The(G)Forum

und wer hats erfunde? EA. und die franzose hamns recht bald adaptiert. und nun hamn wir den salat

thaeye hat geschrieben:ich find de rpg faktor isch eifach heftig zrugggschrubt worde, natürli immer nah es sehr guets sandbox spieli, aber rpg isch leidr chli weg, d gspröch sind einiges schwächer als in Fallout NV, au d möglichkeite bös oder guet zsii sind eidütig zruggschruubt worde, chunt mir chli vor wie mass effect 1 geg mass effect 3. schad.

ja guet, da heshc ja chum chönne erwarte.
new vegas isch vode dialog und RPG götter obsidian entwicklet wurde, fallout 4 aber vo dene wo oblivion, skyrim und fallout 3 gmacht hend. da findi chamer ned vomene zrugschrube rede, usser ebe mer verglichts mit de letschtere 3.

In Sunset Overdrive konnte man in einer Mission Zielgruppen-Roboter bekämpfen, die roboterhaft statistische Trends runterbeten - sehr gut!

Naja die optik ist wie vor 10 jahren, die erledigten gegner suche ich teils verzweifelt zwischen dem laub, da ja eh fast alles in braun und hellbraun gehalten ist. Das inventar ist nen murks, sehr konsolenlastig und in den innenraeume gibts auch keine map.....ansonsten spielt es sich etwas gar hakliger als das alte fa3.

Moff hat geschrieben:

thaeye hat geschrieben:ich find de rpg faktor isch eifach heftig zrugggschrubt worde, natürli immer nah es sehr guets sandbox spieli, aber rpg isch leidr chli weg, d gspröch sind einiges schwächer als in Fallout NV, au d möglichkeite bös oder guet zsii sind eidütig zruggschruubt worde, chunt mir chli vor wie mass effect 1 geg mass effect 3. schad.

ja guet, da heshc ja chum chönne erwarte.
new vegas isch vode dialog und RPG götter obsidian entwicklet wurde, fallout 4 aber vo dene wo oblivion, skyrim und fallout 3 gmacht hend. da findi chamer ned vomene zrugschrube rede, usser ebe mer verglichts mit de letschtere 3.

Mit Bethesda-Sandboxes chan me mines Erachtens nume glücklich wärde, wänn me sie genau *nöd* als RPG spielt. RPGs sind das ja nüme würklich, sondern ehner en Art gmächlicheri Open World-Shooter. Fangt scho bim Ufbau vo de Spielwält an sich a, wo gar nöd erst probiert in sich logisch und glaubwürdig z'wirke, sondern meh so nach eme Art Vergüegigspark-Prinzip designt isch (= "möglichst viel 'kuule shit' für de Spieler uf möglichst wenig Flächi, egal öbs Sinn ergitt oder nöd"). Entsprächend spielt me das wohl am beschte so, dass me d'Hauptstory schnällstmöglich ignoriert und sich stattdesse nach Luscht und Luune chli uustobt und jede nume erdänkliche 'kuule shit' usprobiert, ohni dass me irgendwie en Sinn, en grössere Zämehang, irgende tüüferi Logik oder irgendwelchi wiitreichendi Konsequenze erwartet. Im Grund gno hätt s'Fallout 4 so meh mit eme Far Cry oder eme GTA gmeinsam, als mit eme klassische RPG. Fallout 3 und 4 = postapokalyptischi Spielplätz und Wanderparks. New Vegas isch i däre Hinsicht ganz anders, das isch klar. Aber ebe, New Vegas isch au Obsidian und nöd Bethesda.

Jedefalls wird me sicher nöd glücklich, wänn me es RPG erwartet. Die für es RPG notwendige Elemänt sind ja inzüwsche mehrheitlich komplett wägrationalisiert worde (sogar im Verglich mit em FO3). Und die Bereich, wo verschohnt bliebe sind, sind leider no nie die gsi, wo Bethesda würklich behärrscht hätt (also Sache wie a) s'obe erwähnte glaubhafte, in sich logische Worldbuilding, b) komplexes Quest-Design mit möglichscht viel Optione und alternative Lösigswäg, c) gueti Dialög, d) e starchi Haupt- und ebeso starchi Näbedhandlige, usw.). Das was ich i dene Bereich im Fallout 4 gseh han, bevor ich's wieder uf d'Siite gleit han, isch jedefalls entweder unlogisch, klischiert, eifach nume schlächt oder grad alles zäme ufs mal gsi Und de Hauptplot hätt schinbar no meh Logiklöcher und isch no tümmer als im Fallout 3 und das will öppis heisse. Zur Erinnerig -->

zeromeier hat geschrieben:Mich nervt scho die erscht raider mission (töd all) i dere fabrik, es gad eeeeeeewig.

häts mami zum ässe grüeft und du bisch mitztine gsi?

D App isch extrem hilfrich da ziitschparend. D Map oder s Inventar ufem Tablet, sehr guet.
Für mich persönlich isches genau richtig gmixt, rpg, Action, erkunde... Hüt bis Level 7 gmacht, macht Böcke!

evo hat geschrieben:

thaeye hat geschrieben:chunt mir chli vor wie mass effect 1 geg mass effect 3. schad.

und im direktvergliich fallout zu ME? so vom RPG ghalt. weil ME1 hani jez au mehr shooter als RPG gfunde

ME1 isch es klars RPG gsi, ME3 en Shooter mit RPG Element.

ja isch scho so, obsidian isch en anderi klass in sache dialög und rpg erfahrig, bethesda macht ihri spieli immer nachem gliche schema, en grossi map, die füllt meh mit irgendwelche ruine oder höhlene und hüttene und haut chli loot ine und scho isch d sandbox parat. macht scho spass, aber irgendswie vermiss ich die richtige stärchene vo Fallout NV.

Oh, Jörg hat nen Kommentar zum Thema echtes/falsches Rollenspiel aufgenommen/geschrieben:

http://www.4players.de/4players.php/tvp ... _Welt.html" onclick="window.open(this.href);return false;

http://www.4players.de/4players.php/kom ... hesda.html" onclick="window.open(this.href);return false;

dä jörg.

ich finds bis jetzt supersuper.
ich glaub, ich hett skyrim au so guet bewertet, wenn d'stürig gstumme hett.. und ich han da 120h zoggt.

hilfe! hälfet mir! ich chume vo dem spiel nüme los!!!

level 28 jetzt.

im institute gsi
gmeint es sig langsam fertig.
und jetzt gahts erscht so richtig los!

zum glück han ich zwüsche wiehnachte und neujahr 2 wuche frei.

level 26 sit geschter und na nöd mal in diamond city gsi :lolz:

Skeletor hat geschrieben:level 26 sit geschter und na nöd mal in diamond city gsi :lolz:

Whut? Ich bin gester Lvl 17 worde und de mal uf Diamond City, well all Quests woni jetzt han zu schwär sind und ich han nonig sooo viel vo dene gmacht... De hani dänkt, gangi mal uf DC, viellicht gids de bitts XP und no die eint oder ander Quest.

ich han gmerkt es isch gar ned so en gueti idee all zu viel go erkunde, wills game so gmacht isch, dass mer praktisch alli locations in irgend eme andere (side) quest bsuecht. ich han am afang au stundelang nur erkundet und woni de mal agfange han queste, hani a jenschti ort nomal müesse, wo ich scho gseh han. isch bitz dumm. darum hani mi denn em 'rote fade' gwidmet. und ich säg eu, story nimmt rächt fahrt uuf. ich han no selte es game gha, wo mich dstory no lang bis in schlaf ine beschäftigt hett!

es hett dermasse viel super charaktere und twists, mega! ... alles vor diamond city isch mumpitz! darum gitts de quest au scho ziemlich am afang. gang uf diamond city!

ich han eifach no nöd anne welle. im süde vo dä map hani no fascht gar nix gmacht. aber au dä oste isch vo mir no relativ unberüehrt. es hät rächt geili gägäende amigs.

jetzt gangi aber mal uf diamond city. gemäss em radio häts döt en plastische chirurg. wott mal mal chli was verändere

im süde hani au fascht no nix gmacht... und ich bin scho im institue gsi! ich säg ja. das game isch so dermasse RIESIG. ich wirde glaub niemals fertig mit dem!

Tönt super!
Das hani amigs nid so guet gfunde bi so Spieli. En riesigi Wält, aber Story/Quest - Bedingt muss mer nur a zwe drü Ort... und de Rest chasch go aluege, aber musch nid...
Au d Chartegrössi find i bis ez no guet. Hed ja viel Kritik becho, vo wäge d Map sigi z chli, well mer i irgendwie 15 Minute d Diagonale chan ablatsche oder so. Lieber lieber sowas, weder so grossi Maps, wo nie au nur d Helfti wirsch chönne aluege...

map isch super vode grössi her. alles chunt schön anendand. kei leerlauf. was bringts, wenn mer stundelang lauft und nix passiert. lieber chliner kompakter. es isch tiptop so wie sis gmacht händ! es hett ja nöd weniger ztue wäg dem....

trotz minere sucht und begeisterig: was dä rené seit isch nöd falsch. dä rpg faktor isch bitzli zwiit zrugg. findi chli schad.

Skeletor hat geschrieben:trotz minere sucht und begeisterig: was dä rené seit isch nöd falsch. dä rpg faktor isch bitzli zwiit zrugg. findi chli schad.

Ganz klar! Es gid relativ viel Pünkt womer chan kritisiere und ich finde, de Hype isch biz übertriebe. Ich selber wür dem Spiel au nie en 9er oder höher gäh... aber mir gfallts und ich chan mit de meiste "flaws" ganz guet läbe.
S einzige wo mi würkli närvt isch, dass es im 2015 immer nonig möglich isch, en suberi Shooter-Mechanik izbaue. Klar jetzt viel besser als im 3, aber immer no njjaaa... au Kollisionsabfrag bim schüsse isch sauschlächt.

dshooter-mechanik find ich tiptop. ha nüt zbemängle dette..

Skeletor hat geschrieben:trotz minere sucht und begeisterig: was dä rené seit isch nöd falsch. dä rpg faktor isch bitzli zwiit zrugg. findi chli schad.

stimmt absolut.

mir chunt das aber entgäge. ich bin ja meh de typ 'far cry'. passt!

mir hed e kolleg wos am pc sit tag 1 mitternacht fascht nonstop schpilt (2 mönet freigschtellt de sack) gseit, dasi so schnell wie möglich uf Diamond City sel ga. nid de dümmschti tipp

ich wird glaub vor em nöie zelda fürd wii u nüt anders als fallout 4 schpile

So mini idrück:

- Optisch gsehs us wie Fallout 3/New Vegas mit chli schönere Texture. Kei Wunder, glich Engine drunder Fallt gad heftig us wänn mer s neue Tomb Raider gspillt hät (Guet, Grafik isch ja nöd alles und passt scho)
- Lade für ALLES nerft. Gewaltig. Vorallem bi Chlinere areal (s ZeppelinSchiffDingsbums vu de BoS - Chunsch ine, muesch en stock höcher - 10 sek lade. Oder bisch was am erkunde und plötzlich machsc e "falschi" tüür uf BAM LADE.). Hätt Technisch besser glöst werde müesse.
- Story isch au chli überall Guet, bin nonig ganz dure aber bin jetzt de Chef vum Institute und ha de Reaktor agstellt, aber es stellt sich use dass de eige Sohn eim usem Cryo Vault befreit hät ABER DIR NACHHER SINI FIGG ROBOTER UF DE HALS HETZT. WTF? 75% vum Game wird s Institute als de bös dargstellt und d Roboter gönd a sofort uf dich los und dä innert 3 Quests isch alles friede Freude Eierkuchen. Findi ganz ganz billig. Hoffe da chunnt no was
- Wieso chani nöd mache was mer passt? Ich wird so guet wie zwunge de "guet" resp. Hälfer z sii. So guet wie kei bösi optione i de Gspräch wo irgend en Uswürkig händ. Generell hani nöd s gfühl dass ich irgend was (mal abgseh vu de Minutemen) veränderet han i dere Wält.

Es isch aber glich super. Fallout halt.