I mire Erinnerig isch det nüt passiert und d'Cate hett ca 15min Screentime gha. Vilech bin ich ja iipennt denne. Aber falsch! Sauglatt isch er, d'Dynamik zwüsche de Jones Familie isch sehr luschtig inszeniert, d'Schlange/Seil Szene hammer und d'Cate rockert ja wie nur öppis. Drzue kei Nazi/Jesus Fark sondern die halt au dankbar will an sich scho skurril hanebüchen 50er Jahr Paranoia vor Rote und Grüene. Im nachhinein sogar de bescht Indy vo allne und neeeeei ich mach wie immer nöd uf Provoziermöngel, ich mein das ernscht. Klar isch de erscht en Klassiker aber zehrt au vo viel Nostalgie will die alt Trilogie hett ja jede s'erschtmal mit ca 15ni mal gseh. Siehe BTTF und Star Wars etcbla copypaste. De Zweit isch es Nervfäscht mit Zicke und Saugoof und dass de Jones die det nöd nach 15min sitze laht weiss niemert. De Dritt isch es Cash-in Remake vom erschte mit em Connery i de einte vo de zwei Rolle wo me ihn spiele laht. De Viert eifach graduse Fön.
Dänn grad no "I'm not There" und nomal d'Cate. Die Frau chan alles spiele. Fee, Chünigin, Banditin, Huusfrau aber da isch sie gewaltig. D'Charlotte isch au wunderbar, de Bale hätt meh Screenziit dörfe ha will au er chunnt super, und dä de Gere, dä Ledger, was für en Cast. Und d'Blanchett spielt sie a d'Wand. Ok sie hett türli au die intensivscht spielbari Charaktersiite brcho. Dänn no d'Julianne Moore, 3 vo de beschte Fraue i eim Füum. Drzue d'Gordon wo ich mich frög öb ihri einzig Line absichtlich ebedie und für sie gwählt bzw umgekehrt isch, dänn wär sie uhurensuper.
Aber zimli sicher ischs ja so. Und dä Greenwood au no. Und de isch bim erschte mal scho super gsi.
