Arcade Cabs

[Marco_in_motion]

Hett öpper Inträsse a dem?



Ha nächstens eine, würden für 500.- uselah.

[geosnow]

Chaufsch alli arcadechäschte im tsürioberland uf?

[turntablism]

mässi mastercello (cartridge)


mässi zoran (panel)

[geosnow]

Geilo!

[turntablism]

woni de robi-model topic gseh han isch mer grad igfalle dasi no so chlini arcade modäll han

[Marco_in_motion]

WHOA!!! ich wott diä!!!!

[damian]

konsumjunkie

[sam]

holy shit wo häsch die här? ich wot au en chline astro

[turntablism]

han diä mal mit viel glück zum ne überrissne priis im ebay vo korea kauft
isch glaub huere rar das spielzügs...han grad überall im netzt gsuecht...aber findsch momentan nüt

[turntablism]

hey, im fall....
chasch bi däne chline cabinet sogar dä screen artwork aah-passä...so geil heh

[Marco_in_motion]

Han hüt Namittag für en Fründ grad zwei Bezel's lackiert
Das isch Grau Met. fallses öpper nöd rächt gseht



Hett's scho siit 2 Mönet sölle mache

[turntablism]

isch das es naomi bezel ?

[Marco_in_motion]

*jarp*

Findsch no guet?

[turntablism]

supi, säg denn am kolleg wenns cab wider zäme isch, söll er mal es föteli mache, nimmt mi wunder wies ganze würkt..
btw, ich bin kein maler/lackierer aber es nimmt mi mal wunder was farb mit seide ztue het ? glanz, matt, seidenglanz, seidenmatt....mit wellere farb sind eigentlich plastik oder metall candys gschprützt ?
und...wenn du es cabinet würsch lackiere, würsch es denn mit sprützverdünner mache oder ohni ?

[Marco_in_motion]

Also, Seide hät mines Wüssens nix mit dä Farbe an sich z'tue, es glaub eifach d'Beschriibig vom Glanzgrad.
Plastik Cabs sind praktisch niä lackiert, d'Farb wird bim güsse vo dä Plastikteili scho biigmischt.
Und Metalligi Sache söttet vorteilhafterwiis mit Polyurethan-Lack gsprützt werde wäg de Beständigkeit (isch s'gliiche Material wiä d'Schuehsole vo Dine Turnschueh).
I dä meiste Fäll werded Metalligi Sache aber Pulverbeschichtet, also s'Teili wird Plus glade und dä Lack (in Pulverform) Minus. s'Teili und dä Lack ziehnd sich dänn ah, hebed fest und bim erhitze verschmilzt das dänn und gitt en perfekte Verlauf. Will alles wo z'vill isch gheit bim beschichte scho ab
Jep ich nimme Verdünner will's dänn en schönere Verlauf gitt.

[turntablism]

du bisch eifach en guete mensch

jetzt hani öppis glernt,mässi, ich han RAL9003 gno woni eis gschprützt han, aber ohni verdünner, dä muesi mal usprobiere
was meinsch..so alti plastiktüüte sind so huere vergilbt, es naomi mängisch au, chann dass au mit sprützlack mit de jaahre passiere ?

[Marco_in_motion]

Jep das chan passiere, aber wändt Acryl oder Polyurethan-Lack nimmsch, passierts erst nach Jahrzehnte, ussert Du lackiersches rot.
Das isch diä Farb wo am ahfälligste isch uf Verblassige will d'Farbfrequenz vo rot am niedrigste isch und somit am breitischte zur ufnahm vo uv-a od. uv-b.

*RÜLPS*

Wändt en Platz häsch zum lackiere dänn chummi gern mal verbii und dänn chömmer es Cab vo Dir mal richtig verschönere.

[turntablism]

wotsch es candy 18 / snk videogame ?
http://www.ricardo.ch/kaufen/sammeln-un ... 679823832/" onclick="window.open(this.href);return false;
dünkt mi diä gits wie sand am meer

[Marco_in_motion]

supi, säg denn am kolleg wenns cab wider zäme isch, söll er mal es föteli mache, nimmt mi wunder wies ganze würkt..

Das sind 2 vo sine 8 Netcity's woni lackiert han, mer gsehts da druff leider nöd würkli, sind alli Perlwiiss und s'Bezel isch grau-met.

[mastercello]

De Hyun Soo und sini Net City Wohnig...!

[turntablism]

isch scho no krass, früener hesch diä cäbs nur i spielhalle gseh, hüt scho i sehr vilne wohnige
sind uf däm foti jetzt diä früsch lackierte metalise-bezel ?

[Marco_in_motion]

nei nöd di frische, aber sie gsehnd gliich uus wiä di frische, isch di gliich Farb druff.
Ich wirde mini Cabs nachem lackiere no Nano beschichte und d'Monitore mit Glaspolitur poliere, das d'Chratzer weg sind.

[Marco_in_motion]

Das sind diä mit dä frisch lackierte Bezels druff :




Mer gseht 'sPerlwiiss da druff nöd würklich:

[turntablism]

aha, metalise wegem newnetcity
gseht super us

[Marco_in_motion]