The(G)Forum

zeromeier hat geschrieben:

evo hat geschrieben:Mir machts eifach rächt viel freud videogames zsammle, und digital ischs halt nit halb so lustig

macht sinn, wenn meh gern sammlet, isch das natürlich ärgerlich.

ich han froid, möglichscht wenig war zbsitze, bsitz bindet nur. vorallem bsitz, womer nöd eifach im negschte Lade ersetze.

Andersits ischs au ok wenns mol e cut git und mer nüm 'mues' neui konsole sammle wils nur no digital git.
Mim bsitz hesch natürli rächt, wemers nur uf bstimmti bereich ahwändet gohts no. Ich kompensier bi kleider, möbel, fahrzüg, elektronik wo nit zum spieli abspiele isch

evo hat geschrieben: Ich kompensier bi kleider, möbel, fahrzüg, elektronik wo nit zum spieli abspiele isch

fair enough, ich han die sache no gern, gib aber au nöd unsumme us. bi all dem kram isches s'glich: hesch 2 wuchä froid und nachher hetsches grad so guet nöd chöne chaufe. usserd es bequems sofa und en geile tv

zeromeier hat geschrieben:

evo hat geschrieben: Ich kompensier bi kleider, möbel, fahrzüg, elektronik wo nit zum spieli abspiele isch

fair enough, ich han die sache no gern, gib aber au nöd unsumme us. bi all dem kram isches s'glich: hesch 2 wuchä froid und nachher hetsches grad so guet nöd chöne chaufe. usserd es bequems sofa und en geile tv

ha früener au gärn gsammlet. irgendwänn hani aber de sinn nüme so gseh all das zeugs umestah zha... speziell nach de ifüehrig vo de LCD HD-TVs. sBild isch eifach kacke und es isch en riese ufwand (und gäld) zums wieder schön zmache. da schmeiss ich lieber min EMU ah ufem PC, wenni bitz retro-feeling will.
sitt xbox 360 sammli nüt meh. min chäller isch aber no voll mit collectors editions (woni jetzt au lieber alli wäg hätt)...

uf ricardo mit dem zügs. denn chasch wieder en tt chaufe.

evo hat geschrieben:Mir machts eifach rächt viel freud videogames zsammle, und digital ischs halt nit halb so lustig

Gaht mir gnau glich, bin halt au en Sammler, daher woti immer alles chöne i mine Händ hebe.

Uslehne tueni Gamestuff nöd, hani bis jetzt nur schlechti Erfahrige gmacht. D'Games oder Hüllene immer verchratzet zrugg becho.

Master(G) hat geschrieben:ha früener au gärn gsammlet. irgendwänn hani aber de sinn nüme so gseh all das zeugs umestah zha... speziell nach de ifüehrig vo de LCD HD-TVs. sBild isch eifach kacke und es isch en riese ufwand (und gäld) zums wieder schön zmache. da schmeiss ich lieber min EMU ah ufem PC, wenni bitz retro-feeling will.
sitt xbox 360 sammli nüt meh. min chäller isch aber no voll mit collectors editions (woni jetzt au lieber alli wäg hätt)...

ich ha au e phase gha woni dänkt ha es stoht nur umme, aber jez tueni eigentlich jedi wuche mehrmols öppis usem regal fische und ihlegge. finds halt nice ufe bibliothek zrugzgriffe wo über johrzänte hinwäg pflegt und personaliesiert worde isch. bim umstecke hani genau s umgekhert problem, de huere wiiu goht nur an de flache aber jessesgott, die 3 minute zum schnäll dr tv ins ander zimmer stelle oder s nötige kabel usere kischte zkrame nimm ich mir denn halt.

evo hat geschrieben:die 3 minute

evo hat geschrieben:dr tv ins ander zimmer stelle

evo hat geschrieben:s nötige kabel usere kischte zkrame

ihr schaffed zviel, denn het me nit mol mehr 3 minute zit übrig für sone kleinigkeit. close mensch

wobi äbe gnau das "us de schachtle näh, kabel sueche, umstecke, evtl. tv umestelle" will ich au ned mache. isch mer zmüehsam. bi mier muess alles süüberli agschlosse und ready-to-play si, suscht bringt das nüt. kabelsalat hassi au!

weisch, wenni die 3 minute mol ufgwändet ha denn ich mi setup redy to play bis spieli dure isch oder ich mi eme andere wittme wot. Multiscart adapter und stomlischtene hani au umme.

aber isch ebbe ok, passt ins bild vo de westliche kultur. kei minute zit me ha für gar nüt und alles schön ufgruumt und griffbereit. das isch hochkultur

Evo +1

ich han aber meh wie gnueg ziit für alles .... und schaffe überhaupt ned zviel.

muesch ja nur mal luege wie viel ziit ich mit game "verschwände"

weni mich in min gameroom zrugg zieh, will ich äne sitze und gnüsse und ned no stundeland umebastle bis es los gaht.

ich han min gameroom eifach gern ordentlich und uufgruumt. so bini. hett nüt mit "kei ziit ha" und "hochkultur" ztue.

ich finds aber total lässig, dass es no settig wie dich gitt... so richtigi retro-fans wo alles original händ. ich finds mega wäg säbem!

Master(G) hat geschrieben:ich han aber meh wie gnueg ziit für alles .... und schaffe überhaupt ned zviel.
so bini. hett nüt mit "kei ziit ha" und "hochkultur" ztue.

voll easy
aber isch doch genau so verständlich wenn sich öpper nit zschaad isch die minute ufzwände? ich has ebe gärn irrational und uneffektiv

ja sicher!

evo hat geschrieben:ihr schaffed zviel, denn het me nit mol mehr 3 minute zit übrig für sone kleinigkeit. close mensch

hed wenig mit dem ztue. wür ich so gern alti spieli spiele, würi au die 3 minute ufwände. machi aber nöd.

Ja isch ja guet, de moff het sich so echauffiert über dä minimst zitufwand für sis hobby

Ich bin au mal Sammler vo physische Kopie gsi. Irgendwenn hanis denn aber für mich als irrational und sinnlos befunde. Jetzt hani kompletti ROM-Sets ufem Rechner. I de Sammlig isch so ziemlich jedes Spiel für de NES, SNES, Virtual Boy, N64, Gamecube, Wii, WiiU, PS, PS2, Master System, Mega Drive, Dreamcast und und und. Alles isch nur no ein Klick entfernt. Ich mues nüt me lagere und de Sammlertrieb isch befridigt. Ich bin ziemlich froh drum, aber jedem das seine...

Games Hardcopy ja!
DVD & CD Nei
DVD hani scho ehwigs nüt meh kauft und bi dä CD los ich nur no Podcast vo Radio Sender. Isch gratis und guet.

Was mich ab immer meh stört bi dä Games stört das die eifach immer liebloser werdet ohni richtigi Bedienigsaleitig! Das isch sehr schad und bestimmt au en Grund wieso viel kei Wert meh uf Hardcopy leget

Abundzu en Collectors isch halt schono frisch. (DOOM)

Süsch isch downloaden halt schono gäbig du.

Zur Bedienigsaleitg. Hützutags bruchsch das als Zocker eigentlich nüme findi. Hallo Tutorial.

also wemer z.B. xbox one market place luegt wie tüür das downloads sind denn lieber hardcopy aber me bechunnt ja würklech nüme über (kes booklet usw.) ussert mer chauft sich e ultra collectors edition wo sehr viel platz brucht

Hardcopy han ich vo einzelne Games wo mir halt wichtig sind, z.T. auch wenns es als download gitt. Ich will eifach auch i 10 Jahr möglichscht grossi Chance ha, dass ich mini Lieblingsgames chan fürene und game. Es ziitli lang han i sehr viel Emus gha, aber en PC ufstarte etc. isch eifach nöd sgliche Gfühl, wie es Modul in SNES z'stecke, rational isch das nöd unebdingt (ok evtl. wege haptik etc.), drum han i hütt wieder me Original Konsole und Games, aber lang nüme so vill wie ganz früener. Platz und Kabelsalat isch uf der andere site scho es Argument wo für Download/Emu spricht.

Reinforced hat geschrieben:also wemer z.B. xbox one market place luegt wie tüür das downloads sind denn lieber hardcopy aber me bechunnt ja würklech nüme über (kes booklet usw.) ussert mer chauft sich e ultra collectors edition wo sehr viel platz brucht

Halo 5. im MM 16 Frankli, im Store 75.-

Aber paar gueti Aktione heisi scho wenn chlei chasch warte. Hmmm, bi am überlege für EA Access. 39 Fanks im Jahr, derfür paar Gratis Spiel...

LuiStyle hat geschrieben: Was mich ab immer meh stört bi dä Games stört das die eifach immer liebloser werdet ohni richtigi Bedienigsaleitig! Das isch sehr schad und bestimmt au en Grund wieso viel kei Wert meh uf Hardcopy leget

bei 3ds games isses extrem dumm.

letzthin monster hunter generation gekauft, da ist die anleitung in digitaler form....dabei waere es einer der games wo man die anleitung gut mal aus langeweile oder sonstwo lesen koennte. bei nem fps koennte ich es ja noch verstehen, aber bei rpg's oder nen etwas komplexerem spiel hab ich's noch gerne, wenn ich beim zocken noch schnell die anleitung hervor kramen kann.

I chauf wenn möglich alles als hardware.Blurays, Musig CDs und au Games.Nur mengisch sind Games per download für steam eifach viel günstiger als wenns im Lade postisch.Finds aber schad isch immer meh eifach nur no per download. Vor allem wa machsch wenn steam mol de Lade zuemacht? Chasch nix me a la SNES eifach no zocke will sGame jo gar jöd uf DVD hesch.