The(G)Forum

...es isch soooo schön!!!

Mit wellere engine isch das game gmacht worde? Bzw wirds gmacht?

So Studios wie Nintendo EAD bzw. Nintendo EPD schribed iri Engines idR selber. S isch zudem üblich, das parallel zur Engine au grad no es Spiel mit de Engine entwickled wird. Final Fantasy bi Luminous, Unreal Turnament für Unreal, Half Life bi Source usw...bi Nintendo isches wohl s Zelda wie au scho bim Sprung zwüschet Cube und Wii.

thx. gseht affegeil us. ähnlich wiä das pseudo zelda uf YouTube wo iergendeine mit de unreal 4 engine baschtlet hät. gaht in gliche grafikberich ine. nintendo und unreal wär e mega hochzit!

Ich han au mal eis mit Unreal gmacht



Mal luege was de NX so chan...UE4 schaffter sicher, aber Nintendo selber würd niemals es fremds Werkzüg für d Entwicklig vo de eigne Spiel verwende

womögli s'erschte nöd-pc spili wo de pcgamer drüber schriebt: http://www.pcgamer.com/the-legend-of-ze ... game-ever/" onclick="window.open(this.href);return false;

Sieht echt nice aus...

i find s seht faad us

zwirrlibatz hat geschrieben:womögli s'erschte nöd-pc spili wo de pcgamer drüber schriebt: http://www.pcgamer.com/the-legend-of-ze ... game-ever/" onclick="window.open(this.href);return false;

De vielversprächendschti Aspekt isch d'Vorstellig vo ere "systems-driven sandbox", wo de höche Design-Asprüch vo Nintendo gnüegt. Im Normalfall chöme die Sorte Spieli ja immer echli unpoliert und überambitioniert dethär. Paradebispiel STALKER: es "offes" Gamedesign, wo wahnsinnig ambitioniert, aber spielmechanisch au u huere holprig isch und so eigentlich ziemlich gnau s'Gägeteil vom Nintendo-Asatz verkörperet (= ehner "gschlosses" Gamedesign mit wenige Möglichkeite, aber die sind bis is allerchlinnschte Detail durchdacht, poliert und optimiert).

Und jetzt stellt me sich mal so e offeni "systems-driven sandbox" vor, wo aber gliichziitig de höche Standards vom Nintendo-Spieldesign gnüegt

ich hoffe eifach es wird ned wie MGSV, en sehr gueti neu usrichtig vom konzept mit absolut herusragendem gameplay, em beschte vode serie, wo aber debie d'chern stärchene vergesse worde sind. konkret im zelda heisst das, witerhin en rote fade mit interessante und abwechsligsriche locations, enere grosse stadt und grosse dungeons. es wär schad wenns zu 90% sandbox gameplay wie im MGSV wär.

MGSV isch dur das irgendwenn eifach total repetitiv und langwilig wurde und ich het ab und zue bock uf me zwüscheseqeuzen und story gha, und das will was heisse will die findi eigentlich immer total scheisse

wenn de anouma das schafft trotzdem bizbhalte MIT dem spektakuläre zelda sandbox gameplay (dass de teil phänomenal guet wird chamer nach dere E3 zwifellos säge) denn wird das locker sbescht zelda ever.

ich hoffe es gueti quests. hauptquest wird einigermasse unüberraschend sii, aber vieli super näbequests brüüchts denn imne openworldspiel, drmit sich dä move überhaupt rächtfertigt. chli umeriite und härdöpfu brötle.... dänn wäremer nur bi red dead skyremption.

Moff hat geschrieben: MGSV isch dur das irgendwenn eifach total repetitiv und langwilig wurde und ich het ab und zue bock uf me zwüscheseqeuzen und story gha, und das will was heisse will die findi eigentlich immer total scheisse .

es hät ja es paar im spiel. eifach sehr wenigi.

evo hat geschrieben:i find s seht faad us

findi ebä au...

Das händ wiiti offni Steppe so a sich.

ich finds fantastisch. ich chauf glaub wieder mal es nintendo grät!

zwirrlibatz hat geschrieben:Das händ wiiti offni Steppe so a sich.

nei, d'biodiversität isch dütlich höcher als das i de videogames dä fall isch. jede no so chli unterschied in bode (füechtigkeit, dichti, nahrstoff) liecht (schatte wie oft), wind (exponiert oder nöd), steilheit etc. hät uswürkige ufd pflanze wo det wachset. i videogames fehlt das idr komplett. so wie etz au da. gasch mal ines naturschutzgebiet, denn gsehsch dä unterschied.

Ich ha no nie es Naturschutzgebiet mit so Monster und Portal gseh gopfertami, huere schad...

hanf hat geschrieben:

zwirrlibatz hat geschrieben:Das händ wiiti offni Steppe so a sich.

nei, d'biodiversität isch dütlich höcher als das i de videogames dä fall isch. jede no so chli unterschied in bode (füechtigkeit, dichti, nahrstoff) liecht (schatte wie oft), wind (exponiert oder nöd), steilheit etc. hät uswürkige ufd pflanze wo det wachset. i videogames fehlt das idr komplett. so wie etz au da. gasch mal ines naturschutzgebiet, denn gsehsch dä unterschied.

mal abgseh vo




... ähm aso.. was erchlärsch du mir da? dass videospili ehner unrealistisch sind?

dä rase gseht sehr gmäht us.

ich bezwiifle, dass mongole rasemäher händ...

Master(G) hat geschrieben:ich bezwiifle, dass mongole rasemäher händ...

Si hend, mer kenned si als Yaks

scho so.

ich han vo elektrische gredt