The(G)Forum

Moff hat geschrieben:super danke
vor dim post hani eifach mal googled und denkt ich lueg da mal verbi die wuche und lah mich chli berate http://www.e-smoking.ch/" onclick="window.open(this.href);return false;
schinend amel die marke zsi wo du au erwähnsch
au öppisem wo ugseht winen normali zigi hani eh 0 interesse, hät am liebschte en total abfahrne dampfer im cyberpunk design oder so

mit nikotin verchaufed die amel demfall nöd? mueni halt bstelle

De gewerblich Vertrib vo nikotinhaltige Liquids isch i de Schwiz momentan no verbote...aber wie gseit, de Import isch legal. Abeme gwüsse Punkt lohnt sichs denn au d Liquids selber z mische. Also wennt sicher bisch, dasd eh kei Zigis me wotsch rauche und langsam weisch weli Arome dasder schmöcked. Denn hesch eifach no so um di 2 Liter Basisflüssigkeit und mehreri Arome dihei und mischisch chli nach Bedarf. Das macht Spass und spart enorm vil Geld. En Jahresvorrat kostet denn so knapp 200.-, je nach dem wievil Arome dasd chaufsch.

Imene Shop verbi z ga isch sicher di bescht Option...denn gsesch d Grät grad mal live und chasches teste. Wennt tatsächlich es Cyberpunk Grät wotsch muesch aber wohl mal i de Modderszene usschau halte. Die Grät gits, sind aber nid grad billig. Usserdem sinds oft komplexer mit Selbstwicklerverdampfer und so. Bevort sones Grät chaufsch holschder aber gschider mal es Starterset.

Edit: Fallsd s Video vom Phil nid gseh hesch...Istigersets sind perfekt wills idR grad 2 Grät enthalted. Lan der im Shop kei einzelni E-Zigi adreie nur will si geil usgset und e gueti Leistig het. Am Afang bruchsch uf jede Fall 2. Früener oder spöter isch mal de Akku leer und s lade gat locker mal 3 Stund. Raucher neiged dezue i sonige Situatione ungeduldig z werde und um d Ziit z überbrücke e Zigi z rauche. Genau das wotsch ja eigentlich nid...d Idee isch, dasd eini bruchsch, während di ander glade wird...und im Notfall, falls mal eini kaputt gat, hesch glich na en Ersatz.

Luegder im Shop mal d Kanger EVOD 2 a. Det hesch 2 kompletti Zigis inc. 7 Ersatzchöpfli debi. Ebefalls super findi d Insmoke Reevo Mini-S, ebefalls es Doppelset mit 5 Ersatzchöpfli. Speziell isch a de Reevo no, dass si keis Chnöpfli sondern e Zugautomatik het. Das isch zwar agnemer aber au afälliger für Usfäll.

Mir isch gxi, dass ich irgensdwo gläse han, dass diä liquids bim verdampfe giftig werded und mer inhaliert unter anderem formaldehyd. Schno lässig. Was tötet echt schneller - tabak oder liquid ?

Ich glaube das hesch bim Kassesturz gseh. Formaldehyd entstat au bi de Verbrennig vom Tabak...d Konzentration isch denn allerdings öpe 1000 Mal höcher. Beantworted das dini Frag?

E-Zigis sind nid gsund...nur weniger schädlich. S git kei Verbrennig....also kei Kohlemonoxid, kei Blausüri, kei Teer und und und...binere durchschnittliche Zigi entstönd bi de Verbrennig glaubs um di 4'000 Giftstoff. Probiers mal us. Wenn de Hueste weg gat, de Gschmacksinn zrug chunt und wider magsch renne merksch na schnell mal was sinnvoller isch.

Ich bin au raucher und wett jetzt au mal sone eziggi probiere

Apropos usprobiere....für die wo kei Stress hend: http://www.fasttech.com/products/0/1000 ... tarter-kit" onclick="window.open(this.href);return false;

Isch original. Bi üs verchaufedses für knapp 70.-. De Import duret halt locker mal 2 Monet. D Chöpfli hend usserdem en Widerstand vo 2,5 Ohm. Wer gern chli me Dampf het pstellt sich am gschidschte grad no sonig mit 1,8 Ohm dezue: http://www.fasttech.com/products/0/1000 ... ating-core" onclick="window.open(this.href);return false;

han mer grad de insmoke reevo s bsorgt.
wie lang hebbt denn sonen remizer bis en wexle muesch ?
oder wie macht sich das bemerkbar ? fangts ah stinke oder gahts denn eifach nümm ?

Ich würd mal sege 1 - 2 Monet....s isch unterschidlich. Wennt wotsch chasches au all 2 Wuche wechsle. Je länger dass si drin hesch, desto weniger Dampf produziereds. Irgendwenn merksch denn eifach, dass nur na chlini Wülkli usechömed obwohl de Akku glade isch. Spötischtens denn wärs Ziit zum wechsle. Die wot brucht hesch chasch theoretisch au na i hochprozentigem Alkohol ilegge und durespüele, denn chasches nomal bruche.

Es mundet no guet. Han si jetzt grad probiert mit somne fresh mint liquid.
chasch eigentlich au schnaps als liquid inetue ? Oder en feine whisky
Han vor es paar jahr schomal sone e ziggi gha wod hesch chöne die filter mit liquid ufstecke. Das hani aber nöd lang graucht.
Mal luege wie lang ich chan ohni tabak mit disem neue gadget

Grundsätzlich chasch alles inekippe solangs kei Zucker oder Öl drin het. Obs denn au verdampft isch wider e anderi Frag. Wennt Whisky Gschmack wotsch chaufschder gschider es Whisky Liquid. Da gits einigi. Lueg mal da, die hend fasch alles: http://www.liquid-schmiede.de/" onclick="window.open(this.href);return false; Uf dere Website chaschder au selber Arome zememische...

Bi de Liquids muesch halt eifach druff achte, dass de Nikotinghalt passt. Wenns zvill Nikotin drin het kriegsch Chopfweh, wenns zwenig drin het nugglisch ununterbroche a de E-Zigi und kriegsch Lust uf e normali Zigi. Wennt aber de richtig Pegel hesch, chasch problemlos vo eim Tag uf de ander Umstige. Ich han mir bim Umstig es paar mit 12mg und sonig mit 18mg pstellt. 12mg het bi mir in etwa passt. Mittlerwile bini uf 4mg abe.

Btw, je me Nikotin dasd drin hesch, desto intensiver isch s vertraute Chraze im Hals. Liquids oni Nikotin chasch abezieh wie Luft, die merksch überhaupt nid.

Es mundet no guet. Han si jetzt grad probiert mit somne fresh mint liquid.
chasch eigentlich au schnaps als liquid inetue ? Oder en feine whisky
Han vor es paar jahr schomal sone e ziggi gha wod hesch chöne die filter mit liquid ufstecke. Das hani aber nöd lang graucht.
Mal luege wie lang ich chan ohni tabak mit disem neue gadget

Nomal de glich Text oni Umlut?

turntablism hat geschrieben: chasch eigentlich au schnaps als liquid inetue ? Oder en feine whisky

Hängt chli devo ab öb di willsch umbringä oder nid.

Acid hat geschrieben:

turntablism hat geschrieben: chasch eigentlich au schnaps als liquid inetue ? Oder en feine whisky

Hängt chli devo ab öb di willsch umbringä oder nid.

Was genau würd passiere? Ich bin zwar kein Chemie Pro aber ich glaube de Versuech wär zimlich Ergebnislos...

Ich au nid, und ich kännmi mi denä e cigs nid us, aber Alkohol verdampft bi knapp unter 80 Grad, und so heiss werdeds jo.

@ Moff & turntablism: Na wie isches? Scho Liquids mit Nikotin pstellt? Irgendwelchi Problem...?

also ich 2 evod 2 und paar liquids mit und ohni nikotin

ich finds eigentlich guet
schad findi, dass die mit nikotin doch na weniger gschmack hend als die ohni, will de gschmack findi eich super. han iets meischtens black cherry brucht.

ich rauch aber irgendwie meh als vorher willi ide wohnig e zigarette rauche aber trotzdem na use gange für normali. ich bstell nechschtmal mit meh nikotin

En witere Grund warumi mittlerwile selber mische So chani d Arome schön optimiere. Durch s Nikotin verschwindet leider d Intensität. De Gschmacksträger isch vor allem s Propylenglykol. Wemer de Ateil chli erhöht wirds dütlich besser. Natürlich chamer au eifach me Aroma dri kippe aber mengisch wirds denn ungnüssbar. S gset zwar chli schräg us wenn ufem ganze Tisch Sprütze umeligged aber s isch na es netts Hobby. Chli wie choche...also Nahrig choche...chli Arome mische und luege was debi usechunt...

Black Cherry mueni au ma probiere...ev. na miteme Sprützer Menthol...perfekt für de Summer

Wie isch de Status im Moment? Ha ja mal gläse, dass das Thema umstritte isch und es irgendwelchi gsetzliche Beschränkige gid/wird gäh etc.

gid no kei gschidi ussag wo prägnant gnueg wär zum nenne.

aktuell:
http://www.nzz.ch/schweiz/rechtsstreit- ... 1.18648746" onclick="window.open(this.href);return false;

interessant:
http://de.blastingnews.com/gesundheit/2 ... 46317.html" onclick="window.open(this.href);return false;
und
http://de.blastingnews.com/gesundheit/2 ... 55499.html" onclick="window.open(this.href);return false;

Danke für die aktuelle Infos!

Mensch... immer s gliche
Tue das mal chli verfolge. Finds huere spannend... Vor allem de letscht Artikel zeigt eifach wieder, was Studie so wärt sind, wer sie Uftrag gid und wie mer sie chan interpretiere... ja nu.

han jetzt au nach knapp 9 mönet EVOD und natürlich au mit de klägliche versuech mit em kiosk-schrott zuvor scho, mier en kanger subox mini starter kit gholt.
isch zwar vergliche mit de hardcore dampfer grät/mods immer na es iistiger model, aber es bietet scho bereits viel geils gegenüber de "munzige" pen-dampfers. au d wahl zum sälber wickle.

chasch sub-ohm gha, was hüt ja eigentlich nüme viel bedütet, da jetzt alles WATT greglet isch, sprich d spanning vom 3.7V akku wird halt eifach uegswitscht, und somit chunsch au mit nöd sub-ohm uf höheri leischtige, als die übliche max. 15 Watt.

aber ebe mit eim vorteil wo viel nöd erwähned.
wenn z.b. mitere 1.5 Ohm wicklig über 25 Watt wilsch, hesch si bestimmt schnell verbrötlet und chasch si schmeisse.
zudem verkoklets den, was es sehr unerträglichs aroma bildet, verglichhe öpe mit ere ächte zigi

ich mischle au sällber, und wichtig isch, das bi de herte tanks und höhere leischtige mit em nikotin ghalt hert abefahre muesch/tuesch. also uf ca. 3mg., da eifach au meh volume dampfsch.

ds aroma wird aber sehr intensiv, wen mit eim 1 bis 2 sec. suug voll hesch, und nöd die ganz ziit am stängeli zieh muesch, bis mal d backe voll hesch.
au de throat hit, wo ebe bim dampfe scho na sehr wichtig isch, fahrt viel meh ii.

ich rauche au nix meh pyros, und mir ghats viel besser. gschmacksnerve, kei dräck me im hals, kein rauchgstank meh (au für alli andere um mi ume besser), besseri muulfloora etc. etc. und chans dihei i de wohnig mache und es stört niemerts ^^

woni mal wieder eini han welle ahmache, isch mer grad übelscht worde und het am liebschte welle chotze.
soviel zur zigi und wie guet dass sie eigentlich schmöcke tuet


ds chopfweh am aafang chunt meischt fascht uusschlüüslich vom ene z hohe nikotin intake, wiel mer d nikotin reguliereig nanig so im griff het. au fahrts ebe nöd e so schnell ii, wie binere zigi, wiels länger brucht für bis zum hirni ue.
drum zieht mer am ahfang wohl ebe au meh drah, was aber nacher chli zum verhängnis werde chan.
drum ebe wichtig sich zum persönliche nic ghalt heretaschte.

au absolut nöd vernachlässige dörf mer nach em umstieg vom hertere rauche, dass de körper plötzlich all die andere 4000 substanze nüme zue sich bechunt, wo er sich über all die jahre so fescht drah gwöhnt het.
da reagiert er natürlich fescht druff, was sich ebe in diverse nebeeffekte uuswürke chan.
je nach raucher und mänsch halt ganz verschiede. am meischte wird übelkeit als effekt ahgeh.
verschwindet aber meischt nach ca. ere wuche zwei komplet.

das isch de moment, wo de körper kei zigis meh brucht, und eigentlich wenn, nur na s nikotin.

Tönt alles huere kompliziert...
Würsch vo "Fertigbausätz" abrate? Viellicht hilfs vielne mit em Rauche ufzhöre, well s jetzt stundelang am bastle und pröble sind. Ich rauche eigentlich nid viel... und wenn i wür uf das welle umstiege, denn nur, wenns kei "Arbet" bedüted...

also wenn so starter kits poschtisch, und liqs in vertigfläschli, giz dr eigentlich überhaupt kei arbeit.
weniger als zum kiosk ränne, wiel mal wieder out of cigi bisch ^^

was nacher wiiter ghat mit sälber wickle etc. isch den scho eher hobby bedingt.
mer muess das den gern mache, und will das au. isch den würkli wenn s dampfe zur passion wird und nöd nur en zigi/nikotin ersatz.

ich wickle au nöd/nanig sälber, wiel au kei ziit dezue. aber d liqs tueni halt chli selber mischle. aber das isch schnell mal gmacht und den hesch wieder stoff für mönet.

das sind no ziite gsi wod z nacht am zwei gschnell hesch an bahnhof an automat go zigis uselah.
rauche immerno aber es päckli i zwei täg. han vor über zwei jahr agfange sport mache und durch das isch mini atmig rasant besser worde. aso rauche und sport findi na guet sch glaubs au nöd schlächt fürd pumpi
mit dampfmaschine chani nüt afange. ha scho zweimal so en chabis kauft aber es seid mer eifach nix.

schad denfall.
aber immerhin, es git lüüt dene hets erfolgriich gholfe weg ds cho, und schätzets jetzt meh, als jedi zigi zuvor das je het chöne ^^