The(G)Forum

Min Samsung isch de UE65KU6400 gsi und das isch eifach Edelschrott. Natürlich isch dr Priis verlockend, aber au für 500.-- sFr. blibt Schrott ebe Schrott wenn de weisch wasi mein

S'Problem isch, dass LCD halt es Backlight brucht und zum trotzdäm relativ gueti Schwarzwärt ane z'becho müend denn via Local Dimming und Pipapo wieder x Umwäg gfahre wärde zum de Riesenachteil wäg zbecho. Was aber im Endeffekt glich niemols eso guet klappt wie e binere Technologie wie OLED wo ebe grundsätzlich scho kei Backlight bruucht.

D'Induschtrie isch sich sicher au durchus dene Nochteil vo LCD bewusst, suscht währed sicher nid Millione in d'Entwicklig vo Plasma (ok - isch au e Einbahnstroos gsi, aber d'Fans vo Plasma trured dere Technologie immer no noch) und OLED gsteckt worde ...

Ich ha denn stundelang Parameter verstellt um dr Schwarzwärt z'verbessere und s'Ruckle wägzbringe, was aber nie ganz klappt het. Am Schluss hetti de Seich am liebschte usem Fänschter gheit ...

Ke Plan, i boykottiere Samsung

ich boykotiere apple

übrigens hat en LCD au gwüssi Vorteil wo bimne OLED Nachteil sind, darum hani beides di heime

ach ja als Verglich söt mer nöd grad es low budged Grät ne

Zoran hat geschrieben:übrigens hat en LCD au gwüssi Vorteil wo bimne OLED Nachteil sind, darum hani beides di heime

ach ja als Verglich söt mer nöd grad es low budged Grät ne

Und was isch denn dr Vorteil vo LCD abgseh vom billigere Priis und dr längere theoretische Läbensdur (wo bi Samsung eh nüt heisst) ?

Natürlich isch dä Verglich priismässig es bitzli unfair, aber immerhin isch dr LG 65B6V dr günschtigscht OLED in 65 Zoll (und dementsprächend au Low Budget in sim Bereich). Und wenn dä scho jetzt am Aafang vo dere OLED-Technik so vill besser isch als de Samson (die sind jo scho über 10 Johr mit LCD am chnorze), denn git mir das also scho z'dänke ...

Welle vo Dine Fernseh würdsch Du denn verchauffe wenn de nume no eine chönntisch bhalte ? LCD oder OLED ?

Also da häts en gueter Beschrieb was dVor- und Nachteil sind:

https://www.heimkinoraum.de/tests/oled- ... gleich-159" onclick="window.open(this.href);return false;

Min erschte TV isch en Plamsa HD Ready gsi wo es Vermöge koschted hät und ab dänn hani regelmässig neui TV's kauft so all 2 Jahr zersch en LCD Full HD, dänn en LCD mit LED und jewills dänn immer au me Zoll und skrasse isch, dass jede neue TV besseres Bild zeigt hät, hät sicher mit de Bildbearbeitigschips und neue Technologie ztue uf jede Fall sind dLCD jetzt glaubs scho fasch am ne Endstadium aglangt, aber sind uf jede Fall top. Und ich han halt immer die türere Grät kauft wo sehr tür i de Entwicklig gsi sind und mitemne türe Pris abot worde sind. Woni dänn sfoglende Samsung Modell kauft han wo eis vo de erschte 4K TV gsi isch, han damal 2999 zahlt anstatt glaubs 5000 da muessi säge bini sehr begeischtert gsi wie besser uf dem all nöd 4K Inhalt usgsehnt...damals häts ja fascht no nüt in 4K gha und sBild uf dem TV gseht immer no guet us also bis hüt...han de immer no i de Garage als Rerserve, falls eine mal ableit oder so. Skrasse isch au, dass ich nach dem TV glaubs öpe 1 Jahr spöter für mini Cousine en 4k kauft han ohni 3d für 1200 fr isch sogar so nes Media Markt 25 Jahr Jubiläum oder so gsi und woni sBild vo dem Budged TV gse han, da bini extrem entüscht gsi, chan mer überhaupt nöd vergliche mit dem vo mier. Churz spöter hani eine vo de erschte LG Full HD kauft für 3000 anstatt 8000 und muess säge bin sehr zfriede gsi. Dänn hani das folgende SUHD Modell kauft vo Samsung was ihres Vorzeigemodäll gsi isch wo 6000 fr und me koschted hät, han aber natürli weniger zahlt:

http://www.chip.de/artikel/Samsung-UE65 ... 66538.html" onclick="window.open(this.href);return false;

Uf jede Fall schribt Chip.de zu dem er häg es exzellentes Bild und hät dafür 98.5% verge und und de Wert i dem Berich bis 100 vergäbeds sehr sälte und chasch ja au mal go luege bi de neuere Teschts was es so für QLEDS aber au für OLEDS vergäbed nur bim ne Sony 55 Zoll händs 100% ge und bim Panasonic 65 Zoll:

http://www.chip.de/bestenlisten/Bestenl ... x/id/1334/" onclick="window.open(this.href);return false;

Uf jede Fall hani nach dem sogar en 4K LG Oled kauft also de da:

http://www.chip.de/artikel/LG-OLED_55B6 ... 70039.html" onclick="window.open(this.href);return false;

und gsesch ja fürs Bild vergäbed si nur 93 %

Nach mehrere TV isch mini Meinig, dass mer beides söt ha und zum dini Frag beantworte ich würd de OLED weg ge und de SUHD vo Samsung bhalte.

Lueged uf jede Fall eu die Reviews a und mached eu sälber e Meinig.

Ach no was tuen mal usefinde was de LG OLED am Afang koschted hät woner usecho isch und de LCD.

Also han mir jetzt de Artikel über Vor- und Nachteil emol duregläse. Aber de seit eigentlich au nüt anders als ich scho gwüsst han:

"Liegen aber dunkle und helle Bildelemente sehr nahe beieinander oder bilden gar ein Muster, kann das System (Bemerkig vo mir: Gmeint sind LCDs mit Discrete LED-Control) dennoch kein perfektes Schwarz erreichen. Gutes Praxisbeispiel ist hier der typische Sternenhimmel: Da der schwarze Weltraum durch die hellen Sternenpunkte durchsetzt ist, kann die Hintergrundbeleuchtung hier nicht komplett abschalten."

Mir isch halt s'schwarz sehr wichtig, will ich vil Film lueg und dört sind Graufstuufe anstatt schwarz eifach nervtötend.

Zoran hat geschrieben:uf jede Fall sind dLCD jetzt glaubs scho fasch am ne Endstadium aglangt

Genau das mein ich ja, LCD in Fernseh het über 10 Johr Entwicklig hinter sich, und trotzdem bringes dr Schwarzwert nid perfekt ane. Das isch halt en Grundnochteil vo LCDs und au mit x-Umwäg das z'behebe wirds nid so guet wie bi OLED. Und das isch halt für mich en Killerfaktor.

Defür sind in Sache Lichtstärki LCDs im Moment no besser. Das isch villicht Dir wichtiger wenn de am tag game tuesch. Aber das tunkt mich kein generelle Nochteil vo OLEDs will d'Lüchtchraft jetzt sozsäge am Aafang vo dr Entwicklig scho sehr akzeptabel isch und nach 10 Johr Entwicklig sicher ebebürtig wenn nid besser als bi LCD si wird ...

Ich gib zue, dass min Verglich vomene LCD-Low-Budget-Modell mitem doppelt so tüüre OLED es bitzli unfair isch. Aber genauso unfair isch Din Verglich vom damalige Top-Modell (Quote Chip: "Der Samsung UE65JS9590 ist das aktuelle Top-Modell der Koreaner ...") mitem Iistiger-OLED-Modell in dr 55-Zoll-Klass ...

Zoran hat geschrieben:Ach no was tuen mal usefinde was de LG OLED am Afang koschted hät woner usecho isch und de LCD.

Das isch en unfaire Verglich. Du verglichsch e etablierti Technologie wo d'Produktionsstätt scho abschribe isch (LCD) mitere neue wo do zmitst drin isch (OLED). Fairer wär wohl wenn ich Dir säge würd: "Gang mal go usefinde was dr allererschti LCD in 65 Zoll koschtet het und was de allererschti LG OLED in 65 Zoll".

Und no interessanter wär: "Verglich mal d'Bildqualität vom allererschte LCD in 65 Zoll mit dere vom allererschte LG OLED in 65 Zoll". Weisch, uf was isch usewill ?

da häsch rächt ich game viel und liege au viel Film Blue Rays und UHDs und meischtens am abig nachem schaffe

Übrigens falls es doch en 55 Zoll chan sie....de folgedni vo Philipps isch uf Platz 3:

http://www.chip.de/bestenlisten/Bestenl ... x/id/1113/" onclick="window.open(this.href);return false;

da no de Tescht zum dureläse:

http://www.chip.de/test/Philips-55POS90 ... 96584.html" onclick="window.open(this.href);return false;


Bi Fuscht jetzt 1699

https://www.fust.ch/de/p/tv-foto-games/ ... lsrc=aw.ds" onclick="window.open(this.href);return false;

Sony hät uf jede Fall am beschte abgschlosse, aber de 65 Zoll OLED choschted immer no Fr. 3650