Assassins Creed Shadows - Japan!!

[Bejita]

I gseh, d Süch u Toleranz hei hie ou scho überno. Mi letst Post

[Buccaneer]

Mir sind all versüüücht und wönnd dich jetzt au zum Rägeboge bekehrte. Schad hesch üse tüflischi Plan durchschaut.
A de letsche G-VIP-Member-Versammlig in Davos hemmer usschlüsslich drüber diskutiert, wie mir dich chönnd bekehre.

[Master(G)]

muess es truurigs läbe si, wemmer nöd mal meh es videospiili gnüsse chan

[thaeye]

de hype vom master törnt mich grad eher widr ab zuviel des guten. das won ich bisher glese han (nei nöd die 9/10 reviews vo de gliche wo veilguard es 9/10 geh haend) isch: ja es isch es "bessers" AC. Kämpf sind immer na schrott, animationekämpf zum teil us dehöll /flügendi teleportierendi gegner) quests zum teil au na sehr eitönig, de sasuke isch für d füx. Grafisch schön, welt au schön.

es tsushima wirds nie schlah und das sich eigentlich scho schwach nach so langer entwickligsziit und vorbilder wo me sich haet chöne ne.

de premier vo japan isch übrigens au nöd grad z friede

wahrscinlich en 7/10 oder 6/10 titel. wenn gueti luune han, luegi mal drii.

[Master(G)]

ich stah halt vo uf ninjas und samurai und japan-setting. sitt 20 jahr will ich es AC in japan. jetzt isches da und ich bin sehr, SEHR zfriede! wennn öpper das andersch gseht isch das voll OK im fall. hauptsach ich han freud

[zeromeier]

Dass das keis Game für de Röné isch, hani vorher scho gwüsst

[thaeye]

ich bin au schwierig z friedezstelle, mueni au sege. git wenigi titel won ich würkli vergöttere. AC ghört aber sicherlich nöd dezue.

[zeromeier]

ich bin au schwierig z friedezstelle, mueni au sege. git wenigi titel won ich würkli vergöttere. AC ghört aber sicherlich nöd dezue.

Vergöttere tunis au nöd, isch keis elden ring, aber ich spiels sehr gern

[thaeye]

öpis gern mache isch bi mir aber es 7/10 und nix 9/10. aber so werdet wertige eh scho siit jahre verwässeret. geg ue gats vill z schnell i de kaufte publisherszene.

[Master(G)]

mir sind aber nöd kauft... vielleicht euphorisch mängisch, wenn eus was gfallt, aber sicher nöd kauft.

[thaeye]

kei ahnig, testexemplar haender sicher au und schliesslich sinder doch au i de "gamerszene" verankeret. ganz objektiv chönder nöd siii. au bi oi findi sind d wertige bi villne spiel zu höch. aber ja chame au uf "euphorie" abwälze.

de aspruch isch glaubs au gringer worde dur de massemarkt. drum isch scho guet gits jetzt chli durzug/umwälzige bi de gameentwickler und hoffentlich en rückbesinnig ufd stärchene vom gamemedium.

[Master(G)]

kei ahnig, testexemplar haender sicher au und schliesslich sinder doch au i de "gamerszene" verankeret. ganz objektiv chönder nöd siii.

warum ned? das isch ja genau euses kredo, euse "sellingpoint":

Als nicht-kommerzielles, unabhängiges und nahezu werbefreies Spiele Magazin haben wir uns eine besonders ehrliche Berichterstattung auf den Leib geschrieben.

Impressum> https://www.thegnet.org/kontakt

mir chömed z.b. vo warner games oder capcom fascht kei keys meh über, will mer äbe ihri spiel mal "schlächt" bewertet händ. drum hämmer au WoG als Partner, womer eus denn die games eifach holed, zum publisher umgah.

aber will mer ned jede dräck testet, sondern wie im impressum gschriebe:

Wir berichten nur über das, was uns persönlich wichtig erscheint, uns gefällt oder wir freundlicherweise von Publisher und Herstellern zur Verfügung gestellt bekommen.

gheiet halt au viel games dur de raster. zumal mir au ned vollziit de job mached und nur paar nase sind. isch so scho gnueg arbet.


nei nei du, mir sind da scho objektiv und lönd eus vo niemered smuul verbüte.

[thaeye]

das isch super. ihr sind sicher "objektiver" als anderi aber trotzdem villi 8/10 und 9/10.

"Besonders ehrliche Berichterstattung" isch chli en marketingfloskle:)

[Buccaneer]

das isch super. ihr sind sicher "objektiver" als anderi aber trotzdem villi 8/10 und 9/10.

"Besonders ehrliche Berichterstattung" isch chli en marketingfloskle:)

Das lieht wahrschindli dra, wer das reviewe tued. De Meier hed gärn AC. Klar wird er det en anderi Wärtig mache, als wenns eine macht, wo AC nid gärn hed. Das erklärt wahrschindli die eher hoche Wärtige bim G Net. Es reviewed de, wo ufs Spiel Lust hed. Nim ich jetzt mal a...

[thaeye]

den isch aber "objektivität" schwierig. wenn en fanboi s spiel testet. (das isch ejtzt nöd geg de andi grichtet)

[Buccaneer]

den isch aber "objektivität" schwierig. wenn en fanboi s spiel testet. (das isch ejtzt nöd geg de andi grichtet)

Ich han das jetzt eifach mal so unterstellt. Das es en anderi Wärtig gitt, wenn n Fan oder n Hater s Review lahsch la mache.
De müsstisch huere viel Tester ha und immer s Game a dem gäh, wos am wenigste interessiert...

[Master(G)]

den isch aber "objektivität" schwierig. wenn en fanboi s spiel testet. (das isch ejtzt nöd geg de andi grichtet)

Ich han das jetzt eifach mal so unterstellt. Das es en anderi Wärtig gitt, wenn n Fan oder n Hater s Review lahsch la mache.
De müsstisch huere viel Tester ha und immer s Game a dem gäh, wos am wenigste interessiert...

scho so.

en fan weiss was er erwartet und chan mit sim vorwisse sicher en agmessni wertig schriebe. mini meinig. ich gib ja auch keis sportgame eme redakteur wo sportspiel hasst.

[Master(G)]

Es reviewed de, wo ufs Spiel Lust hed. Nim ich jetzt mal a...

so isches!

[thaeye]

en fan chan aber au glorifiziere und macht das bestimmt au. usem fanboism usezchoh isch nöd eifach.

[zeromeier]

en fan chan aber au glorifiziere und macht das bestimmt au. usem fanboism usezchoh isch nöd eifach.

lies mis review, da isch nüd glorifiziert. ich finds es super Spiel, aber ich han die Art vo Spiel gern, Hirn abschalte und bitz meuchle. Und es bitz weniger muss mehs Hirn jetzt abschalte, was am Spiel guet tud.

d'Wält isch fantastisch und es macht Spass, isch das nöd s'wichtigscht? Paar bemängled, es sig repetitiv, Pac Man isch repetitiv, macht aber Spass. Imo isch Shadows eis vode beschte AC sit langem, macht vieles richtig und ich find mini Bewertig weder glorifizierend im Stil vo Maniac Andreas Knauf Street Fighter ide 90er no 70% Glücksbärchen mässig.

dWertigsskala isch nöd dur dDecki, es gid eifach im Schnitt besseri Spiel als no ide 90er, grad die grosse chönd sich doch gar nümä leischte, es Spiel usezlah, wo nöd wüki overall rächt guet isch.

Und logisch teschted öper sSpiel wo gern so Spiel hed, alles andere wär ja komplette Schwachsinn. Wenn ich elektro Auto geil find gangi doch nöd en Dodge Ram go probefahre und bewerte, de macht ja all das, wo gäg mini Istellig gad (das isch es Biispiel, ich find Dodge geil und Elektro langwiilig).
Und es AC oder FIFA oder was au immer chaufed logischerwiis lüüt, wo was mit de Materie chönd afange. Eine wo schweri, forderndi Spiel scheisse findt chauft keis Souls game, da chan s'Rating 9.5 sii (verdient) und trotzdem wärs scheisse für de.

Soviel hani scho lang nümä gschriebe im Forum

[Master(G)]

genau. ich bi de wo kei soulsgames meh alangt.

[zeromeier]

genau. ich bi de wo kei soulsgames meh alangt.

verpassisch was

[evo]

und ich bi de wo pokemon soulsilver ufem nintendo ds im johr 2025 spielt und gar kei "current gen" system besitzt.

[zeromeier]

und ich bi de wo pokemon soulsilver ufem nintendo ds im johr 2025 spielt und gar kei "current gen" system besitzt.

hassisch aktuelli Konsole?

[evo]

kei hass vorhande. aber ich bruuchs schlicht nid.

was mi aktuell interessiere würd zum zocke als exclusivi software:

-astrobot
-metaphor refantazio

das wärs denn au öppe.
en switch hani no wemme das wot als current gen gseh und en PC für so züg wie baldursgate 3.