The(G)Forum

Het die mit em Crazy blick gschpilt wo dr Marschel e moll datet het.

De Hurley, besser wär er immer drby. und die blond au

e super folg gsi! himym meets lost. MEGA! was git's besseres?

"I was on that island for a long time"

GENTLEMAN! BLITZ! AWWWWWWWWWWWWWWWW!

give me some numbers...... rat mal weli zahle dä Hurley ufzählt hät !

Dragon hat geschrieben:"I was on that island for a long time"

da hani ou rächt müesse loole

gueti foug gsi!

D Episode 7

jede het gwüsst was under der Bettdecki isch. Ig ha trotzdem müesse lache.

i sött gloub mau mit dr season 6 afah...

Wieso lueged ihr die scheisse no?

D Serie isch immer no lustig. Nüm so hammermässig wie die erste paar Seasons, aber immer no guet.

season 6 findi wieder rächt guet! bi itz bi 06/12 und hami paarmau schier vergröhlet!

s06e14 (also die neuschti) hani geschter gluegt. hei isch die schlächt! d witz sind so erwzunge, plump und schlächt gsi. bi richtig hässig gworde. wenni e comedyshow lueg, willi nid so härzerwärmends züüg gseh. abfahre!

Ich han grad letschti in Norwege wieder es paar Folge gluäget, bin nöd ganz aktuell aber so ca. 2/3 vo dä aktuelle Folge vo derä Staffle hani gluäget. Es fühlt sich scho chli abglutscht ah, aber trotz allem hani s'Gfühl es hät wieder rächt dä Rank gfunde und isch besser worde. Finds ämel easi zum luäge; nöd?

Und ich vermisse s'85 Siite lange HimyM Topic.

ich han mich komplett verschätzt bi dere serie. sit ich immer wieder mal driizappe im färnseh find ichs voll luschtig. das türli querbeet dur d'staffle je nach sänder aber isch egal. irgendswie hett me gliich de überblick. de prä-suit barney als hippie, d'robin als teenie popstar und "der nackte mann" = highlights.

dä stefan kaufmann aka thegame seits richtig, isch so ä serie wo mehr lueget bim birchermüsli ässe am abig!liechti chost, paar lacher, sympatischi charaktere und meischtens gudde laune.

es isch vilech sogar besser als - gasp! - Friends.

zwirrlibatz hat geschrieben:es isch vilech sogar besser als - gasp! - Friends.

Whoooot? Das vo dir :fragezeichusruefezeicheusruefezeiche:

i finges immerno eini vode beste seriä evooor. true story.

Trunks hat geschrieben:

zwirrlibatz hat geschrieben:es isch vilech sogar besser als - gasp! - Friends.

Whoooot? Das vo dir :fragezeichusruefezeicheusruefezeiche:

:nurfragezeiche:

Will du A: ebe Fründe sehr ä guäti Serie gfunde häsch (mag ich mich richtig erinnerä oder) und dir ebe B: dä wiä ich dini Mami känneglernt han nöd ä sooo super gfalle hät. Also am Afang.. Drum bini grad chli überrascht gsi. Aber isch natürlich super.

sind eifach beid luschtig. ich lueg gern so easy chabis. Mad About You zbsp sehr super, en älteri perle, uhuereguet gschriebe. und d'Nanny, sowieso brillant, aber au Hinterm Sofa an der Front, Seinfeld, King of Queens, die mit em Jim Belushi, dä Two and a Half Men natürli und wie hett die fantastisch serie gheisse mit em typ und em plüschhas im chäller une? Kabel1 für dä gwünn! de Findeuesmami isch ei wiiteri drvo. die sind alli fraglos 1a gschriebe und gspielt, natürli ischs e anderi wält als hochklassdrame wie Mad Men, SFU oder Sopranos. dasch e anderi vision drhinder aber nichtsdestotrotz.

Auf Schlimmer und Ewig, super dä Mr. Floppy.

Ich find d'Wält isch ebe genau durch söttigi Serie es stückli besser. Ich merks immer wieder wänn ich Serie wiä Breaking Bad luäge (guät detä hani nur grad diä ersti Staffle gluäget), es isch ca. 409874309837 mal besser, gschiider und aspruchsvoller.. Aber es zieht eim nacher abe. Ich bin liäber s'Bambi us em Disneyfilm wo in LSD Farbe tanzed als diä bösi Frau mit em Öpfel wo diä heissi Prinzässin wot vergifte will ihre dä Spiegel gseit hät sie segi nöd schöner als die.

Trunks hat geschrieben:Auf Schlimmer und Ewig, super dä Mr. Floppy.

Ich find d'Wält isch ebe genau durch söttigi Serie es stückli besser. Ich merks immer wieder wänn ich Serie wiä Breaking Bad luäge (guät detä hani nur grad diä ersti Staffle gluäget), es isch ca. 409874309837 mal besser, gschiider und aspruchsvoller.. Aber es zieht eim nacher abe. Ich bin liäber s'Bambi us em Disneyfilm wo in LSD Farbe tanzed als diä bösi Frau mit em Öpfel wo diä heissi Prinzässin wot vergifte will ihre dä Spiegel gseit hät sie segi nöd schöner als die.

Isch lustig, geit mir genau gliich. Ev. bini eifach z'empathisch oder cha mi eifach nid distanziere, aber so Drame wie Breaking Bad cha ig mr fasch nid aatue, wöui huere liide. Isch es bitz wie Arrested Development. Finde d'Serie uhuere guet und ou rächt lustig, aber i chume mit dr Kaputtheit vo de Charaktere nid klar. Gnauso wieni ufghört ha mit Lost luege, wöu's mi ou so abezoge hett. Bi e huere Pussy dört düre...

loul breaking bad verstahni ja no aber arrested development? loul.

Ja, isch scho chly komisch.
Aber i finde Güeti, Erkenntnisbereitschaft und subsequenterwiis ou d'Bereitschaft, us Fähler z'lere und a sech z'schaffe enorm wichtigi Eigeschafte. Und absolut niemer ussert dr Bateman hett das i dere Familie. Aues bösartigi, gemeini, rücksichtslosi und egozentrischi Arschlöcher.

Grad d'Mueter und die blondi tribe mi fasch i Wahnsinn, so dasi nach nidmau 10 Fouge ha müesse ufhöre. Drame wie Mad Men zeige ja ou Abgründ, aber dert si d'Charaktere wäsentlech viuschichtiger zeichnet und aues isch es Stück weniger überdräiht - klar, isch ja ou es anger Genre, aber gliich.