The(G)Forum

Verdammte schissdräck !
Ich reg mi grad uf über s einte wei-ya monitor chassis im Cab. Sync problem. Fuck !

Susch isch alles guet.

Rege mi chlei uf dasi gsperrt bi uf Ricardo, wüu dr Kolleg z Zügs nid oder Superspät isch goh hole woni für ihn ersteigeret ha. Tja. Never trust a Arbeitkolleg

abyss hat geschrieben: ↑23 Nov 2023 18:05 Rege mi chlei uf dasi gsperrt bi uf Ricardo, wüu dr Kolleg z Zügs nid oder Superspät isch goh hole woni für ihn ersteigeret ha. Tja. Never trust a Arbeitkolleg

Never ever! En gueti Lektion.

Huere Laridari ischer. Aber mou luege obi wiedermou entsperrt wirde…

Lüüt, wo Schueh id Wöschmaschine tüend. So Lüüt müesst me am Nacke Packe und ihri Frässi id Hundescheisse drucke, demits lerned.
Mit dänne Schueh laufsch überall umme, uuf öffentliche WCs, am Bahnhof, uuf dä Strass, weiss dä Geier, wo überall innegloffe bisch, nacher tueschs id Wöschmaschine, mit däre dä Nächscht siin Chopfchüssibezug wäscht. So fucking gruusig Mann.

Bei aller Aufregung sollten wir nicht vergessen, dass Al Bundy 1966 vier Touchdowns in einem Spiel gemacht und den Polk High School Panthers damit zur Stadtmeisterschaft verholfen hat.

Wow huere lustig fängs...
jedes Jahr d Krankekasse wächsle, well die Wixer de Hals nid voll krieged...
Wer söll das alles no zahle?

Jetzt wo sich de 2. und 3. Süle nöme lohned hesch me Geld für d KK zur verfüegig

...über post. aber di chinesisch.

ha am 1. februar bi ebay en chip für e reparatur bstellt. vorussichtlich hätt er sölle ca. 28. februar ihträffe.
im märz hani am verkäufer gschribbe und er seit no mal chli warte....
irgendwenn isch bewertigserinnerig vo ebay choo. de chip hani natürlich nanig erhalte. denn wider gschribbe und s geld zrugg verlangt.
geld ohni grossi faxen grad zruggerstattet becho.

was chunnt echt hüt mit de poscht ?
de fucking chip. also eigentlich sötti ja de plausch ha für de gratis chip aber 3 mönet warte für es chlises schissbriefli

post häts glaub momentan nöd eso guet mit mir.

ha vor drü wuche e tracking nummer übercho für en joystick us florida.
jetzt isch das päckli DRÜ wuche in florida chrüz und quär umenand grasslet
und jetzt gahts zrugg zum verkäufer. USPS fu*k U, inkompetenti a-löcher

aso fedex isch da ei million mal besser

Korruption, hed defür un dewider.

turntablism hat geschrieben: ↑23 Mai 2025 12:49 post häts glaub momentan nöd eso guet mit mir.

ha vor drü wuche e tracking nummer übercho für en joystick us florida.
jetzt isch das päckli DRÜ wuche in florida chrüz und quär umenand grasslet
und jetzt gahts zrugg zum verkäufer. USPS fu*k U, inkompetenti a-löcher

aso fedex isch da ei million mal besser

UPS hett gnau au min DOOM Xbox Controller "verlore" und denn nach 2 Wuche "gfunde" aber zrugg zum Absender gschickt die Tümmschte sinds!

Schiss Bude, Schiss HR...
Tochter hed hert Windpocke. Ich säge de Firma: ich müsst nur morn fri ha wäg dem. De rest hani chönne organisiere. Was meined die? Für das bruchsch es Arztzügnis...

Äh zum 1 Tag fähle es Arztzügnis? Ja!

Oh ok, danke für d Info.

Morn schick i denn es Email: Hier das Arztzeugnis. Wir sehen uns nächste Woche. Viel Spass auf der Arbeit ihr Loser...

hä? chasch doch 2 täg eh chrank sii ohni zügnis?

wenns nach 1 tag scho eis verlanget, haends bi oi wohl d schruube azoge

Sie meint: Ja als Mitarbeiter muss mer erst am dritte Tag.. Aber wenns s Chind isch muss Arztzügnis scho am erste Tag. Sust chönnt ja jede cho mis Chind heigi dies und das.
Has nid so ganz verstande, was die Trulla hed welle... Holi Nuss isch si.

I de meiste Firme isch es so: Ab Tag 3 es Zügnis. Aber es isch de Firma überlah. Han mal inere Bude gschaffed, die hend scho am erste Tag eis welle. Was leider legitim isch.

Aber weisch, mir hend hie jenstes Lüt, wo ohni scheiss 1x im Monet chrank sind. Mir hend hie ganz viel so Vögel. Sitt Jahre interessiert das kei Sau und es wird nix gmacht. Aber jetzt hie schwierig tueh?
Ich wo sälte chrank bin muss ez sone scheiss über mich lah ergah? Mini Tochter isch jetzt Füfi gsi und i de ganz Zyt hani genau einmal ein oder zwei Täg wäg ihre müsse frii näh und jetzt tünds so blöd.?

Lug liebi Bude, sones Arztzügnis chosted mich Gäld und wenn i de so eis für 3 Täg han, blibi au fröhli drü Täg dehei anstatt nur eine. Mongos...
Und was söll i jetzt mache? Wenn sie mal chli schnupfe hed und ich mal n Tag müsst luege? Immer gad zum Arzt, Zügnis lah gäh, denn ein Tag luege und zwei frii mache? Geil oder!

Bisch halt nid vom HR... Die mached das alles super nach Gesetzt.. Macher mir au so.. Nid immer uusruefe

Nach Art. 329h OR bekommt der Mitarbeitende bezahlten Urlaub für die Zeit, die zur Betreuung des kranken Familienmitglieds notwendigist, maximal jedoch höchstens 3 Tage pro Ereignis.

Der Mitarbeitende muss mittels Arztzeugnis nachweisen, dass ein Familienmitglied krank ist.
Zudem muss der Urlaub zur Betreuung notwendig sein. Ist bspw. ein Elternteil permanent zu Hause und geht keiner externen Beschäftigung nach, darf davon ausgegangen werden, dass dieser Elternteil die Betreuung des kranken Kindes übernehmen kann und kein Care-Urlaub des arbeitstätigen Elternteils erforderlich ist. Auch wenn ein anderes Familienmitglied für die Betreuung verfügbar ist, wie bspw. die Grosseltern, ist ein Betreuungsurlaub unter Umständen nicht notwendig. Andererseits darf dem Mitarbeitenden der Anspruch nicht abgesprochen werden, nur weil eine andere Person ebenfalls Anspruch auf einen Care-Urlaub geltend machen könnte. Ob eine Betreuung notwendig ist, hängt auch vom Grund der Krankheit und vom Alter des Kindes ab. Je älter das Kind (Bsp. Teenager) und je weniger gravierend die Krankheit, desto eher kann davon ausgegangen werden, dass das kranke Kind keine permanente Betreuung durch einen Elternteil mehr benötigt.
Die Dauer des Urlaubs beträgt maximal 3 Tage pro Krankheitsereignis. Dauert die Krankheit länger, endet der Urlaub für dieses Ereignis trotzdem nach 3 Tagen. Pro Jahr ist der Urlaubsanspruch nach Art. 329h OR auf insgesamt 10 Tage begrenzt.

Was mich defür viil meh regt isch das ich bim Dokter im schnitt 30-60 Minute im Wartezimmer hocke muess.. Was das dVolkswirtschaft choschte die huere Warterii. Das regtmi viilicht.. Vorallem will nachheräs Gspräch mitem Arzt genau 3 Minute gha... Echt muesham das...

bi eus isch es sogar so, dass die erste 3 täg wenn chrank bisch unbezahlt sind. will immer so viel blau gmacht händ liidet jetz alli drunder.
defür chunsch 3 ferietäg zuesätzlich über, wenn 1 jahr ned chrank gsi bisch.

ich bin jetzt schon 5 jahr ned chrank gsi chumi halt mit fieber und hueste is büro.

chasch au 3 ferietäg dra gäh, wenn dir de chole lieber isch.

dumms system. regt mi grad wieder uf!

Das findi chli kontraproduktiv will de d Lüt gnau chrank chömed go schaffe und die andere astecked.

meyerli hat geschrieben: ↑24 Jun 2025 06:44 Das findi chli kontraproduktiv will de d Lüt gnau chrank chömed go schaffe und die andere astecked.

jup. genau so isches!

3 täg unbezahlt? Wenn vom erschte tag a es arztzügnis hesch verhebt das im fall arbetsrächtlech ned, ämu ned be astelligsverhältnis im monetslohn.

Struube arbetgäber

Grisu hat geschrieben: ↑24 Jun 2025 07:28 3 täg unbezahlt? Wenn vom erschte tag a es arztzügnis hesch verhebt das im fall arbetsrächtlech ned, ämu ned be astelligsverhältnis im monetslohn.

Struube arbetgäber

ja-ein. wenns vertraglich so greglet isch und du das so unterschriebsch, äbe scho.

und ja: struub. da hesch rächt. darum regts mi au so uuf!

ich bin jetzt aber 22 Jahr i dere Bude, kännes ned andersch.

De hets demfall aber glich en huefe guets zum dete Schaffe, bi 22 Jahr.
Sit dis Büsi hesch bisch demfall dete

Isch halt scho bitz en eisiitig Sicht wemmer das nur us Arbetnähmer sich alluege.. .Bi üs im Betriib sind Krankheitsstunde so (ca. 50 Mitarbeiter) das übers Jahr ca. immer 3 lüüt fähled infolge Chrankheit und Unfall und so... Das isch hevy.. Das sind über 5%.... Siit Corona hett das extrem zugno... Und ich han verständnis für so Züügs mit 3 Täg unbezahlt und so... Mier überlegged üs scho lang wiemer die Chrankheitsstunde mit Prävention, Gspräch und und und chönd abebringe... Isch eifach übel...

Master(G) hat geschrieben: ↑24 Jun 2025 07:46
ja-ein. wenns vertraglich so greglet isch und du das so unterschriebsch, äbe scho.

muess nid si. bi ja nid arbeitsrächtler, aber es git einigi sache, wo o denn rechtswidrig/ungültig si, wenn's beidi parteie ungerschriebe hei...