 3/10
dä erschte halbe Stund sPotential und dänn git er sowas vo ab.

Zusammenfassung perfekt in wenigen Worten

[Reinforced]

Once Bitten 6/10

[abyss]

Love, Death and Robots - Huere guet! Bin no nid düre. Freue mi scho witer z luege hinech!

[Master(G)]

Love, Death and Robots - Huere guet! Bin no nid düre. Freue mi scho witer z luege hinech!

denn muesch nachher no secret level luege... 15 mini cgi movies, au sehr geil!