Goldeneye! (Wii) jetzt RELOADED in HD!!

[zwirrlibatz]

han ersch fang Archangelsk dure. grad vo afang ah uf classic mode, öppis angers chunnt mir nöd is huus. immer grad öppe 45min pro level, zomg. ohni checkpoints wärs absolut unmöglich. mir gfallts grundsätzlich sehr sehr sehr, wunderbar händs de flair bhalte. me merkt, dass da fans vom original drhinder sind.
sowiit fählt mir nur s'spiele mit de gadgets, das beschränkt sich sowiit nume uf s'smartphone - gähn - und werum dass das im gägesatz zu de göns nur absolut harzig umegschwänkt chan wärde, gaht mir nöd in chopf. kän bond würd so öppis iisetze. nur bis 3 waffe träge chöne isch gar nöd so wichtig, schlussendli isch me da im original ja au uf levelvorgabe beschränkt gsi.

macht spass, gueti idee. tiptop isch dem.

[SinGinSmith]

Nach Archangelsk gahts ersch richtig los.

[spoiler]Im Nightclub[/spoiler]

[zwirrlibatz]

ich hass das lied im nachtklub.


HASS!!!!

[SinGinSmith]

Ah sali Xenia

[nascarbryant]

han ersch fang Archangelsk dure. grad vo afang ah uf classic mode, öppis angers chunnt mir nöd is huus. immer grad öppe 45min pro level, zomg. ohni checkpoints wärs absolut unmöglich. mir gfallts grundsätzlich sehr sehr sehr, wunderbar händs de flair bhalte. me merkt, dass da fans vom original drhinder sind.
sowiit fählt mir nur s'spiele mit de gadgets, das beschränkt sich sowiit nume uf s'smartphone - gähn - und werum dass das im gägesatz zu de göns nur absolut harzig umegschwänkt chan wärde, gaht mir nöd in chopf. kän bond würd so öppis iisetze. nur bis 3 waffe träge chöne isch gar nöd so wichtig, schlussendli isch me da im original ja au uf levelvorgabe beschränkt gsi.

macht spass, gueti idee. tiptop isch dem.

gadgets ghöret doch zum beschte in goldeneye und perfeggd fark.....

hets nid zusätzlichi missionziel, wenn schwirigkeit erhöchsch

[zwirrlibatz]

moll aber bis jetz han ich ebenume das multifunktionale smartphone als einzigs gadget chöne iisetze, heisst: näbem ballere ab und zue es foti mache.

[zwirrlibatz]

btw s'isch übrigens uhuren ähnlich wie de erscht Red Steel. was es komplimänt isch.

[Moff]

s'smartphone isch s'einzige gadget im game, was ebe typisch isch fürd crag bonds und drum nur konsequent. trotzdem wärs guet gsi häts meh geh, d'abwechsligsarmuet isch nebe de grafik sicher die gröscht schwachstell vo dem spiel

de nightclub levle findi zäme mitem panzer level übrigens de schlechtischt vom spiel

[zwirrlibatz]

de nightclub isch würkli für nüt. ich muess det aber sicher no hundertmal dure für de classic mode. wäg eim foti mache. grrrrrrrrr....

[sidusson]

dr nightclöb isch ämu fantastisch gsi

so öppis hani ufere Wii no nie gseh! superb!

u geile strom chunt o

[zwirrlibatz]

ja usgseh tuet dr club scho no guet. so en art cel shadet. aber zum spiele isch es hölllllllllllllllllll und hasssssss.

severnaya macht spass. dä jet!

[sidusson]

i has e gueti idee gfungä.. bringt e guete kontrast zum nume ballern

aber ja dperson finge isch chli mühsam gsi..

d fayette isch ou super gsi. dört tanzt dr bär

[Moff]

Im club ballerisch ja ebe nur, isch eine vode wenige level wod ned chasch mit stealth vorgah und drum ischs en miese level.
Oder meinsch die erschte minute mitem sueche? Isch nachem erschte mal nur na nervig und det scho ned würklich guet.

[zwirrlibatz]

hass hass hass alles det. de club sött me am ändi i d'luft jage dörfe.

au hass sind die unskippable cutscenes. und d'granate. und dass s'bild verschwümmt bim nahlade. und s'smartphone. ganz dummi idee hett da eine gha.

susch find ich alles super. favorit bis jetz: de carrier.

[mr.raw]

Geschtert endlich (!) mol richtig drzue kho s zöggle!
Club isch tatsächlich HASS...numme no HASS!!!! Ahjo... jedi frau seht glich uss (lila kleid)
s Schneelevel isch drfür MEGEN! Schön schliieche und langsam vorahtaschte! SUPERB!
Mit dr Sniper oder mit dr P99 (inkl. schalldämpfer) go headshot verpasse....inkl. Soundtrack wo sich denn ändere/aapasse tuet. MEGEN!
s Game isch würklich WÜRKLICH sehr sehr guet gmacht.

[Master(G)]

wahr! ich has au öppe bis zur hälfti gspielt.
denn hani mier gwünscht, dass es uf de 360 wär, mit gueter Grafik.
ha denn abgstellt und nie meh aloh ...

[mr.raw]

wo ich die texture im Club gseh hann isch mir dr glich gedanke dure kopf gange... OMG, was isch das für e graphik? Hett aber bim Schneelevel grad wieder wett gmacht.
Die tüüferi ufflösig stört eigentlich gar nid. Ab und zue gitts chli ruckler bi hektische situatione...aber isch nid tragisch. Kha me drüber wäg luege. Was mi aber JETZ störe tuet isch das, wo die andere so chlönlet hend... es isch halt kei Goldeneye remake wie PD uff xboxArcade. Und genau das wünsch ich mir JETZ! *schnüff*
Wärs uff dr Xbox kho, wär glaubs au s originale facility debii...wie ichs vermisse tue...

[O_O]

uf de 360 wär, mit gueter Grafik.

[O_O]

http://upucgg.blu.livefilestore.com/y1p ... -30-52.jpg

http://upucgg.blu.livefilestore.com/y1p ... -01-28.jpg

http://upucgg.blu.livefilestore.com/y1p ... -19-41.jpg

[Master(G)]

wenn so wär, wäri scho zfriede!

[geosnow]

wii

[mr.raw]

http://upucgg.blu.livefilestore.com/y1p ... -30-52.jpg

http://upucgg.blu.livefilestore.com/y1p ... -01-28.jpg

http://upucgg.blu.livefilestore.com/y1p ... -19-41.jpg

[O_O]

http://upucgg.blu.livefilestore.com/y1p ... -30-52.jpg

http://upucgg.blu.livefilestore.com/y1p ... -01-28.jpg

http://upucgg.blu.livefilestore.com/y1p ... -19-41.jpg

[mr.raw]

:typej:
was das für Bilder???

[O_O]

goldeneye?!