The(G)Forum

Ich würd gerne mitmachen. Konnte damals leider nicht, weder bei Sidusson, noch bei Shadow. =(
Was nimmt ihr eigentlich mit zum gamen etc. und wie siehts aus mit der Verpflegung?
Ich könnte MD2, SNES, NES mitnehmen.... oder falls jemand Interesse hat einen revidierten Win95 Rechner mit Röhrenmonitor und diversen Hits wie DooM, Wolfenstein 3D, Secret of Monkey Island, Leisure Suit Larry...

Ich nimm mol aa, dass endi September dr Winter kunnt (me weiss jo nie)...falls das dr fall wird sii, denn wird gmietlich Raclette gmampfet.
Sunnnscht isch meischtens en Grill verusse am laufe und me kha sini sache wo me sälber tuet mitbringe druff schmeisse und griliere.

Ich nimm meischtens min N64, min MegaDrive und es paar 3DSs mit. Aber glaub mir. Nimm nid zviel mit. dErfahrig hett zeiget, dass, wenn du am Garou Tunier tuesch mitmache, du praktisch nur bi dem TV tuesch ummelungere. Einigi vergrabe sich aber au in dr Pixel Wält und zocke es Zelda oder es RPG und anderi hocke vor eme StreetVighter Bildschirm. Es PCE Tennis Turnier darf au nid fähle...wie au dr Avenger nid, wo sis 3DO oder Jaguar tuet uffstelle (immer es Highlight!)
TVs muesch nid mitbringe...hetts gnueg vor Ort.
Glaub mr...du kunnscht immer zum zocke. Gitt immer es "Statiönli" wo me sichs kha gmietlich mache.
Sunnscht gitts (wenn au immer wie seltener) cooli 3DS MP Matches wie Tetris, MarioKart,Meteos und anderes.
Die ganz Stimmig isch eifach u huere gmüetlich und locker und eifach Family like! Es isch eifach

jep wie dr raw gseit het, nume konsole wode unbedingt wosch spilä mitnäh, dr räste isch vor ort vorhande. Ässe chasch mitnäh, het e grill oder vor ort chasch chli snacks choufe u ds trinkä ou für good prize

wär kool chli nöis bluet ds gseh

Letscht Mal hanis leider nid gschafft, dumm, aber das Mal setts klappe. Nimme PCE mit paar Hueys mit.

sehr guet

bin au defintiv vrbii...d schultere isch zu 80% geheilet und dfrou hett dehei en Fraue/Kinder Obig...d.h i bi ab de 6i/halb7ni uff dr matte. *pfroi*
Wiiu nimmi o no mit.

so isch fein!

so ab de 5-6i itrudle wär super, nid früecher

werd au wieder döte si. Also zumindest sicher a de Börse. Also falls wer no e PS1 game will, eifach Bscheid ge.

Krass bumpliz mann

DeftOne hat geschrieben:werd au wieder döte si. Also zumindest sicher a de Börse. Also falls wer no e PS1 game will, eifach Bscheid ge.

brings DK64 u Zelda

sidusson hat geschrieben:

DeftOne hat geschrieben:werd au wieder döte si. Also zumindest sicher a de Börse. Also falls wer no e PS1 game will, eifach Bscheid ge.

brings DK64 u Zelda

Chani dir scho separat mitbringe.

@sidu: Vergiss nid mi WiiU GameTab

sure thing

Kann mir bitte jemand die genaue Adresse für GPS schicken? Sonst muss ich noch halbe Stunde in alten Threads suchen. Gefunden. ^^

P.S. Komme leider nicht an die Retrobörse diesmal, muss bis um 15 Uhr arbeiten und dann noch eine Stunde fahren... Dafür bin ich am Abend dabei.
Falls jemand einen absolut einwandfreien, originalen SNES-Controller sieht - ich könnte einen gebrauchen. Es regt mich extrem auf, wenn man irgendeine Taste stärker drücken muss als die anderen. (In meinem Fall ist das Problem bei beiden Controllern vorhanden bei der Taste -->)
Bin auch bereit etwas dafür zu bezahlen.

Ich kha leider au nid ad Retrobörse kho (schaffe au bis nach em Mittag). Interessiere würd mi vor allem aber en GBA mit Backlight...aber s alte Modell (liegt glaubs besser in dr Hand, oder?) Klar gitts die nid als Original sondern in ere gmoddete version.
NES sowie PCEngine, DC und wiiters züggs würde mi au interessiere *seufz*
Schad, wird die Börse nid amene Sunntig duuregführt. Janu

Me gseht sich aber zobig.

apropo....Isch e Raclette Mampf erwünscht?

Raclette wär super.

Ok, nimmi demfall es Öfeli und Herdöpfu mit.

Stinkt ja nachher de ganzi Retro Stuff

jä, tuesch du denn nie s Fett vom Chäs ufffange und denne d Retro sache demit iiriebe? Besser als jedes Öl im fall

elnino hat geschrieben:Stinkt ja nachher de ganzi Retro Stuff

ja und? wenn de grümpel eh niä verchaufe wotsch, isch es hans wiä heiri.

Um sicher zu gehen, ist das richtig so? Laut Google ist es Köniz und nicht Gasel.

Isch z Gasel bi Köniz.

Isch no iisi gxi. Eifach die genau gliche Lüt wiä vor es paar Mönet und eigentlich au die gliche Games.

Naa, leider het de Japan-Händler us Wil gfehlt. De het wenigstens Qualität vom Gameagebot no ziemli ghobe.

DeftOne hat geschrieben:Naa, leider het de Japan-Händler us Wil gfehlt. De het wenigstens Qualität vom Gameagebot no ziemli ghobe.

de jimport? isch eine vo de meh bessere gsi letscht mal