The(G)Forum

meyerli hat geschrieben:

Marco_in_motion hat geschrieben:was heisst eigentlich "NOS"?

New Old Stock

Es alts, unbruchts Teil.

NOS isch selte, aber uf em AO verchauft eine sehr gueti Repros, wenn no suechsch.

das stimmt de Börgi hät en neue Jammastecker ibaut

geosnow hat geschrieben:und din pris?

Wie gseit - da müestisch Du mir es entsprechends Aagebot mache, ich wott das Grätli ja eigentlich nid verchauffe. Ich glaub aber nid, dass mir üs da einig wärded, Du hesch eifach es anders Verständnis vo dr Sälteheit vo somene Grät.

geosnow hat geschrieben:NOS isch selte, aber uf em AO verchauft eine sehr gueti Repros, wenn no suechsch.

Bi de neuere Cabs wie Super Neo 29 und Astro City sind die Repros sehr nöch am Original, will original au relativ billigs Standardplexiglas ohni grossi Nachbearbeitig verwendet worde isch. Bim Candy 18 isch s'Original aber um Wälte besser, d'Kante sind agschrägt (somit en super Belüchtigseffekt) und s'SNK-Logo mit Filet isch druflackiert.

Das isch ebe mit en Grund, werum ich die "alte" Candy Cabs bis so ca. Aero City so lieb: Dört isch no alles us Metall, hesch e massivi Glasschibe vorem Screen und richtig hochwärtigi Marqueeholder. Bi de neuere Cabs het mer denn abgseh vom Monitor scho gseh, dass au d'Japaner agfange hend z'spare und vil meh us Plastik isch. In dr Folg hesch denn z.B. die bekannte Riss underem Control Panel bim Blast City ...

Ja leiider... däfür tönt er am beste

Marco_in_motion hat geschrieben:Ja leiider... däfür tönt er am beste

Ja solang d'Sicke vo de Lutsprächer no in Ordnig sind - was leider oft nid dr Fall isch:
Ich persönlich find s'Blast es ziemlich müehsams Cab:

- gschtabig und schwer ohni Ändi im Verglich zu andere Cabs mit 29-Zöller
- obermüehsam zum de Monitor drähe, dä Siech hockt richtig dört im Loch drin
- d'Potis uffem Chassis sind ultraschlächt zuegänglich wenn drah wotsch schrube und glichzytig uffe Screen luege
- en Mega-Kabelsalat in däm Teil wenn de numme wotsch Jamma-zügs spiele
- wenn mer hauptsächlich Low Res spielt wie ich denn isch s'Bild zwar guet, chunnt aber gliech nie anen guete Low Res only Monitor ane
- huremüehsame Stromunterbrechigschnopf bi dr Servicetür und meischtens lärmende Ventilugger vom Netzteil (in 90% vo de andere Cabs hets au kei so Seich drin)
- vil Problem mitem Chassis wo denn sälbscht erfahreni Radio/TV-Elektriker ratlos sind
- 80% isch us Plastik an däm Teil

Spieglet sich jo au im Priis vom Blast wieder => für en Trisync isch das Ding ziemlich günschtig z'ha ...

vectrex hat geschrieben:
Wie gseit - da müestisch Du mir es entsprechends Aagebot mache, ich wott das Grätli ja eigentlich nid verchauffe. Ich glaub aber nid, dass mir üs da einig wärded, Du hesch eifach es anders Verständnis vo dr Sälteheit vo somene Grät.

Ich han ja scho 2 gah und für 200 und 650 uselah. alles forum friends priise.

Aber dini Arbeit zahli gern.

geosnow hat geschrieben:Ich han ja scho 2 gah und für 200 und 650 uselah. alles forum friends priise.

Aber dini Arbeit zahli gern.

Ja ich weiss ich han damals au zwei für 300.-- kauft und wieder verchauft. Aber irgendwenn wird halt das Züg sälte (ich ha scho johrelang keine meh uff Ricardo gseh) und wenn denn immer no e gwüssi Nochfrog do isch denn gönd d'Priise ufe. E Truxton-PCB choschtet au nüm das wosi vor 10 Johr mal koschtet het - es isch schön in Nostalgie z'schwelge aber d'Realität gseht halt mängisch anders us.

Fazit: Ich bhalt das Cab lieber suscht närv ich mich denn numme sobalds wäg isch

mir sind eifach zdumm gxi und hand diä cab em Wals verchauft. Er hät diä denn grad nach Paris verchauft.

vectrex hat geschrieben:

Marco_in_motion hat geschrieben:Ja leiider... däfür tönt er am beste

Ja solang d'Sicke vo de Lutsprächer no in Ordnig sind - was leider oft nid dr Fall isch:

Download (2).jpg

Ich persönlich find s'Blast es ziemlich müehsams Cab:

- gschtabig und schwer ohni Ändi im Verglich zu andere Cabs mit 29-Zöller
- obermüehsam zum de Monitor drähe, dä Siech hockt richtig dört im Loch drin
- d'Potis uffem Chassis sind ultraschlächt zuegänglich wenn drah wotsch schrube und glichzytig uffe Screen luege
- en Mega-Kabelsalat in däm Teil wenn de numme wotsch Jamma-zügs spiele
- wenn mer hauptsächlich Low Res spielt wie ich denn isch s'Bild zwar guet, chunnt aber gliech nie anen guete Low Res only Monitor ane
- huremüehsame Stromunterbrechigschnopf bi dr Servicetür und meischtens lärmende Ventilugger vom Netzteil (in 90% vo de andere Cabs hets au kei so Seich drin)
- vil Problem mitem Chassis wo denn sälbscht erfahreni Radio/TV-Elektriker ratlos sind
- 80% isch us Plastik an däm Teil

Spieglet sich jo au im Priis vom Blast wieder => für en Trisync isch das Ding ziemlich günschtig z'ha ...

Ja diä Luutsprächer händ halt Sickene ...wiä bi allne andere Cabs, chönd au diä kabutt gah.
Ganz eifach Luutsprächer ersetze.

Gstabig? ...hät ja Redli unedrah, schwer isch er halt will ebe nöd alles us Plastik isch, inwändig ischer Massiv wiä Satan. d'Potis han ich vorne im Panel ine und Kabelsalat? ...chunnt halt druff ah was de Vorbsitzer gmacht hät aber sust häsch eifach ein Jamma-Ahschluss wiä bi allne andere Cabs. Monitor hätter de best Trisync drin wo's gitt und de Ventilator macht jede Lärme wänner dure isch, das passiert bi jedem Cab irgendwännmal.
Was aber würkli besser sii chönnti isch d'Empfindlichkeit vom Panel - diä Riss wo erwähnt häsch, wämmer aber nöd wiä wild drahumestränzt dänn entsönd diä garnöd erst.

Ich glaub du häsch eifach en zimmli schlächt zwäge Blast becho

ehrlich gxeit findi de blast au nöd de blast.

Muesch halt mal ame guete spille, diä blastet di weg

Eigentlich bini z'müed zum schribe, aber ich chas nid loh.

Marco_in_motion hat geschrieben:Ja diä Luutsprächer händ halt Sickene ...wiä bi allne andere Cabs, chönd au diä kabutt gah.
Ganz eifach Luutsprächer ersetze.

Ja aber anderi Cabs händ würklech Standardlutsprächer wos zuedem au no entsprechend Platz het zum sonigi mit es bitzli andere Mass z'montiere. Bim Blast sinds aber sehr schmali, dört hesch so oder so kei Platz und dementsprechend kei grossi Uswahl wenn si ersetze muesch. Git au es paar threads wo Lüt die gliche Problem gha händ und nid so eifach Ersatz gfunde händ - schint also eh Schwachstell bim Blast z'si.

Usserdem isch für mich de ach so tolli Sound bim Blast keis Argument. Bass heter glich z'wenig => an es Cab ghört so oder so es gschits 2.1-Syschtem und das vöglet denn die Fuzzespeaker im Blast mit links.

Marco_in_motion hat geschrieben:Gstabig? ...hät ja Redli unedrah, schwer isch er halt will ebe nöd alles us Plastik isch, inwändig ischer Massiv wiä Satan.

Hesch schomol in Din Blast glueget ? S'Einzigi wo dört "massiv wie Satan" isch wär dr Sockel- dä isch nämlich us Metall. Und dä isch in so hässlicher Roschtschutzfarb grundiert. Dr Räscht (abgseh vo es paar Türli und Chliteili) isch us Plastik.

Ich ha doch scho einigi Cabs gha (Jaleco Pony Mark II 28, SNK Candy 18 und 25, SNK Super Neo 29, Taito Egret 2 und 3, Namco Consolette, Royal Video , Sega Naomi) und ha die Dinger alli im Auto transportiert. Und dört isch halt dr Blast mit Usnahm vomene Naomi für mich am gstabigschte gsi bzw. het relativ blödi Mass. Klar, wenn er emol stoht spielts eh kei Rolle meh.

En Blast isch fascht 50 cm tiefer als es Super Neo 29 Type I und het annähernd 10 kg meh uff de Rippe obwohl am Super Neo vil meh us Metall isch ...

Marco_in_motion hat geschrieben:d'Potis han ich vorne im Panel ine und Kabelsalat? ...chunnt halt druff ah was de Vorbsitzer gmacht hät aber sust häsch eifach ein Jamma-Ahschluss wiä bi allne andere Cabs.

Ich red vo de Potis uf em Chassis und nid vo dene für d'Standardistellige uffem remote board under em Control Panel wo Du meinsch. Wenn de wotsch es bitzli Finetuning an dr Geometrie und dr Konvergenz betriebe denn muesch zwangswis an die Potis uffem Chassis ane. Und dr Blast het überdurchschnittlich vil Problem mit dr Geometrie und Konvergenz oder wotsch das au bezwifle ?

Hesch schomol es reins Jamma-Cab gha ? Dört hesch würklech en mega eifache Kabelbaum wo fin süberlich verlegt isch. Dr Blast isch aber wenn's mer richtig isch standardmässig uf Model 3 verkablet wo jetzt würklech kei Sau brucht und wenn denn Jamma oder JVS wotsch, denn bruchsch entsprächindi Kabelbäum wo denn frei im Cab umelieget. Und die sind wiederum an däm blöde I/O-Board agschlosse wo in andere Cabs au nid hesch.

Marco_in_motion hat geschrieben:Monitor hätter de best Trisync drin wo's gitt und de Ventilator macht jede Lärme wänner dure isch, das passiert bi jedem Cab irgendwännmal.

Dr springendi Punkt isch, dass die meischte andere Cabs halt gar kei Ventilugger händ => folgedesse cha au nüt lärme. Au en nagelneue Ventilator macht meh Lärm als gar keine ...

Ich hat jo gseit, dass es en super Trisync-Monitor isch. Aber bzgl. Low Res chaner gäge en Nanao MS8/9 glich abkacke. Das händ ebe vill nid begriffe - es git kei eierlegendi Wollmilchsau bi de Trisync-Monitore. Und will die Trisyncs denn meischtens bzgl. Lochmaske etc. uff High Res optimiert sind, cha s'Bild in Low Res niemols so guet usgseh wie bimene reine Low Res Monitor vo de Spitzeklass.

Marco_in_motion hat geschrieben:Was aber würkli besser sii chönnti isch d'Empfindlichkeit vom Panel - diä Riss wo erwähnt häsch, wämmer aber nöd wiä wild drahumestränzt dänn entsönd diä garnöd erst.

Wenigschtens ein Punkt, womer glicher Meinig sind.

Marco_in_motion hat geschrieben:Ich glaub du häsch eifach en zimmli schlächt zwäge Blast becho

Das isch scho möglech - aber ich ha nid nume ein Blast gha sondern sicher öppe 5 Stück und ich has bi allne de glich Seich gfunde. Bzgl. Vilsitigkeit isch en Blast aber sicher es sehr guets Cab.

Trotzdem würd mi Dini Meinig wunderneh, werum denn Blasts relativ günschtig sind im Verglich zu andere Cabs ?

lol du hassisch das Cab ja regelrächt

Wo ich mit Candy's ahgfange han häts a verschiedenige Egge gheisse, chauf Blast City, hät beste Sound und beste Monitor drin. Also hani diä kauft, han niä Lämpe gha ussert jetzt mal en Recap vom Chassis mache, darum hani dis Kit bstellt.
Ob's jetzt Gstabig sind oder nöd isch mer echt gliich will en Arcadechaste umeträge isch so oder so scheisse. Mir gfallt s'Abgschlossene Design vom Blast und s'Marquee isch schön integriert.
Egret2 wär au in Frag cho aber woni mir dänn vorgstellt han wiäni dete jedesmal de Moni mues cheere wänni mal es anders Game wott spille häts mi grad ahgschisse und vorallem hani alli Frequenze welle ahänke.
Dänn hät mi a anderene Cabs d'Position vo de Boxe gnervt ...es hät eifach immer usere Bestimmte richtig tönt, de Blast schreit eim frontal ah, das hättmer gfalle.

Jede Röhremoni hät Konvergänzproblem, es gitt kei Röhre wo nöd irgendwo irgend e Unstimmigkeit hät vorallem bi de Konvergenz, höchstens bvm und klar de Nanao MS29/31 hät villicht echli schlächteri Egge als anderi aber das isch echt en huere chliine Bereich und du formuliersch es grad eso als wär er würklich en totale Fail-Monitor, däbii isches sunneklar das sone alti Technologie nöd i jedem Frequenzbereich absoluti Masterclass sii chan, däfür chasch aber au 31khz und 24khz pcb's spille und det tuet dänn halt jede 15khz only Monitor gnadelos abkacke willers schlicht und eifach nöd chan. Ich han alles welle chönne ahänke also isch de Fall klar gsi besides that bini scho paarmal gfräget worde warum mini Monis so guet uusgsehnd und ehrlichgseit weissis nöd, ich han diä mal vom Hyun Soo becho.

Bezüglich Speaker: ja klar häsch e begränzti Uuswahl wägem Mass, han aber gliich i de CH i 15min. vo Visaton passendi Speaker gfunde und ich känne keis Cab wo original es 2.1 dinne hät. Was es bim Blastcity uusmacht isch d'Position vo de Speaker. Sind schön uf Ohrehöchi, känne keis Cab wo das sust hät ussert dä Blastcity-Clone Xiong-Ba oder wiäner heisst.

Warum das Villi Blastcity's so günstig sind chani dir nöd säge, villicht will's vill gitt? isch ja nöd e Rarität wiä es Irem Madonna. Villicht aber au will's kei umehät wo würklich guet zwäg sind? ...gsehsch ja nur no abegruecheti Chistene.

Mir gfallt er nach wie vor aber ich bin kein Blast Nazi nur willi Blast han, han au zwei new net city's und diä töned eifach nöd so guet wiä Blast. Mir isch wichtig was mir s'Cab gäh chan wänns fertig refurbished isch und dete staht und das erfülled mini Blasts für mich meh als uusreichend. Vorallem wägem Sound

Du bisch en luschtige Cheib - ich gang uff jedes Argument vo Dir einzeln iih, aber Du seisch nüt meh zu de Potis uffem Chassis, em Kabelsalat, em Ventilugger wo andere Grät gar nid benötiged und em Ghüüs wo total us Plastik isch. Gut, denn mach ichs au eso durchmischt

Ich hass de Blast gar nöd - ich gsehs eifach ohni Emotione. Du redisch halt vo Design und Position vo de Speakers - das isch aber subjektiv (nid jede liebts, wenn em de Sound so in d'Frässi blost). Objektivi Argument sind: Gwicht, Grössi, Lutstärki im "Leerlauf", Fehleraffäligkeit vom Monitor, Konvergenz usw, d.h. Sache womer klar mässe cha. Und dört schnidet dr Blast halt überall ener schlächter ab als anderi Cabs mit 29-Zöller. Wenn mer natürlich unbedingt en Trisync brucht denn gits wenig Alternative, scho klar ...

Natürlich het bauartbedingt kein CRT e perfekti Konvergenz aber bim Blast ischs halt bsunders extrem. Gisch mol Convergence issue oder so bi Google iih und es chömed siitewis threads, aber z.B. bimene Astro oder Aero City praktisch keini. Villicht hesch Du tatsächlich es Juwel chöne erwärbe aber das repräsentiert halt nid dr Durchschnitt. Es isch eifach nüm die glichi Qualität gsi wie e Generation früener - ich bi totale Nanao-Fan aber bi dere Generation hends eifach en Seich abgloh.

Astro Citys git's au sehr vil und die sind au oft abegruecht und trotzdem chuum günschtiger wie en Blast obwohl Astros d'Speakers gemäss Dir am falsche Ort händ und nume Low und Mid Res beherrsched ...

Bzgl. Speaker hani jo nid behauptet, dass es Cabs mit 2.1-Syschtem git. Sondern, dass bi jedem Candy dr Bass relativ schlächt isch (au bim Blast) und drum für mich d'Nachrüschtig vomene 2.1-Syschtem so oder so es Muss isch. Und wenn mer do es hochwärtigs nimmt, denn wärded halt die relativ billige Originalböxli vom Blast doch no um einiges übertroffe. Mach doch mal bimene Net City sones 2.1-Syschtem ane, ich glaub denn bisch nochher ener enttüscht vom Sound bim Blast ...

Schlussendlich isches jo super wenn Dir de Blast so passt und uns verbindet die glichi Lideschaft ...

Now for the unfortunate bit: these monitors are also notorious for the "black goop of death", named because many of these monitors start leaking a thick fluid from the flyback, and the chassis may eventually suicide. However, it is important to note that many monitors have the "death goop" and still work fine, so it is questionable what part the goop actually plays and what the signs mean. And if your chassis is unfortunate enough to die, there are drop-in Wei-Ya and Rodotron monitors that will replace it, although the picture quality of course doesn't quite match the Nanao. Another important note is it is very common to find burn-in on the Nanao's Toshiba tube, for whatever reason.

https://hard--candy.com/candy/Blast_City" onclick="window.open(this.href);return false;

Ich han au en Blast City und wird en trotzdem bhalte

spannend, was fangt den döt ah abelaufe ? nimm mal a das dur wärmi was schmilzt. ha uf dnschnelli keis bild gfunde

ich find d ponies am beschte.

wieviel Jahr suechsch jetzt scho es Pony

De Vectrexler
Sorry, ich bin gester scho huere uf de Schnurre gsi, drum bini nur no uf das ihgange woni grad ohni nahdänke ha chönne beantworte. Wirsch sicher Rächt ha mit allem, ich chas nöd mal beurteile willi bis jetzt nur blast's und New Net City's gha han. Ich han eifach a anderne Cabs zockt und has nöd als besser empfunde.

Ja Du hesch rächt - wenn Du lediglich en simple Enduser bisch denn falled Dir die Pünkt natürlich nid uf ...

Also wenn chunnsch jetzt de Monitor cho aaluege, in dere Zyt wot jetzt umeandgschribe hesch wärsch scho lang bi mir gsi ...

vectrex hat geschrieben:Ja Du hesch rächt - wenn Du lediglich en simple Enduser bisch denn falled Dir die Pünkt natürlich nid uf ...

Also wenn chunnsch jetzt de Monitor cho aaluege, in dere Zyt wot jetzt umeandgschribe hesch wärsch scho lang bi mir gsi ...

Ich bi doch am schaffe di ganz Ziit ...aber weisch was? häsch es paar Bilder vom Moni woner am laufe isch? wär no geil per pn, dänn chani dir grad zuesäge.

Zoran hat geschrieben:wieviel Jahr suechsch jetzt scho es Pony

ich han ja eis. wot no es zweits.

weles häsch es chlises oder es grosses...mier gfallt sPony nöd...bin mal es chlises mitem Clay go hole und hans dänn gse und usprobiert

han es grosses mit drehmechanismus.

ah cool