The(G)Forum

stell der vor, du häsch es framework für VR und d'ki baut dier in echtziit d'umgebig für dis adventure / rpg spiel. also du wählsch am afang es setting us und dä rescht vom spiel, also d'story, wird ahand vo dine entscheidige gstaltet: jedes mal neu.

holodeck!

:weixen:

In so etwa meineter?

lol

:aufarkingweia:

Jones hat geschrieben: ↑27 Feb 2024 08:00 :aufarkingweia:

Du hesch sicher scho zwei vo dene Dinger dehei im Chäller

mi chäuer isch es gym und ke pornhöhli!

The Sheep hat geschrieben: ↑29 Jan 2024 08:41 Wenn es Bild generiersch, hesch untedra es paar Chnöpf. die mit V erzüge Variante. Wenn jetzt zB s'dritte vo dene 4 Bilder woner gmacht het guet findsch, chasch mit V3 vier neui Bilder mache, wo ähnlich sind wie das. Denn gits in de /settings en Ischtellig wo chasch bestimme wie *kreativ" Midjourney mit em prompt söll umgo. Was au no hildrich chönnt si: mit /blend chasch mehreri Bilder mitenander kombiniere. damit chasch au Variante mache, wo sich nur geringfüegig ändere.
Das sind so es paar möglichkeite. Aber es bitz wärde sie sich Bilder immer verändere wenn sie neu mansch. KI chann bis hüt nit zweimol genau gliche mache.

Lustig, mängisch funktionierts, mängisch nid. und ha scho so viel Prompts usprobiert... isch immer chli Glück.
Was mach ich?

Zerst es Bild erstelle. Das möcht ich au bhalte, tuens upsacle und speichere.
Denn gangi wieder zu Midjourney und über custom zoom chamer s Bild ja apasse.
Was ich aber wott isch:
er söll das Bild näh und 1 zu 1 ine anderi Umgäbig packe. z.B. ine Rahme wo ime Restaurant hanged oder so. ohni das bild sich ändered... müehsam.

Wenn mehreri Bilder wo sgliche Objäkt zeige, als Vorlag verwändisch in Midjourney, chasch Konsischtänz offebar dütlich verbessere. Obs für dini Awändig so funktioniert weissi nit, aber i han es guets Tutorial gfunde, wiemer das mit Figure chann mache:
https://www.youtube.com/watch?v=Ok9zKhj-vSU

Wtf wie hirngfiggt muesch si, zum so en App veröffentliche?

google Gemini

isch woke kultur bi google. isch problm. wenn grösser wirsch, verlüürsch ihrgendswaen vor luuter political correctness s business us de auge. de CEO muesst de lade mal verlah....

Ironischerwiis stammt dä Begriff vo dä political correctness uus dä Sowjetunion, wo me underschiede hät, ob öppis faktisch wahr aber em Staat abträglich, somit politsc unkorräkt isch oder em Staat zueträglich, also politisch korräkt, unabhängig vom Wahrheitsghalt.

Wenn dis Face oder irgend es anders möchtsch als 3D Modäll ha, gits e nice Tool namens Chat Avatar bi https://hyperhuman.deemos.com/
Das Tool isch mitere Chat AI kombiniert, wo dir äntwäder via Textprompts Gsichter in 3D chann generiere. Damit chasch au Gsichter vo Promis erstelle lo, und du chasch als Quelle aber au es Foto ufelade. Bim Export sind diversi 3D Renderprogramm unterstützt. Je nach Option womer wählt channmer bim exportiere das Gsicht au no um es generischs Ganzkörpermodäll ergänze. Aber berücksichtigt bim generiere wird ebe nurs Face. Um Auge und Haar muesch di sälber kümmere.

Chat Avatar isch wie vieli anderi AI Tools natürlich nur ufe erschte Blick kratis. Es schafft für Credits. E chleini Mängi isch koschtelos, wo aber späteschtens bim exportiere sehr schnäll verbrucht sind. Ich han grad mol 1 Gsicht chönne abelade als 3D modäll, bevor Chat Avatar s'Händli ufgmacht het. Da ich aber aktuell kei wirklichi Verwändig für 3D Gsichter han. wirdi vorerscht nit erfahre wie ich grenderet als 3D Avatar würd usgse.

Da no es Video wiemer demit produktiv chann schaffe:
https://www.youtube.com/watch?v=2s0TNVVBmqQ

Chani mit HitPaw Sache automatisiere und / oder Bulk mache?

Biespiel:
1. Es Bild gäh und säge mach 1:1, 2:3, 4:5 drus
2. Zäh Bilder gäh und säge: mach jedes 11811:6640 pixel etc?

Ich schaffe es nöd so Sache duurezluege, nach 5 Minute müesse abstelle. En Mulitmillionär am müühmühh mache, ich hans ach so schwer gah, so viel psychischi Belaschtig usw. Chomm Sam, heb dSchnurre. So Lüüt händ keis Rächt zum Jammere. Sölled sich verpisse uuf ihres Ahwese, abgschottet vom Gehetze vo dä Wält, wos sichs jede Tag chönnt gstalte, wie innere Wellness-Oase.

es isch scho huere spannend, die type formet d welt /zukunft. das chasch nöd abstriite und z wüsse wie die denket, isch wichtig.

Das striit ich überhaupt nöd ab, ich glaube, KI wird die gröscht Revolution siit em Internet, wahrschiinli no viel grösser. Möglich, dass das dä wichtigscht und mächtigscht Fortschritt vo dä Mänschheit überhaupt wird werde. dImplikatione und dMöglichkeite sind enorm, ich chann em eifach nöd zuelose mit siine klagende Stimm.

--sref
style reference

eine vo de beste prompts in midjourney.

so chan mer en vorlage näh und am midjourney säge, er söll was neus mache mit em gliche style. hüere güet.

lol lug was i gmacht han

wtf, fascht, aber ned ganz

Han s Bild vo dim Instagram klaut und am Midjourney gseid mach n Ninja bi Nacht und Näbel und nim das instapic... lol