Waffeninitiative

[Avenger]

s läbe isch kei ponyhoof.

[evo]

me ka nit dr ganz tag nur gstreichlet und gritte wäre! verdelli nomal!

[blackraini]

lulz, no 17 Täg

Aber isch scho übel wia sie d' Schrube ide letschte Jahre azoge händ im WK (bi de einte Verbänd)... am 1. Tag Fahnetürk inkl. 28km Nachtmarsch bi Rege und Biwak - ha grad gmeint, i müessi nomal id RS dr Rest vom WK hani de uf dr Wach verbracht und 150 Film gluagt
Z' Elm bini grad am 1. Tag zum Kadi, super Sach gsi - 1 bis 2h putze pro Tag und dr Rest vom Tag lese, spaziere, schlafe, Film luage, ir Kuchi umepimpla und Bier trinke, während dia andere im Schnee hockend und Check-Point übend oder sich bi -15 Grad d' Füess abfrührend

... gli abgschlosse und de gits no Geld zrugg

[Reinforced]

... gli abgschlosse und de gits no Geld zrugg

kunnt aber nid vo alleini gell, muasch zrugg fordara...

[blackraini]

i weiss, merci

[emP]

... gli abgschlosse und de gits no Geld zrugg

kunnt aber nid vo alleini gell, muasch zrugg fordara...

wo? ig ha glaubs mal us studi 100 st0tz oder zahlt...


di wotti o zrügg

[Spaghetti]

Gester isch mis DB zrugg cho. I ha schnell mini Diensttäg bis jetzt zellt. Scho 616 Täg i dem Verein und trotzdem ha i Ja gstummä

[evo]

Scho 616 Täg i dem Verein

holy. und do soll eine sage die tuusig stotz pro johr würde sich nit lohne

[NERV]

Bis wie alt muess ich die Ersatzabgab eigentlich no zahle? (Wirde das Jahr 30gi).

[Skeletor]

Gester isch mis DB zrugg cho. I ha schnell mini Diensttäg bis jetzt zellt. Scho 616 Täg i dem Verein und trotzdem ha i Ja gstummä

nöd trotzdem, sondern genau wäg däm.

händ sich ja no öpä diä offizier pro initiative g'üsseret.

[Spaghetti]

Gester isch mis DB zrugg cho. I ha schnell mini Diensttäg bis jetzt zellt. Scho 616 Täg i dem Verein und trotzdem ha i Ja gstummä

nöd trotzdem, sondern genau wäg däm.

händ sich ja no öpä diä offizier pro initiative g'üsseret.

Isch richtig, ufgrund mini Erfahrigä im Militär isch es kei gueti Idee, dass jedä ä Waffä zuhause het!

[Gurgelhals]

Bis wie alt muess ich die Ersatzabgab eigentlich no zahle? (Wirde das Jahr 30gi).

Bis und mit 31gi soviel ich weiss. Chönnt au 32gi si, bin nöd ganz sicher.

[zwirrlibatz]

eh, lieber staatlich verordnet s'hirni abstelle statt zahle.

[NERV]

Bis wie alt muess ich die Ersatzabgab eigentlich no zahle? (Wirde das Jahr 30gi).

Bis und mit 31gi soviel ich weiss. Chönnt au 32gi si, bin nöd ganz sicher.

ögg, i dem Fall nüme lang und ich han en Lohnerhöhig vo ca. 1'500.00 / Jahr. Mega.

[Jones]

i ha die letschte 3-4 site itz churz überfolge! hätti alles gläse, wäri äuä vor lache vom stuehl gheit! (o e art waffelose suizid! )

i bi nid gah abstimme, wiu's mir ziemlech egal isch gsi!

fakt isch eifach, dass bi anahm dr schützesport gstorbe wär! mi persönlech trifft das zwar nid aber guet findis wäge däm no lang nid! und wäm's nüt seit, söu die spass am schiesse lah ha, wo äbe spass hei!

im übrige hei sowohl d'gägner, wie o d'befürworter absolut lächerlech argumentiert:

SVP: e rächte schwizer muess sich und sini familie chönne verteidige! -> ja wie bitte schön OHNI munition? (legali meini)

SP: e suizid im affekt chönni verhinderet wärde, wenn d'waffe nid däheim isch! -> ja wie bitte schön OHNI munition? (äbefalls legali)

wenn eine im vorus i waffelade geit gah munition choufe, het dass doch nüt meh mit affekthandlig z'tüe! de wär gloub im übrige z'nächschte bahngleis näher als dr nächscht waffelade!

dumm hani gfunde, dass sowohl d'befürworter wie o d'gägner mit zahle vom BFS argumentiert hei und beidi hei öpis total anders verzapft! das cha ja nid si oder?

das ewige "d'schwizer si dumm und löh sich vor SVP lah verfüehre" isch langsam aber sicher eifach sooooowas vo usglutscht, dass ig über das argumänt nume no cha lache! insbesondere bire initiative, wo o vom BR abglehnt wird! aber wahrschinlech si d'befürworter und ja-stimmer die einzige lüt ir ganze schwiz, wo no säubschtständig chöi dänke!

[Scarface]

weniger autostüürezahle

[Avenger]

de wär gloub im übrige z'nächschte bahngleis näher als dr nächscht waffelade!

das hingege wär total behämmeret und e schuss i ofe. de arm Lokfüehrer! De besser deheime i de eigete vier wänd.

[Jones]

das hingege wär total behämmeret und e schuss i ofe. de arm Lokfüehrer! De besser deheime i de eigete vier wänd.

was heisst da "wär" ?
z'bahngleis isch itz scho viu beliebter als z'sturmgwehr!
und hätt meh allne z'sturmgwehr wäg gno, wäre sehr wahrschinlech no meh lüt ufs gleis!

wenn eine wott gah, de geit er o! egal wie! und ig bi dr meinig, dass WENN sich eine scho wott umlah, dass er denn wenigstens müglechscht wenig frömde lüt söu psychische schade mit sire tat zuefüege! und mitem ufs gleis gumpe isch das äbe fasch immer dr fall!
-> zugfüehrer, rettigschräft etc...

die waffeinitiative im zämehang mit suizid findi eifach generell ziemlech dumm...
hüslechi gwalt lahni da eher la gäute... wobi die eigentlech fasch immer verbal/körperlech oder mit mässer / gägeständ stattfindet... z'stgw isch da nid so gross verträte, wie meh chönnt meine, wenn meh gwüsse exponänte vo dere initiative zuelost...

[Avenger]

und hätt meh allne z'sturmgwehr wäg gno, wäre sehr wahrschinlech no meh lüt ufs gleis!

wenn eine wott gah, de geit er o! egal wie! und ig bi dr meinig, dass WENN sich eine scho wott umlah, dass er denn wenigstens müglechscht wenig frömde lüt söu psychische schade mit sire tat zuefüege! und mitem ufs gleis gumpe isch das äbe fasch immer dr fall!

Wahr! Isch glich wie bim ab der Brügg gumpe, do isch ou ds Risiko vorhande eine ds treffe. Mi Vater het vor viele Johre bi der Ambulanz gschaffet. D Reste vo dene Zug-Selbstmörder zämelese isch nid lustig gsi.

[Jones]

ja dä cha sicher es liedli dervo singe...
mi hets zum glück no nid troffe mitere zugliiche und i hoffe, es blibt o so! chani guet druf verzichte! de lieber eine, wo sich d'rüebe wägblase het!
schön isch beides nid aber zugliiche si gloub würklech öpis vom hässlechste...

[Reinforced]

mir sind geschter go zNacht Esse in Thun und wer hocket näbet üsem reservierte Tisch ?

[SinGinSmith]

Bis wie alt muess ich die Ersatzabgab eigentlich no zahle? (Wirde das Jahr 30gi).

Bis und mit 31gi soviel ich weiss. Chönnt au 32gi si, bin nöd ganz sicher.

ögg, i dem Fall nüme lang und ich han en Lohnerhöhig vo ca. 1'500.00 / Jahr. Mega.

Das seit Wikipedia

"Dienstuntaugliche bezahlen die volle Abgabe bis zum vollendeten 30. Altersjahr."

Nur, Frag isch jetzt was heisst das.

- Wenn demit gmeint isch "i dem Jahr wo 30i worde bisch" denn zahlsch nur no das Jahr
- Wenn demit gmeint isch "i dem Jahr wo s 30. Altersjahr abgschlosse isch und 31i wirsch" denn zahlsch no das und s nächst Jahr

[kraut]

isch nid z altersjahr z gliche wie z läbesjahr? de wär z 30. altersjahr das zwüschem 29. und 30. geburi. und i däm fau müesst der nerv nüm lang zahle!

[G-ay-lien]

isch nid z altersjahr z gliche wie z läbesjahr? de wär z 30. altersjahr das zwüschem 29. und 30. geburi. und i däm fau müesst der nerv nüm lang zahle!

Sehr richtig
Wennd din 30. Geburi fiirsch hesch s 30. Lebensjahr vollendet.



Eifach z'rekonstruiere wennmer anes Baby denkt wo de 1. Geburi fiired.

[SinGinSmith]

isch nid z altersjahr z gliche wie z läbesjahr? de wär z 30. altersjahr das zwüschem 29. und 30. geburi. und i däm fau müesst der nerv nüm lang zahle!

Sehr richtig
Wennd din 30. Geburi fiirsch hesch s 30. Lebensjahr vollendet.

Das heisst demfall er zahlt nur no das jahr. Fair