Wii-U

[Herr Rossi]

ja, für mich hed es casual game e liechte schwirigkeitsgrad, isch relativ aschpruchslos i de bedienig und hed savepoints oni endi oder grad es schpeichersyschtem wo jederziit chasch verwände.

wie isch dini definition?

[Mastler(P)]

casual = hirn uf standby
hardcore = hirn in use

verstehst du

[Herr Rossi]

triffts zimli guet

[geosnow]

für mich sind casual games games für d masse. ob jetzt das jetzt de galaxler oder tomb raider oder bioshock isch ja egal. alli hochbudgettitel (HBT und nöd AAA) müend casual sii, da sus s finanzielle risiko z gross isch. die traum margen vomene gradius oder super mario world oder sonic gits sit shen mue nümme.

[Mastler(P)]

chönd er eigentlich es bitz englisch?
http://www.dict.cc/englisch-deutsch/casual.html" onclick="window.open(this.href);return false;

eigentlich währed ja handy und facebook spiel wie farmville casual.
leider aber, werded "normali" spiel, schinbar für eh gwünnstiegerig (jede chan casual spille, da ahspruchslos) vercasualt.
was "normali" gamer wo sich es bitz forderig gwöhnt sind natürli chli ufrege chan.
di meischte schiened aber dur di schön optik bitz verbländed und merkets nöd immer grad.

[geosnow]

chönd er eigentlich es bitz englisch?
http://www.dict.cc/englisch-deutsch/casual.html" onclick="window.open(this.href);return false;

so nett. genau, super mario isch scho immer lässig und eifach gxi. jede chans durrespiele, aber nöd mit maximale sternli.

casual isch für ungleich schlecht und oder für HC gamer nöd interessant.

[evo]

jez darf jede sinni ganz persönlichi definition vo casual und hc gaming do inni schribe. aaaah so lessig

[Mastler(P)]

aber au bim mario mousch chli id sprungphysik dri cho und es stiegert sich langsam ih dä komplexität.
isch für mich eher es eifachers game für jede als wüklich en näbebititel.

da wür ich tetris eher als casual bezeichne. da hät mer nach drüh chlötz alles gseh und verstande.

[Mastler(P)]

jez darf jede sinni ganz persönlichi definition vo casual und hc gaming do inni schribe. aaaah so lessig

ich hoffe nöd.

http://de.wikipedia.org/wiki/Casual_Game" onclick="window.open(this.href);return false;
http://en.wikipedia.org/wiki/Casual_game" onclick="window.open(this.href);return false;

A casual gamer is a type of video game player whose time or interest in playing games is limited compared with a hardcore gamer.

in erschter linie gahtz eigentlich wükli um en ziit ufwand. spielsch baar stunde es bioshock oder 10min es angrybirds.
mousch eh halbstund is gameplay ihgführt werde oder häsch es ab dä erscht minute dinne wills so simpel isch.

[Gurgelhals]

Sind eh sautummi Begriff. Isch es Donkey Kong Crash Course (im Nintendoland) jetzt casual, will's es supersimples Spielprinzip isch, wo me i weniger als ere Minute begriffe hätt, oder isch es hardkoor, will's glichziitig sauschwer und wahrhaft trolltastisch isch? Ebe.

No tümmer isch übrigens de Begriff "AAA-Spieli", will da es qualitativs Attribut (AAA -> erstklassig) brucht wird, zum es rein quantiativs Kriterium ("Spieli mit eme Budget vom höche 2-stellige Millionebetrag a ufwärts") z'bezeichne.

Und extratumm wirds dänn natürlich, wänn die beide Begriff i de logisch absolut wasserdichte Schlussfolgerig "AAA-Spieli sind automatisch Hardkoor-Spieli" churzgschlosse wärded

Aber mir beweged eus da schliesslich au im Bereich vo de Marketing- & PR-Abteilig, au bekannt als "Bullshit Central"

[Mastler(P)]

Aber mir beweged eus da schliesslich au im Bereich vo de Marketing- & PR-Abteilig, au bekannt als "Bullshit Central"

[geosnow]

AAA Spiel sind bi mir nur ufs budget bezoge und nöd uf d qualität. sorry für das missverständnis.

[PlanetHarrieR]

Also ist Super Contra auch ein Casual Game?

[Mastler(P)]

dini muetter isch es casual game.

[geosnow]

Also ist Super Contra auch ein Casual Game?

damals sicher. will s snes für bubies und s MD für männer gxi isch.

[Gurgelhals]

AAA Spiel sind bi mir nur ufs budget bezoge und nöd uf d qualität. sorry für das missverständnis.

So wird de Begriff au ganz grundsätzlich i de Industrie verwändet. Und es isch natürlich Bullshit. Aber ebe: Im Bereich Marketing & PR händ Logik und Vernunft ganz allgemein nöd eso viel verlore

[PlanetHarrieR]

Also ist Super Contra auch ein Casual Game?

damals sicher. will s snes für bubies und s MD für männer gxi isch.

Das heißt also, sämtliche SNES-Spiele sind Casual Games?

[Herr Rossi]

Also ist Super Contra auch ein Casual Game?

gib mer gschider e antwort uf mini frag

da mer itz alli wüssed dass jede de begriff andersch definiert schlan ich vor, dass mer d begriff casual & hardcore komplett usem forum verbannt. schinbar gits zvil casual gamer wo sich als hardcore gsend. de mastler p hed gseit warum das so isch.

wär no öpis für de peter lustig

[Skeletor]

kartoffel. lüt wo sich müend über sowas definiere.... mühüüh ich bi hardcore-gamer.

[evo]

du bisch au ein. du spielsch demons souls.

ich bini sogar nomol en stuefe überem hardcore gamer. der sogenannt competitive gamer. bääääm in ja face

[Gurgelhals]

da mer itz alli wüssed dass jede de begriff andersch definiert schlan ich vor, dass mer d begriff casual & hardcore komplett usem forum verbannt. schinbar gits zvil casual gamer wo sich als hardcore gsend. de mastler p hed gseit warum das so isch.

De Punkt, wo mir da diskutiered, dreiht sich ja nöd würklich um hardcore vs. casual. "Casual-Spieli" wie Angry Birds, Fruit Ninja, etc., wo de Wikipedia-Definition entspräched, erschiined ja gar nöd erst uf eusem Radar.

Es gaht meh um de Gägesatz zwüsched "Gameplay-intensive" und "Präsentations-intensive" Spieli - also z.B. es Mario Galaxy (praktisch 100% Fokus uf purs Gameplay) uf de einte Siite und es Mass Effect uf de andere (seichts Geschüsse und no seichteri Dialög vor sündhaft tüüre Kulisse). De Punkt isch natürlich dä, dass rein theoretisch s'Einte s'Andere überhaupt nöd würd usschlüsse, aber i de Praxis isch de Gägesatz i zuenehmendem Masse real und das us de bekannte Gründ, wo da ine au scho gnännt worde sind: Präsentations-intensivi Spieli verschlinged immer grösseri Budgets und drum müend sich die Spieli us wirtschaftliche Gründ a es Zielpublikum mit em chlinnschte gmeinsame Nänner richte und dörfed drum nöd allzu komplex und/oder aspruchsvoll dethär cho. Das Resultat wird dänn vo de Publisher als sogenannts "hardcore AAA-Gaming" verchauft. Das isch aber natürlich nüt als Marketingbullshit, was sich under Anderem i de Tatsach zeigt, dass meh und meh "alti Videospielhase" (allerdings längst nöd alli, wie me au da ine gseht) vo dene Spieli genau wäg em seichte Gameplay nöd satt wärded, anders gseit also überhaupt nüt "hardcorigs" i dene Spieli finded. Und dänn redet die dänn plötzlich devo, dass Präsentations-intensivi Spieli wie es Bioshock Infinite halt tatsächlich "Casual Spieli" sind und d'Missverständnis sind dänn natürlich automatisch vorprogrammiert. I dem Zämehang isch es drum sicher sinnvoll, die Begriff gar nöd erst z'verwände. Präsentations-intensiv vs. Gameplay-intensiv schiined da mines Erachtens wie gseit die bessere will präzisere und au neutralere Begriff z'si.

[Astroboy]

I dem Zämehang isch es drum sicher sinnvoll, die Begriff gar nöd erst z'verwände. Präsentations-intensiv vs. Gameplay-intensiv schiined da mines Erachtens wie gseit die bessere will präzisere und au neutralere Begriff z'si.

Himmelhilf! Bitte nid, schüsch müesst me ja no differenziert dänke und formuliere.

[Mastler(P)]

er häts übrigens scho lang erklärt und bereits en neui spielreihe dusse:

[geosnow]

Also ist Super Contra auch ein Casual Game?

damals sicher. will s snes für bubies und s MD für männer gxi isch.

Das heißt also, sämtliche SNES-Spiele sind Casual Games?

mer chönts au fanboy games nänne. oder spiel zum brutal geld verdiene.

[geosnow]

mer chans au so säge, dass die meischte für de pc entwicklete games eher für HC gamer sind.