Anes Konzärt gah...

[thaeye]

han en 2x z montreux gseh und 1 mal i de alte halle. jedes mal super gsi. aber ebe, weisch halt nie so recht....wenner bi purple rain de spruch lige laht "let me take my time, i love this song" weisch isch drehbuech konzert. in montreux ischer vill exerimentierfreudiger nimm ich a als ufeme "standart" Tour Konzert.

[thaeye]

hahaha unglaublich guet gsi! also im "pop" bereich gits wohl nix bessers als en guet ufgleite prince. d halle haet bebt und d lüüt sind abgange. all de alt schnizl haet er bracht und als opener GOLD mit Glitterrege!!! zuschauer uf d bühni gholt , michael jackson tribute etc. etc.
ich bin schier duregheit, 2 drüviertel stund besti underhaltig


Quelle

[zwirrlibatz]

super. er isch en. und gseht us mit 52i, reschpäkt, und isch überhaupt en guete: http://www.youtube.com/watch?v=l-326dCQFzQ" onclick="window.open(this.href);return false;

[BrainBug]

Monster Magnet kommen auf Tour und haben dabei ein ganz besonderes Programm vorbereitet: Die Band um Dave Wyndorf wird ihr legendäres Album "Dopes To Infinity" aus dem Jahr 1995 komplett aufführen.

en fette wyndorf

[zwirrlibatz]

bei wem gilt das album als legendär??? wennschon dann spine of superjudge am stuck spiele. das wär's dänn du. mit zugabe tab25.

[BrainBug]

find impfall die spine und dopes schon die legen -wait for it- därste

[zwirrlibatz]

suit up for superjudge! stadium! dinosaur vaccume! black balloon! cyclops revolution! brainstorm!

[Gurgelhals]

dEUS
Und zwar am 27. August

USVERCHOUFT!!!!!

aber das macht nüt will mir dä sözel es ticket kauft hett!

Ich bin hüt dänn doch no churzfristig inecho, will e Kollegin no es Ticket vorig gha hätt

Also: Absynthe Minded. Hm. Chli lasch gsi. Nett, schöni Songs, deus ohni Krachexplosione. Isch okey gsi, hätt mich aber chli enttüscht, will's uf em Debüt no rächt gspunneni Zigüünermusig uf Absinth gmacht händ. Vo dem händs leider nume grad ein Song bracht. Die neuere Sache sind offesichtlich viel konventioneller und leider drum au echli harmloser.

Dänn dEUS. H-A-M-M-E-R!!! Super Set. Grad mal mit Slow und Sun Ra istiige. Nothing Really Ends mit eme flüssende Übergang is Bad Timing. Wie sich de Instant Street vom Geschrummel zum Saukrach ufbaut chunnt jedes mal wieder guet. Mehrheitlich Songs vo de letschte zwei Platte wie zum säge: Mir händ immer no öppis z'büüte und nudled da nöd eifach nume eusi alte "Hits" als Fanservice abe. Druck, Energie, Krach und LULZ. De Tom Barman und sini rächti Hand a de Leadgitarre sind eifach zwei saucooli Sieche. Was für e Band! PS: Die chömed dänn bestimmt bald no uf es Konzert i die Rot Fabrik, will's hütt vo de neue Platte, wo ja im September chunnt, nume grad 2 Songs gspielt händ. Da wirds garantiert no e richtigi "New Album"-Tour gäh.

Archive: Ähm, sorry aber: Gäääääähn. Was isch dänn das für e Band? Radiohead ohni kompositorischi Rafinesse. Pink Floyd ohni Songwriting und ohni de Sinn für die grosse Spannigsböge. Jede "Song" plätscheret total gradlinig vor sich ane – da mal en total vorhersehbare Breakbeat, dänn wieder mal chli luut/liisig (und zwar dur de ganz Song dure immer glich), dänn chunnt zur Abwechslig mal en Quoterapper, was immerhin chli en Abwächslig vom extrem müehsame Leadsänger gsi isch (Stichwort: kalkuliert-affektiert) und das alles mit Songtext, wo nöd seichter chönnted si. Wie hätt das de vortex mal schön gseit: Plastikpathos für die emotional aspruchslose. Schnarch. Ah ja, es ganzes Orcherster händs au no uf de Bühni gha, aber vo dem hätt me nöd viel gmerkt. Isch im glichförmige Soundbrei total undergange. Und dEUS sind vorher z'5-te uf de Bühni gstande und händ 345987394857 mal meh Druck und Groove und Energie und Spielfreud gmacht. Nach ere guete Stund bini dänn hei Da würd ich glaubs sogar no lieber an es U2 oder es Coldplay-Konzert, will wänn scho de seichti Pathos, dänn immerhin als halbwegs aständigi Songs

[zwirrlibatz]

dass Archive verbii siged hamer au lah säge. die händ vor 10 jahr mal es album gmacht wo irgendswo zwüsche animals und wywh hätt chöne usecho. hmnaja schad.

dEUS, woah tönt ja super. ich hoff die chömed nomal verbii. immer e wahnsinns band gsi egal i welere bsetzig. jede begnadet belgisch musiker chunnt offebar irgendwänn mal dur dEUS.

[zwirrlibatz]

Quelle

[Gurgelhals]

dass Archive verbii siged hamer au lah säge. die händ vor 10 jahr mal es album gmacht wo irgendswo zwüsche animals und wywh hätt chöne usecho. hmnaja schad.

Animals und WYWH sind mir geschter au immer wieder als Referenze dur de Chopf gschosse. Und OK Computer. Und halt Massive Attack (aber die känn ich / interessiered mich z'wenig). Aber ebe: Ohni Spannig, ohni Überraschig und stattdesse eifach relativ plumpe, effekthascherische Pathos. Wie wänn Maschine - oder no schlimmer: tummi Mänsche - probiered, de Sound vo dene Überplattene z'reproduziere, aber eifach nöd gnueg guet sind defür. Und dänn aber natürlich glich go de grossi Kunstaspruch stelle und mit em 40-Chöpfige Orchester uf d'Bühni cho. Es hätt drum au so öppis müehsam humorloses a sich gha, so en bierernst-Vibe, wo me susch bi so Bands wie Porcupine Tree, Dream Theatre & Co. findet. Ächz. Dänn also grad 349587398475x lieber Young Gods.

Ich gang jedi Wett i, dass Simple Minds hütt Abig au bi de schlimmschte Once Upon a Time-Schnulze e besseri Figur wärded mache. Durchschnittsstadionrock my ass, das Züüg hätt dänn wenigstens no e Melodie, wo me sich's drin bequem mache chan, statt sich z'langwiile

dEUS, woah tönt ja super. ich hoff die chömed nomal verbii. immer e wahnsinns band gsi egal i welere bsetzig. jede begnadet belgisch musiker chunnt offebar irgendwänn mal dur dEUS.

dEUS isch eifach wie immer s'Paradebispiel vo eme guete Rockkonzert gsi: Schnörkellos, professionell, abwächsligsriich, druckvoll und mit LULZ. 5 Lüüt, wo me vom erste Moment a ghört, dass es für sie i dem Moment schlicht und eifach kei Alternative zum zäme Musig mache gitt. Hätt stimmigsmässig in en ähnlichi Kerbe gschlage wie letscht Jahr de Grinderman. Natürlich hätt's au geschter wieder so Lüüt gä, wo dänn am Schluss bim Suds & Soda gfunde händ: Uff, ändlich eis vo de Alte, das neue Züügs isch nämlich nüme so guet, will viel z'straight und blabla. Möngels. Isch doch schissiglich, dass es chli straighter isch, wänn's sich so verdammt guet! und richtig! afühlt! Nämlich!

Bim Instant Street händs geschter im Verglich zu dem Livevideo am Schluss mindeschtens no zwei zuesätzlichi Ehrerundene anegleit - oder jedefalls isch es mir so vorcho

[zwirrlibatz]

Bierernscht ghört würkli nöd uf e Bühni. Simple Minds tät ich mir hüt au 807608760mal lieber ah als jedi sälbschtverliebti "wir produzieren hier was" Nerdcombo. Sebadoh isch vo dem her letschti grad sehr luschtig gsi. En Drittel vom Gig händs irgendwelche Chabis gschnorret und d'Songs sind ja au verspunne kurlig.

ich lueg grad uf youtube alles vom "dEUS @ 0110 concert against racism" gig. gueti qualität. sopr.

[zwirrlibatz]

Quelle

houlishittttttttttttttt

[zwirrlibatz]

ROTI FABRIK 3. DEZÄMBER!!!!!!!!!!!!!!

[Gurgelhals]

Was hani gseit?

[zwirrlibatz]

JAAAAAAAAAAAAAAAAAAAAAAAAAAAAAAAAAAHAHAHAHAHAHAH!!!!!!!!!!!!!!!!!!!!!!

[zwirrlibatz]

morn tix chaufe. grad 10 stuck. sowas passiert mir nüm.

[Gurgelhals]

Shit, es ganzes dEUS-Konzert und keis 75 Minute-Festivalset

[zwirrlibatz]

i dä rotä!!!


wo zwar rächt vollgstopft sii wird.

[O_O]

dEUS isch na guet.

[zeromeier]

dEUS isch na guet.

[Gurgelhals]

Ich gang jedi Wett i, dass Simple Minds hütt Abig au bi de schlimmschte Once Upon a Time-Schnulze e besseri Figur wärded mache. Durchschnittsstadionrock my ass, das Züüg hätt dänn wenigstens no e Melodie, wo me sich's drin bequem mache chan, statt sich z'langwiile

Hätt sich übrigens bewahrheitet. Und dänn händs de 'Celebrate' vo de Empires and Dance gspielt und alles isch perfekt gsi
...isch dänn aber leider de einzig vo de ganz alte Sache gsi. Ok, de 'Love Song' vo de Sons & Fascination händs au no bracht, aber dä isch ja bereits wieder eine vo de Koventionellere (aber: guete Bass).

Ah ja, er isch en:

[zwirrlibatz]

nödemal the american? theme for great cities? sweat in bullet?

[Gurgelhals]

Nüt, gar nüt. Sie spieled d'Hits, wo s'Publikum wott ghöre

Es churzes 75 Minute-Set, 13 Songs, 10 devo vo de New Gold Dream, de Sparkle in the Rain, de Once Upon a Time und de Street Fighting Years plus s'obligate Don't You Forget About Me - und dänn ebe no de Celebrate und de Love Song I de längere Konzert spieled's offebar amel no es paar meh vo de bessere/ältere Sache: The American, This Earth that You Walk Upon, Sons and Fascination, aber susch isch U2-sche Bombascht agseit und das ohni wenn und aber S'gliche Problem übrigens au bi de Manics: Es gradlinigs Greatest Hits Set. Isch eifach no blöd bi dene Bands, wo s'beschte Material nöd d'Hits sind. Aber ebe: Ich han mich voll uf das igstellt gha. Und nach em bierernschte Emo-Bombascht vo Archive hätt de Wohlfühlpathos vo Simple Minds irgendwie plötzlich sini Rechtfertigung gha.

PS: De Gitarrischt isch mer chli uf de Geischt gange. Er hätt zwar sichtlich de Plausch gha, aber dänn immer so penetrant grinset und er gseht inzwüsche au so us, als chönnt er au bi Supertramp oder Status Quo spiele

[Gurgelhals]

Wänn's eso gsi wäred


Quelle