zwirrlibatz hat geschrieben:LeviathanX hat geschrieben:kommen jetzt wieder Verschwörungstheorien wie "Setz den Helm auf und Facebook scannt dein Hirn/gibt Dir unterschwellige Botschaften" usw.?
mich nimmts au wunder was genau s'problem isch...
Ok, ich stiig jetzt mal druf ii
Es git nüd eis, grosses Problem, sondern vieli "chliini". Ich griif jetzt mal eis use:
Im Silicon Valley gits sit es paar Jahr folgendes Phänomen: e chliines Startup macht irgendwas, mit 0 Ideeä, we ihri Idee jemals wird Geld abwerfe, und hofft druf, dass sie vo de "grosse" ufkauft werded. Instagram isch so en Fall, und Snapchat au. Beides sind Firmene, wo nonig absehbar isch, öb sie im grosse Stil Geld chönd generiere. Aber was sie beidi hend, sind Nutzerzahle, wo z.B. für Facebook relevant sind.
Ds Geld für die Startups stammt vo irgendwelche Investore, wo im Fall vom ne Verchauf vo de Firma, zimli abruumed.
All das isch sowiit so guet (und mir zimli gliich, irgendwie)
Jetzt chunnt Oculus, und macht uf Indie, und alles isch neu und super und "mir sind chlii aber mir hend DIE Idee schlechthin blabla."
Die holed ihre Cash vo Kickstarter und schaffed soo e Gruppe vo Fans, wo sich richtig uf die Firma iischüüssed.
Ds Problem isch jetzt, dass Oculus kei (oder wenig) Investore het. ds Kickstarter Geld isch we e Spend. d Oculus Lüüt sahned jetzt voll ab, währenddem die begeisterete Fans ke Rappe vom Geld gsend (wills ke Investore sind).
Klar chömed sich die jetzt verarscht vor, wills ebe genau diejenige Lüüt sind, wos ade "Grosse" hend welle zeige und deshalb überhaupt uf Kickstarter Geld gee hend.
DAS isch nur eine vo dene Problem vo dem Ganze. Oculus het sich so positioniert, als öb sie halt vo dene "böse" Investore ke Geld becho hend, aber de Fans ds Gfühl gee hend, dass me de "good fight" kämpft, indem me am ne chliine Team Geld schenkt.
Es schwächt die ganz Kickstarter Bewegig.
Als Entwicklerteam ergend sich ganz anderi Problem, wil die jetzt (We der Notch) vermuetet, dass Facebook irgendwie Geld wird us de Software wird gwünne, wo für ds Oculus VR System hergstellt wird. Als Entwickerbuude hesches jetzt halt plötzlich mitemene ganz andere Partner ds tue. Dass das nüd all toll findet, liit ide Natur vo de Sach.
Ums churz ds mache: d Oculus Backer hend ane Idee glaubt, wo jetzt dur dr Verchauf "verrate" worde isch. Und ehrlich gseid? Als Backer würd ich mich glaub au verarscht füühle, wenn öpper bi mir bettlet und "Hilfe" rüeft, denn aber vo eim Taag uf dr ander zum Millionär wird.
Öbs für die ganz "VR" Gschicht jetzt besser oder schlechter isch, dass Facebook iigstige isch, weiss natürlich no ken Mensch. Wil aber jedem klar isch, we Facebook zu Geld chunnt, halt ichs für grechtfertigt, wenn me ke Freud dra het, dass usgrechnet Facebook Oculus ufchauft.
Au das Ganzi "mir lönd die mache" Getue zielt imo a de Befürchtig vo de Lüüt verbii. Es isch jedem klar, dass me d Oculus Lüüt am beschte eifach schaffe laht. R&D Teams sind oft eher unabhängig, in grosse Firmene. Aber was offe isch, isch uf weli Art und Wiis Facebook will geld mit em Oculus VR will mache. Und da het dr Zuckerberg no kes Wort drüber verlore.
Das Ganz PR Züüg zielt ade Hauptbefürchtige verbii, was eigentlich scho mal es schlechts Vorzeiche isch.
Aber we gseid: ich persönlich wart eifach mal ab. Was festschtaht isch jedoch: dr Oculus VR Helm wird bi mir sicher ken Day1 Chauf.
In my dream, I am the president.
When I awake, I am the beggar of the world.
de HELM!!!!
(G)? Das sind eigentlich alles Schafseckel
miku chan 
