The(G)Forum

Herr Rossi hat geschrieben:

Reinforced hat geschrieben:omfg Prometheus im imax. öb de wohl z Luzern lauffe wird?

http://www.imax.com/movies/m/prometheus ... xperience/" onclick="window.open(this.href);return false;

geil wärs halt scho

In Luzern gids sit ca 2 Jahr keis Imax me. S Verchershuus hed nach Rechtsschtritereie de Vertrag mit de Imax Corp kündet.
Heisst jetz Verkehrshaus Filmtheater und bringt ab und zue aschtändigi Filme.... Leider in Arschloch 3D

ja aber d liiinwand blibt glich oder?

Ja si hend d Linwand dörfe bhalte.
Ich frog mol de Techniker vom Filmtheater öb de Film evtl z Luzern zeigt wird. De möchemer e Grill & Kino Event

btw heisst de Film glich wie mine Bachofe

mit dem sins 1969 zum mond gfloge.

Si zeiged de Prometheus nid, defür de Ice Age 4 und de nöi Spiderfark

herte retrostyle bachofe hahaha

Herr Rossi hat geschrieben:Si zeiged de Prometheus nid, defür de Ice Age 4 und de nöi Spiderfark

hesch gfragt?

Ja, ha de Techniker gfragt geschter (ha sälber mol det gschaffet).

Und der dunkel Ritter?

gse und ganz geil. aber ebe leidr spoileret de trailer s meiste, wie chame nur so blöd siii.

thaeye hat geschrieben:gse und ganz geil. aber ebe leidr spoileret de trailer s meiste, wie chame nur so blöd siii.

ich han nur de erscht teaser gseh zum glück.

thaeye hat geschrieben:gse und ganz geil. aber ebe leidr spoileret de trailer s meiste, wie chame nur so blöd siii.

Würdi jetz nid säge, und i bi süsch extrem Spoilerempfindlech. Klar, ohni der Trailer z gseh ha is Chino isch besser, aber die wichtigschte Pünkt schpoilereter nid. Then again, ich luege trailer ou meischtens nur einisch und lueg nöd zu genau häre.

das isch wohl de grösti spoiler aller ziite. sorry. na nie so öpis gse. eini vo de wichtigste szene spoilerets.

Im Trailer wird würklich einiges verzellt. Es fehlt eigentlich nume no d Szene uf em Operationstischund de hesch der Film gseh. Isch aber nid der schlimmsti Spoiler won ig ha gseh im e Trailer.

Guet han ig vorher nume der Teaser mit em David-Interview gluegt.

Fair. Mach evtl. no Spoiler Tags bim Operationstisch Avenschler.

gester ou gseh u mi heter vouänds entüsch leider... eigentlech ohni erwartige ine gange (neuchatel) dr afang sehr guet gmacht, stimmig chunt uf.. ds 3d isch ouno gange.. när ab dr mitti (wosi ds erste mau dr ruum uftüe mitem schwarze züg) när gheit dr fium ines loch.. völligi unlogischi handlige, viu wird eifach ignoriert (zb dfrou wo es alien baby hurti usehohlt oder dasi eifach 2 vor crew ir höhli vergässe hei u de ersch no dä wo geolog isch mitsamt dr mapping usrüstig :typej:) oder das dr weyland zuefälligerwiis ou a board isch gsi mitsamt jenste angere lüt u das ganze gott und ds chrüz isch lächerlech.. genauso wie dviecher u augemein dhandlig nach dr mitti... mir si usem chino miteme ganz schlächte gfühl u weme drüber nachedänkt wird dr fium no schlimmer.. schad wöu äbe design und so isch no lässisch.. aber schüsch.. buuh :yuno:

In 4Dx Bangkok Siam Paragon geluckt!! Schaad gits so öpis nid in CH...

nach mine abegschrubte erwartige nach de doch eher ernüchternde meinige hanen eigentlich doch recht guet gfunde.
allerdings bini überzügt, dass de film bzw. die ganz prequel reihe ohni lindelof einiges besser gsi wär.

aber ich freu mich totla uf sequels, vo dem her heter scho au was richtig gmacht.

de sidu finded en scheisse, das isch es guets zeiche!
freu mi

Gohne gloub ou nomou go luege, ha würklech fröid gha.

Ha gmeint gha, es würi dä Film vom Jahr werde, leider taugt er nöd vill.
Dä Ahfahng isch sehr stimmig, aber dä Rescht derart konzeptlos und so zämmegwürflet, dass en würkli i keinere Art gnüsse chasch.
Als Actionfilm failt er, als spannigsladeni Homage an erschte Alien Teil no vill meh (würkt teilwiis wie es plumps Remake, es git zu vill Parallele zum erschte Teil, wo eifach scheisse umgsetzt sind).
dSchaupiler sind Standard, dKoschtüm (Ruumahzug und Rovers) derart Lego-plastik-Artig und trashig, dass i däre fulminante Kulisse fascht wie Teletubies würked.
Und teilwiis hani sGfühl gha, ich wär imne Videospiel im Stil vo Dead Space.
Sorry, entweder machsch en Actionkracher mit chli Klamauk, wos so richtig abgaht, oder me macht bitz uuf Realismus, dä Film hät beides Wälle und würkt drum völlig belämmert.
Am Ändi hani müesse an pirates of the caribbean dänke, wo sie vo däm Rädli-Ruumschiff fasch crusht worde isch. Eifach lächerlich. Rächt e Mängi mentali Facepalms hani müess mache.
Filmenttüschig vom Jahr!

überraschig vom jahr!

gib em 9.3/10

het mi sehr guet unterhalte.

Moff hat geschrieben:nach mine abegschrubte erwartige nach de doch eher ernüchternde meinige hanen eigentlich doch recht guet gfunde.
allerdings bini überzügt, dass de film bzw. die ganz prequel reihe ohni lindelof einiges besser gsi wär.

aber ich freu mich totla uf sequels, vo dem her heter scho au was richtig gmacht.

Nach mire monatelange 100% Infoblockade vor em Film han ich mich sehr druf gfroit. Dänn hetts mich während em Film dunkt, dass je länger er lauft, je meh Lindelof. Vo mir us gseh (und mir hett Lost ja gfalle, au de Schluss, aber nöd die letscht Staffle an sich) ischs en Fähler gsi, dass me ihn inegholt hett. Cast, Diräktion, Design und Ästhetik und grundlegendi Idee und Theme sind wie immer vo Ridleyscher top Qualität (afang! zomg!). Aber die strub und teils platt Mystik ohni Stringänz isch, bhaupt ich eifach mal, vom Lindelof inedruckt worde. S'Budget isch au um d'Helfti abe, was wohl de Grund isch, wieso sie nur uf dem LV22irgendwas Felse umekurvt sind. Hoffentli gitts en Sequel mit de Noomi uf em Heimplanet vo de Engineers ohni Lindelof.

Er hett mir gfalle. Hett es paar sehr geili Moment drin gha. Aber Alien isch halt au uus dem Grund geil wil sie noimeds ane gönd und öppis finded wo sie nie hend wele finde und es isch nume ein einzige Alien im Film. Da gönds noimeds ane mit de vollste Erwartig öppis z'finde und es hett es paar Stellene gha woni mer chli an Chopf ha müse lange. "No Weapons" LOOOOL! "We haven't heard anything from Fifield und em andere since they've been at the place you've found the head." Sie hend ä Million fucking Kameras a ihrem Aazug aber sie gsehnd weder wos sind no würdeds ihres huere Video zrugg spuele zum luege was passiert. Und das de ander plötzli s'Gfühl hett er mues probiere mit dem Wurm Viech spiele obwohls die ganz Nacht vor allem devo laufed isch au dumm gsi. Mir hetts fascht chli z'viel verschiedeni Mutatione und Viecher im Film gha, dass findi amigs zimli unnötig.

Aber trotzdem sehr unterhaltsam und mir hetts gfalle!

Ach ja:
De Aafang isch brutal ähnlich wie im Aliens v Predators wos irgendwie ä Pyramide ufem Nordpol finded wo vo Ägpter, Inkas und anderne Motherfuckers bout worde isch. Höhlemalereie und alti Kulture so zäme z'würfle findi echt fantasielos.

Major Spoilers aber LOOOOOL!
http://www.youtube.com/watch?v=JLbcZggw ... r_embedded" onclick="window.open(this.href);return false;