V: Arcade Sammligsuflösig: alles verkauft!

[turntablism]

Hesch voll abgschlosse mit arcade ?
Gar nüt phaltet, keis cab, kei pcb ? oder nur no mame ?

[The Sheep]

Als Sammler hani abgschlosse. Ich halt nüt devo es paar bsunders wichtigi Platine zbhalte. Das wäre bi mim Gschmack sowiso relativ vili Games.

Spiele chamer Arcade Games uf verschiedeni arte. Als Konsoleumsetzig, als Emulation oder ebe original uf Platine.
s'letschte isch in mine Auge immer sgeilschte gse, und da wird sich au nüt ändere. Zitat David Lottaz: "Nur Halle ischs Wahre!"
Aber es isch mit viel Zit, Gäld und Platz verbunde. Ich han das fascht 30 Jahr lang gmacht und ich hans gnosse. Aber wenn mol fascht alles in der Sammlig hesch was je hesch welle ha, isch d'Luft irgendwenn dusse..
Aber s'Inträsse an Arcade Games blibt natürlich bestoh. Und ich han ja au täglich demit ztue in der VSA.

[geosnow]

chasch au eifach mal wieder e platine chaufe oder uslehne.

[m.o.terra kaesi]

oder chasch jetzt weder vo vore ahfo. händ do jo au scho paar gmacht

[Zoran]

Ich han au fascht kei Platine me han all am Brüeder ge, defür hät er mittlerwile fascht wieder all woner hät wele und gha hät früehner. Uf jede Fall hani ufem Blast City e Multiboardlösig mit Mame für horizontali Games und ufem Super Neo 29 sgliche für vertikali Games. Muess säge bin sehr happy demit. De Kolleg hät mal Game für Game perfekt igstellt. Zuedem hani no ufem Naomi DX en Type X 2 drin mit Type X Spieli und Edgdw Mame isch au druf und sgliche ufem Taito VLX. Uf jede Fall langed dEmulation voll und ganz. Aber klar orginal isch orginal ich find eifach sumstecke mega müehsam so chasch vonere Lischte uswähle und game und Pause drucke und i paar Sekunde bisch scho im nöchschte Game drin. Arcaddumsetzige ufem Mega Drive und SNES sowie ufem FM Towns und Sharp X68 spili au

[Panther]

aber verleitet das nit chli zu "durrezappe" als ei Spiel länger spiele? Mängisch dänki hei paar wenig gueti Spiel meh Herz als jedes Game zha miese...nüt gege Emulatore, ha aber gemerkt dass ich denn viel aazockt ha aber nüt richtig...

[Zoran]

Da muend der au rächt ge, aber mit de Favorite isch es halt e so mer fangt mal an und dänn werdeds immer me. Mini Sammlig isch damals so uf ca. 110 Spieli gwachse und das isch wenig im Veglich zu andere da im Forum wo so 300 pcbs händ ...uf jede Fall hani mini top Favoriten und die spieli vo Zit zu Zit wieder dure und sguet bi de Arcadegames isch, dass mer gwüssi scho na 15 Minute durehät oder so 30 Minute und somit chan mer dänn sich ufs nöchschte konzentriere.

[geosnow]

ich finde grad MD usetzige recht geil. au uf em Saturn gits lässigi ports. Ich han selber glaub öpps 45 Platine, aber 5 wotti no los werde. wobi ich geschtert no es 19XX kauft han. ich chans eifach nöd lah. mues es mal mit de saturn version vergliche.

sind eigentlich d saturn ports uf de capcom collections alles emulatore?