Android Topic

[chind]

ich han dich gfrögt, cuz du häsch imene andere topic öppis ähnlichs gschribe à la:

1. wänn sg2 häsch und numme sms + telefoniere tuesch und bitz surfe, dänn häsch sowieso s'falsche handy,
2. etc
3. etc

ich will wüsse, wieso ich nöd eifach es handy chaufe sött wo 300 choschtet schtatt 600. android händ ja au billigere. gats schlussäntli würkli numme um processing power + ram + uflösig? peace, ich informier mi no.

[chind]

@ MOFF

wieso häsch der keis iphone kauft?

es paar gründ, stichwortartig wär cool, au wänns numme emotionali gründ. cuz ich weiss nöd obi iphone oder android.

android: freier n shit.
iphone: weniger frei n shit
android: langfrischtig gseh de winner?

händ iphone und android glich viel apps?
hät apple s'mobile phone bereits verlore bzw isch es langsam am verlüre?

[Skeletor]

heb mal dschnurre

[Avenger]

krass die froge

[O_O]

android: langfrischtig gseh de winner?
händ iphone und android glich viel apps?
hät apple s'mobile phone bereits verlore bzw isch es langsam am verlüre?

nei
nei
nei

[Moff]

hoi beast

ich freue mich, dass du mit dine frage zu mir chunnsch, ich wirde sie dir gern beantworte

grundsätzlich wott ich säge, dass ich im lebe na nie es apple produkt besesse han, früener han ich die firma belächlet, denn ihri "lifestyle philosophie" verabscheut, inzwüsche find ich sie und vor allem ihri ahänger nur na arm, i vielerlei hisicht
ich bin also i miner asicht sicher "biased", wiemer so schön seit

2 pünkt muess ich kläre, werum s'sgs2 und werum android?

sgs2 laht sich eifach erkläre, es isch s'zur zit beschte telefon, mit beschte mein ich eifach wennmer reviews vo experte rund um de globus list, witer obe hanich na chli me dezue gschriebe

werum android? wie du seisch isches eifach freier. iOS isch kompakter und simpler. das isch schön für dini oma, aber für lüt i eusem alter wo sich ohnehin au na täglich mit elektronische medie wie zB dem forum da usenandsetze isch d'iOS oberflächi us miner sicht total veraltet. es git sicher lüt wo das ned so wichtig isch. aber für mich sind sache wie bewegti hintergründ und widgets (programm wo i hübsche feischterli direkt ufem desktop laufed) nüme wegzdenke usemene smartphone. en iphone oberflächi erkennsch sofort und ich find sie total armselig, android oberflächene sind vollkome individuell je nach user und sehr hübsch, im verglich zu android gseht iOS öppe us wie windows95. au vo dem abgseh isch android halt viel weniger en engstirnige tunnel wie iOS. natürlich chasch iOS jailbreake, denn chasch eigentlich smeischte uf iOS au mache wo uf android au chasch.

android bütet also grundsätzlich eifach meh möglichkeite als iOS, was iOs halt füren riese vorteil het isch de gigantischi appstore, glaub dopplet so viel apps gits fasch uf iOS. muess aber säge, dass es kein app git wo ich vermisse, mer chan aber säge, dass apps uf iOs zur zit en bedütend höcheri production value hend, gsehnd eifach richtig guet und professionell us, uf android muesch recht sueche bisd was ähnlich guet ussehends findsch, wenn überhaupt. das isch aber rein kosmetisch, rein vode funktion her gits nüt woni uf android würd vermisse.
dezue sägi muessmer unbedingt, dass grad au i sache games, wo ja production value doch namal wichtiger isch, android vollkomme verblasst im verglich zum iOS agebot, also wennd viel wotsch game und dir das was vom wichtigschte isch chunnsch amene iphone ned verbi. uf android gsehts inzwüsche zwar passabel us (vorneme jahr ischs na en katastrophe gsi), aber es isch immer na en grosse underschied. aber ebe, handygames interessiered mich so guet wie gar nöd, susch hätti au keis android kauft.

wird android de sieger si? ich denke in baldiger zuekunft werded sich die beide system chum na underscheide, ich finds zwar chli komisch, dass apple na kei widgets akündet het (mit dem hend iets alli grechnet), sie werded aber chum drumumecho. ich muess dezue au säge, dass öpper wo na nie es smartphone gha hed und sich au ned gross will demit usenand setze mit beidne sysem absolut guet bedient isch und nüt vermisse wird, so ähnlich sind sich die beide iets scho.

[Jones]

quote="chind"]ich han dich gfrögt, cuz du häsch imene andere topic öppis ähnlichs gschribe à la:

1. wänn sg2 häsch und numme sms + telefoniere tuesch und bitz surfe, dänn häsch sowieso s'falsche handy,
2. etc
3. etc

ich will wüsse, wieso ich nöd eifach es handy chaufe sött wo 300 choschtet schtatt 600. android händ ja au billigere. gats schlussäntli würkli numme um processing power + ram + uflösig? peace, ich informier mi no.[/quote]

logisch chasch o es günstigers choufe! die vo dir erwähnte sache chasch mit so eim ja o mache..
isch halt d'frag, ob meh z'neuschte und (nachwieslech) z'beshte besitze muess oder nid... sgs2 isch würklech es top grät!

z'märli vo dr eifache bedienbarkeit vo ios im verglich zu android isch o langsam lächerlech! e arbeitskolleg vo mir, wo itz würklech gar ke ahnig vo technik het, het zersch es htc gha und itz es iphone (er hets übercho). dä seit, ihm sig das scheissegal! er chönni beidi glich guet (oder schlächt! LOL) bediene...

dr moff hets nid schlächt troffe! wär nid grad wott spiele ufem telefon ( i ghöre nid i die kategorie) isch nid ufes iphone agwiese wiu android süsch alles (oft sogar besser) chöi! und ja, es ios gseht würklech beschisse us und bi allne glich... das würd mi itz närve. mis handy gseht all monet total anders us und i findes super! ame andere isch das schnuppe! lol

was ig a android phones schlächt finde isch die teils sehr komischi update-politik vo de härsteller! da hesch es grät, wo grad mau es jahr alt isch und es git kener updates meh! somit si gwüssi sicherheitslücke offe und bliebe o offe!
mi persönlech trifft das aber nid, da mis grät (desire) dr liebling vor community isch und's massehaft ROMS git mit dr aktuellschte android software. zudem chani mit root-apps jedere app genau die berechtigung wieder entzieh, woni ihre nid wott gäh! firewall etc etc!
das isch aber natürlech nid jedermanns sache! ig bi dert düre hat e freak und ha lieber die bescht software druf, als dr schnellscht prozessor drin! drum choufi o kes sgs2 sondern bhalte z'desire!

[Schummelschumi]

zudem chani mit root-apps jedere app genau die berechtigung wieder entzieh, woni ihre nid wott gäh! firewall etc etc!

weli root-app chan das?

[Jones]

LBE privacy guard!

chasch erloube, verbiete oder nahfrage!
wird über alles es log gmacht!
z.b. het facebook ja sit neustem d'berechtigung, dini sms z'läse!
macht sie gem. LBE aber gar nie! aber rein d'tatsach, dass die app das gem. berechtigung DÖRFT, isch für mi grund gnue, das izschränke!
firewall isch im ROM cmiui integriert... wobi LBE das grundsätzlech o macht...

[emP]

Bow before Beat S., 'cuz he's got root!

[chind]

merci Moff + Jones für die usfüehrliche (parteische) abwägige. ich han ja au bewusst i dem thread gfrögt, will ich tüüf i mir android chaufe will, und jetzt hanni gueti argumentatione gfunde.

game isch mer nöd wichtig uf em iphone. drum: ANDROID HAHAHAHA.
apps aber scho. apps sind mer näbed nere intuitive bedienig wahrschinlich s'wichtigschte.

jetzt nur no d'frag ob ich gottverreckt s'allerneuschte haa muen oder es au es galaxy 1 oder HTC oder so au tuet und zu dem gits ja scho usfüehrige im forum

[mr.raw]

Au ich sag merci a Jones und a Moff... Bin drum au am überlege, ob ich es Samsung S2 oder iPhone wett kaufe. Ha zwar scho ettlichi brichts im Connect gläse aber s hett mi nie recht überzügt kha.
Ich tendier extrem uffs samsung...jedoch bini ab dere Plastikhülle gar nid begeischteret. Uff dr andere sitte reg i mi ab dr Apple politik uff. Ob ich uff eme handy game wott, hangt ehrlich gseit ab dr Software ab. Ich merk, dass ich mi immer wie meh für so kurzzittigi Games tue interessiere. Und für so sache isch halt es iPhone doch no vo vorteil. NERV!!!
Das i mit em Samsung es Gmail konto muess iirichte stört mi nid...bin eh e google suchti und bi praktisch überall aagmäldet.
Plastikhülle (wobii, das jo nid sooo schlimm isch) vs. Apple Politik (und ebbe, dgames)...grmpf.

[Moff]

Heschs sgs2 schomal ide hand gha?
Grad dur die hardware ischs extrem dünn und liecht, isch eine vode grosse vorteil findi. füehlt sich sehr guet ah und überhaupt ned billig.

Aber s'iphone 4 isch scho s'schönschte. Das hani vergesse z'erwähne obe

[mr.raw]

ja, has scho es paar mal i de händ kha (geschtert wieder)
Isch scho recht schick... hütt obig muess en entscheid häre

[Jones]

Bow before Beat S., 'cuz he's got root!

ah sali uspuff figger!

[Schummelschumi]

neus bschtellt, hüt abig chanis abhole

[TypeJ]

Transformeeer..gli hanen

[Jones]

3.2

[Schummelschumi]

3.2

und ich fröi mich das ich ändlich 2.3 han

[Jones]

Handy <> tablet!
2.3.5 ufem handy, 3.2 ufem tablet ha!

[TypeJ]

nebst em transformer hani für d'frau gad na es ipad 2 gnoh
chani mal 1:1 vergliche, lulz

[Schummelschumi]

Handy <> tablet!
2.3.5 ufem handy, 3.2 ufem tablet ha!

ok. uf mim handy isch 2.3.3 druf... SE halt (si säged ja es söt besser wärde in zuäkunft ...)

[TypeJ]

Meeeeegen

Sent from my Transformer TF101 using Tapatalk

[Jones]

nebst em transformer hani für d'frau gad na es ipad 2 gnoh
chani mal 1:1 vergliche, lulz

bi de gspannt was meinsch...
i ha es ipad (2?) vom kolleg chönne bruche...
isch imo öpä z'gliche...

[O_O]

abgseh vo de 100'000 apps.