The(G)Forum

Sylvara hat geschrieben:'klassiker' sind guet und recht, aber wenn zwei literaturstudium hinter dir hesch, denn hesch o mal es zytli gnueg vo de "grosse name" und machsch e boge um die schöne penguin, wo im stauffacher ds vorderst stöh.

Guet, das hed sicherlich öpis. Au wemer natürlich mues sägä, dass es so viel sind, das wahrschindlich au diä Literaturstudium nur en Teil händ chönä abdeckä (das sägi jetzt eifach mol so, ohni jeglichi Kenntnis vo Literaturstudiä...).

Sylvara hat geschrieben:zudem het's mit qualität höchstens sekundär z'tue; die meiste sogenannte klassiker werde ersch vo dr nachwelt eso empfunde. mer cha natürlich scho immer nur rückwärts läse, was anderi bereits selektioniert hei - aber i finds ebe recht lässig super büecher scho ds entdecke, wenns usechömet. isch ja nid so, dass klassiker i dr gegewart nonid guet si....

Ja klar, ich han nur gmeint wägäm "nüm wüssä was läsä"... denn chamer ebä immer zu so eim Griffä, und d Wahrschindlichkeit dasses nid en totalä Seich isch isch relativ gross.

Neui Büecher sueche isch sicher lässig, aber ich han au chli s Gfühl dasses echli e schwierigs Thema isch, und mer würklich mues irgendwo im Randbereich go sueche, sit jedä meint er müessi en Bestseller schribä. Das gsehdmer jo au scho dra dass diä sälbschternanntä Literatur Mänschä scho fäng im Pseudoskandalösä sueched und irgendwelchi komischi Büecher ufäjubled... (ohni jetzt z negativ tönä z welä, es git au hüt tolli Büecher, kei Frog (öbs allerdings vili git wo lang werded Bestand ha bezwifli es bitz). Mir löschts halt eifach bi vil neuem Züg scho ab weni nur devo ghör... echli unfair, aber isch halt so.

All diä Literaturmässä mached mi fertig.

Mja, das verstah ich scho...ich lise grundsätzlich garkei literatur-empfehlige oder kritiker, zumne grosse teil unglaublich nervigi wichtigtuer. usserdem lies ich vieli genre, wo für so lüüt eh "unwürdig" sind. büecher sind halt leider genau so srs business, wie alles andere o. ds internetz isch aber recht guet zum stöbere; luege was lüüt lese, wo e ähnliche gschmack hei wie mer selber oder was autore empfehle, womer gern liest usw. für das isches super. und denn halt uf guet glück.

klassiker liesi sicher wieder, abdecke chamer das nie. aber bi klassiker sind d'voruussetzige zum lese eifach vo aafang aa scho anders, da isch es label und i gwüsser wiis e vorbelastig füre leser, dere er sich chuum cha entzieh. e klassiker chamer nie 'eifach so' läse und vo dem han ich momentan gnueg. "hellou, ich bin e klassiker. tuusigi vo mensche vor dir (und mensche, wo gschiider sind als du) hei mich als super befunde. du chasch entweder zum gliiche schluss cho oder falsch ligge".

öppe so isch das, für mich. mer cha scho kritisiere, aber grundsätzlich e anderi meinig ha? "what's wrong with you?" und das ligt sicher o bitz am studium, resp. a dr art und mengi wiemer dert mues läse und mit wem.
i liese gern mal sache, wo mini meinig wenigstens gliich alt isch wie die vo de andere, he he..

Sylvara hat geschrieben:ich liese vermehrt biographie im moment, ev. suechi da mal bitzli wiiter.

Miles Davis! au wenn eim d'musig nöd zueseit isch es immer no es faszinierends ziitbild gschriebe vomne faszinierende mänsch.

Sylvara hat geschrieben:à propos - ich ha no öppe 2 meter reclam im keller, woni mues loswerde.
kei bibliothek nimmt das züüg und büecher furtrüehre geit garnid. hmmm..

verbränne.

ketzer

na wemme e chachelofe hett dänkt me halt usserhalb de büchs.

zwirrlibatz hat geschrieben:

Sylvara hat geschrieben:ich liese vermehrt biographie im moment, ev. suechi da mal bitzli wiiter.

Miles Davis! au wenn eim d'musig nöd zueseit isch es immer no es faszinierends ziitbild gschriebe vomne faszinierende mänsch.

super

nau riiding -

Ha geschter das empfohle becho, chaufes dänn morn.

bstellt uf empfehlig -

The Magus (1966) is the first novel written (but second published) by British author John Fowles. It tells the story of Nicholas Urfe, a teacher on a small Greek island. Urfe finds himself embroiled in psychological illusions of a master trickster that become increasingly dark and serious.

The novel was a bestseller, partly because it tapped successfully into—and, arguably, helped to promote—the 1960s popular interests in psychoanalysis and mystical philosophy.

bin öppe en drittel im neue Moers. viel orm isch da nöd grad. er laferet elllllllllllelang mit tuusig adjektiv über langwiiligs züg. isch das scho immer so gsi aber mir nie ufgfalle oder isch das tatsächli nur en müede versuech en alte, früehner mal originelle stil über d'runde z'bringe?

also doch

Sylvara hat geschrieben:lol tönt chli so als ob dr Moers eifach sehr verliebt isch in sini eiget chlii welt und sich super unterhalted, indem er mal 70 siite über dieses oder jenes detail schriibt - dr 0815-leser findet das vilicht weniger toll.

ich würd mich jetz nöd grad als 0815-leser bezeichne. han ehner s'gfüehl de neu da isch was für lüüt wo näb em moers nonie irgendwas bitz komischs gläse händ.

zwirrlibatz hat geschrieben:ich würd mich jetz nöd grad als 0815-leser bezeichne. han ehner s'gfüehl de neu da isch was für lüüt wo näb em moers nonie irgendwas bitz komischs gläse händ.

ja-ha. nur ischs ebe no es schlechters zeiche, wenn als moers-kenner zum gliiche schluss chunnsch.
weiss nid ob ig's überhaupt no mag läse; bi scho bim letzte enttüscht gsi.

als nächsts machi mi a Ignaz dra und a Joe Abercrombie.
ds dritte Lynch buech isch immerno nid duss.
ahja und das da endlich mal -

Sylvara hat geschrieben:ja-ha. nur ischs ebe no es schlechters zeiche, wenn als moers-kenner zum gliiche schluss chunnsch.
weiss nid ob ig's überhaupt no mag läse; bi scho bim letzte enttüscht gsi.

ich bin öppe ersch en drittel drin und das zimli ernüechtert. vilech gahts dänn ja no ap.

Ignaz

muesch verzelle dänn.

ich han jetz grad de Neverwhere vom Gaiman brcho. nonie was gläse vo ihm. han aber no drüvier büecher vor ihm dran.

zwirrlibatz hat geschrieben: ich han jetz grad de Neverwhere vom Gaiman brcho. nonie was gläse vo ihm. han aber no drüvier büecher vor ihm dran.

supr!
unbedingt o American Gods und Good Omens.

Weg de Reclam Büecher: am Beschte bringsch es anere UNI Fachschaft. Die sind immer froh um Büecher.

Bim zügle gfunge und grad wieder glese:



Immer no es super Buech. Mit Kapitel vo A bis Z und natürlich in roter/grüener Schrift. Der Michael het es Buech in 3D gschriebe bevor überhaupt öpper devo het gredt, höhö. Der Vollständigkeit halber sött ig d Filmversione luege, Zit wärs.

Aber das ist eine andere Geschichte und soll ein andermal erzählt werden.

jetz chönntsch no grad dr Jim Knopf wiedermal läse.

Avenger hat geschrieben:Der Vollständigkeit halber sött ig d Filmversione luege

besser nöd.

yo lüütlis

händer scho mal überleit eu en amazon kindle z'bsorge?

pro kindle:
-die meischte büecher list me numme ei mal und dänn vlt. nach 5-10 jahr nomal.
-büecher nämmed viel platz ii
-au underwegs immer uf mehreri büechr gliichzitig zuegriff ha, mal e luftig-liechti moderni romanze, mal fantasy/sf, mal wieder es reclam, mal es sachbuech je nach luscht und luune

contra kindle
-büecher gsehnd toll us und es volls regal mit bunte und schlichte büecher gseht au toll us
-büecher sammle macht au schpass vorusgsetzt me hät die benötigte rüümlichkeite
-büecher chammer öppertem uslehne
-nüt geilers als es neus buech im tram oder uf em bett läse und wämmer mit em buech fertig isch, häts falte im buechrugge, MEH HÄTS DUREGLÄSE UND ES HÄT SCHPASS GMACHT HHAHAHA

ok verzelled, ich will eui meinig ghöre. die meischte vo eu händ wahrschinli kein kindle und wännd au keine. ich wird mer sehr wahrschinli au keine bsorge. aber chum mir redet trotzdem es bitz drüber, villicht hät eine vo eu en kindle und chan verzelle und dänn chauft sich en andere vo eu au en kindle und so wiiter hahahaha.

ps: mir tuets würkli weh es buech furtz'rüehre. ich chan das nöd. egal ob lustiges taschenbuch oder marsupilami oder 20000000 lgeaus ander the sea. ich liebe büecher gopfertori.

pps: macheder gebruch vo bibliotheke und exila tuuschbörse (aber numme in bezug uf büecher)!!??? d'pestalozzi bibi isch toll und wänni es buech us de bibi durehan dänki sälte "ou ich mun mer das jetzt no chaufe"..

ES ISCH E SCHWIERIGI ENTSCHEIDIG WÄNN ICH 15K PRO MONET VERDIENE WÜRD MUESSTI MI NÖD ENTSCHEIDE, KEIN KINDLE, WILL ICH HETT DÄNN EN RUUM NUMME FÜR BÜECHER!!! : )

Ig ha e Kindle 3G für 199 Dollar kouft vor chly meh als emne Jahr. Ha ne mängisch bruucht, derzit ligt er aber ungnutz desume. Lehn doch mal e Wuche zwöi eine uus vo öpperem, git dr öppe dr bescht Iidruck. I beröie mi Chouf ke Sekunde.

zwirrlibatz hat geschrieben:

Avenger hat geschrieben:Der Vollständigkeit halber sött ig d Filmversione luege

besser nöd.

hesch recht gha.