The(G)Forum

marinierte kabeljau & zucchini/broccoli/baumnüss & bommfritt

jakobmuschle mit tomate, schalotte, peterli & majoran übergebacken
grillte salat mit härdöpfu, zucchini, peperoni, pimientos, früschchnobli, früehligszwieble, zitronesalz & algesalat

e hackbroote

- qualitäts rindshack, ca. 300g
- kalbsbrät, ca. 200g
- grossi zibele
- knobli zeche
- e ei
- paniermähl


Gürzi: salz, pfäffer, majoran, paprika

Fleisch mit zible und ei mit de händ gut durerüehre und denn solang paniermähl drzuegeh biz t konsistänz bis fester wird, denn würze und bi 200° für öppe 40 minute in oofe.
ässe kammes nacher rächt vielsitig. ich maggs aber simpel in schiibe gschnitte ufeme brötli und bizeli majo/ketchöp/bbq sauce

ich hett gern baar step-by-step ahleitige ala tatsucuisine vom zwirrlibätzli. es wär dä mega! =D

ich choch meischtens halb guerilla, halb common sense. sache nöd lah abränne und würzen nach belieben und geruch. aber das obe mit de jakobsmuschle staht hine uf dr packig wo's im migi gitt. de DS kochkurs hamer letschti zuchetah. det gitts sehr guets zügs, mit step by step für superdummies.

de "marinierte kabeljau & zucchini/broccoli/baumnüss & bommfritt" isch ja fasch selbsterchlärend. zersch gmües chli brate (oder dämpfe) und würze, dänn de i öl und pfäffer und bitz zitrone vorgmarinierti fisch sanft brate, und ersch ganz am änd rahm/dill sauce drüber und nachnere minute vom herd näh. bommfritt mach ich nume ofefritt, ich will kei ölfritier sauereie dihei.
wänn problem mit em timing, dänn s'gmües lieber nöd zlang brate sondern am schluss - wenn rescht parat isch - halt husch in mikrowälle.

wichtig isch eifach d'uswahl. was passt zäme mit welne gwürz.
zbsp broccoli und baumnüss
zucchini und pilz und früsche bärlauch
fisch und spinat

Dä Kochkurs uuf em DS isch würkli rächt super und vor allem tubelisicher.
Git übrigens no en wiitere uus däre Serie: America's test kitchen.

zwirrlibatz hat geschrieben:wichtig isch eifach d'uswahl. was passt zäme mit welne gwürz.

da han ich bitz es manko. aber dangg fuer dini usfuehrig.

absolut knüller passt zäme au wemme's nöd glaube will wemme's nie probiert hett:

wassermelone und feta!


muess aber chüehlschrankchalt sii. dänn ischs andersch abartig. würfelschniide, holzspiessli, mampfsabber. im summer gitt das amigs grad en znacht. und es chüehls blonds drzue.

Mastler(P) hat geschrieben:

zwirrlibatz hat geschrieben:wichtig isch eifach d'uswahl. was passt zäme mit welne gwürz.

da han ich bitz es manko. aber dangg fuer dini usfuehrig.

chauf kochkurs DS im interdiscount für 12.-

haha, nice. ich probier eh alles und um so simpler um so besser.
nume 12?! han ebe scho mehrmals mit dem gedanke gspillt es mer zuezlegge.

zwirrlibatz hat geschrieben:absolut knüller passt zäme au wemme's nöd glaube will wemme's nie probiert hett:

wassermelone und feta!


muess aber chüehlschrankchalt sii. dänn ischs andersch abartig. würfelschniide, holzspiessli, mampfsabber. im summer gitt das amigs grad en znacht. und es chüehls blonds drzue.

Ich han Wassermelonä, und ich han Feta... sötti also vilicht mol usprobiere. Au wenimer tatsächlich nid chan vorstellä dass das nid komisch isch.

mach! d'gschmacksnerve dreihed dure, es isch sooooooooooooooooooooooooo lecker. separat mundgrecht würfle, logisch, i ei schüssle und grad mampfe solangs chüehl (wichtig!) und noni inenander vermatscht isch.

isch ja nüt anders als es süess-suur dingens.

zwirrlibatz hat geschrieben:mach! d'gschmacksnerve dreihed dure, es isch sooooooooooooooooooooooooo lecker. separat mundgrecht würfle, logisch, i ei schüssle und grad mampfe solangs chüehl (wichtig!) und noni inenander vermatscht isch.

isch ja nüt anders als es süess-suur dingens.

Also scho bitz andersch, find jetzt Feta nid so wahnsinnig sur.

Also geschter hanis gha. Finds zwar nid so schlächt, aber also ich weiss nid öb Feta nid doch besser zu Gurkä und Tomatä oder so pässlet. Zwar i de beschtä Momänt isches scho no rächt guet gsie, vilicht hani chli viel Melonä gha im Verhältnis.

türli feta & gurke & tomate sowieso eh logisch.

aber immmmmmens wichtig isch bi wassermelone & feta dass es chalt isch. vo 3 stund chüehlschrank grad in muul will nur dänn hesch beschti momänt will sobald e bitz zimmerwarm dänn chömed anderi gschmäcker füre oder die wichtige verschwindet.

aber wänns au chalt nöd schmöckt ja dänn...

Ja ich hans scho chalt gha... am Afang vilicht sogar zu chalt (will ich d Melonä nid im Chüelschrank gha han, hanisi no churz es bitz zum abächüele is Gfrührfach gleit, will du gfundä hesch isch so wichtig dases chalt isch. en Teil isch den bitz agfrörlet).

Aber ich säg jo nid dases nid guet gsie isch. No rächt erfrischend, und Melonä isch eh super und Feta au, und d Mischig isch au nid ohne gsie. Nur isch ebä Melonä eh super, und Feta au. Drum weisi jetzt nid öbs nid evtl. chli schad um de Feta isch, will d Melonä en zimlich starch konkurrenziert. Aber wirds wohl eh wider mol probiere, vilicht mit anderem Feta und anderer Melonä (also logisch nid diä glich, diä hani jo scho gässä, aber ich mein villicht ischsi au nid gnueg rif gsie für s optimalä feeling oder so).

Hüt s glich wiä oft, Tomatä-Rüebli-Gurkä (2 verschiedeni Sortä...)-roti und gäli Peperoni-Mozerella-Hütächäs-Salat. D Rüebli störed mi meischtens im Salat... eigentlichi fascht immer gnau gnoh. Tuensi aber glich immer mol wieder dri, debi hetsi elei vil lieber.

nit selber gmacht aber geschter gässe:


potz tüüfl do lohnt sichs also die 15 min azstoh
bescht kebap ever

Grad dehei ufem Grill zum Zmittag gmacht:



dia Chaiba macht d' Fründin immer - nid so mis Ding, chaiba Gschlabber


Salat usem Garte





Schebegeil, wenn d' Gurke keinere Krümmigs-, Längs- oder Durchmessernorm entsprechend aber defür Gschmack händ und fast kei Kerna, wills no chli sind Paar Radiesli hets au no geh aber dia sind langsam dure, wieder neui sääe

... gli hämmer eigeni Fleisch-, Cherry- und Biretomate in allne möglicha Variatione - Prospecierara für den Gewinn

s fleisch isch hüt theoretisch abgloffe. was wär also besser falls ich morn no davo ässe will: ihfrühre oder doch eifach in chüelschrank?

folie drüber und in chüelschrank. 1 tag "theoretisch" abgloffe = le lulz. kasch eh no ässe.

ebe, has mer denkt. aber isch ok, has denn doch no moege aesse. dae dangg.

ich mag so wildriis nit.... soll aber nit di problem sih

ja, isch guet. ischs au sicher noed.
die buetel sind uebrigens recht praktisch.

Wildriis isch doch super.

Hüt zum Zmorgä hani au Riis gha. Allerdings Rotä Riis, und dezuä en zimmlich super Massä us Rindsghacktem und gschnätzletem Peperoni (rot und gäl). Rächt guet gsie.

Allerdings hetsmer de Riss abrännt... ich mues glaub mol nacheme Riischocher usschau haltä, ich bin glaub eifach z blöd zum Riis richtig chochä... immer entweder zwenig lang, zvil wasser verdunschtet, abrännt, oder suscht irgendöpis.

De einzig womer das problem nid hed isch risotto.

Acid hat geschrieben:zum Zmorgä.. Riis... Rindsghacktem und gschnätzletem Peperoni

du bisch mi heud!