The(G)Forum

lol, han gmeint, dass bide updates d konsole billiger wird. d ps4 chauft niemerd.

Master(G) hat geschrieben: und en 4k TV hani nämli au ned und willi vorläufig au ned. bringts ned.

falsch!
aber fair

jetzt dünkts mi plötzlich, als würdet MS und Sony skonsole-spiele irgendwie kabutt mache. ich mein, ps4pro wer brucht das? VR games sind doch nur wieder en spielerei. und ufem pc chasch das in besserer qualität, wenn würkli ernschthaft VRle willsch. zum Vrle uf PS4 muesch jetzt au über 1000 stutz usgäh (pspro, kamera, 2lüchtdingskontroller, vr-headset, games)... zum würkli 4k spiele hett en PS4pro immerno zwenig saft (upscaling the lol). wer film und serie in 4k luege will, cha das au ohni ps4pro. z.b. ebe au ufem pc. ich behaupte au, dass nur wenigi überhaupt en 4k TV händ. und de hett sie nöd mal es uhd laufwerk und framerate in MP spieli, also dette wos wirklich wichtig wär, sind anschienend ned besser als uf de normale, will sony das so will!? :typej: multiplatform singleplayer games chasch in 10x besserer quali ufem PC ha. 4k gaming und VR au. jetzt müend dhersteller also au no all ihri games für 3 verschiedeni system optimiere/apasse?? und dörfet sich debi nöd mal voll uus lah...? und de chunt no en xbox one s mit birrebitzeli meh power und nöchscht jahr en scorpio, wo wieder besser isch als alles anderi, aber gliich nöd anen 2 jahr alte pc ane chunt? wemmer das alles chaufe will, chasch der für das geld no lang en geile gamer-pc id hütte stelle! für was hett mer denn no en konsole frag ich mich? besser mer chauft sich doch grad en gamer-pc, de isch rueh. vor allem bi de xbox isch das sinnvoll, mit crossplay und crossgaming vo PC und xbox bruchsch würkli kei konsole meh... und will au all xbox one exklusives für PC chömed, und dett sicher besser laufed/usgsehnd. ich chan ja gliich no mit kollege gears of montag spiele, au mit dene wo kein PC händ (crossgaming). für was bruchi also en xbox?? guet, es gitt no paar ps4 exklusives wo ned ufem pc chasch spiele. aber für die bruchsch kei pro zchaufe, wenn scho en normali hesch...

ich find die entwicklig bitz fail....

edit:

Electronic Arts gibt bekannt, dass das Action RPG Mass Effect Andromeda (PS4, Xbox One) auf PS4 und PS4 Pro mit 30 fps laufen wird.

the lol.. okay, also au für SP games bringts die ned. bravo.

weiss wirkli ned was d a sell.

Master(G) hat geschrieben:

Electronic Arts gibt bekannt, dass das Action RPG Mass Effect Andromeda (PS4, Xbox One) auf PS4 und PS4 Pro mit 30 fps laufen wird.

the lol.. okay, also au für SP games bringts die ned. bravo.

30fps isch uf Konsole halt eifach de Standard für die meischte Spieli, solang's nöd Rännspieli oder MP-Shooter oder so Züügs isch, wo 60fps als extrem wichtig aglueget wird. Das isch au nöd unbedingt falsch, aber vor allem isch das halt eifach en Kompromiss, wo sich so als Tatsach etabliert hätt.

Eigentlich isch d'PS4 Pro ja so öppis wie d'Realisierig vo dem, was sie mit de PS4 meh oder weniger versproche händ: Ändlich 1080p/30fps (bzw. anhand de erwähnte Genre-Kriterie bi gwüssne Spieli halt 1080p/60fps) ohni Abstrich bi Details, ohni fuuli Kompromiss und under Umständ sogar mit chli Luxus-Features wie bruchbars Anti-Aliasing. D'PS4 isch ja da doch öfters a d'Gränze gtosse (wänn au nöd eso extrem wie de Xbone). Wänn me de 4K-Marketingbullshit völlig usbländet und d'PS4 Pro stattdesse eifach als ultimativi 1080p-Konsole aluegt, ergitt das Grät wahrschinlich am meischte Sinn.

Trotzdem frög ich mich au, öb de Nutze vo däre neue Produktpolitik nöd chlinner wird si als de potentielli Flurschade (= komplizierteri Entwicklig, Abkehr vo de gägenüber de PC-Wält doch rächt vorteilhafte will sunneklare "e PS2 isch e PS2 und Punkt"-Produktpolitik, neui Problemfälder wie PS4<>PS4 Pro-Multiplayer, usw.).

finges jetz ou nid gad ds gäube vom ei was si eim da wöi ufschnure.. vorauem gsehni fürd zuekunft risä problem fürd entwickler, 3rd party müesse jetzt games für PS4, PS4Pro, Xbone S, Scorpio u NX entwickle u aui hei angeri spezifikatione u eigeschafte.. das wird es huere dilemma.. sony hät gschidr gwartet u nächst winter uf scorpio e nöi ps bracht..

vorauem jetzt chunt ire wuchä ä PS4 slim use, imene monet PS VR u im Nov PS pro... :typej:

D PS5 sinds parallel sicher au no am entwickle und wie bereits erwähnt wends bis 2020 8K i de Wohnmzimmer. S wär also durchus denkbar, dass si di interne Studios jetzt scho abzüglet hend. D Blockbuster sind ja jetzt alli me oder weniger fertig und ich chan mir nid so recht vorstelle, dass si zum jeztige Zitpunkt nomal mit de Entwicklig vomene PS4/Pro Spiel werded afange...s wär vom Timing her chli dumm...

sidusson hat geschrieben:... jetzt chunt ire wuchä ä PS4 slim use, imene monet PS VR u im Nov PS pro... :typej:

(gar nid mitbiko)
Isch jo heftig....
Sött d Slim eigentlich e Budget Konsole wärde, oder wie? Isch au no recht tüür findi.

Scho gseh? MediaMarkt haut es set uuse: 2x PS4 (500GB) für Fr. 399.95

logisch, die will jetzt kei sau meh... de priis wird is unterirdische rutsche!
wenn en alti ps4 hesch: JETZT VERCHAUFE oder für immer bhalte :lach:

ich hätt zwei, willsch eini??

Master(G) hat geschrieben:de EINZIG grund, warum ich mir die kauft hätti, wär gsi, dass battlefield 1 z.b. im MP flüssiger lauft...
wenn das ned de fall isch dänn

sp spieli zock ich eh ufem PC. und en 4k TV hani nämli au ned und willi vorläufig au ned. bringts ned.

Es wird scho stabiler loufe, nume nid mit me FPS im Augemeine lol. I ga starch dervo us das d Pro Version vo BF1 mit stabile 60 FPS loufe wird

Bejita hat geschrieben:

Master(G) hat geschrieben:de EINZIG grund, warum ich mir die kauft hätti, wär gsi, dass battlefield 1 z.b. im MP flüssiger lauft...
wenn das ned de fall isch dänn

sp spieli zock ich eh ufem PC. und en 4k TV hani nämli au ned und willi vorläufig au ned. bringts ned.

Es wird scho stabiler loufe, nume nid mit me FPS im Augemeine lol. I ga starch dervo us das d Pro Version vo BF1 mit stabile 60 FPS loufe wird

mp schiens ja ebe nöd...

guet, ich wirdes usefinde. ich hamer eini bstellt. und eini vode alte bhalti au, de chani alligs vergliiche...

finges jetz ou nid gad ds gäube vom ei was si eim da wöi ufschnure.. vorauem gsehni fürd zuekunft risä problem fürd entwickler, 3rd party müesse jetzt games für PS4, PS4Pro, Xbone S, Scorpio u NX entwickle u aui hei angeri spezifikatione u eigeschafte.. das wird es huere dilemma.. sony hät gschidr gwartet u nächst winter uf scorpio e nöi ps bracht..

Für de NX wird ussert Nintendo niemert Spieli entwickle

Und Scorpio - sofern da überhaupt scho meh als e Projektskizze existiert - wird doch au nöd würklich besser. Chunnt halt eifach es Jahr spöter und wird drum im Gägesatz zu de PS4 Pro nöd d'Mid End-PC-Hardware vom Jahr 2016 sondern vom Jahr 2017 verbaue, aber das wär's au scho. Die grundlegende Problempünkt vo däre neue Produktpolitik bliibed die gliche, egal öb me en Grafikchip mit 4 oder mit 6 TFlop Shaderleischtig verbaut. Guet, bi MS chönnds die Glägeheit immerhin no nutze, zum die verchrüpplete Aspekt vo de Xbone-Architektur us em Wäg z'schaffe (hätt Sony mit em verglichswiis suubere PS4-Design nöd würklich nötig gha). Aber susch isch Sony sicher mal besser berate, es Jahr früehner am Start z'si und sich so en Vorsprung z'verschaffe. Chönnd ja 2018 dänn e PS4 Prollololol bringe

Edith: Guet, eventuell chan MS im Scorpio dank am spötere Launchtermin d'CPU scho dur irgendöppis ersetze, wo uf de neue AMD Zen-Architektur basiert. *Das* wär scho en rächte Fortschritt gägenüber em Chrüppeljaguar, wo ja jetzt mangels verfüegbarer Alternative au wieder i de PS4 Pro verbaut wird. Aber under Umständ gaht das au gar nöd, will's technisch en z'grosse Underschied wär zum zwüschet em Xbone und em Scorpio vollständigi Ufwärts- und Abwärtskompatibilität z'garantiere

Xinobrax2 hat geschrieben:D PS5 sinds parallel sicher au no am entwickle und wie bereits erwähnt wends bis 2020 8K i de Wohnmzimmer.

8K Chunnt dene eigentlich nüt gschiiders in Sinn, als brute force-mässig eifach d'Uflösig immer höcher ufeschruube? Ich meine, 8K wär meh als was mines Wüssens professionelli digitali Filmkameras ufnähmed. Wo söll da de Content für 8K härcho? :typej:

Gurgelhals hat geschrieben:

Xinobrax2 hat geschrieben:D PS5 sinds parallel sicher au no am entwickle und wie bereits erwähnt wends bis 2020 8K i de Wohnmzimmer.

8K Chunnt dene eigentlich nüt gschiiders in Sinn, als brute force-mässig eifach d'Uflösig immer höcher ufeschruube? Ich meine, 8K wär meh als was mines Wüssens professionelli digitali Filmkameras ufnähmed. Wo söll da de Content für 8K härcho? :typej:

In Rio sind grad di erste Tests für 8K Überträgige gloffe und d Olympiade 2020 söll lut Sony und Panasonic gnuzt werde um 8K izfüere. Ich gsene de Vorteil vo 8K eigentlich nume bi de HMDs aber egal...i 4 Jahr chan sich einiges verändere i dere Branche. Uf jede Fall chömer devo usgah, dass denn parallel dezue au grad na es neus Speichermedium igfüert wird...es sei denn mir hend bis denn flächedeckend Fiber oder 5G ( )...und das widerum lat vermuete, dass si d PS5 werded bruche ume die Speichermedie z promote...vorusgsezt natürlich, si blibed au witerhin genauso fantasielos wie bisher. D Chance defür stönd guet.

sam hat geschrieben:

Bejita hat geschrieben:

Master(G) hat geschrieben:de EINZIG grund, warum ich mir die kauft hätti, wär gsi, dass battlefield 1 z.b. im MP flüssiger lauft...
wenn das ned de fall isch dänn

sp spieli zock ich eh ufem PC. und en 4k TV hani nämli au ned und willi vorläufig au ned. bringts ned.

Es wird scho stabiler loufe, nume nid mit me FPS im Augemeine lol. I ga starch dervo us das d Pro Version vo BF1 mit stabile 60 FPS loufe wird

mp schiens ja ebe nöd...

Ja si wärde ja wou nid d dips mit iprogrammiere uf dr Pro, wenn si stabili 60FPS wird chöne bringe. De het de haut ä PS4 user mau Päch gha wenn dr Framerate grad ibricht, und de haut uf dr Pro nid

Xinobrax2 hat geschrieben:In Rio sind grad di erste Tests für 8K Überträgige gloffe und d Olympiade 2020 söll lut Sony ...

I will nid immer tüpflischissa, aber es muass jetzt eifach si. Regt mi nämli jedes mal uf, wenni ds Wort "Olympiade" lesa, wenns eifach nid in Satz ghört. Denn a Olympiade bezeichnet dr Zitrum züsched zwei Olympischa Spiel. Au dia hoschis vom Fernseh bruchend ds Wort so oft falsch. Ich habe fertig

Ritter der Mark hat geschrieben:

Xinobrax2 hat geschrieben:In Rio sind grad di erste Tests für 8K Überträgige gloffe und d Olympiade 2020 söll lut Sony ...

I will nid immer tüpflischissa, aber es muass jetzt eifach si. Regt mi nämli jedes mal uf, wenni ds Wort "Olympiade" lesa, wenns eifach nid in Satz ghört. Denn a Olympiade bezeichnet dr Zitrum züsched zwei Olympischa Spiel. Au dia hoschis vom Fernseh bruchend ds Wort so oft falsch. Ich habe fertig

K, den schiss ich mal zrugg. Ich han tatsächlich d Spiel gmeint, aber de Satz isch ja trotzdem korrekt. Wenn e Olympiade en Zitruum definiert, denn het de au en Afang. Somit bezeichnet de Begriff Olympiade 2020 schlicht und eifach d Olympiade wo vo 2020 bis 2024 aduret. Ob i dem Jahr no irgend öpert irgendwelchi Spiel verastalted isch eigentlich irrelevant...

Wahrschinlich müesstis denn würklich "Olympiade vo 2020 bis 2024" heissa und nid nur "ar Olympiade 2020" Aber isch ja au egal. I finds eba no cool, wenn mi öpert korrigiert und miar so sacha seid, wili denn viel neus (z.T. au "unnützes") Wüssa aeigna, woni z.B. im Smalltalk brucha chan.

so genug uninformiertes gelaber ihr vögel, hier kommentiert richard pcfanboy leadbetter das event von gestern als anwesender und er scheint schwer beeindruckt:


Quelle

Master(G) hat geschrieben: ich hätt zwei, willsch eini??

Sobald de Priis um die 120.- - 150.- isch es e überlegig wert:)
da ich nümm so de XXL Gamer bi, wür mir die normali PS4 ohni witteres reiche. VR interessiert mi nid und so uffeskalierte brunz bruch i nid. Bi MP Games hesch eh die gliichi framerate wie bi dr neue...also die normali 500GB isch ausreichend ^^

mr.raw hat geschrieben:die normali 500GB isch ausreichend

demit isch doch eigentlich scho alles gseit. de huere halbpatzig upgradebrunz isch für pfüchs. sony, Microsoft, apple....

Herr Rossi hat geschrieben:

mr.raw hat geschrieben:die normali 500GB isch ausreichend

demit isch doch eigentlich scho alles gseit. de huere halbpatzig upgradebrunz isch für pfüchs. sony, Microsoft, apple....

und nid vergässe, 4k macht o es schlächts game nid besser

sidusson hat geschrieben:

Herr Rossi hat geschrieben:

mr.raw hat geschrieben:die normali 500GB isch ausreichend

demit isch doch eigentlich scho alles gseit. de huere halbpatzig upgradebrunz isch für pfüchs. sony, Microsoft, apple....

und nid vergässe, 4k macht o es schlächts game nid besser

es isch so irre. füre bizeli mehr uflösi wod wod en 5000.- tv bruchsch zum mit dr lupe denn de unterschied zgseh. s trüürigscht vom trürigschte die technologie schnitzeljagt.

evo hat geschrieben:es isch so irre. füre bizeli mehr uflösi wod wod en 5000.- tv bruchsch zum mit dr lupe denn de unterschied zgseh. s trüürigscht vom trürigschte die technologie schnitzeljagt.

Um da fair z blibe, es git scho ab 550.- erstunlich gueti UHD 4K TVs und de Unterschied gsetmer scho ziemlich guet. Mer kriegt halt eifacht nid grad Entzugserschinige, wemer vo 4K wider uf FullHD mues wechsle...s isch drum schochli andersch als damals bim Sprung vo SD uf FullHD. Damals het en Blick uf s Bild glanget um d Chunde azfixe...